امور داخلہ اور باہمی تعاون کے مرکزی وزیر  جناب امیت شاہ نے کہا ہے کہ وزیر اعظم جناب نریندر مودی کی قیادت میں مرکزی حکومت نکسلیوں کے خلاف پوری شدت کے ساتھ کارروائی کر رہی ہے ۔

چھتیس گڑھ میں سیکورٹی فورسز کے ذریعہ آج دو الگ الگ آپریشنوں میں 22 نکسلیوں کے مارے جانے کے بعد، ایکس پلیٹ فارم پر ایک پوسٹ میں جناب امت شاہ نے کہا کہ آج ہمارے سپاہیوں نے ’’نکسل مکت بھارت ابھیان‘‘ کی سمت میں ایک اور بڑی کامیابی حاصل کی ہے۔ چھتیس گڑھ کے بیجاپور اور کانکیر میں ہماری سیکورٹی فورسز کی دو الگ الگ کارروائیوں میں 22 نکسلائیٹ مارے گئے مودی حکومت نکسلیوں کے خلاف بے رحمی سے آگے بڑھ رہی ہے اور ہتھیار ڈالنے سے لے کر شمولیت تک تمام سہولیات کے باوجودنکسلی خودسپردگی نہیں کررہے ہیں ان کے خلاف مودی سرکار زیرو ٹالرنس کی پالیسی اپنا رہی ہے۔ اگلے سال 31 مارچ سے پہلے ملک نکسلیوں سے پاک ہونے والا  ہے۔

وزیر اعظم جناب نریندر مودی کی قیادت میں اور مرکزی وزیر داخلہ جناب امیت شاہ کی رہنمائی میں، نکسلزم کے خلاف زیرو ٹالرنس کی پالیسی کی وجہ سے، سال 2025 میں اب تک 90 نکسلائیٹس مارے گئے، 104 کو گرفتار کیا گیا اور 164 نے خودسپردگی کی۔ سال 2024 میں 290 نکسلائیٹس کو بے اثر کیا گیا، 1090 کو گرفتار کیا گیا اور 881 نے خودسپردگی کی۔ اب تک کل 15 سرکردہ نکسل لیڈروں کو بے اثر کیا جا چکا ہے۔

سال 2004 سے 2014 کے درمیان نکسلی تشدد کے کل 16,463 واقعات ہوئے جبکہ مودی حکومت کے دور میں 2014 سے 2024 کے درمیان پرتشدد واقعات کی تعداد 53 فیصد کم ہو کر 7,744 ہو گئی ہے۔ اسی طرح 1851 کے مقابلے میں سیکورٹی فورسز کی ہلاکتوں کی تعداد 73 فیصد کم ہو کر 509 ہو گئی اور عام شہریوں کی ہلاکتوں کی تعداد 4766 سے 1495 تک 70 فیصد رہ  گئی ہے۔

سال 2014 تک کل 66 قلعہ بند تھانے تھے جب کہ مودی حکومت کے گزشتہ 10 سالوں میں ان کی تعداد بڑھ کر 612 ہو گئی ہے۔ اسی طرح، 2014 میں، ملک میں نکسل سے متاثرہ 126 اضلاع تھے، لیکن 2024 میں، سب سے زیادہ متاثرہ اضلاع کی تعداد گھٹ کر صرف 12 رہ گئی ہے۔ گزشتہ 5 سالوں میں کل 302 نئے سیکورٹی کیمپ اور 68 نائٹ لینڈنگ ہیلی پیڈ بنائے گئے ہیں۔

*****

U.No;8614

ش ح۔ح ن۔س ا