ସୂଚନା ଓ ପ୍ରସାରଣ ମନ୍ତ୍ରଣାଳୟ
ହଂକଂ ଫିଲ୍ମମାର୍ଟରେ ଭାରତ ପାଭିଲିଅନର ଐତିହାସିକ ପଦାର୍ପଣ
ହଂକଂରେ ପ୍ରଥମ ଭାରତ ପାଭିଲିଅନକୁ ଉଦଘାଟନ କରିଛନ୍ତି ଭାରତର କନସୁଲ ଜେନେରାଲ
ପାଭିଲିଅନ୍ ଭାରତୀୟ ଚଳଚ୍ଚିତ୍ର ପାଇଁ ବିଶ୍ୱସ୍ତରୀୟ ଭାଗିଦାରୀର ନୂତନ ଯୁଗକୁ ପ୍ରତିନିଧିତ୍ୱ କରୁଥିବା କହିଛନ୍ତି ଭାରତର କନସୁଲ୍ ଜେନେରାଲ୍ ମହାମହିମ ସୁଶ୍ରୀ ସତୱନ୍ତ ଖାନାଲିଆ
Posted On:
19 MAR 2025 6:10PM
|
Location:
PIB Bhubaneshwar
ମୁମ୍ବାଇ, ୧୯/୦୩/୨୦୨୫ : ବିଶ୍ୱ ସ୍ତରରେ ଭାରତୀୟ ସିନେମା ପାଇଁ ଏକ ଗୁରୁତ୍ୱପୂର୍ଣ୍ଣ ଅବସରରେ ପ୍ରଥମ ଥର ପାଇଁ ଭାରତ ପାଭିଲିଅନ୍ ସମ୍ମାନଜନକ ହଂକଂ ଆନ୍ତର୍ଜାତୀୟ ଚଳଚ୍ଚିତ୍ର ଏବଂ ଟିଭି ମାର୍କେଟ (ଫିଲ୍ମମାର୍ଟ) ରେ ପଦାର୍ପଣ କରିଛି। ଅନ୍ତର୍ଜାତୀୟ ଚଳଚ୍ଚିତ୍ର ଏବଂ ଗଣମାଧ୍ୟମ ଉଦ୍ୟୋଗରେ ଭାରତର ଉପସ୍ଥିତିକୁ ସୁଦୃଢ଼ କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ସ୍ୱରୂପ, ହଂକଂ ଏବଂ ମାକାଉସ୍ଥିତ ଭାରତର କନସୁଲ ଜେନେରାଲ ମହାମହିମ ସୁଶ୍ରୀ ସତୱନ୍ତ ଖାନାଲିଆ ଏହି ପ୍ୟାଭିଲିୟନକୁ ଉଦଘାଟନ କରିଛନ୍ତି ।
ସୂଚନା ଏବଂ ପ୍ରସାରଣ ମନ୍ତ୍ରଣାଳୟର ତତ୍ତ୍ୱାବଧାନରେ ସେବା ରପ୍ତାନୀ ପ୍ରୋତ୍ସାହନ ପରିଷଦ (ଏସ୍ଇପିସି), ବାଣିଜ୍ୟ ଏବଂ ଶିଳ୍ପ ମନ୍ତ୍ରଣାଳୟ ଏବଂ ଜାତୀୟ ଚଳଚ୍ଚିତ୍ର ବିକାଶ ନିଗମ (ଏନ୍ଏଫଡିସି) ଦ୍ୱାରା ଆୟୋଜିତ ଏହି ଭାରତ ପାଭିଲିଅନକୁ ହଂକଂ ଏବଂ ମାକାଉରେ ଥିବା ଭାରତୀୟ କନସୁଲ ଜେନେରାଲ ସହଯୋଗ କରୁଛନ୍ତି। ଏହି ପଦକ୍ଷେପ ଭାରତୀୟ ସିନେମାର ବର୍ଦ୍ଧିତ ପ୍ରଭାବ ଏବଂ ଏହାର ସମ୍ପ୍ରସାରିତ ବିଶ୍ୱସ୍ତରୀୟ ପଦଚିହ୍ନ, ଆନ୍ତର୍ଜାତୀୟ ସହଯୋଗକୁ ପ୍ରୋତ୍ସାହିତ କରିବା ଏବଂ ଭାରତର କାହାଣୀ କହିବାର ଦକ୍ଷତାର ଅପାର ସମ୍ଭାବନାକୁ ପ୍ରଦର୍ଶିତ କରିଥାଏ।
ଉଦଘାଟନୀ ଉତ୍ସବରେ ମହାମହିମ ସୁଶ୍ରୀ ସତୱନ୍ତ ଖାନାଲିଆ ଭାରତର ଗତିଶୀଳ ସିନେମା ଦୃଶ୍ୟପଟ ଉପରେ ଗର୍ବ ବ୍ୟକ୍ତ କରିଥିଲେ। "ଫିଲ୍ମାର୍ଟରେ ପ୍ରଥମ ଥର ପାଇଁ ଭାରତୀୟ ପାଭିଲିଅନର ଶୁଭାରମ୍ଭ କରିବା ଏକ ସମ୍ମାନର ବିଷୟ। ଭାରତର ଚଳଚ୍ଚିତ୍ର ଶିଳ୍ପ ହେଉଛି ବିଶ୍ୱର ସର୍ବବୃହତ ଏବଂ ଏହାର କାହାଣୀ ବିଭିନ୍ନ ବର୍ଗର ଲୋକଙ୍କୁ ଆକର୍ଷିତ କରିଥାଏ । ଏହି ପ୍ୟାଭିଲିୟନ ଭାରତୀୟ ସିନେମା ପାଇଁ ବୈଶ୍ୱିକ ଭାଗିଦାରୀ ଏବଂ ସୁଯୋଗର ଏକ ନୂତନ ଯୁଗକୁ ପ୍ରତିନିଧିତ୍ୱ କରେ।
ଓ୍ବେଭସ୍କୁ ପ୍ରୋତ୍ସାହନ : ଭାରତର ପ୍ରମୁଖ ବୈଶ୍ୱିକ ଏମ୍ ଆଣ୍ଡ ଇ ଶିଖର ସମ୍ମିଳନୀ
ଭାରତ ପାଭିଲିଅନର ଏକ ପ୍ରମୁଖ ଲକ୍ଷ୍ୟ ହେଉଛି ବିଶ୍ୱ ଅଡିଓ ଭିଜୁଆଲ୍ ଏବଂ ମନୋରଞ୍ଜନ ସମ୍ମିଳନୀ (ୱେଭ୍) କୁ ପ୍ରୋତ୍ସାହିତ କରିବା, ଯାହା ମୁମ୍ବାଇରେ ୧ ରୁ ୪ ମଇ ୨୦୨୫ ପର୍ଯ୍ୟନ୍ତ ଅନୁଷ୍ଠିତ ହେବ। ବିଶ୍ୱସ୍ତରୀୟ ଗଣମାଧ୍ୟମ ଏବଂ ମନୋରଞ୍ଜନ (ଏମ୍ ଆଣ୍ଡ ଇ) ଉଦ୍ୟୋଗର ଧ୍ୟାନ ଭାରତ ପ୍ରତି ଆକୃଷ୍ଟ କରିବା, ବାଣିଜ୍ୟ, ନବସୃଜନ ଏବଂ ସୀମାପାର ସହଯୋଗକୁ ପ୍ରୋତ୍ସାହନ ଦେବା ଉଦ୍ଦେଶ୍ୟରେ ୱେଭସ୍ ଏକ ପ୍ରମୁଖ ମଞ୍ଚ ହେବାକୁ ପ୍ରସ୍ତୁତ। ବିବିଧ ଉଦ୍ୟୋଗ ନେତୃତ୍ୱ, ଉଦ୍ଭାବକ ଏବଂ ଅଂଶୀଦାରମାନଙ୍କ ଅଂଶଗ୍ରହଣ ଆଶା କରାଯାଉଥିବା ୱେଭସର ଲକ୍ଷ୍ୟ ହେଉଛି ଭାରତକୁ ବିଶ୍ୱର କଣ୍ଟେଣ୍ଟ ହବ୍ ଭାବେ ସ୍ଥାନିତ କରିବା।
ସହଯୋଗକୁ ଆଗେଇ ନେବା ଏବଂ ସୁଯୋଗର ସମ୍ପ୍ରସାରଣ କରିବା
ଏହାର ପ୍ରଥମ ଦିନରେ, ଫିଲ୍ମାର୍ଟରେ ଭାରତ ପାଭିଲିଅନ କାର୍ଯ୍ୟକଳାପ, ବାର୍ତ୍ତାଳାପ, ବୈଠକ ଏବଂ ଆନ୍ତର୍ଜାତୀୟ ଶିଳ୍ପ ପ୍ରତିନିଧିଙ୍କ ସହ ନେଟୱାର୍କିଂ ଅଧିବେଶନ ଆୟୋଜନ କରିଥିଲା। ଏହି ପ୍ୟାଭିଲିୟନ ସହ-ନିର୍ମାଣ, ବିଷୟବସ୍ତୁ ବଣ୍ଟନ ଏବଂ ସହଯୋଗ, ଭାରତୀୟ ଚଳଚ୍ଚିତ୍ର ନିର୍ମାତା ଏବଂ ବିଷୟବସ୍ତୁ ନିର୍ମାତାଙ୍କ ପାଇଁ ନୂତନ ବଜାର ଅନ୍ୱେଷଣ କରିବା ଏବଂ ସେମାନଙ୍କର ବିଶ୍ୱବ୍ୟାପୀ ପ୍ରସାର ପାଇଁ ଦ୍ୱାର ଉନ୍ମୁକ୍ତ ଉପରେ ଆଲୋଚନାକୁ ସୁଗମ କରିଥିଲା।
ଏନ୍ଏଫଡିସି ବିଷୟରେ
ଭାରତୀୟ ଜାତୀୟ ଚଳଚ୍ଚିତ୍ର ବିକାଶ ନିଗମ ହେଉଛି ଦେଶରେ ଚଳଚ୍ଚିତ୍ର ଆନ୍ଦୋଳନକୁ ପ୍ରୋତ୍ସାହିତ କରିବା ପାଇଁ ସ୍ଥାପିତ କେନ୍ଦ୍ରୀୟ ସଂସ୍ଥା। ଫିଲ୍ମାର୍ଟ, କାନ୍ସ ଫିଲ୍ମ ଫେଷ୍ଟିଭାଲ ଏବଂ ବର୍ଲିନାଲେ ଭଳି ପ୍ରମୁଖ ଆନ୍ତର୍ଜାତୀୟ କାର୍ଯ୍ୟକ୍ରମରେ ଅଂଶଗ୍ରହଣ ମାଧ୍ୟମରେ, ଏନଏଫଡିସି ଭାରତୀୟ ବିଷୟବସ୍ତୁ ନିର୍ମାତାଙ୍କ ପାଇଁ ସହ-ନିର୍ମାଣ, ବଜାର ପ୍ରବେଶ ଏବଂ ବିତରଣ ସୁଯୋଗକୁ ସୁଗମ କରିଥାଏ।
ୱେଭସ୍ ବିଷୟରେ
ମିଡିଆ ଏବଂ ମନୋରଞ୍ଜନ (ଏମ୍ଆଣ୍ଡଇ) କ୍ଷେତ୍ର ପାଇଁ ଏକ ମାଇଲଖୁଣ୍ଟ କାର୍ଯ୍ୟକ୍ରମ, ପ୍ରଥମ ବିଶ୍ୱ ଅଡିଓ ଭିଜୁଆଲ୍ ଏବଂ ମନୋରଞ୍ଜନ ସମ୍ମିଳନୀ (ୱେଭସ୍) ଭାରତ ସରକାରଙ୍କ ଦ୍ୱାରା ମହାରାଷ୍ଟ୍ରର ମୁମ୍ବାଇରେ ମେ ୧ ରୁ ୪,୨୦୨୫ ପର୍ଯ୍ୟନ୍ତ ଆୟୋଜିତ ହେବ।
ଆପଣ ଶିଳ୍ପ ପେସାଦାର ହୁଅନ୍ତୁ, ନିବେଶକ ହୁଅନ୍ତୁ, ନିର୍ମାତା ହୁଅନ୍ତୁ, କିମ୍ବା ଉଦ୍ଭାବକ ହୁଅନ୍ତୁ, ଏହି ସମ୍ମିଳନୀ ଏମ୍ଆଣ୍ଡଇ ପରିଦୃଶ୍ୟରେ ସଂଯୋଗ, ସହଯୋଗ, ନବସୃଜନ ଏବଂ ଯୋଗଦାନ ପାଇଁ ଚୂଡ଼ାନ୍ତ ବିଶ୍ୱସ୍ତରୀୟ ମଞ୍ଚ ପ୍ରଦାନ କରିଥାଏ।
ବିଷୟବସ୍ତୁ ସୃଷ୍ଟି, ବୌଦ୍ଧିକ ସମ୍ପତ୍ତି ଏବଂ ବୈଷୟିକ ନବସୃଜନ ପାଇଁ ଏକ ହବ୍ ଭାବରେ ଏହାର ସ୍ଥିତିକୁ ବୃଦ୍ଧି କରି ୱେଭ୍ ଭାରତର ସୃଜନଶୀଳ ଶକ୍ତିକୁ ବୃଦ୍ଧି କରିବାକୁ ପ୍ରସ୍ତୁତ । ପ୍ରସାରଣ, ପ୍ରିଣ୍ଟ ମିଡିଆ, ଟେଲିଭିଜନ, ରେଡିଓ, ଚଳଚ୍ଚିତ୍ର, ଆନିମେସନ୍, ଭିଜୁଆଲ୍ ଇଫେକ୍ଟସ୍, ଗେମିଂ, କମିକ୍ସ, ସାଉଣ୍ଡ ଏବଂ ମ୍ୟୁଜିକ୍, ବିଜ୍ଞାପନ, ଡିଜିଟାଲ୍ ମିଡିଆ, ସୋସିଆଲ ମିଡିଆ ପ୍ଲାଟଫର୍ମ, ଜେନେରେଟିଭ୍ ଏଆଇ, ଅଗମେଣ୍ଟେଡ୍ ରିଅଲିଟି (ଏଆର୍), ଭର୍ଚୁଆଲ୍ ରିଅଲିଟି (ଭିଆର୍) ଏବଂ ଏକ୍ସଟେଣ୍ଡେଡ ରିଅଲିଟି (ଏକ୍ସଆର୍) ଆଦି ଶିଳ୍ପ ଏବଂ କ୍ଷେତ୍ରଗୁଡ଼ିକ ଉପରେ ଧ୍ୟାନ ଦିଆଯାଇଛି।
ଆପଣଙ୍କର କିଛି ପ୍ରଶ୍ନ ରହିଛି କି? ଏଠାରେ ଉତ୍ତର ଖୋଜନ୍ତୁ
ଆସନ୍ତୁ, ଆମ ସହିତ ଚାଲନ୍ତୁ ! ବର୍ତ୍ତମାନ ୱେଭସ୍ ପାଇଁ ପଞ୍ଜିକରଣ କରନ୍ତୁ (ଖୁବ୍ଶୀଘ୍ର ଆସୁଅଛି!)।
HS
Release ID:
(Release ID: 2113068)
| Visitor Counter:
47