প্রধানমন্ত্রীগী লোইশঙ
প্রধান মন্ত্রীনা রিপব্লিক ওফ মোরিসিয়সকী রাস্ত্রপতিগা উনখ্রে
Posted On:
11 MAR 2025 4:01PM by PIB Imphal
প্রধান মন্ত্রী, শ্রী নরেন্দ্র মোদীনা স্তেত হাউসতা রিপব্লিক ওফ মোরিসিয়সকী রাস্ত্রপতি, হিস এক্সেলেন্সী, শ্রী ধরম্বীর গোখুলগা উনখ্রে।
লুচিংবা অনি অদুনা ভারত অমসুং মোরিসিয়সকী মরক্তা লৈরিবা য়াম্না থোইদোক-হেন্দোক্না ফরবা অমসুং অচেৎপা মরি অসিবু হেন্না চেৎশিনহন্নবগী ৱাখল্লোন কয়া অমা ফোংদোকখি। মসিগা মরি লৈননা, মখোয়না লৈবাক অনি অসিগী মরক্তা লৈরিবা পুৱারি অমসুং প্রজাশিংগী মরক্তা লৈরিবা অচেৎপা মরি অদুবু নিংশিংখি। প্রধান মন্ত্রীনা পনখি মদুদি অনিরকশুবা ওইনা মোরিসিয়সকী নেস্নেল দে অথোইবা মীথুংলেন ওইনা শরুক য়াবা ফংবা হায়বসি মহাক্কী ওইনদি য়াম্না লাইবক ফবনি। য়াম্না শিংথানিংঙাই ওইবা থৌওং অমা ওইনা প্রধান মন্ত্রী রাস্ত্রপতি গোখুল অমসুং মহাক্কী লোইনবী ব্রিন্দা গোখুলদা OCI কার্দশিং খুৎশিন্নখি। প্রধান মন্ত্রীনা ভারত সরকারগা খুৎশম্নদুনা শেমখিবা, স্তেত হাউসতা লৈবা আয়ুর্বেদ গার্দেনদশু চৎখি। প্রধান মন্ত্রীনা মোরিসিয়সপু আয়ুর্বেদ য়াওনা নাতকী ওইবা হিদাক-লাংথকশিংগী কান্নবশিং অদুবু হেনগৎহন্নবা ভারতকী য়াম্না মরু ওইবা পার্তনর অমা ওইনা লৌই হায়না পনখি।
ৱারি-ৱাতাই শানরবা মতুং, রাস্ত্রপতি গোখুলনা প্রধান মন্ত্রীবু ইকাইখুম্নবা উৎপা ওইনা অয়ুক্কী চাক্লেন অমা শিনখি।
***
(Release ID: 2110408)
Visitor Counter : 34
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam