ఏఏఏఐ ప్రకటన వ్యయ క్రమబద్ధీకరణ హ్యాకథాన్ అన్నది సమాచార ప్రసారం- టీవీ కార్యక్రమాలు అన్న అంశంలో భాగం. ఇది దేశ విదేశాలకు చెందిన ప్రకటనలు, మార్కెటింగ్ రంగాల్లో యువ నిపుణులను ఒక్కచోటికి చేర్చి ప్రకటనలను లాభదాయకం చేయడంలో వారి ప్రతిభను ప్రదర్శించే అవకాశం కల్పిస్తుంది. ప్రకటనకర్తలు డేటా సైన్స్, మెషీన్ లెర్నింగ్, గణాంక మోడలింగ్ సాయంతో డేటా ఆధారిత నిర్ణయాలు తీసుకోవడానికి, పెట్టుబడులపై గరిష్టంగా రాబడులు పొందడానికి, మార్కెటింగ్ లక్ష్యాలను చేరుకోవడానికి ఇది ఉపయోగపడుతుంది.
కార్యక్రమంలో పాల్గొనడానికి ప్రమాణాలు
ఏఏఏఐ లాభదాయక ప్రకటన వ్యయ హ్యాకథాన్ నిపుణులకు సృజనాత్మక ప్రకటన వ్యూహాలను రూపొందించే అవకాశాన్ని కల్పిస్తుంది.
-
డేటా సైన్స్, మెషీన్ లెర్నింగ్, గణాంక విభాగం, సాఫ్ట్ వేర్, మార్కెటింగ్, ప్రకటన నైపుణ్యాల మిశ్రమంగా వ్యక్తిగతంగా లేదా బృందాలుగా (గరిష్టంగా ముగ్గురు సభ్యులతో) పాల్గొనవచ్చు.
-
ప్రకటన సంస్థలు (పూర్తిస్థాయి సేవలు, మీడియా, డిజిటల్) లేదా మార్కెటింగ్ విభాగాల్లో ఏడాది అనుభవమున్న నిపుణులు పాల్గొనవచ్చు.
-
నిర్ణీత బడ్జెట్ లో ట్రిమ్ మాస్టర్ మార్కెటింగ్ లక్ష్యాలను చేరుకోవడం కోసం ఓ వ్యూహాన్ని రూపొందించడం.
-
కార్యక్రమంలో పాల్గొనేవారు తమ సొల్యూషన్ ను పవర్ పాయింట్ ద్వారా ప్రదర్శించాల్సి ఉంటుంది.
ట్రిమ్ మాస్టర్ బ్రాండ్ వ్యూహాన్ని రూపొందించడం
ఇందులో పాల్గొనాలనుకుంటున్న వారు ‘ట్రిమ్ మాస్టర్ - పురుషుల సౌందర్య సాధనమైన ఈ బ్రాండ్ కోసం వ్యూహాన్ని రూపొందించడం’ ద్వారా జనంలోకి తీసుకెళ్లే మార్కెటింగ్ చర్యలను పెంపొందించడం అనే అంశాన్ని ఉపయోగించుకోవచ్చు.
నేపథ్యం: ట్రిమ్ మాస్టర్ అన్నది నేరుగా వినియోగదారులకే విక్రయించే ప్రముఖ బ్రాండ్. పురుషుల అలంకరణ, సౌందర్య ఉత్పత్తులు దీని ప్రత్యేకత. వారి ప్రధాన ఉత్పత్తి ప్రెసిషన్ ట్రిమ్ మాస్టర్ కు వినియోగదారుల్లో ఆదరణ లభించింది. మంచి ఉత్పత్తి, వినియోగదారులు పెరుగుతున్నప్పటికీ తన బ్రాండ్ ను మరింతగా ప్రజల్లోకి తీసుకుపోవడంలో ట్రిమ్ మాస్టర్ సవాళ్లను ఎదుర్కొంటోంది.
ప్రస్తుత పరిస్థితి: జనాలకు బ్రాండ్ గురించిన సమాచారం అంతగా లేకపోవడంతో బ్రాండ్ పేరుతో వెతకడం లేదని ట్రిమ్ మాస్టర్ పరిశోధనలో తెలిసింది. ప్రస్తుతం ప్రజల్లో బ్రాండ్ గురించిన సమాచారంపై దీని స్కోరు 52. ఇది మంచి స్కోరే అయినప్పటికీ, ఇంకా మెరుగుపరచుకోవడానికి అవకాశం ఉంది. మార్కెటులో పోటీ పెరుగుతున్న దృష్ట్యా, ప్రజలు బ్రాండ్ పేరుతో శోధించడాన్ని పెంచి.. తద్వారా మొత్తంగా బ్రాండ్ గుర్తింపును పెంపొందించుకోవాలని, బ్రాండ్ ను ఇంకా జనంలోకి తీసుకెళ్లాలని ట్రిమ్ మాస్టర్ భావిస్తోంది.
సవాళ్లు: బ్రాండును జనంలోకి తీసుకెళ్లే లాభదాయక మార్కెటింగ్ చర్యల్లో ట్రిమ్ మాస్టర్ మార్కెటింగ్ బృందం ముఖ్యంగా సవాళ్లను ఎదుర్కొంటోంది.
లక్ష్యం: జనంలో తన బ్రాండుకు ఉన్న గుర్తింపు స్కోరును వివిధ మార్గాల్లో లాభదాయక ప్రకటన వ్యయ వ్యూహం ద్వారా 52 నుంచి 75కు పెంచుకోవాలని ట్రిమ్ మాస్టర్ లక్ష్యంగా పెట్టుకుంది. తద్వారా వినియోగదారుల్లో బ్రాండ్ పట్ల ఆదరణలో స్పష్టమైన పెరుగుదలను, పెట్టుబడులపై స్పష్టమైన రాబడులను సాధించాలని భావిస్తోంది. బడ్జెట్ రూ. 2,00,00,000/- (రెండు కోట్లు).
వీటిపై దృష్టిపెట్టండి:
మూల్యాంకన ప్రమాణాలు
కింద పేర్కొన్న కీలక ప్రమాణాలను ఆధారం చేసుకుని బ్రాండ్ వ్యూహాలను మదింపు చేస్తారు:
బహుమతులు
విజేతలుగా నిలిచిన వ్యక్తులు, జట్లకు కింది ప్రయోజనాలు లభిస్తాయి:
-
అగ్రస్థానంలో ఉన్న ముగ్గురు వ్యక్తులు/ జట్లు తమ సొల్యూషన్లను వేవ్స్ కార్యక్రమం (వివరాలు ప్రకటించాల్సి ఉంది) ప్రదర్శించే అవకాశం పొందుతారు. ప్రయాణ ఖర్చులను వారికి తిరిగి చెల్లిస్తారు.
-
అసాధారణ ప్రదర్శనలకు అద్భుతమైన బహుమతులు.
-
అగ్రస్థానంలో నిలిచిన ముగ్గురు వ్యక్తులు/బృందాలకు దేశంలో జరిగే అడ్వర్టైజింగ్ ఫెస్టివల్స్/ సదస్సుల్లో పాల్గొనడం కోసం రిజిస్ట్రేషన్ వ్యయాన్ని ఏఏఏఐ భరిస్తుంది.
ముగింపు
వేవ్స్ క్రియేట్ ఇండియా పోటీలో భాగంగా నిర్వహిస్తున్న ఏఏఏఐ ప్రకటన వ్యయ క్రమబద్ధీకరణ హ్యాకథాన్ సృజనాత్మక వ్యూహాల రూపకల్పన కోసం నిపుణులను ఆహ్వానించి ప్రకటన వ్యయాన్ని లాభదాయకంగా మార్చడంతోపాటు ట్రిమ్ మాస్టర్ బ్రాండ్ ను మరింత ప్రభావవంతంగా ప్రజల్లోకి తీసుకెళ్తుంది. అబ్బురపరిచే బహుమతులతోపాటు వేవ్స్ లో పాల్గొనే అవకాశాన్ని కల్పిస్తున్న ఈ విశిష్ట కార్యక్రమం ప్రకటన రంగం భవిష్యత్తును తీర్చిదిద్దేలా విశేషంగా ప్రభావితం చేయనుంది.
References
పీడీఎఫ్ కోసం ఇక్కడ క్లిక్ చేయండి.
***