പ്രധാനമന്ത്രി: അപ്പോൾ, നിങ്ങൾക്ക് വീട് ലഭിച്ചോ?

ഗുണഭോക്താവ്: അതെ സർ, എനിക്ക് ലഭിച്ചു. ഞങ്ങൾ അങ്ങയോട് വളരെയധികം നന്ദിയുള്ളവരാണ്. ഒരു കുടിലിൽ നിന്ന് ഞങ്ങളെ ഉയർത്തിയെടുത്ത് താങ്കൾ ഞങ്ങൾക്ക് ഒരു കൊട്ടാരം തന്നു. ഇത്രയും മഹത്തായ കാര്യങ്ങൾ ഞങ്ങൾക്ക് ഒരിക്കലും സങ്കൽപ്പിക്കാൻ പോലും കഴിയുമായിരുന്നില്ല, പക്ഷേ താങ്കൾ ഞങ്ങളുടെ സ്വപ്നം യാഥാർത്ഥ്യമാക്കി... അതെ, സർ.

പ്രധാനമന്ത്രി: ശരി, നിങ്ങൾക്കെല്ലാവർക്കും ഈ വീടുകൾ ലഭിച്ചതിൽ എനിക്ക് സന്തോഷമുണ്ട്. ഇത് എന്റേതല്ല.

ഗുണഭോക്താവ്: ഇല്ല സർ, ഞങ്ങൾ നിങ്ങളുടെ കുടുംബമാണ്.

പ്രധാനമന്ത്രി: അതെ, അത് സത്യമാണ്.

ഗുണഭോക്താവ്: നിങ്ങളാണ് ഇത് സാധ്യമാക്കിയത്.

പ്രധാനമന്ത്രി: അപ്പോൾ നമ്മൾ അത് സാധ്യമാക്കി, അല്ലേ?

ഗുണഭോക്താവ്: അതെ, സർ. നിങ്ങളുടെ പതാക ഉയർന്നു പറക്കട്ടെ, താങ്കൾ എന്നും വിജയിക്കട്ടെ..

പ്രധാനമന്ത്രി: നമ്മുടെ പതാക ഉയർന്നു പറക്കാൻ ഞങ്ങളെ സഹായിക്കേണ്ടത് നിങ്ങളുടെ ഓരോരുത്തരുടെയും ഉത്തരവാദിത്തമാണ്.

ഗുണഭോക്താവ്: സർ, അങ്ങയുടെ കൈ ഞങ്ങളുടെ തലയിൽ വയ്ക്കണം.

പ്രധാനമന്ത്രി: എന്റെ അമ്മമാരുടെയും സഹോദരിമാരുടെയും കൈകൾ എന്റെ ശിരസിൽ ഉണ്ടാകണം

ഗുണഭോക്താവ്: ഞങ്ങൾ വർഷങ്ങളോളം ഭഗവാൻ ശ്രീരാമനെ കാത്തിരുന്നു, അതുപോലെ തന്നെ, ഞങ്ങൾ നിങ്ങൾക്കായി കാത്തിരുന്നു. ചേരികളിൽ നിന്നാണ് ഞങ്ങൾ ഈ കെട്ടിടത്തിലേക്ക് എത്തിയത്. ഇതിലും വലിയ സന്തോഷം നൽകാൻ മറ്റൊന്നിനും കഴിയില്ല. അങ്ങയെ ഞങ്ങളുടെ അരികെ ലഭിക്കുന്നത് ഞങ്ങളുടെ ഭാഗ്യമാണ്.

പ്രധാനമന്ത്രി: ഒരുമിച്ച് നിന്നാൽ ഈ രാജ്യത്ത് നമുക്ക് വളരെയധികം നേടാൻ കഴിയുമെന്ന് മറ്റുള്ളവരും വിശ്വസിക്കണം.

ഗുണഭോക്താവ്: അത് തികച്ചും സത്യമാണ്.

പ്രധാനമന്ത്രി: നിങ്ങൾ ദൃഢനിശ്ചയം ചെയ്തിട്ടുണ്ടെങ്കിൽ, നിങ്ങൾക്ക് എന്തും നേടാൻ കഴിയും. ഇക്കാലത്ത്, ചില ആളുകൾ ചിന്തിക്കുന്നു, "ഞാൻ ഒരു ചേരിയിൽ ജനിച്ചു; ജീവിതത്തിൽ എനിക്ക് എന്ത് നേടാൻ കഴിയും?" എന്നാൽ നിങ്ങൾ അത് സ്വയം കണ്ടിട്ടുണ്ട്, കുട്ടികളും അത് കാണും - കായികരംഗത്ത് മികവ് പുലർത്തുകയും ആഗോളതലത്തിൽ അംഗീകാരം നേടുകയും ചെയ്യുന്നവർ പലപ്പോഴും അത്തരം എളിയ പശ്ചാത്തലങ്ങളിൽ നിന്നുള്ളവരാണ്. അവരിൽ ഭൂരിഭാഗവും ചെറുതും പിന്നാക്കം നിൽക്കുന്നതുമായ കുടുംബങ്ങളിൽ നിന്നുള്ളവരാണ്.

പ്രധാനമന്ത്രി: അപ്പോൾ, നിങ്ങളുടെ പുതിയ വീട്ടിൽ നിങ്ങൾ എന്തു ചെയ്യും?

ഗുണഭോക്താവ്: സർ, ഞാൻ പഠിക്കും.

പ്രധാനമന്ത്രി: അപ്പോൾ, നിങ്ങൾ പഠിക്കും!

ഗുണഭോക്താവ്: അതെ.

പ്രധാനമന്ത്രി: അപ്പോൾ, നിങ്ങൾ മുമ്പ് പഠിച്ചിരുന്നില്ലേ?

ഗുണഭോക്താവ്:  ഇല്ല, സർ. പക്ഷേ ഇവിടെ താമസം മാറിയതിനുശേഷം ഞാൻ നന്നായി പഠിക്കും.

പ്രധാനമന്ത്രി: ശരിക്കും? അപ്പോൾ, നിങ്ങളുടെ മനസ്സിലുള്ളത് എന്താണ്? നിങ്ങൾ എന്താകാൻ ആഗ്രഹിക്കുന്നു?

ഗുണഭോക്താവ്: മാഡം.

പ്രധാനമന്ത്രി: നിങ്ങൾക്ക് "മാഡം" ആകണോ? അതിനർത്ഥം നിങ്ങൾ ഒരു അധ്യാപികയാകാൻ ആഗ്രഹിക്കുന്നു എന്നാണ്.

പ്രധാനമന്ത്രി: നിങ്ങളോ?

ഗുണഭോക്താവ്: ഞാൻ ഒരു പട്ടാളക്കാരനാകും.

പ്രധാനമന്ത്രി: പട്ടാളക്കാരനോ?

ഗുണഭോക്താവ്: അതെ.हम भारत के वीर जवान ऊंची रहे हमारे शान हमको प्यारा हिंदुस्तान, गाए देश प्रेम के गान हमें तिरंगे पर अनुमान अमर जवान, इस पर तन-मन-धन कुर्बान।

(ഞങ്ങൾ ഇന്ത്യയുടെ ധീര സൈനികരാണ്. നമ്മുടെ അഭിമാനം എപ്പോഴും ഉയർന്നുനിൽക്കട്ടെ! ഞങ്ങൾ നമ്മുടെ രാജ്യത്തെ സ്നേഹിക്കുന്നു. ത്രിവർണ്ണ പതാകയ്ക്ക് വേണ്ടി ഞങ്ങൾ ദേശസ്നേഹത്തിൻ്റെ ഗാനങ്ങൾ ആലപിക്കുന്നു, സൈനികൻ്റെ അനശ്വരമായ ആത്മാവിനെ ഞങ്ങൾ ആദരിക്കുന്നു. അതിനായി നമ്മുടെ ശരീരവും മനസ്സും സമ്പത്തും ത്യജിക്കാൻ ഞങ്ങൾ തയ്യാറാണ്).

പ്രധാനമന്ത്രി: അപ്പോൾ, നിങ്ങളുടെ എല്ലാ സുഹൃത്തുക്കളും ഇവിടെയുണ്ടോ?  നിങ്ങൾക്ക് അവരെ കാണാനാകാത്തതിൽ ദുഃഖമുണ്ടോ, അതോ നിങ്ങളുടെ പഴയ സുഹൃത്തുക്കളുമായി വീണ്ടും ബന്ധപ്പെടുമോ? 

ഗുണഭോക്താക്കൾ: അവർ തന്നെയാണ് സർ.

പ്രധാനമന്ത്രി: ഓ, ഇവർ നിങ്ങളുടെ പഴയ സുഹൃത്തുക്കളാണോ?

ഗുണഭോക്താവ്: അതെ, സർ.

പ്രധാനമന്ത്രി: അവരും ഇങ്ങോട്ട് താമസം മാറുകയാണോ?

ഗുണഭോക്താവ്: അതെ, സർ.

പ്രധാനമന്ത്രി: ഈ വീട് ലഭിച്ചതിൽ ഇപ്പോൾ നിങ്ങൾക്ക് എന്തു തോന്നുന്നു?

ഗുണഭോക്താവ്: എനിക്ക് വളരെ സന്തോഷം തോന്നുന്നു സർ. ഞാൻ ഒരു ചേരിയിൽ നിന്ന് ഈ വീട്ടിലേക്ക് താമസം മാറി എന്നത് അതിശയകരമാണ്.

പ്രധാനമന്ത്രി: പക്ഷേ ഇപ്പോൾ, ഉത്തർപ്രദേശിൽ നിന്ന് ധാരാളം അതിഥികൾ വരില്ലേ? നിങ്ങളുടെ ചെലവുകൾ വർദ്ധിക്കില്ലേ?

ഗുണഭോക്താവ്: അത് പ്രശ്നമല്ല സർ.

പ്രധാനമന്ത്രി: ഈ സ്ഥലവും നിങ്ങൾ വൃത്തിയായി സൂക്ഷിക്കുമോ?

ഗുണഭോക്താവ്: അതെ, സർ. വളരെ നന്നായി പരിപാലിക്കപ്പെടും.

പ്രധാനമന്ത്രി: നിങ്ങൾക്ക് ഒരു കളിസ്ഥലം കൂടി ലഭിക്കും.

ഗുണഭോക്താവ്: അതെ, സർ.

പ്രധാനമന്ത്രി: നിങ്ങൾ അവിടെ എന്തു ചെയ്യും?

ഗുണഭോക്താവ്: ഞാൻ അവി‌ടെ കളിക്കും.

പ്രധാനമന്ത്രി: നിങ്ങൾ കളിക്കുമോ? അപ്പോൾപ്പിന്നെ, ആരാണ് പഠിക്കുക?

ഗുണഭോക്താവ്: ഞാൻ പഠിക്കുകയും ചെയ്യും സർ.

പ്രധാനമന്ത്രി: നിങ്ങളിൽ എത്ര പേർ ഉത്തർപ്രദേശിൽ നിന്നുള്ളവരാണ്? എത്ര പേർ ബീഹാറിൽ നിന്നുള്ളവരാണ്? നിങ്ങൾ എവിടെ നിന്നാണ്?

ഗുണഭോക്താവ്: ഞാൻ ബീഹാറിൽ നിന്നാണ്, സർ.

പ്രധാനമന്ത്രി: എനിക്ക് മനസ്സിലായി. ചേരികളിൽ താമസിക്കുന്ന നിങ്ങൾ എന്തുതരം ജോലിയാണ് ചെയ്യുന്നത്?

ഗുണഭോക്താവ്: സർ, ഞങ്ങളിൽ ഭൂരിഭാഗവും തൊഴിലാളികളായി ജോലി ചെയ്യുന്നു.

പ്രധാനമന്ത്രി: തൊഴിലാളികൾ, ഓട്ടോറിക്ഷ ഡ്രൈവർമാർ?

ഗുണഭോക്താവ്: അതെ, സർ. ഞങ്ങളിൽ ചിലർ രാത്രിയിലും മണ്ഡികളിൽ ജോലി ചെയ്യുന്നു.

പ്രധാനമന്ത്രി: മണ്ഡികളിൽ ജോലി ചെയ്യുന്നവർ, ഇപ്പോൾ യമുന നദിയുടെ അവസ്ഥ കണക്കിലെടുത്ത് ഛഠ് പൂജ സമയത്ത് നിങ്ങൾ എന്താണ് ചെയ്യുന്നത്.

ഗുണഭോക്താവ്: ഞങ്ങൾ അത് ഇവിടെ തന്നെ ചെയ്യുന്നു സർ.

പ്രധാനമന്ത്രി: അപ്പോൾ, നിങ്ങൾ ചെയ്യേണ്ടത് ഇവിടെയാണോ? ഓ ഇല്ല! യമുനയിൽ നിന്ന് നിങ്ങൾക്ക് പ്രയോജനം ലഭിക്കുന്നില്ല, അല്ലേ?

ഗുണഭോക്താവ്: ഇല്ല, സർ.

പ്രധാനമന്ത്രി: അപ്പോൾ, നിങ്ങൾ ഇവിടെ എന്തു ചെയ്യും? നിങ്ങളെല്ലാവരും ഒരുമിച്ച് ഉത്സവങ്ങൾ ആഘോഷിക്കുമോ?

ഗുണഭോക്താവ്: അതെ, സർ.

പ്രധാനമന്ത്രി: നിങ്ങൾ ഇവിടെ മകരസംക്രാന്തി ആഘോഷിക്കുമോ?

ഗുണഭോക്താവ്: അതെ, സർ.

പ്രധാനമന്ത്രി: ഈ സ്വാഭിമാൻ (ആത്മാഭിമാനം) യാഥാർത്ഥ്യത്തിൽ കാണാൻ ആളുകളെ പ്രേരിപ്പിക്കാൻ നിങ്ങൾ എന്തു ചെയ്യും?

ഗുണഭോക്താവ്: ഞങ്ങൾ എപ്പോഴും എല്ലാവരെയും തുറന്ന ഹൃദയത്തോടെ സ്വാഗതം ചെയ്യും. ആതിഥ്യമര്യാദയ്ക്ക് ഒരു കുറവുമുണ്ടാകില്ല. ഞങ്ങൾ ആരോടും വെറുപ്പ് കാണിക്കില്ല, എല്ലാവരോടും സ്നേഹത്തോടും വാത്സല്യത്തോടും കൂടി ജീവിക്കും.

പ്രധാനമന്ത്രി: നമ്മൾ ഒരുമിച്ച് ഉത്സവങ്ങൾ ആഘോഷിക്കുന്നത് തുടരണം. നോക്കൂ, മോദിജി വന്നുവെന്നും ഇപ്പോഴും വീടുകൾക്കായി കാത്തിരിക്കുന്നവർക്ക് അത് ലഭിക്കുമെന്ന് ഉറപ്പുനൽകിയതായും നിങ്ങൾ എല്ലാവരോടും പറയണം. ഈ രാജ്യത്തെ പാവപ്പെട്ടവരിൽ പാവപ്പെട്ടവർക്ക് പോലും അവരുടെ തലയ്ക്ക് മുകളിൽ ഒരു ഉറപ്പുള്ള മേൽക്കൂര ഉണ്ടായിരിക്കുമെന്ന് ഞങ്ങൾ തീരുമാനിച്ചു.

നിരാകരണം: ഇത് പ്രധാനമന്ത്രിയുടെ പ്രസം​ഗത്തിന്റെ ഏകദേശ തർജമയാണ്. ‌യഥാർത്ഥ പ്രസം​ഗം ഹിന്ദിയിലായിരുന്നു.

***

SK