پوسٹ کرنے کی تاریخ:
09 FEB 2025 4:40PM by PIB Delhi
سیکیورٹی فورسز نے چھتیس گڑھ کے بیجاپور میں 31 نکسلیوں کو ہلاک کر دیا ہے۔ مرکزی وزیر داخلہ اور امدادباہمی کے وزیر، جناب امت شاہ نے اسے بھارت کو نکسلیوں سے پاک بنانے کی سمت میں سیکیورٹی فورسز کی ایک اہم کامیابی قرار دیا ہے۔
'ایکس' پر ایک پوسٹ میں، مرکزی وزیر داخلہ نے کہا کہ سیکیورٹی فورسز نے بھارت کو نکسلیوں سے پاک بنانے کی کوششوں میں ایک بڑی کامیابی حاصل کی ہے، جس میں 31 نکسلی مارے گئے اور بڑی مقدار میں ہتھیار اور دھماکہ خیز مواد برآمد کیا گیا۔
وزیر داخلہ اور امدادباہمی کے مرکزی وزیر نے کہا کہ آج، انسان دشمن نکسلیوں کا خاتمہ کرتے ہوئے، ہم نے اپنے دو بہادر سپاہیوں کو کھو دیا ہے۔ ملک ہمیشہ ان ہیروز کا مقروض رہے گا۔ جناب امت شاہ نے شہید فوجیوں کے اہل خانہ کے تئیں اپنی دلی تعزیت کا اظہار کیا ۔ انہوں نے یہ بھی اعادہ کیا کہ 31 مارچ 2026 تک ہم ملک سے نکسلیوں کا مکمل خاتمہ کر دیں گے، تاکہ کوئی بھی شہری اس کی وجہ سے اپنی جان نہ گنوائے۔
************
ش ح ۔ م د ۔ م ص
(U : 6304 )