Ka Delhi Roadshow na ka bynta ka jingiakhun shna trailer ka la long ka bynta kaba heh ha Gurutegh Bahadur 4th Centenary Engineering College (GTB4CEC) ha une u taiew ba la dep kaba long ka dak jong ka bynta kaba heh jong ki roadshow shuwa ka grand finale jong ka jingiakhun shna trailer ha kylleng ka ri.

La pynlong ia kane ka jingiakhun da ka Federation of Indian Chambers of Commerce & Industry and Reskilll, ha ryngkat ka tnad Information and Broadcasting, bad ka Netflix kum ka nongiatreilang, ka GTB4CEC kum ka jaka pule ba iatreilang. Kane ka sienjam ka dei ka rynsan ia ki nongiashim bynta ba kin peit ia ka kam iathuh khana bad ka kam video editing.

Ka rynsan na ka bynta ka jingsaindur

Ka jingplie lad ia ka jingsaindur: Ka jingiakhun shna trailer, kaba ioh bor na ka Netflix Fund for Creative Equity kum shi bynta ka WAVES 2025, ka dei ka jingiakhun kaba la saindur ban ai mynsiem bad plié lad ia ki samla ba kwah ban shna phlim. Kine ka sienjam ba kyrpang ka plié lad ia ki samla pule ba kin shna ia ki trailer da kaba pyndonkam ia ki prokram ba bun jong ka Netflix. Ka la don ka sienjam kaba lai bnai ban ai ki sap ia ki nongiashim bynta ha kaba iadei bad ka video editing, ka kam iathuh khana bad ka jingpynmih trailer.

Ki nongiashim bynta ha ka jingiakhun shna trailer kin ioh ia ki jingithuh bapher bapher bad ki khusnam katkum ka jingtbit jong ki. Man ki nongiashim bynta kiba ai ia ki trailer ba iahap kin ioh ia ka syrnot iashim bynta. Ki 50 ngut ba tbit tam kin ioh ia ka syrnot Excellence ha ryngkat ka jingai jingithuh ba kyrpang na ka Federation of Indian Chambers of Commerce & Industry (FICCI) bad Netflix.

Shuh shuh, ki 20 ngut ba tbit tam kin ioh ia ka trophy, ki tiar ba kyrpang bad ka lad ban iashim bynta ha ka WAVES ha kaba kin pyni ia ki jingjop jong ki bad kin ioh ia ka lad ban iakren bad ki riewshemphang ha kane ka kam.

Ka jingkyntiew kyrteng ka dong long mynta bad kan kut ha ka 31 tarik u Lber 2025. Haduh mynta la don 3200 tylli ki jingkyntiew kyrteng na kylleng ka pyrthei. Kiba kyntiew kyrteng ki dei ki samla pule, ki nongshna prokram bad ki video editor ba dang sdang sdang treikam bad ruh kito kiba la tbit ha kane ka kam.

Ka link ban kyntiew kyrteng: https://reskilll.com/hack/wavesficci/signup

Ka Delhi Roadshow ha GTB4CEC

Ki roadshow ha kylleng ka ri, ba kynthup ka Delhi Roadshow ha GTB4CEC, ki la don ka bynta kaba heh ban ai mynsiem bad ka jingkyntiew ia ki samla ba don sap.

Ki mat ba kongsan jong ka Delhi Roadshow

• Ki Workshop:

Ki nongiashim bynta ki la ioh jinghikai ha ka green screen editing, color correction, bad ki rukom treikam ba kham halor kiba iadei bad ka video editing.

• Ka jingiakhun saindur:

Ki nongiashim bynta ki la shna ia ki trailer halor ki phang ba la ai ha kaba ki la pyni ia ka jingtbit jong ki ha ka kam iathuh khana bad ki kam teknikal.

• Ki jingbatai na ki riewshemphang ha kane ka kam:

Ka kynhun jong ki riewshemphang ka la peit ia ki trailer bad ai ki jingsngew jong ki ban iarap ia ki nongiashim bynta ba kin pynbha shuh shuh ia ka kam jong ki.

• Ka jingpyni ia ka sap:

Kane ka roadshow ka la rakhe ia ka bor saindur jong kine ki samla ba kwah ban shna phlim bad edit phlim, kaba la pynkhreh ia ki na ka bynta ka grand finale.

Ha kane ka prokram la wan iashim bynta u Dhruv Mathur, Senior Video Editor ka Reskill, kum u nongai jingkren, uba la batai shaphang ka kam video editing bad ialam lynti ia ki nongiashim bynta shaphang ki rukom pyntbit ha ka kam iathuh khana.

Ka lynti nangne shakhmat

Ka jingiakhun shna trailer bad ki roadshow ki thmu ban jied bad kyntiew ia ka pateng ban wan jong ki nongshna phlim bad ki nongiathuh khana. Mynta ki nongiashim bynta ki la khreh na ka bynta ka jingsam khusnam bad ka jingithuh ha kane ka kam ha ka grand finale ha ka Waves Summit.

Ka Delhi Roadshow ka dei ka dak jong ka bor jong ka kam iathuh khana bad video editing ban wanrah jingkylla, kaba la pynkhreh ia ka jingkut ba shongshit jong kane ka jingiakhun ha kylleng ka ri.

*****