Ka Myntri sorkar pdeng ba dei khmih ia ka Tnad Kam Pla Tyngka, Nirmala Sitharaman ka la wanrah ia ka Mang Tyngka 2025-26 jong ka sorkar pdeng ha iing dorbar thawain Parliament ha ka 1 tarik Rymphang, 2025. Ka bynta jong ka jingmang ia ki shynrang bad kynthei ha ka Mang Tyngka jong ka sorkar pdeng ka la kiew sha ka 8.86% ha u snem mang tyngka 2025-26 na ka 6.8% ha u snem mang tyngka 2024-25.

Ka jingmang tyngka kaba T. 4.49 lak klur kadei na ka bynta ka bha ka miat jong ki longkmie bad ki khynnah kynthei ha ka Gender Budget Statement jong u snem mang tyngka 2025-26. Kane kadei ka jingkiew kaba T. 37.25% ia ka jingmang tyngka GBS kaba T. 3.27 lak klur ha u snem mang tyngka 2024-25.

Mynta u snem baroh 49 tylli ki Tnad sorkar pdeng/ ki tnad bad 5 tylli ki UT ki la ioh ka jingmang tyngka haba ianujor bad ki 38 tylli ki Tnad sorkar pdeng/ ki tnad bad 5 tylli ki UT ha u snem mang tyngka 2024-25. Kane kadei kaba bun tam ka jingai jingtip da ki Tnad sorkar pdeng/ ki Tnad ha ka GBS naduh ba la sdang ia ka. Khatar tylli ki Tnad sorkar pdeng/ ki Tnad ba thymmai kiba la ioh ki jingmang tyngka ha ka GBS 2025-26 kilong Tnad Animal Husbandry & Dairying, Tnad Biotechnology, Department of Food & Public Distribution, Tnad Financial Services, Tnad Fisheries, Tnad Land Resources, Tnad Pharmaceuticals, Tnad Water Resources, RD & GR, Tnad Food Processing Industries, Tnad Panchayati Raj, Tnad Ports, Shipping & Waterways, bad Tnad Railways.

Kine ki 49 tylli ki Tnad sorkar pdeng/ ki Tnad bad 5 tylli ki UT ki la ioh jingmang tyngka ha ka Part A, Part B bad Part C jong ka Gender Budget Statement. T. 1,05,535.40 klur (23.50% ka jingmang tyngka GBS baroh) la ai jingtip da 17 tylli ki Tnad sorkar pdeng/ ki tnad bad 5 tylli ki UT ha ka Part A (100% ki skhim ba dei na ka bynta ki longkmie); T. 3,26,672.00 klur (72.75%) la ai jingtip da 37 tylli ki Tnad sorkar pdeng/ ki tnad bad 4 tylli ki UT ha ka Part B (30-99% ka jingmang tyngka na ka bynta ki longkmie) bad T. 16,821.28 klur (3.75%) la ai jingtip da 22 tylli ki Tnad sorkar pdeng/ ki tnad ha ka Part C (hapoh 30% ka jingmang tyngka na ka bynta ki longkmie).

10 tylli ki Tnad sorkar pdeng/ ki tnad kiba hakhmat kiba la ai jingtip palat 30% ki jingmang tyngka jong ki ha ka mang tyngka ia ki shynrang bad kynthei na ka bynta u snem mang tyngka 2025-26 kidei ka Tnad Women & Child Development (81.79%), Tnad Rural Development (65.76%), Tnad Food & Public Distribution (50.92%), Tnad Health & Family Welfare (41.10%), Tnad New & Renewable Energy (40.89%), Tnad Social Justice & Empowerment (39.01%), Tnad Higher Education (33.94%), Tnad School Education & Literacy (33.67%), Tnad Home Affairs (33.47%) bad Tnad Drinking Water & Sanitation (31.50%).

*****