প্রধান মন্ত্রী শ্রী নরেন্দ্র মোদীনা ঙসি পার্লিয়ামেন্ত মনুংদা 2025গী বজেৎ সেসন হৌদ্রিঙৈগী মমাংদা মীদিয়াদা ৱা ঙাংখ্রে। নুংঙাই য়াইফবগী লাই ওইরিবা লাইরেম্বী লক্ষ্মীদা ইকায় খুম্নবা উৎলদুনা প্রধান মন্ত্রীনা হায়খি মদুদি ঙসি বজেৎ মীফম হৌরকপদা, লাইরেম্বী লক্ষ্মীবু নীংশিংবা চৎনবী অমা ওইরে, মহাক্না লৌশিং, চাউখৎপা অমসুং য়াইফ-থৌরাং পীনবীরি। লৈবাক অসিদা লৈরিবা লায়রবা অমসুং মিদল ক্লাসকী কাংলুপ খুদিংদা মহাক্কী অখন্নবা থৌজেল পীনবগীদমক মহাক্না লাইরেম্বী লক্ষ্মীদা থৌনিখি।

ভারতনা মশাগী রিপব্লিক্কী চহি 75 মপুং ফারকপা অসি নাগরিক খুদিংমক্কী চাউথোকচনীংঙাই ওই হায়না পল্লদুনা শ্রী মোদীনা হায়খি মদুদি মসিগী মাইপাকপা অসিনা ভারতকী শক্তি অমসুং মরুওইবা অদু উৎতুনা দিমোক্রেসীগী মালেমদা অখন্নবা মফম অমা কল্লি।

অহুমশুবা ওইনা সরকার শেম্নবগী থৌদাং অসি পীবগীদমক লৈবাক অসিগী মীয়ামদা থাগৎপা ফোংদোক্লদুনা, প্রধান মন্ত্রীনা হায়খি মদুদি মসি মহাক্কী অহুমশুবা তর্মগী অহানবা মপুংফাবা বজেৎ সেসননি। মহাক্না থাজবা ফোংদোকখি মদুদি 2047 ফাওবদা, ভারতনা নীংখা তম্বগী চহি 100 মপুং ফারকপা মতমদা, লৈবাক অসিনা চাউখৎলবা লৈবাক অমা ওইবগী পান্দম ফংলগনি। মহাক্না অকনবা ৱাফম থমখি মদুদি হায়রিবা বজেৎ মীফম অসিনা অনৌবা থাজবা অমসুং ইনর্জী পীরগনি। মসিনা নাগরিক করোর 140না পুন্না ৱারেপ অসি মপুং ফাহল্লগনি। প্রধান মন্ত্রীনা হায়খি মদুদি অহুমশুবা তর্মদা, সরকার অসিনা জিওগ্রাফীকেল্লী, সোসিএল্লী, নৎত্রগা ইকনোমিকেল্লী ওইনা অপুনবা চাউখৎপগী মায়কৈদা মিসন মোদতা মাংলোমদা চংশিল্লি। মহাক্না হায়খি মদুদি ইন্নোবেসন, ইনক্লুজন অমসুং ইনবেস্তমেন্ত অসি লৈবাক অসিগী ইকোনোমিক রোদমেপকী য়ুম্ফম ওইদুনা লাক্লি। শ্রী মোদীনা হায়খি মদুদি পুৱারী ওইরবা বিল অমসুং প্রপোজেল কয়া অমা সেসন অসিদা খন্ন-নৈনগনি, মসিনা লৈবাক অসিবু মপাঙ্গল কনখৎহনগদবা আইনশিং পুথোক্কনি। মহাক্না নুপী খুদিংমক্কী ধর্মগী অমসুং কাঙলুপকী খেন্নবা লৈতনা, চপ মান্নবা হকশিং ফংহন্দুনা, নুপীশিংগী ইকাই খুম্নবা অমুক হন্না লৈহন্নবা মরুওইবা পনখি। মহাক্না হায়খি মদুদি পান্দম অসি ফংনবগীদমক মরুওইবা ৱারেপশিং অসি সেসন অসিদা লৌগনি। প্রধান মন্ত্রীনা খোঙজেল য়াংনা চাউখৎপা পুরক্নবা রিফোর্ম, পরফোর্ম অমসুং ত্রান্সফোর্মগী মরুওইবা অদু পনখি। মহাক্না হায়খি মদুদি রাজ্য অমসুং কেন্দ্র সরকারনা পুন্না থবক তৌমিন্নগদবনি অমসুং মীয়ামগী শরুক য়াবনা অহোংবা পুরক্কনি।

ভারত অসি য়ুভা শক্তি য়াম্না লৈবা নহা ওইরিবা লৈবাক অমনি হায়না পল্লদুনা প্রধান মন্ত্রীনা হায়খি মদুদি ঙসিগী চহি 20-25গী নহাশিং অসিনা চহি 45-50 য়ৌরকপা মতমদা চাউখৎলবা ভারত অমগী খ্বাইদগী চাউবা কান্নবা ফংলবশিং ওইরগনি। মখোয়শিং অসি পোলিসী মেকিংদা মরুওইবা পোজিসনশিংদা লৈগনি অমসুং চাউখৎলবা ভারতপু মথংগী চহিচাদা চাউথোকচবা ওইনা লমজিংগনি। চাউখৎলবা ভারত অমগী ৱারেপ অদু মপুং ফাহন্নবা হোৎনরিবা অসি হৌজিক্কী নহা ওইরিবা অমসুং নহা ওইরিবা জেনেরেসনগীদমক অচৌবা খুদোংচাবা অমা ওইরগনি হায়না প্রধান মন্ত্রীনা অকনবা ৱাফম থমখি। মহাক্না মসিবু ইং 1930 অমসুং 1940গী মতমদা নীংতম্বগীদমক লান্থেংনখিবা নহাশিংগা চাংদম্নখি, মখোয়গী হোৎনবনা চহি 25গী মতুংদা নীংতম্বগী কুহ্মৈ পাংথোকহনখি। মতৌ অসুম্না লাক্কদৌরিবা চহি 25 অসিসু য়াইফবা অমসুং চাউখৎপা ভারত অমা ওইহন্নবগীদমক্তা কত্থোক্কনি হায়না মহাক্না মখা তাখি। প্রধান মন্ত্রীনা সংসদকী মীহুৎ পুম্নমক্তা হায়রিবা বজেৎ মীফম অসিদা চাউখৎলবা ভারতকী মঙলানবু মপাঙ্গল কনখৎহন্নবগীদমক থৌদাং লৌনবা হায়খি। মহাক্না হায়খি মদুদি মসি নহা ওইরিবা এম.পি.শিংগীদমক অচৌবা খুদোংচাবা অমনি, মরমদি মখোয়গী এক্তিব পার্তিসিপেসন অমসুং এৱেরনেসনা মখোয়দা চাউখৎলবা ভারতকী মহৈশিং উবা ফংহনগনি।

প্রধান মন্ত্রীনা হায়খি মদুদি বজেৎ মীফম অসিনা লৈবাক্কী অপাম্বশিং মপুং ফাহনগনি। মহাক্না পনখি মদুদি মসি 2014দগী হৌদুনা পার্লিয়ামেন্তকী মীফম অসিদদি মীফম অদুগী মমাংদা মপানগী সোর্সশিংদগী অশোয়বা থোকহন্নবা হোৎনখিদবা অহানবা ওইগনি। প্রধান মন্ত্রীনা হায়খি মদুদি হৌখিবা চহি 10 অসিদা সেসন খুদিংমক্কী মমাংদা অপনবা পীনবা হোৎনখি। মৈ অদু মুথৎপা পামদব মীওইশিংগী অৱাৎপা লৈতে। অদুম ওইনমক, হৌখিবা চহি তরাগী মনুংদা অসিগুম্বা মখলগী অপনবা অসি মপানগী মফম অমা হেক্তদগী থোকখিদবা অহানবা সেসননি হায়না মহাক্না মখা তাখি।

Speaking at the start of the Budget Session of Parliament. https://t.co/IC4Sk4Ppub

— Narendra Modi (@narendramodi) January 31, 2025

***