ہندوستان کے وزیر اعظم جناب نریندر مودی نے کہا کہ آنے والی ویوز (ورلڈ آڈیو ویژول اینڈ انٹرٹینمنٹ سمٹ) ہندوستان کی تخلیقی صلاحیتوں کو ایک نئی عالمی شناخت فراہم کرے گی۔ بھونیشور میں اتکرش اوڈیشہ – میک ان اوڈیشہ کنکلیو میں سامعین سے خطاب کرتے ہوئے، انہوں نے اس بات پر روشنی ڈالی کہ کس طرح ویوز جیسی بڑی تقریبات نہ صرف نمایاں آمدنی پیدا کرتی ہیں بلکہ بصیرتیں بھی پیدا کرتی ہیں اور معیشت کو آگے بڑھاتی ہیں۔ انہوں نے ہندوستان کی تخلیقی صلاحیتوں کے وسیع ذخیرے کو بروئے کار لانے اور میڈیا اور تفریحی شعبے میں ملک کو ایک عالمی رہنما کے طور پر رکھنے کے لیے اس طرح کے اقدامات کے بے پناہ امکانات پر زور دیا۔

WAVE Summit भारत की creative power को दुनिया में नई पहचान दिलाएगा। - पीएम @narendramodi जी

📍At 'Utkarsh Odisha' - Make in Odisha Conclave, Bhubaneswar pic.twitter.com/jv1SUL46B3

— Ashwini Vaishnaw (@AshwiniVaishnaw) January 28, 2025

ویوز 2025: ہندوستان کی لازوال روایات کو عصری تخلیقی صلاحیتوں سے ملاتی ہے

ویوز 2025 ہندوستان کی بھرپور ثقافتی ورثے اور جدید تخلیقی صلاحیتوں کا ایک انوکھا سنگم پیش کرتی ہے، جو کلاسیکی اور نیم کلاسیکی موسیقی کے تخلیق کاروں سے لے کر ای ڈی ایم کی جدید موسیقی کے تخلیق کاروں تک اور کھادی کے لیے اختراعی اشتہاری پیشہ ور افراد، ڈیزائنرز اور تخلیق کاروں کے لیے پلیٹ فارم پیش کرتی ہے۔

ماضی اور حال کے اس متحرک امتزاج واہ استاد، ہندوستان کے روایتی موسیقی کے ورثے کا جشن منانے، ریزونیٹ: دی ای ڈی ایم چیلنج، جدید عالمی موسیقی کے رجحانات کو اپنانے اور میک دی ورلڈ وئر کھادی جو کہ ہندوستان کے مشہور فیبرک (سوتی لباس) کو پائیدار فیشن کی عالمی علامت کے طور پر  ازسرنو پیش کرنے کے لیے کوشاں ہے، جیسی چیلنجوں کی مثال ہیں۔ یہ تین چیلنجز جناب اشونی وشنو نے ویوز بازار اور ویوز ایوارڈز کے ساتھ 27 جنوری 2025 کو شروع کیے جہاں انہوں نے تخلیق کاروں سے اپیل کی کہ وہ ہندوستان کو مواد کی تخلیق کا عالمی دارالحکومت بننے میں مدد کریں۔

جناب اشونی ویشنو 27 جنوری 2025 کو ویوز بازار-عالمی-ای-مارکیٹ پلیس ویوز سی آئی سی چیلنج کے آغاز کے موقع پر حاضرین سے خطاب کرتے ہوئے جس میں 'واہ استاد' اور ویوز ایوارڈز شامل ہیں

ایک ساتھ مل کر، یہ اقدامات مواد تخلیق کاروں کو اپنی صلاحیتوں کو ظاہر کرنے کے بے مثال مواقع فراہم کرتے ہیں، روایت اور اختراع کو ملاتے ہیں اور ہندوستان کی ثقافتی اور تخلیقی نشاۃ ثانیہ میں حصہ ڈالتے ہوئے شناخت حاصل کرتے ہیں۔ یہ چیلنجز کل 31 کرئیٹ ان انڈیا چیلنجز کی ایک متنوع لائن اپ میں شامل ہوتے ہیں، جو مختلف انواع کے مواد کے تخلیق کاروں کو اپنی صلاحیتوں کو ظاہر کرنے کے لیے ایک اسٹیج پیش  کرتے ہیں۔

نئے چیلنجز کے بارے میں

واہ استاد: ہندوستان کے پوشیدہ میوزیکل جوہر کو دریافت کرنے کے لیے ایک ریئلٹی شو

اطلاعات و نشریات کی وزارت نے ثقافت اور دوردرشن کی وزارت کے ساتھ مل کر، واہ استاد، ایک غیر معمولی کلاسیکی اور نیم کلاسیکی موسیقی کے ٹیلنٹ ہنٹ کو کریٹ ان انڈیا چیلنجز کے تحت شروع کیا ہے، جو ویوز 2025 کا ایک اہم اقدام ہے۔اس کا مقصد ہندوستانی، کارنیٹک، اور روح پرور صوفی موسیقی میں غیر معمولی صلاحیتوں کی نشو نما کرتے ہوئے ہندوستان کی بھرپور موسیقی کے ورثے کو فروغ دینا ہے۔

Experience the magic of Indian music 🎶

Doordarshan, in collaboration with Dilli Gharana, is bringing a classical & semi-classical music talent hunt reality show Wah Ustad, as a part of #CreateInIndiaChallenge Season-1 under #WAVES2025.

Register now & showcase your talent to… pic.twitter.com/TCqDf9nlJp

— Doordarshan National दूरदर्शन नेशनल (@DDNational) January 28, 2025

باوقار "دلیّ گھرانہ" کی مہارت کے ساتھ تصورکردہ کیا گیا، واہ استاد 18 سال اور اس سے زیادہ عمر کے نوجوان، کلاسیکی طور پر تربیت یافتہ گلوکاروں کے لیے ایک پلیٹ فارم کے طور پر کام کرے گا۔ عالمی شرکت کے لیے کھلا، یہ پروگرام ہندوستانی یا کارنیٹک موسیقی، صوفی قوالی، اور نیم کلاسیکی انواع کے لیے جنون کے حامل ہنرمند افراد سے اندراجات کو مدعو کرتا ہے۔

دلی دربار پورٹل کے ذریعے آن لائن رجسٹریشن کے ساتھ شرکاء کا سفر پہلے ہی شروع ہو چکا ہے۔ یہ علاقائی آڈیشنز، موضوعاتی اقساط، اور بالآخر ممبئی میں ویوز 2025 میں ایک عظیم الشان فائنل میں اختتام پذیر ہوگا۔ سرفہرست پانچ فائنلسٹ باوقار خطاب کے لیے مقابلہ کریں گے، جیتنے والے کو نقد انعام، سرپرستی کے مواقع، ریکارڈنگ کنٹریکٹس، اور ملک گیر پہچان ملے گی۔

دوردرشن پر نشر ہونے والی 26 اقساط کے ساتھ، واہ استاد موسیقاروں کی اگلی نسل کو متاثر کرتے ہوئے ہندوستان کے ثقافتی ورثے کا جشن منائے گی۔ روایتی مہارت کو جدید ٹیکنالوجی کے ساتھ ملا کر، یہ پروگرام کلاسیکی موسیقی کی روح پرور دلکشی اور آج کی دنیا میں اس کی افادیت کو اجاگر کرنے کا وعدہ کرتا ہے۔

ریزونیٹ: ای ڈی ایم چیلنج

الیکٹرانک میوزک کے اپنی نوعیت کے پہلے عالمی جشن میں، ریزونیٹ: ای ڈی ایم چلنج افتتاحی ورلڈ آڈیو ویژول اینڈ انٹرٹینمنٹ سمٹ (ویوز) میں مرکزی مقام پر ہوگا۔ انڈین میوزک انڈسٹری (آئی ایم آئی) کے ذریعہ اطلاعات اور نشریات کی وزارت (آئی اینڈ بی) کے تعاون سے منعقد ہونے والے اس چیلنج کا مقصد میوزک فیوژن، الیکٹرانک میوزک اور ڈی جنگ کے متحرک فن کے لیے ایک عالمی مرکز کے طور پر ہندوستان کی پوزیشن کو مضبوط کرنا ہے۔

اگر آپ ڈیجیٹل یا الیکٹرانک موسیقی تیار کرنے میں مہارت حاصل کرتے ہیں اور ڈی جنگ کے لیے ایک ذوق رکھتے ہیں، ویوز 2025 میں ریزونیٹ: ای ڈی ایم چلنج آپ کے چمکنے کا حتمی مرحلہ ہے۔ یہ منفرد مقابلہ دنیا بھر سے باصلاحیت افراد کو موسیقی کی تیاری اور لائیو پرفارمنس میں اپنی صلاحیتوں کا مظاہرہ کرنے کے لیے مدعو کرتا ہے، جو ڈی جے ماسٹر بننے کا ایک بے مثال موقع فراہم کرتا ہے۔ دلچسپ انعامات اور صنعت کے ماہرین اور عالمی سامعین کے سامنے پرفارم کرنے کے لیے ایک پلیٹ فارم کے ساتھ، یہ چیلنج آپ کے لیے الیکٹرانک موسیقی کے لیے اپنے شوق کو بین الاقوامی شناخت میں بدلنے کا موقع ہے۔

انفرادی فنکاروں اور تخلیقی ٹیموں کے لیے کھلا، ریزونیٹ ابھرتے ہوئے اور تجربہ کار موسیقاروں کو دو سنسنی خیز مراحل میں مقابلہ کرنے کے لیے ایک پلیٹ فارم فراہم کرتا ہے:

• ابتدائی دور: شرکاء اپنے اصل ای ڈی ایم ٹریکس آن لائن جمع کرائیں گے، جن کا جائزہ صنعت کے ماہرین کے ایک پینل کے ذریعے سرفہرست 10 اندراجات کو شارٹ لسٹ کرنے کے لیے کیا جائے گا۔
• گرینڈ فائنل: فائنلسٹ ویوز 2025 میں براہ راست پرفارم کریں گےاور  ممتاز جیوری اور عالمی سامعین کے سامنے اعلیٰ اعزازات کے لیے مقابلہ کریں گے۔

جیتنے والوں کو پروموشنل مواد میں نمایاں ہونے، بین الاقوامی نمائش حاصل کرنے، اور عالمی سطح پر پرفارم کرنے کے موقع کے ساتھ، خاطر خواہ نقد انعامات (گرینڈ پرائز جیتنے والے کے لیے  2,00,000  روپئے اور رنر اپ کے لیے 50,000 روپیے) ملیں گے۔

دنیا کو کھادی پہنائیں: ہندوستان کے مشہور لباس کو آگے بڑھانے کے لیے ایک عالمی کال

ہندوستان کا لازوال فیبرک، کھادی، ویوز 2025 میں کرئیٹ ان انڈیا پہل کے تحت "دنیا کو کھادی پہنائیں" چیلنج کے آغاز کے ساتھ ایک عالمی بیان دینے کے لیے تیار ہے۔ یہ منفرد مقابلہ اشتہاری پیشہ ور افراد، تخلیقی فری لانسرز، اور دنیا بھر کے ڈیزائنرز کو مدعو کرتا ہے۔ تاکہ وہ اختراعی مہمات تیار کریں جو کھادی کو ایک عالمی برانڈ کے طور پر پیش کریں۔  

بین الاقوامی شرکت کے لیے کھلا،یہ چیلنج شرکاء کو ڈیجیٹل، پرنٹ، ویڈیو، اور تجرباتی فارمیٹس میں جرات مندانہ اور تصوراتی ڈیزائن کے تصورات کو دریافت کرنے کی ترغیب دیتا ہے۔ مقصد کھادی کی برانڈ امیج کو آگے بڑھانا، صارفین کی مصروفیت کو متاثر کرنا، اور اسے دنیا بھر میں پائیدار فیشن اور ثقافتی ورثے کی علامت کے طور پر قائم کرنا ہے۔ کھادی کو بین الاقوامی سطح پر مشہور برانڈ میں تبدیل کرنے میں اہم کردار ادا کرتے ہوئے فاتحین اپنے پیشہ ورانہ سفر کو آگے بڑھانے کے لیے پہچان اور مواقع حاصل کریں گے۔

ویوز ایوارڈز

ویوز ایوارڈز 15 فروری 2025 کو نامزدگیوں کی شروعات کے ساتھ، عالمی تخلیقی صنعت میں نمایاں خدمات  پیش کرنے والوں کو اعزاز سے نوازیں  گے۔ متنوع شعبوں میں شاندار کارکردگی کو تسلیم کرتے ہوئے، ایوارڈز میں دو بڑے زمرے ہیں: 'سال کے بہترین' عالمی ایوارڈز اور خصوصی انتخاب کے ایوارڈز۔

‘سال کے بہترین’ گلوبل ایوارڈز گیمنگ، فلم، اینی میشن، ویب سیریز، اشتہارات، اسٹارٹ اپس اور ڈیجیٹل اثر و رسوخ میں سرفہرست کامیابیوں کے لیے ہیں۔ کلیدی زمروں میں گیم آف دی ایئر، فلم آف دی ایئر، انفلوئنسر آف دی ایئر، پوڈکاسٹر آف دی ایئر، اور سانگ آف دی ایئر شامل ہیں۔

خصوصی انتخاب ایوارڈز ان افراد اور اقدامات کو تسلیم کرتے ہیں جنہوں نے ایک نمایاں اثر پیدا کیا ہے۔ اس میں ممتاز جی۔ او۔ اے۔ ٹی۔ (گریٹیسٹ آف آل ٹائم) لائف ٹائم اچیومنٹ ایوارڈ، بزنس پرسن آف دی ایئر، سوشل امپیکٹ ایوارڈ، اور ٹیک آئیکون ایوارڈز شامل ہیں۔ تبدیلی کے زمرے کی کہانیاں براڈکاسٹ، پرنٹ، اور ڈیجیٹل میڈیا میں تبدیلی کی شراکت کو مزید نمایاں کرتی ہیں۔

۔۔۔۔۔۔۔۔۔۔۔

ش ح۔ا ک۔اک م۔

U- 5755