প্রধান মন্ত্রী : ২০৪৭ দা থম্লিবা লৈবাক অসিগী পান্দম করিনো?

মহৈরোয় : ঐখোয়গী লৈবাক চাউখৎহনবা ঐখোয়না পাম্মী।

প্রধান মন্ত্রী : অদোম শোইদ্রবরা?

মহৈরোয় : হোই সার।

প্রধান মন্ত্রী : করিগী ২০৪৭ দা ৱারেপ লৌরিবনো?

মহৈরোয় : মতম অদু ফাওবদা ঐখোয়গী মীরোলনা থৌরাং তৌনবা।

প্রধান মন্ত্রী : অমা লৈরে, অনিশুবদি?

মহৈরোয় : চহি অদুদা নিংতম্বা চহি ১০০ মপুংফারগনি।

প্রধান মন্ত্রী : য়াম ফরে!

প্রধান মন্ত্রী : পুং কয়াগী অদোম য়ুমদগী থোক্লকপগে ?

মহৈরোয় : ৭:০০ ।

প্রধান মন্ত্রী : অদুদি, অদোম চাকয়োম পুরকপরা?

মহৈরোয় : পুরক্তে সার।

প্রধান মন্ত্রী : চাক্তো ঐ চারোই, ঐঙোন্দা অশেংবা হায়য়ু।

মহৈরোয় : য়াম্না ৱানা ঐ মফম অসিদা য়ৌরকপনি।

প্রধান মন্ত্রী : অদোম চাক চারগা লাকপা ওইরমগনি, অদুনা চাক পুরক্তবনি ? ফরে, চাক অদু প্রধান মন্ত্রীনা চাখিগনি হায়না নহাক্না খল্লমগনি।

মহৈরোয় : নত্তে সার।

প্রধান মন্ত্রী : ফরে, ঙসি অসি করি নুমিৎনো?

মহৈরোয় : সার, ঙসি নেতাজি সুভাস চন্দ্র বোসকী মপোক নুমিৎনি।

প্রধান মন্ত্রী : চুম্মী।

প্রধান মন্ত্রী : মহাক কদাইদা পোকখিবগে ?

মহৈরোয় : ওরিসা।

প্রধান মন্ত্রী : ওরিসাগী করম্বা মফমদা?

মহৈরোয় : কত্তক ।

প্রধান মন্ত্রী : ঙসি কত্তক্ত অচৌবা থৌরম অমা পাংথোক্লি।

প্রধান মন্ত্রী : নেতাজিগী করম্বা খোল্লাউনা অদোমগী পুক্নিং থৌগৎপগে?

মহৈরোয় : ঐনা অদোমগী নিংতম্বা পীগনি।

প্রধান মন্ত্রী : য়েংউ, ঐখোয় নিংতম্বা ফংলে, হৌজিক ঐখোয়না ঈ পীবা পামদ্রবদি, ঐখোয়না করি পীগনি?

মহৈরোয় : সার, মসিনা হৌজিক ফাওবা মহাক করম্বা মখলগী লুচিংবনো হায়বা তাক্লি অমসুং কমদৌনা মহাক্না মশামক্তগী মহাক্কী লৈবাক্না হেন্না লুম্না লৌবগে হায়বা তাক্লে, মসিনাঐখোয়দা ইথিল য়াম্না পীরি।

প্রধান মন্ত্রী : করি ইথিল ফংবগে ?

মহৈরোয় : সার, ঐখোয়গী এস.দি.জি পান্দমশিংগী খুৎথাংদা, ঐখোয়গী কার্বোন ফুতপ্রিন্ত হন্থহনবা ঐখোয়না পাম্মী।

প্রধান মন্ত্রী : ফরে, কার্বোন ফুতপ্রিন্ত হন্থহন্নবা করি পাংথোক্কনি?

মহৈরোয় : সার, ইলেক্ত্রিক্কী গারিশিং শীজিন্নবা হৌখ্রে।

প্রধান মন্ত্রী : ইলেক্ত্রিক্কী গারিশিং, ফরে! মথংদি?

মহৈরোয় : সার, হৌজিক ইলেক্ত্রিক বসশিংশু চেনবা হৌরে।

প্রধান মন্ত্রী : হৌজিক ইলেক্ত্রিক বস চেল্লবরা?

মহৈরোয় : হোই সার, হৌজিক চেল্লে…

প্রধান মন্ত্রী : ভারত সরকারনা দিল্লিদা ইলেক্ত্রিক বস কয়া পীখিবগে হায়বা অদোম খঙবরা?

মহৈরোয় : সার, য়াম্না পীখি।

প্রধান মন্ত্রী : বস ১২০০ হেন্না পীখি। লৈবাক শীনবা থুংবগী তোঙান তোঙানবা সহরশিংদা বস লিশিং ১০ রোম পীখ্রে।

প্রধান মন্ত্রী : ফরে, অদোম পি.এম সু্র্যা ঘর য়োজনাগী মরমদা খঙবরা? কার্বোন ফুতপ্রিন্ত হন্থহন্নবা। অদোম্না মীওই খুদিংমক্ত খঙহনগদবনি, ঐ হায়য়ুরা?

মহৈরোয় : হোই সার, তপ্না হায়বীয়ু।

প্রধান মন্ত্রী : য়েংউ, পি.এম সু্র্যা ঘর য়োজনা অসি অইং-অশাগী খল হোংলকপা থেংনবগী শরুক অমনি, মরম অদুনা য়ুম খুদিংমক্ত সোলার পেনেল অমমম থম্লে।

মহৈরোয় : হোই সার।

প্রধান মন্ত্রী : নুমিৎকী মঙালদগী য়ুমদা ইলেক্ত্রিসিতি পুথোক্লবদি করি ওইগনি? ইলেক্ত্রিসিতিগী বিল জিরো ওইরগনি। করিগুম্বা অদোম্না চার্জর অমা থম্লগদি, গারি চার্জ তৌবা য়াগনি, ইলেক্ত্রিক গারি, পেত্রোল-দিজলগী শেন অমতা তিংলরোই, মৈখু অমতা থোক্লরোই।

মহৈরোয় : হোই সার।

প্রধান মন্ত্রী : করিগুম্বা য়ুমদা শীজিন্নখিবগী লেমহৌবা ইলেক্ত্রিসিতি লৈরবদি, সরকারনা মদু লৈগনি অমসুং অদোমদা শেন পীগনি। হায়বদি য়ুমদা ইলেক্ত্রিসিতি পুথোক্লগা অদোম শেন তানবা য়াগনি।

প্রধান মন্ত্রী : জয় হিন্দ।

মহৈরোয় : জয় হিন্দ।

প্রধান মন্ত্রী : জয় হিন্দ।

মহৈরোয় : জয় হিন্দ।

প্রধান মন্ত্রী : জয় হিন্দ।

মহৈরোয় : জয় হিন্দ।

*****