মহাকুম্ভ, ২০২৫ৰ অৰ্থে ৰাষ্ট্ৰীয় স্বচ্ছ গংগা অভিযানৰ অধীনত ১৫২.৩৭ কোটি টকা ব্যয় সাপেক্ষে স্বচ্ছতা ব্যৱস্থাপনাৰ বিশেষ ব্যৱস্থা গ্ৰহণ কৰা হৈছে। এই পদক্ষেপসমূহে পৰম্পৰাগত পদ্ধতিৰ সৈতে আধুনিক প্ৰযুক্তিৰ সংমিশ্ৰণেৰে অনুষ্ঠানটোৰ বাবে এক স্বচ্ছ আৰু বহনক্ষম পৰিবেশ নিশ্চিত কৰিব।

মহাকুম্ভ, ২০২৫ত গংগাৰ পবিত্ৰতা অক্ষুণ্ণ ৰখা, ফলপ্ৰসূ আৱৰ্জনা ব্যৱস্থাপনা আৰু প্লাষ্টিকমুক্ত অঞ্চল গঢ়ি তোলাত অগ্ৰাধিকাৰ প্ৰদান কৰা হৈছে। এই অনুষ্ঠানক পৰিবেশ দায়বদ্ধতাৰ মানদণ্ড হিচাপে উপস্থাপন কৰা হ’ব, সমগ্ৰ মেলা এলেকাতে পৰিষ্কাৰ-পৰিচ্ছন্নতা অক্ষুণ্ণ ৰখাত প্ৰবল গুৰুত্ব আৰোপ কৰা হৈছে।

চেপ্টিক টেংকৰে সজ্জিত ১২ হাজাৰ ফাইবাৰ ৰিইনফৰ্চড প্লাষ্টিক (FRP) টয়লেট আৰু ছ’ক পিট থকা ১৬,১০০ প্ৰিফেব্ৰিকেটেড ষ্টীলৰ টয়লেটকে প্ৰমুখ্য কৰি ২৮ হাজাৰৰো অধিক শৌচাগাৰ সংস্থাপন কৰা হৈছে। এই শৌচাগাৰসমূহৰ লক্ষ্য হৈছে পৰিষ্কাৰ-পৰিচ্ছন্নতা নিশ্চিতকৰণৰ লগতে পৰিবেশ-অনুকূল পদ্ধতিক প্ৰোৎসাহিতকৰণ। ভক্তসকলে এটি আৰামদায়ক আৰু পৰিষ্কাৰ-পৰিচ্ছন্ন অভিজ্ঞতা লাভ নিশ্চিত কৰিবলৈ ২০ হাজাৰ সামূহিক প্ৰস্ৰাৱগাৰ স্থাপন কৰা হৈছে।

মেলা এলেকাত ফলপ্ৰসূ আৱৰ্জনা ব্যৱস্থাপনা নিশ্চিত কৰিবলৈ ২০,০০০ আৱৰ্জনা পেলোৱা স্থানৰ ব্যৱস্থা কৰা হৈছে, যাতে আৱৰ্জনা পৃথকীকৰণত সহায় কৰে, একে সময়তে ইয়াৰ পুনৰ ব্যৱহাৰক উৎসাহিত কৰিবলৈ প্ৰয়াস গ্ৰহণ কৰা হৈছে। আৱৰ্জনা সংগ্ৰহ আৰু নিষ্কাশন অধিক সুশৃংখলিত কৰিবলৈ ৩৭.৭৫ লাখ লাইনাৰ বেগ যোগান ধৰা হৈছে। এই সু-সংগঠিত আৱৰ্জনা ব্যৱস্থাপনা ব্যৱস্থাই অনুষ্ঠানৰ স্থান পৰিষ্কাৰ আৰু পৰিবেশ অনুকূল কৰি ৰাখিব। মহাকুম্ভ, ২০২৫ৰ বাবে গ্ৰহণ কৰা কৌশলসমূহে পৰিষ্কাৰ-পৰিচ্ছন্নতাৰ ক্ষেত্ৰত উচ্চ মানদণ্ড নিৰ্ধাৰণেই নহয়, বৰঞ্চ পৰিবেশ বহনক্ষমতাৰ প্ৰতি দেশৰ দায়বদ্ধতাকো প্ৰদৰ্শন কৰিব।

মহাকুম্ভ, ২০২৫ কেৱল এক ধৰ্মীয় অনুষ্ঠানেই নহয়, বৰঞ্চ এয়া পৰিবেশ সংৰক্ষণ আৰু পৰিষ্কাৰ-পৰিচ্ছন্নতাৰ আদৰ্শ নিদৰ্শনো। ইয়াত গংগাৰ পবিত্ৰতা অক্ষুণ্ণ ৰখা, বহনক্ষম আৱৰ্জনা ব্যৱস্থাপনা আৰু প্লাষ্টিকমুক্ত অঞ্চল গঢ়াৰ দিশত চৰকাৰৰ প্ৰচেষ্টাসমূহৰে প্ৰতিফলন ঘটিছে। এই পবিত্ৰ অনুষ্ঠানৰ জৰিয়তে সমাজত পৰিষ্কাৰ-পৰিচ্ছন্নতা আৰু পৰিবেশ সুৰক্ষাৰ প্ৰতি সজাগতাৰ বৰ্ধন ঘটিব। মহাকুম্ভ, ২০২৫ৰ বাবে এই স্বচ্ছতাৰ পদক্ষেপে কেৱল বৰ্তমানৰ প্ৰজন্মকে নহয়, বৰঞ্চ ভৱিষ্যত প্ৰজন্মকো অনুপ্ৰাণিত কৰিব।

*****

SK/VM/SB