پریاگ راج میں مہاکمبھ ثقافت اور روحانیت کے ساتھ ساتھ ماحولیاتی تحفظ کی ایک طاقتور داستان بیان کر رہا ہے۔ 31 جنوری کو، شہر گرین مہاکمبھ کی میزبانی کرے گا، جس میں ملک بھر سے 1000 سے زیادہ ماحولیاتی اور پانی کے تحفظ کے کارکنوں کو اکٹھا کیا جائے گا۔ یہ منفرد پروگرام گیان مہاکمبھ - 2081 سلسلے کا حصہ ہے، جس کا انعقاد شکشا سنسکرتی اُتھّان   نے کیا ہے، جس  کے سرپرست اعلیٰ اتر پردیش کے وزیر اعلی یوگی آدتیہ ناتھ  ہیں ۔

ماحول دوست مہاکمبھ کے حصے کے طور پر، قدرت ،  ماحولیات، پانی اور صفائی  ستھرائی  کے معاملوں پر مرکوز  قومی سطح کے مباحثے  ہوں گے ۔ اس دوران  ماہرین  نظام  قدرت کے پانچ عناصر کے توازن کو برقرار رکھنے اور انہیں درپیش چیلنجوں سے نمٹنے کے بارے میں اپنی بصیرت اور تجربات کا اشتراک کریں گے۔ اس کے علاوہ ، بات چیت مہاکمبھ کے یاتریوں میں ماحولیاتی تحفظ اور صفائی ستھرائی کے ساتھ ساتھ ان کوششوں کو فروغ دینے کے لیے چلائی جانے والی مہمات کے بارے میں بیداری پیدا کرنے کے طریقے تلاش کرے گی۔

صاف ستھرے مہاکمبھ کے وژن پر عمل کرتے ہوئے، سرکاری ایجنسیاں، عوامی نمائندے اور مقامی شہری اس تاریخی تقریب کی کامیابی کو یقینی بنانے کے لیے مل کر کام کر رہے ہیں۔ اس پہل کے ایک حصے کے طور پر، آج پریاگ راج میں صفائی ستھرائی کو فروغ دینے اور عوامی بیداری بڑھانے کے لیے سووچھتا رتھ یاترا کا آغاز کیا گیا، جس میں  سماج  کے افراد نے کثیر  تعداد میں حصہ  لیا ۔

سووچھتا رتھ یاترا اس بات کو یقینی بنانے کے لیے شروع کی گئی تھی کہ پریاگ راج مہاکمبھ میں آنے والے عقیدت مندوں اور سیاحوں کو  صفائی ستھرائی کے جذبے کی عکاسی کرے۔ شہر سے گزرنے والے مہاکمبھ نگر کے راستے کے ساتھ، اس اقدام کا مقصد اس عظیم الشان تقریب کے دوران متوقع لاکھوں عقیدت مندوں کے لیے قدیم ماحول کو برقرار رکھنا ہے۔

پریاگ راج کے میئر جناب امیش چندر گنیش کیسروانی نے اس تقریب کو 'جن جاگرن یاترا' قرار دیا،  جس کا مقصد پریاگ راج کو صاف ستھرا، صحت مند اور نظم و ضبط پر مبنی شہر بنانا ہے۔ شہریوں سے اپیل کی گئی کہ وہ کوڑا کرکٹ پھینکنے سے گریز کریں، کوڑے دان کا استعمال کریں اورسنگل یوز  پلاسٹک کے استعمال سے گریز کریں۔ اس تقریب کو مقامی آبادی کی طرف سے پرجوش حمایت حاصل ہوئی، جس میں بہت سے لوگوں نے سرگرم طور پر حصہ لیا۔

مختلف رنگوں کے کوڑے دان اٹھائے ہوئے نکڑ ناٹک کے فنکاروں نے رتھ کے ساتھ ساتھ  اپنے  فن کا مظاہرہ کیا  اور گیلے اور خشک کچرے کے  الگ الگ کوڑے دان کا استعمال کرتے ہوئے کچرے کی مناسب درجہ  بندی کے بارے میں بیداری پھیلائی۔ اس پیغام میں اضافہ کرتے ہوئے، ایک صفائی ستھرائی پر مبنی میوزک بینڈ نے پوری یاترا میں پرفارم کیا، جس نے مہا کمبھ کے دوران صاف  ستھرے پریاگ راج کو برقرار رکھنے کے  پیغام  پر  زور دیا۔ بڑی تعداد میں صفائی متروں (صفائی کارکنوں) اور میونسپل کارپوریشن کے عملے نے بھی سرگرمی سے حصہ لیا اور شہر کو صاف ستھرا رکھنے میں ان کے کردار کی اہمیت پر بھی زور دیا۔

************

U.No:4954

ش ح۔ض ر۔ق ر