প্রধানমন্ত্রীগী লোইশঙ
US নেস্নেল সেক্যুরিতী এদভাইজরনা প্রধান মন্ত্রী শ্রী নরেন্দ্র মোদীগা উনখ্রে
মখোয়না হৌখিবা চহি মরি অসিদা ইন্দিয়া-US কমপ্রিহেন্সিব গ্লোবেল স্ত্রেতেজিক পার্তনরশিপতা খুমাং চাউশিল্লিবশিংগী মতাংদা খন্নখ্রে
পি.এম.না রাস্ত্রপতি বাইদেনগা লোয়ননা মহাক্কা উনখিবশিং অদু নীংশিংখ্রে অমসুং মরী অসি চেৎশিনহন্নবা মাইকৈদা মহাক্না শরুক তমখিবশিংবু শীংথাখ্রে
পি.এম.না রাস্ত্রপতি বাইদেননা পীরকপা NSA সুলিভাননা খুৎশিন্নরকখিবা চিথী অমবু থাগৎখ্রে
পি.এম.না মালেমগী খ্বাইদগী চাউবা দেমোক্রেসীশিংগী মরক্তা তেংবাং পীনবা হেন্না হেনগৎহন্নবা ভারতকী ফিরেপ নৌহৌনা ফোংদোকখ্রে
পি.এম.না রাস্ত্রপতি বাইদেন অমসুং ফার্স্ত লেদী দা. জিল বাইদেনদা মহাক্কী য়াইফ-মঙ্গোলসু পীখ্রে
Posted On:
06 JAN 2025 7:43PM by PIB Imphal
US নেস্নেল সেক্যুরিতী এদভাইজর শ্রী জেক সুলভাননা ঙসি প্রধান মন্ত্রী শ্রী নরেন্দ্র মোদীগা উনখ্রে।
হৌখিবা চহি মরি অসিদা ইন্দিয়া- US কমপ্রিহেন্সিব গ্লোবেল স্ত্রেতেজিক পার্তনরশিপতা মরুওইনা তেক্নোলোজী, দিফেন্স, স্পেস, সিবিল ন্যুক্লিয়র, ক্লিন ইনর্জী, সেমিকন্দক্তর অমসুং AIদা অচৌবা খুমাং চাউশিনবাশিংগী মতাংদা খন্নখ্রে।
ক্বাদ লুচিংবশিংগী মীফমগীদমক সেপ্তেম্বর, 2024দা USতা চৎখিবা য়াওনা রাস্ত্রপতি বাইদেনগা লোয়ননা মহাক্না থেংনখিবা তোঙান তোঙানবা মীফমশিং অদু নীংশিংলদুনা, প্রধান মন্ত্রীনা তুং কোইবা লেগেসী অমা থনমখিবা, ইন্দিয়া- US কমপ্রিহেন্সিব গ্লোবেল স্ত্রেতেজিক পার্তনরশিপ মপাঙ্গল কনখৎহন্নবা রাস্ত্রপতি বাইদেনগী থৌদাংবু থাগৎখ্রে।
প্রধান মন্ত্রীনা NSA সুলিভাননা রাস্ত্রপতি বাইদেননা মহাক্কী মফমদা পীরকখিবা চিথী অমবু থাগৎপা ফোংদোকখ্রে।
লৈবাক অনিগী মীয়াম অমসুং মালেমগী য়াইফনবগীদমক দেমোক্রেসী অনিগী মরক্তা অচেৎপা তেংবাং পীনবা মখা তানা চেৎশিলহন্নবা মহাক্কী ফিরেপ অদু প্রধান মন্ত্রীনা অমুক হন্না ফোংদোকখ্রে।
প্রধান মন্ত্রীনা রাস্ত্রপতি বাইদেন অমসুং ফার্স্ত লেদী দাক্তর জিল বাইদেনবু মহাক্কী য়াইফ মঙ্গোল পীখ্রে।
***
(Release ID: 2090764)
Visitor Counter : 13
Read this release in:
Odia
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam