ప్రధాన మంత్రి కార్యాలయం
ఒసాము సుజుకి మృతికి ప్రధానమంత్రి సంతాపం
Posted On:
27 DEC 2024 5:58PM by PIB Hyderabad
అంతర్జాతీయ ఆటోమోటివ్ పరిశ్రమ దిగ్గజం ఒసాము సుజుకీ మృతికి ప్రధానమంత్రి శ్రీ నరేంద్ర మోదీ సంతాపం వ్యక్తం చేశారు. ఒసాము సుజుకి దూరదృష్టి వాహన రంగంలో ప్రపంచ దృక్పథాన్ని మార్చేసిందని ప్రధానమంత్రి శ్రీ మోదీ ప్రశంసించారు. ఆయన నాయకత్వంలో సుజుకీ మోటార్ కార్పొరేషన్ సవాళ్లను విజయవంతంగా ఎదుర్కొని ఆవిష్కరణలు, విస్తరణతో అంతర్జాతీయ శక్తిగా ఎదిగిందని అన్నారు.
‘‘ఎక్స్‌’’లో ప్రధాని ఇలా పేర్కొన్నారు:
‘‘అంతర్జాతీయ ఆటోమొబైల్ పరిశ్రమ దిగ్గజం ఒసాము సుజుకీ మరణం దిగ్భ్రాంతి కలిగించింది. ఆయన దూరదృష్టి వాహన రంగంలో ప్రపంచ దృక్పథాన్ని మార్చేసింది. ఆయన నాయకత్వంలో సుజుకీ మోటార్ కార్పొరేషన్ సవాళ్లను విజయవంతంగా ఎదుర్కొని ఆవిష్కరణలు, విస్తరణతో అంతర్జాతీయ శక్తిగా ఎదిగింది. భారత్ అంటే ఆయనకు అవ్యాజమైన ప్రేమ. మారుతీతో ఆయన భాగస్వామ్యం దేశంలో ఆటోమొబైల్ మార్కెట్లో విప్లవాన్ని తీసుకొచ్చింది’’.
‘‘సుజుకీతో నిర్వహించిన చర్చల జ్ఞాపకాలను మనసులో నిక్షిప్తం చేసుకుంటూ, ఆయన ఆచరణాత్మకమైన, వినయపూర్వక విధానాన్ని గౌరవిస్తాను. కష్టపడి పనిచేసే తత్వం, ప్రతి అంశంపై నిశిత దృష్టి, నాణ్యతలో రాజీలేని తత్వంతో ఉదాహరణగా నిలిచారు. ఆయన కుటుంబానికి, సహచరులకు, అసంఖ్యాకమైన అభిమానులకు నా ప్రగాఢ సానుభూతి’’.
***
MJPS/VJ
(Release ID: 2088548)
Visitor Counter : 39
Read this release in:
English
,
Urdu
,
Marathi
,
Hindi
,
Manipuri
,
Bengali
,
Punjabi
,
Gujarati
,
Odia
,
Tamil
,
Kannada
,
Malayalam