প্রধানমন্ত্রীগী লোইশঙ
ওসামু সুজুকি লৈখিদবদা প্রধান মন্ত্রীনা অৱাবা ফোঙদোকখ্রে
Posted On:
27 DEC 2024 5:58PM by PIB Imphal
ওতোমেতিপ ইন্দস্ত্রিগী লমদা শক্নাইরবা মীওই অমা ওইরিবা ওসামু সুজুকি লৈখিদবদা প্রধান মন্ত্রী শ্রী নরেন্দ্র মোদীনা অৱাবা ফোঙদোকখ্রে। প্রধান মন্ত্রীনা হায়খি ওসামু সুজুকিগী মীৎয়েং শানবা থবক্না চৎথোক-চৎশিনগী পাম্বৈগী লমদা মালেমগী মীৎয়েং নৌনা শেমখি। মহাক্কী লমজিং মখাদা, সুজুকি মোতর কোর্পোরেসন মালেমগী পৱারহাওস অমা ওইরকখি, মাইপাক্না খুদোংচাদবা কয়া মায়োক্নখি, অনৌবা থবক কয়া পায়খৎখি অমসুং পাকথোক-চাউথোকহনখি।
প্রধান মন্ত্রীনা এক্সতা হায়খি;
“ওতোমেতিপ ইন্দস্ত্রিগী লমদা শক্নাইরবা মীওই অমা ওইরিবা ওসামু সুজুকি লৈখিদবদা অৱাবা ফাওহল্লে। ওসামু সুজুকিগী মীৎয়েং শানবা থবক্না চৎথোক-চৎশিনগী পাম্বৈগী লমদা মালেমগী মীৎয়েং নৌনা শেমখি। মহাক্কী লমজিং মখাদা, সুজুকি মোতর কোর্পোরেসন মালেমগী পৱারহাওস অমা ওইরকখি, মাইপাক্না খুদোংচাদবা কয়া মায়োক্নখি, অনৌবা থবক কয়া পায়খৎখি অমসুং পাকথোক-চাউথোকহনখি। মহাক্না ভারত য়াম্না নুংশিখি অমসুং মহাক্না মরুতিগা পুন্না থবক তৌমিন্নবা অসিনা ভারতকী ওতোমোবাইলগী কৈথেলদা অওনবা পুরকখি”।
“সুজুকিগা ঐগা কয়ারক উনখিবা অদু ঐনা নিংশিংলি অমসুং মহাক্কী থবক ওইনা পাংথোকপা অমসুং নোল্লুকপা অদুনা ঙাওহনখি। মহাক খুদম কয়ানা লমজিংখি, থবক কন্না শুবা, য়াম্না মমুৎ তানা থবক তৌবা অমসুং অফবা থবকশিংদা থাজবা থম্বা খুদম ওইনা উৎখি। মহাক্কী ইমুং-মনুং, মরুপ-মপাংশিং অমসুং মহাকপু নুংশিজবশিংগী অৱাবদা শরুক য়াজরি”।
***
(Release ID: 2088475)
Visitor Counter : 10