প্রধানমন্ত্রীগী লোইশঙ
হান্নগী প্রধান মন্ত্রী দোক্তর মনমোহন সিংহ লৈখিদবদা প্রধান মন্ত্রীনা অৱাবা ফোঙদোকখ্রে
লৈবাক অসিগী শক্নাইরবা লুচিংবা অমা ওইরিবা দোক্তর মনমোহন সিংহ জি লৈখিবদা ভারতনা অৱাবা ফোঙদোক্লি: প্রধান মন্ত্রী
ফাইনান্স মিনিস্তর য়াওনা মহাক্না সরকারগী তোঙান-তোঙানবা ফমশিং পায়রমখি, চহি কয়া ঐখোয়গী শেন-থুমগী থৌশিলদা অকনবা মমি অমা থম্লমখি: প্রধান মন্ত্রী
ঐখোয়গী প্রধান মন্ত্রী ওইনা, মীয়ামগী পুন্সি মহিং ফগৎনবা মহাক্না অকনবা থবকশিং পায়খৎখি: প্রধান মন্ত্রী
Posted On:
26 DEC 2024 11:11PM by PIB Imphal
হান্নগী প্রধান মন্ত্রী দোক্তর মনমোহন সিংহ লৈখিদবদা প্রধান মন্ত্রী শ্রী নরেন্দ্র মোদীনা অৱাবা ফোঙদোকখ্রে। প্রধান মন্ত্রীনা হায়খি লৈবাক অসিগী শক্নাইরবা লুচিংবা অমা ওইরিবা দোক্তর মনমোহন সিংহ জি লৈখিবদা ভারতনা অৱাবা ফোঙদোক্লি। দোক্তর মনমোহন সিংহ চম্না হৌরক্তুনা ইকায়খুম্নরবা ইকোনোমিস্ত অমা ওইখি। ঐখোয়গী প্রধান মন্ত্রী ওইনা, মীয়ামগী পুন্সি মহিং ফগৎনবা মহাক্না অকনবা থবকশিং পায়খৎখি।
প্রধান মন্ত্রীনা এক্সতা হায়খি;
“লৈবাক অসিগী শক্নাইরবা লুচিংবা অমা ওইরিবা দোক্তর মনমোহন সিংহ জি লৈখিবদা ভারতনা অৱাবা ফোঙদোক্লি। মহাক চম্না হৌরক্তুনা ইকায়খুম্নরবা ইকোনোমিস্ত অমা ওইখি। ফাইনান্স মিনিস্তর য়াওনা মহাক্না সরকারগী তোঙান-তোঙানবা ফমশিং পায়রমখি, চহি কয়া ঐখোয়গী শেন-থুমগী থৌশিলদা অকনবা মমি অমা থম্লমখি। সংসদতা মহাক্না ফোঙদোকখিবা ৱাফমশিং য়াম্না লৌশিং ওইখি। ঐখোয়গী প্রধান মন্ত্রী ওইনা, মীয়ামগী পুন্সি মহিং ফগৎনবা মহাক্না অকনবা থবকশিং পায়খৎখি।
“ঐনা গুজরাতকী চীফ মিনিস্তর ওইরিঙৈদা দোক্তর মনমোহন সিংহ জি অমসুং ঐ চাংনাইনা উনখি। লৈবাক ঙাকপগা মরী লৈনবা তোঙান-তোঙানবা হীরমশিংদা ঐখোয়না কুপ্না খন্ন-নৈনখি। মহাক্কী লৌশিং অমসুং চমজবা মতৌ মতম পুম্নমক্ত উবা ফংখি।
অৱাবা তানফম অসিদা, দোক্তর মনমোহন সিংহ জিগী ইমুং-মনুং, মহাক্কী মরুপশিং অমসুং মশিং থিঙমদ্রবা মহাকপু নুংশিজবশিংগী অৱাবদা শরুক য়াজরি। ঔম শান্তি”।
****
(Release ID: 2088284)
Visitor Counter : 8
Read this release in:
Odia
,
Tamil
,
English
,
Urdu
,
Hindi
,
Bengali
,
Punjabi
,
Gujarati
,
Telugu
,
Kannada
,
Malayalam