ప్రధాన మంత్రి కార్యాలయం
ప్రధానమంత్రికి కువైట్ అత్యున్నత జాతీయ పురస్కారం ప్రదానం
Posted On:
22 DEC 2024 4:48PM by PIB Hyderabad
ప్రధానమంత్రి శ్రీ నరేంద్ర మోదీకి కువైట్ అమీరు శ్రీ షేక్ మెశల్ అల్-అహమద్ అల్-సబాహ్ ‘‘ది ఆర్డర్ ఆఫ్ ముబారక్ అల్-కబీర్’’ అవార్డును ప్రదానం చేశారు. ఈ పురస్కారం కువైట్‌లో అత్యున్నత జాతీయ పురస్కారం. ఈ కార్యక్రమంలో కువైట్ ప్రధాని శ్రీ షేక్ అహమద్ అల్-అబ్దుల్లా అల్-అహమద్ అల్-సబాహ్ కూడా పాల్గొన్నారు.
ప్రధాని ఈ అవార్డును భారత్, కువైట్‌ల మధ్య చాలాకాలంగా ఉంటున్న మైత్రికి, కువైట్‌లోని భారతీయ సముదాయంతోపాటు 1.4 బిలియన్ (140 కోట్ల) మంది భారతీయులకు అంకితం చేశారు.
భారతదేశ ప్రధానమంత్రి ఒకరు 43 సంవత్సరాల తరువాత కువైట్‌కు ఇలా చరిత్రాత్మక పర్యటనకు వచ్చిన సందర్భంగా ఈ పురస్కారాన్ని ప్రదానం చేయడం ఈ సందర్భానికి మరింత విశిష్టతను జోడించింది.
ఈ అవార్డును 1974లో నెలకొల్పారు. అప్పటినుంచి ఎంపిక చేసిన ప్రపంచ నేతలకు ఈ పురస్కారాన్ని ఇస్తూ వస్తున్నారు.
***
(Release ID: 2087098)
Visitor Counter : 11