প্রধানমন্ত্রীগী লোইশঙ
প্রধান মন্ত্রীনা কুৱেতকী ক্রাউন প্রিন্স উনখ্রে
থাগৎখিবা:
22 DEC 2024 5:32PM by PIB Imphal
ঙসি প্রধান মন্ত্রী শ্রী নরেন্দ্র মোদীনা কুৱেতকী ক্রাউন প্রিন্স সৈখ সাবাহ অল-খালিদ অল-হামাদ অল-মুবারক অল সাবাহ উনখ্রে। সেপ্তেম্বর ২০২৪ দা য়ু.এন.জি.এগী নাকলদা হন্দক মহাক্না ক্রাউন প্রিন্সগা উনখিবা অদু প্রধান মন্ত্রীনা নিংশিংখি।
কুৱেতকা লৈনবা লৈবাক অনিগী মরীশিং ভারতনা মরুওইনা লৌবা অদু প্রধান মন্ত্রীনা পাউদমখি। লৈবাক অনিগী মরীশিং খুমাঙচাউনশিনবদা লুচিংবশিংনা থাগৎপা ফোঙদোকখি অমসুং মখোয়গী মরী অসি স্ত্রাতেজিক পার্তনরশিপ অমগী থাক্ত পুখৎলকপদা তরাম্না ওকখ্রে। য়ু.এন অমসুং মালেমগী অতোপ্পা লুপশিংদা নাকল অনি চেৎনা মতেং পাংন্নবা মখোয়না তকশিনখি। কুৱেতনা প্রসিদেন্ত ওইবগী মখাদা ইন্দিয়া-জি.সি.সি মরীশিং মখা তানা ফগৎহন্নবা প্রধান মন্ত্রীনা থাজবা ফোঙদোকখি।
নাকল অনিনা খুদোংচাদবা তারিখ অমদা কুৱেতকী ক্রাউন্স প্রিন্স ভারত্ত লাক্নবা প্রধান মন্ত্রীনা চেবাউ পীখ্রে।
প্রধান মন্ত্রী ইকায়খুম্নবা উৎপা ওইনা ক্রাউন প্রিন্সনা চাক্লেন অমা কৌখি।
****
(রিলিজ আই.দি.: 2087077)
ভিজিতর কাউন্তর : 58
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam