প্রধানমন্ত্রীগী লোইশঙ
প্রধান মন্ত্রীনা য়ু.এ.ইগী উপ প্রধান মন্ত্রী অমসুং ফোরেন মিনিস্তর তরাম্না ওকখ্রে
আই.এম.ই.ই.সি য়াওনা ইন্দিয়া-য়ু.এ.ই কমপ্রেহেন্সিপ স্ত্রাতেজিক পার্তনরশিপ মখা তানা মপাঙ্গল কনখৎহন্নবা মখোয়না তোঙান-তোঙানবা ৱাফমশিং খন্নখ্রে
নোংচুপ এসিয়া অমসুং অতৈ লমদমদা মতম কুইনা চৎনগদবা শান্তি, তংদু-লৈতাবা অমসুং সেকুরিতি পুরক্নবা ভারতকী শৌগৎপা প্রধান মন্ত্রীনা অমুক হন্না ফোঙদোকখ্রে
ভারতমচাশিংগী য়াইফনবা থবক পায়খৎপগীদমক প্রধান মন্ত্রীনা য়ু.এ.ইগী লুচিংবশিং থাগৎপা ফোঙদোকখ্রে
Posted On:
12 DEC 2024 8:43PM by PIB Imphal
ঙসি প্রধান মন্ত্রী শ্রী নরেন্দ্র মোদীনা য়ুনাইতেদ অরাব ইমিরেতসকী উপ প্রধান মন্ত্রী অমসুং ফোরেন মিনিস্তর সৈখ অবদুল্লাহ বিন জায়েদ অল নাহয়ান তরাম্না ওকখ্রে।
প্রধান মন্ত্রীনা য়ু.এ.ইগী রাস্ত্রপতি সৈখ মোহমদ বিন জয়েদ অল নাহয়ানদা মহাক্কী য়াইফ-পাউজেল পীখ্রে। সেপ্তেম্বর ২০২৪ দা অবু ধাবীগী ক্রাউন প্রিন্স সৈখ খালিদ বিন মোহমদ বিন জয়েদ অল নাহয়ানগী ভারত খোঙচৎ য়াওনা, অৱাংবা থাক্কী খোঙচৎশিং অমসুং মীফমশিং তোইনা পাংথোকপদা প্রধান মন্ত্রীনা অপেনবা ফোঙদোকখ্রে।
তেক্নোলোজি, ইনর্জ অমসুং মীগা মীগা লৈনবা মরীশিং য়াওনা ইন্দিয়া-য়ু.এ.ই কমপ্রেহেন্সিপ স্ত্রাতেজিক পার্তনরশিপ মখা তানা মপাঙ্গল কনখৎহন্নবা মখোয়না তোঙান-তোঙানবা ৱাফমশিং লুচিংবা অনিনা খন্নখ্রে।
লমদম অসিগী লম্বী-থোং অমসুং নুংঙাই-য়াইফবা হেনগৎহন্নবা পুৱারি ওইরবা থবক অমা ওইনা, ইন্দিয়া-মিদল ইস্ত-য়ুরোপ কোরিদোর (আই এম ই ই সি) থবক ওইনা পায়খৎনবা প্রধান মন্ত্রীনা তকশিনখ্রে।
নোংচুপ এসিয়াগী হৌজিক ওইরিবা ফিব অসিদা সৈখ অবদুল্লাহ বিন জয়েদ অল নাহয়ান্না মহাক্কী ওইবা ৱাখল্লোন ফোঙদোকখ্রে। নোংচুপ এসিয়া অমসুং অতৈ লমদমদা মতম কুইনা চৎনগদবা শান্তি, তংদু-লৈতাবা অমসুং সেকুরিতি পুরক্নবা ভারতকী শৌগৎপা প্রধান মন্ত্রীনা অমুক হন্না ফোঙদোকখ্রে।
য়ু.এ.ইদা লৈরিবা মশিং য়াম্লবা ভারতমচাশিংগী য়াইফনবা থবক পায়খৎপগীদমক প্রধান মন্ত্রীনা য়ু.এ.ইগী লুচিংবশিং থাগৎপা ফোঙদোকখ্রে।
****
(Release ID: 2084218)
Visitor Counter : 11
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam