মরুপশিং,

লাল কিলাদগী ঐনা মতম চুপ্পদা হায়বা ৱাফম অমা অদোম নিংশিংলমগনি। ঙসিগী ভারত অসি মীওই খুদিংমক্কী থবকশিংনা য়াংনা চাউখৎপা ঙমগনি হায়না ঐনা হায়খি। ঙসি অসি মদুগী খুদম অমনি। ঐনা মসিগী স্মার্দ ইন্দিয়া হেক্কাথোনগী গ্রান্ত ফিনালে খৌরাংনা ঙাইরক্লি। ঐনা অদোমগুম্বা ইন্নোবেতরশিংগী মরক্তা শরুক য়াবা ফংবা মতমদা, ঐনা খঙনবা, তম্নবা অমসুং ৱাখল তানবা খুদোংচাবা কয়া ফংখি। ঐনা অদোম ময়ামদগী থাজবা কয়া থম্লি। নহা ওইরিবা ইন্নোবেতর কয়ানা ২১শুবা চহিচাগী ভারত্তা তোঙানবা মীৎয়েং অমা থম্লি অমসুং মরম অদুনা অদোমগী পাম্বৈশিং অদুশু তোঙানগনি। মরম অদুনা অদোম্না অনৌবা শিংনবশিং মায়োক্নবা মতমদা, অদোম্না মখোয়গীদমক অনৌবা অমসুং তোঙানবা পাম্বৈশিং ফংগনি। মসিগী মমাঙদা ঐ হেক্কাথোন কয়া শরুক য়াখ্রে। অদোম্না ঐ কৈদৌঙৈদা নিংবা কাইহনখিদে। অদোম্না মতম পুম্নমক্ত ঐগী থাজবা হেনগৎহনখি। অদোম্না পাম্বৈশিং পুথোক্ত্রিঙৈ মমাংদা তিমশিং মফম অসিদা পুল্লে। মখোয় ঙসি তোঙান-তোঙানবা মিনিস্ত্রিশিংনা শীজিন্নরি। হৌজিক মসিগী হেক্কাথোন অসিদা, লৈবাক্কী তোঙান-তোঙানবা মফমশিংদা তিমশিংনা করি পাংথোক্লি? অদোমগী অনৌবা থবকশিং খঙনিংবনা ঐন লাংতক্নরে। মরম অদুনা ঐখোয় হৌরসি,কনানা হান্না ৱা ঙাংগনি।

প্রধান মন্ত্রী: খুরুমজরি

শরুক য়ারিবা মীওই: সার, ঐ স্মার্দ ইন্দিয়া হেক্কাথোন শরুক য়ারিবা বিগ ব্রেন তিমগী সাহিদানি। ঐখোয় কর্নাতকাগী বেঙ্গালুরুদগীনি। ঐখোয়গী নোদেল সেন্তর এন.আই.তি শ্রীনগরদা লৈরি অমসুং মফম অসি অশুক্কী মতিক ইংই অমসুং মরম অদুনা করিগুম্বা ঐখোয়না ৱা ঙাংবদা অরানবা খর য়াওরবদি চানবীদুনা ঐখোয় ঙাকপীয়ু।

প্রধান মন্ত্রী: নত্তে, নত্তে, অদোম থৌনা ফবা মীওইনি। অইংবনা অদোম করি অমতা শোকহল্লোই। ৱাগনু।

শরুক য়ারিবা মীওই: অদোম থাগৎচরি সার, সোসিএল জসতিস অমসুং ইম্পাৱারেমেন্ত মিনিস্ত্রিনা পীবা প্রোব্লেম স্তেৎমেন্তশিংগী মখাদা থবক শরুক য়ারি। ঔতিজম স্পেকত্রম দিসওর্দর অমসুং ইন্তেলেকচুএল দিসএবিলিতিগা লোয়ননা হিংলিবা অঙাংশিংগীদমক ঐখোয়না ভর্চুএল রিয়েলিতি মরুপ অমা শেমগৎলি। মখোয়না ইন্তরএক্তিব স্কিলস ইনহান্সর শীজিন্নগনি, লৈবাক অসিদা ঔতিজম স্পেকত্রমগী মীওই মিল্লিয়ন ৮০ রোম লৈরি অমসুং অঙাং ১০০ গী অঙাং অমা বুদ্ধি শোইরোম্বা মায়োক্নরি। মসি কোকহন্নবা, মখোয়গী স্মার্দফোনশিংদা মখোয়না পুদুনা চৎপা য়াবা মরুপ অমা ওইনা থবক তৌনবা তুল অমা ঐখোয়না শেমগৎলি। ভর্চুএল রিয়েলিতি শীজিন্ননবা মখোয়না অখন্নবা সেত অমতা দরকার ওইদে। মসি মখোয়গী ফোন নত্ত্রগা লেপতোপ নত্ত্রগা মখোয়গী দিভাইস অমদা হেক্তা শীজিন্নবা য়াগনি অমসুং মসি মখোয়গী থবক খুদিংমক্ত মখোয় লমজিংগদবা মরুপ অমা

ওইনা থবক তৌগনি। মসি এ.আই শীজিন্নবা ভর্চুএল রিয়েলিতিগী পাম্বৈ অমনি অমসুং মখোয়না পাংথোকপা ঙমদবা থবক লৈরবদি, লোল অমা তম্বা নত্ত্রগা মীয়ামগা ৱারি শান্নবদা মখোয়না খুদোংচাদবা কয়া থেংনৈ, মরম অদুনা তুল অসিনা থবক খুদিংমক মচা মচা থোক্না খায়দোক্কনি…

প্রধান মন্ত্রী: অদোম্না পাংথোক্লিবা থবক আসি য়াম্না ফরে। হায়রিবা অঙাংশিং অসিগী খুন্নাইগী পুন্সিদা করি কান্নবা পীগনি।

শরুক য়ারিবা মীওই: মরুপ অসিগী মতেংদগী মখোয়না মীয়ামগা ৱারি শানবদা করম্বা অচুম্বনো অমসুং করম্বনা অরানবনো হায়বা খঙবা ঙমগনি অমসুং মীয়ামগা কমদৌনা উনগনি হায়বা খঙগনি। মফম অসিগী তম্লবা মতুংদা মখোয়না মখোয়গী অশেংবা মফমদা শীজিন্নবা য়াগনি। অশেংবা তাইবংদা মহৌশাগী ওইবা থবকশিং পাংথোকপা ঙমহন্দুনা তুল অসিনা মখোয়গী পুন্সি হেন্না নুংঙাইনা হিংবদা মতেং পাংগনি। মরম অদুনা, খর হেন্না চেকশিন্না শেন্নবা দরকার ওইবা অঙাংশিং তম্বা মতমদা অখন্নবা থৌরাং অমা দরকার ওই, মরম অদুনা মীওই অমগী মরক্তা খেন্নবা লৈতনবা অমসুং অখন্নবা য়েংশিনবা দরকার ওইবা অঙাংশিংগী নোংমগী পাংথোকফম থোকপা থবকশিং পাংথোকপা ঙম্নবা ঐখোয়না মখোয়দা মসি ফংহনগনি। 

প্রধান মন্ত্রী: অদোমগী কাংবুদা হৌজিক মীওই কয়া থবক তৌরি?

শরুক য়ারিবা মীওই: সার, ঐখোয় ৬ থবক তৌরি অমসুং ঐগী কাংবু অসি অমতা মান্নদে। মরম অদুনা ঐখোয় তোঙান-তোঙানবা তেক্নিকেল বেকগ্রাউন্দশিং, লমদমশিংদগী লাকপনি, ঐখোয়গী মরক্ত ভারতমচা নত্তবা মেম্বর অমসু য়াওরি।

প্রধান মন্ত্রী: নখোয় অমা হেক্ত অসিগুম্বা অঙাংশিংগা ৱারি শানখ্রবরা? অদোম্না মখোয়গী খুদোংচাদবশিং খঙনবা হোৎনখিবরা অমসুং পাম্বৈ অমা পুথোক্নবা থবক তৌখিবরা?

শরুক য়ারিবা মীওই: হোই সার, ঐখোয়গী কাংবুদা মখোয়গী ইমুং-মনুংদা ঔতিজম মায়োক্নবা  মীওই অমা লৈবা মেম্বর অমা য়াওরি অমসুং মফম অসিদা লাক্ত্রিঙৈদা হায়রিবা অঙাংশিং অসিনা তশেংনা থেংনরিবা অৱাবশিং করিনো হায়বা খঙনবা ঐখোয়না তোঙান-তোঙানবা সেন্তরশিংগা ৱারি শানখ্রে। মরম অদুনা ঐখোয়না মসি অচুম্বা লম্বীদা অৱাবা কোকহনবা ঙমগনি।

প্রধান মন্ত্রী: অদোম্না খর হায়রে, অদোমগী মরুপশিং করিগুম্বা খর হায়হনসি।

শরুক য়ারিবা মীওই: হোই সার, ঐখোয়গী কাংবুদা ভারতমচা নত্তবা , ভারত্তা লাইরিক তম্বা মপান লৈবাক্কী মহৈরোয় অমা য়াওরি।

শরুক য়ারিবা মীওই: হেল্লো প্রধান মন্ত্রী, ঐগী মিং মোহমদ ধালি অমসুং ঐ য়েমেন্দগী লাকপা মহৈরোয় অমনি। ঐ বি.ই কম্পুতর ইঞ্জিনিয়ারিং তম্নবা ভারত্তা লাকপনি অমসুং ঐ বিগ ব্রেন তিমগী শরুক অমনি অমসুং ঐখোয়না হায়রিবা অঙাংশিং অসিগীদমক এ.আই শীজিন্নবা ভর্চুএল রিয়েলিতিগী থবক অমা শেমগৎলি।

প্রধান মন্ত্রী: অসিগুম্বা মখলগী কাংবু অমদা থবক তৌবা অসি মসিনা অদোমগী অহানবরা ?

শরুক য়ারিবা মীওই: ঐ বেঙ্গালুরুদা পাংথোকপা তোঙান-তোঙানবা হেক্কাথোনশিং শরুক য়াখ্রে অদুবু মফম অসিদা শরুক য়াবা অসি মসিনা অহানবনি অমসুং মসিগী অচৌবা থৌরম অসিদা শরুক য়াবা অসি ঐগী লাইবক ফবনি অমসুং মসিগী খুদোংচাবা অসি পীবগীদমক ঐনা প্রধান মন্ত্রী অমসুং ভারত সরকার থাগৎনিংই।  ঐগী মরুপ, য়েমেনগী মহৈরোয়শিং অমসুং লৈবাক কয়াগী মহৈরোয়শিং ভারতকী থবক অসিগী শরুক অমা ওইনা ইন্নোবেতর অমা ওইনবা ঐনা হায়জরি। অদোম থাগৎচরি।

প্রধান মন্ত্রী: অঙাং খুদিংমক অখন্নবনি হায়বা খঙবগীদমক ঐনা নখোয় ময়াম থাগৎপা ফোঙদোকচরি। মীওই খুদিংমক চাউখৎনবগী খুদোংচাবা ফংগদবনি অমসুং কনাগুম্বা অমতা খুন্নাইদা নাথৈদুনা থম্লোইদবনি। কনাগুম্বা অমতা হুন্দোকপীরম্লে হায়না খল্লোইদবনি অমসুং মসিগীদমক অনৌবা পাম্বৈশিং দরকার ওইরে। অদোমগী কাংবুগী পাম্বৈশিং অসিনা অঙাং মিল্লিয়ন কয়াগী পুন্সি হেন্না লাইহনগনি। অদোম্না লৈবাক অসিগীদমক থৌরাং তৌরিবা পাম্বৈশিং অদু লমদম অসিগা চুনবা ওইগদবনি। লমদম অসিগী দরকার ওইবা হায়বদি দরকার ওইবদা য়ুম্ফম ওইবা অদুগা মালেমগী ওইনা শীজিন্নবা, মসিনা মালেমদা কান্নবা পীবা ওইগদবনি। ভারতকী দরকার ওইবগা চুনব অদু মালেমগী লৈবাক অমগা হেক্ত চুনগনি। ঐনা অদোম অমসুং অদোমগী কাংবুদা য়াইফ-পাউজেল পীজরি। মথং কনানা ৱা ঙাংগনি?

ধর্মেন্দ্র প্রধান জি: মথংগী কাংবু অসি খারাগপুরদা লৈরিবা, তিম খারাগপুর!

প্রধান মন্ত্রী: ইকায়খুম্নরবা প্রধান মন্ত্রী, অদোম থাগৎচরি! ঐ লভান্যা, দ্রিম্মরগী লুচিংবনি অমসুং ঐখোয়গী নোদেল সেন্তর নোংচুপ বেঙ্গলগী আই.আই.তি খারাগপুরদা লৈরি অমসুং ঐখোয় তামিল নাদুগী চেন্নাই ইন্সতিতুৎ ওফ তেক্নোলোজিদগীনি। নেসনেল তেক্নিকেল রিছার্স ওর্গনাইজেসন্না পীবা প্রোব্লেম স্তেৎমেন্ত ঐখোয়না খল্লে। তেক্নোলোজিগী অনৌবা নোংম-নোংমগী হেনগৎলকপগা লোয়ননা, সাইবর ক্রাইম মশিংশু হেনগৎলক্লি। ঐখোয়গী রেকোর্দ মতুংইন্না, মালেমগী মনুংদা অহুমশুবা খ্বাইদগী চাউবা ওইনা ভারত্ত সাইবর এক্তেক মিল্লিয়ন ৭৩ থোকখ্রে। ফিবম অসি লাকশিন্নবা, ঐখোয়না অনৌবা, তোপ-তোপ্পা অমসুং ওনবা য়াবা পাম্বৈ অমা পুথোক্লে। সার, পাম্বৈ অদু ঐগী তিম মেত কালপ্রিয়ানা শন্দোক্না তাক্কনি।

শরুক য়ারিবা মীওই: খুরুমজরি ইকায়খুম্নরবা প্রধান মন্ত্রী!

প্রধান মন্ত্রী: খুরুমজরি!

শরুক য়ারিবা মীওই: হেল্লো! ইনফেক্তেদ ফাইলশিং মশক খঙদোক্নবা, ঐখোয়গী লৈবাক্কী সাইবর সেকুরিতিশিং অয়াম্বা ঐখোয়গী দিফেন্স মপাঙ্গল কনখৎহন্নবা, ঐখোয়না তোঙান-তোঙানবা এন্তিভাইরস ইঞ্জিনশিং শীজিন্নরি। ঐখোয়না ইঞ্জিন অহুম হায়বদি মাইক্রোসোফ দিফেন্দর, ইসেত অমসুং ত্রেন্দ মাইক্রো মেক্সিমম সেকুরিতি শীজিন্নরে। আর্কিতেকচরেল দিজাইন অমসুং শিংনরকপা মশক খঙদোকপা য়াওনা ঐখোয়গী পাম্বৈ অসি মপুংফানা ওফলাইন্নি। ঐখোয়না খঙলিবা অদুনি, এন্তিভাইর অমা খক্তনা মতিক চাদে,এন্তিভাইরস অমমমগী মশাগী অফবা অমসুং অশোনবা লৈজৈ। মরম অদুনা মসিগী খুদোংচাদবা অসি কোকহন্নবা ঐখোয়না মাইক্রোসোফ দিফেন্দর, ইসেত অমসুং ত্রেন্দ মাইক্রো মেক্সিমম সেকুরিতি শীজিন্নরে। ঐখোয়না মসিগী এন্তিভাইরস অহুম অসি অফবা মওং অমদা পেরালেল স্কেন্নিং তৌদুনা শীজিন্নরে। মসিদা কিহল্লকপা খঙদোকপগী থবক য়াওদ্রে অমসুং ঐখোয়গী সিস্তেম সেফ মোদতা থম্লে।

প্রধান মন্ত্রী: হন্দক, মন কিব বাত্ত, ঐনা মীচম মীয়াম্না মায়োক্নরিবা খুদোংচাদবশিং কুপ্না খন্নখ্রে।  সাইবরগী নমথাক তৌদুনা কমদৌনা মীয়াম শগুন তৌবগে হায়বা অদোম খঙলবরা?

শরুক য়ারিবা মীওই: খঙদে, সার!

প্রধান মন্ত্রী:

নহাক্না পাম্বৈ থিরি অমসুং ঙসি অসিগুম্বা ফিবমশিংদা অৱাবা তারবা মশিং য়াম্লবা মীওই ঐখোয়গী খুন্নাইদা লৈরি হায়না ঐনা থাজৈ। নহারোলশিং অসি করিগুম্বা খর হায়নিংবরা?

শরুক য়ারিবা মীওই: হোই সার! খুরুমজরি প্রধান মন্ত্রী!

প্রধান মন্ত্রী: খুরুমজরি!

শরুক য়ারিবা মীওই: হোই সার, চপ মান্নবা তেক্নোলোজি পুথোক্লে অমসুং খর হেন্না ফবা তেক্নোলোজি পুথোক্লে। মসিগা লোয়ননা, ঐখোয়না সাইবর এক্তেকশিং থেংনরি। মরম অদুনা, ঐখোয়না হেন্না ফবা, মতিক চাবা অমসুং ফগৎলবা পাম্বৈ পুথোক্লি। হৌজিক পাম্বৈ হেন্না ফগৎহন্দুনা, ঐখোয়না থম্লিবা পাম্বৈ অসি হৌজিক লৈরিবা পাম্বৈ অসিদগী হেন্না ফগনি হায়না ঐখোয়না থাজৈ।

প্রধান মন্ত্রী: সাইবর সেকুরিতিগী অদোমগী থবকশিংগী মপুন্সি য়াম্না তেল্লি হায়বা অদোম খঙলম্লগনি। মসি অদোম খঙলবরা?

শরুক য়ারিবা মীওই: হোই সার!

প্রধান মন্ত্রী: অদোম্না খঙলিবা অদু করি ওইগনি! অদোম্না ঐঙোন্দা খর খঙহনবা য়াগদরা?

শরুক য়ারিবা মীওই: তেক্নোলোজি চাউখৎলকপা মরম্না ঐখোয় ইশামক অপদেত তৌগদবনি। ঐখোয় অপদেত তৌবা পামগদবনি…

প্রধান মন্ত্রী: হোই, নহাক্না হায়বা চুম্মী মরমদি এত্তেক্করশিং অসি সাইবর এত্তেকশিংদা অশুক্কী মতিক অনৌবা কয়া পাংথোকই মদুদি অদোম্না ঙসি পুথোকখিবা পাম্বৈ অসি, পুং ৪ গী মনুংদা অদোম্না অনৌবা পাম্বৈ অমা দরকার ওইগনি। মতম পুম্নমক্ত অদোম অপদেত তৌগদবনি। য়েংউ, মালেমদা ভারত অসি অচৌবা দিজিতেল ইকোনোমিশিংগী মনুংদা অমনি। ঐখোয়গী লৈবাক্ত পাক-শন্না দিজিতেলনা শম্নরে। অসিগুম্বা ফিবম অমদা, সাইবর ক্রাইমগী অকিবা লেপ্তনা হেনগৎলক্লি। মরম অদুনা, অদোম্না থবক তৌরিবা পাম্বৈ অসি ভারতকী তুংগীদম য়াম্না মরুওই। অদুবু ঐনা হায়রি, মসি মতম চুপ্পগী পাম্বৈ অমা নত্তে। মসি অদোম্না নোং চুরকপা মতমদা অদোমগী ছাতিন খন্দোকপগুম্বনি। অদুবু ঐনা অদোমগী মফমদা য়াইফ-পাউজেল পীজরি, য়াম্না মরুওইবা হিরম অমদা অদোম থবক তৌরি অমসুং অদোমগী পাম্বৈশিং অসি শোইদনা ঐনা খঙগনি অমসুং মসিগী কান্নবা সরকারনা ফংগনি। অদোমগী কাংবু অসি হরাওবা ঐ উরে। মীওই অয়াম্বা মসি মখোয়গী মোবাইল ফোনশিংদা নম্লি। ঐখোয় মাঙলোমদা চঙশিনসি। মথং করম্বা তিমনো?

ধর্মেন্দ্র প্রধান জি: হৌজিক ঐখোয় অহমেদবাদকী গুজরাত তেক্নিকেল য়ুনিভর্সিতিদা ফম্লিবা তিম কোদব্রোগা ৱারি শানগনি।

শরুক য়ারিবা মীওই: খুরুমজরি প্রধান মন্ত্রী!

প্রধান মন্ত্রী: খুরুমজরি!

শরুক য়ারিবা মীওই: সার, ঐগী মিং হরসিত কৌই অমসুং ঐ তিম কোদব্রোগী মহুৎশীন্দুনা শরুক য়ারি। ঐখোয়না ইসরোগী প্রোব্লেম স্তেৎমেন্তদা থবক তৌরি। ঐখোয়গী প্রোব্লেম স্তেৎমেন্ত অসিদি খা মেরুদা লৈরিবা সোলার পেনেল, সোলার কোদকী অমম্বা শক্তমশিং ঙালথোকহনবনি। চান্দ বারতানি কৌবা পাম্বৈ অসি ঐখোয়না পুথোক্লে। চান্দ বারতানি অসি অমম্বা শক্তম অমা হেন্না ঙান্থোকহনবা ঙম্বা পাম্বৈ অমনি। মসি শক্তম অমা হেন্না ফগৎহনবা খক নত্তে, মসি ৱারেপ লৌবা ঙম্বগী স্কিল অমসু ওইরি। ৱারেপ লৌবা ঙম্বগী লৌশিং অসিনা থাগী লৈমায়গী ফিবম মশক খঙদোকপা ঙম্লে অমসুং মসিনা খুদক্ত মফম অমা খন্দোকপশু ঙম্লে সার।

প্রধান মন্ত্রী: অদোম অহমেদবাত্ত লৈবা মরম্না, করিগুম্বা মতমদা অদোম স্পেস সেক্তরদা থবক তৌরিবা মীওইশিংগা খন্ন-নৈনবা য়াওখ্রবরা? মফম অদুদা অচৌবা স্পেস সেন্তর অমা লৈরি। ৱাফমশিং অসিগী মতাংদা অমসুং অফবা ফলশিং ফংনবা দরকার ওইবশিংগী মতাংদা অদোম মখোয়গা খন্নখ্রবরা?

শরুক য়ারিবা মীওই: ঐনা হায়দ্রবাত্ত ওজাশিং অমসুং সাইন্তিস্তশিংগা ৱারি শান্নরে। অদুবু ঐখোয় অন্ধ্র প্রদেসতগী য়াম্না লাপ্না লৈবা মরম্না অসিগুম্বা সেন্তরশিং ঐনা য়ৌবা ঙমদ্রি অমসুং ঐখোয়গী তিমশু য়ৌদ্রি…

প্রধান মন্ত্রী: য়াম্না ফরে, মসিগী প্রোজেক অসিনা ঐখোয়না থাগী লৈবাক-লৈহাও অমসুং মহৌশাগী অকোয়বগী ফিবমশিং হেন্না ফজনা খঙবা ঙমগদরা?

শরুক য়ারিবা মীওই: ঙমগনি সার! ঐখোয়না থাগী লৈবাক মনুংদা লৈরিবা ফিবমশিং মশক খঙদোকপা ঙমগনি অমসুং ঐখোয়না ঈশিং লৈবা মফমশিংগী ফমজিল্লবা পোৎশকশিং মশক খঙদোকপা ঙমগনি অমসুং থাগী লৈমায়দা লৈবা লৈবা নুঙজাউশিং নত্ত্রগা খর চাউবা নুঙশি নত্ত্রগা খর চাউবা পোৎলমশি মশক খঙদোকপা ঙমগনি। হায়রিবা নুঙজাউশিং অমসুং পোৎলমশিং মশক খঙদোক্তুনা ঐখোয়না লেন্দ রোভর ফজনা তাবা ঙমগনি।

প্রধান মন্ত্রী: হৌজিক অদোমগী কাংবু অসিদা মীওই কয়া থবক তৌরি?

শরুক য়ারিবা মীওই : তিম অসিদা মীওই ৬ থবক তৌরি।

প্রধান মন্ত্রী: নখোয় ময়াম তোঙান-তোঙানবা মফমশিংদগী লাকপরা নত্ত্রগা লাইরিক তম্বা লোইরবা মতুংদা নখোয় ময়াম মফম অসিদা লাকপরা?

শরুক য়ারিবা মীওই: প্রোব্লেম স্তেৎমেন্তদা, ঐখোয়না থবক অসি মেম্বর খুদিংমক্ত য়েন্থোক্নরে। মেম্বর অহুমনা মিসন লেন্দিং মোদেলদা অমসুং মেম্বর অনিনা ইমেজ ফিলতরশিংদা থবক তৌখি অমসুং হায়রিবা শক্তমশিং অদু ময়েক শেংহনখি অমসুং সার হৌজিক ঐগী মরুপ সুনিলনা মখা তানা ৱারি শানগনি সার।

প্রধান মন্ত্রী: য়েংউ, অদোম্না য়াম্না মরুওইবা হিরম অমা খল্লে। অদোম্না করিগুম্বা খর হায়রি, অদোম মাইক পায়বরা?

শরুক য়ারিবা মীওই: সার, ঐ অন্ধ্র প্রদেসতগীনি। ঐ হিন্দী ফজনা খঙদে।

প্রধান মন্ত্রী: অন্ধ্র প্রদেস

শরুক য়ারিবা মীওই: ঙাকপীগনি সার…

প্রধান মন্ত্রী: ফরে, হায়য়ু।

শরুক য়ারিবা মীওই: হেল্লো প্রধান মন্ত্রী, ঐ অন্ধ্র প্রদেসতগী সুনিল রেদ্দিনি। ঐখোয়গী কাংবুনা থাগী খা মেরুগী শক্তমশিং হেন্না ফগৎনবা মিসন লার্নিং মোদেল অমদা থবক তৌরি অমসুং হায়রিবা শক্তমশিং অসি মিসন লার্নিং মোদেলনা হেন্না ফগৎহন্নবা ঐখোয়না আর্কিতেকচর অনি শীজিন্নরি, অমনা দ্রগনেত অমসুং অতোপ্পা অমনা ফোতোনেতনি। ফোতো অমগী মমি লৌথোকপদা দ্রগনেত শীজিন্নরি অমসুং ফোতোশিং শেংদবা হন্থহন্নবা ফোতোনেত শীজিন্নরি। খা মেরুদগী ফোতো লৌবা মতমদা, মঙাল ৱাৎপগী ফিবমশিং থেংনগনি অমসুং প্রোতোনশিং য়ামদবনা মরম ওইদুনা ময়েক য়াম্না শেংলোই, মরম অদুনা ন্যুরেল নেতবার্কশিং শীজিন্নদুনা ঐখোয়না ফোতোশিং শেংহল্লে অমসুং হায়রিবা ন্যুরেল নেতৱার্কশিং অসি লিশিং কয়া লৈগনি। ঐখোয়না ফমজিন্দুনা লৈরবা ঈশিং লৈবা মফমশিং খঙদোকপা ঙমগনি অমসুং অদোমগা ৱারি শানবা অসি ঐনা মতম কয়াগী মমাঙদগী মঙ মঙদুনা লাক্লবনি সার। অদোম নেরোলদা লাকখি, ঐ মীয়াম মরক্ত লাপ্না লৈখি। ঐ অদোমগী ফেন অমা ওইনা লাউখি সার। মসিগী খুদোংচাবা অসি পীবগীদমক সার অদোম থাগৎপা ফোঙদোকচরি।

প্রধান মন্ত্রী - য়েংউ মরুপশিং, অচৌবা থাজবা অমগা লোয়ননা মালেমনা ভারতকী স্পেস তেক্নোলোজিগী খোঙচৎ য়েংলি। অদোমগুম্বা নহারোলশিং শরুক য়াবা মতমদা, থাজবা মখা তানা হেনগৎলকই। নহা ওইরিবা অদোমগুম্বা ইন্নোবেতরশিং উবদা, ভারতনা মালেমগী স্পেস পৱার ওইনা মসিগী থৌদাং পাকথোক-চাউথোক্কনি হায়বা নাখৈ শেংলে। ঐনা নখোয় ময়ামগী মফমদা ঐগী য়াইফ-পাউজেল পীজরি। হৌজিক ঐখোয় মথংগী তিম কনানো হায়বা য়েংলসি।

ধর্মেন্দ্র প্রধান জি: মহাক মিস্তিক ওরিজিনেলস, ইন্সতিতুৎ ওফ মেনেজমেন্ত দিবলপমেন্ত এন্দ রিছার্স মুম্বাইদগীনি। মুম্বাইগী মরুপশিং ইকায়খুম্নরবা প্রধান মন্ত্রীগা ৱারি শানগনি।

শরুক য়ারিবা মীওই: খুরুমজরি প্রধান মন্ত্রী!

প্রধান মন্ত্রী: খুরুমজরি!

শরুক য়ারিবা মীওই: ঐগী মিং মেহাক ভর্মা অমসুং ঐ তিম মাইস্তিক ওরিজিনেলসকী লুচিংবনি। ঐখোয় ইন্দিয়ান ইন্সতিতুৎ ওফ ইনফোর্মেসন তেক্নোলোজি কোতাদগীনি। ঐগী মরুপ অকসিত জনগ্রা, কারতান অগরৱাল, সুমিত কুমার, অভিনাস রাথোর, তুসার জেন অমসুং মেন্তর অনন্যা শ্রিভাস্তবাগা লোয়ননা স্মার্দ ইন্দিয়া হেক্কাথোন ২০২৪ তাবা ফংবা অসি তশেংনা লাইবক ফবনি। ভারত ইলেক্ত্রোনিক্স লিমিতেদনা পীবা সেকুরিতি চেলেঞ্জ অমা ঐখোয়না থবক পায়খৎলি। মাইক্রো দোপপ্লরদা য়ুম্ফম ওইবা তার্গেত ক্লাসিফিকেসন্না পোৎশক অমা দ্রোন অমা নত্ত্রগা উচেক অমরা হায়বা মশক খঙদোকই, মসিদা খুদোংচাদ্রিবা অসিদি রাদারদা দ্রোনশিং অমসুং উচেকশিং অনিমক চপ মান্ননা উবা ফংই। মসিনা মরম ওইদুনা লান্মীগী মফমশিং, এয়রোপোর্তশিং অমসুং মরুওইবা ইনফ্রাস্ত্রকচরশিংদা অশোইবা এলার্ম পীরকই। ঐখোয়গী পান্দমদি মেছিন লার্নিং এলগোরিথম শীজিন্নদুনা অৱাংবা থাক্কী দেতা নৈনদুনা পোৎশক অমা দ্রোন নত্ত্রগা উচেক্লা হায়না চপ চানা মশক খঙদোক্নবা পাম্বৈ অমা পুথোকপনি। পাম্বৈ অসি খর কুপ্না হায়না ঐগী তিমমেত অকসিত্ত শীন্নরে।

শরুক য়ারিবা মীওই: খুরুমজরি প্রধান মন্ত্রী!

প্রধান মন্ত্রী: খুরুমজরি!

শরুক য়ারিবা মীওই: ঐগী মিং অকসিত কৌই অমসুং ঐ মাইস্তিক ওরিজিনেলস তিমগী মেম্বর অমনি। সার, ঐখোয়গী পাম্বৈ অসি তোঙান

তোঙানবা পোৎশকশিংনা পুথোকপা অঙকপা পেত্তর্নশিং মাইক্রো দোপপ্লর শিঙ্গনেচরশিং শীজিন্নদুনা থবক তৌরি। মখোয় অসি উচেকশিংনা মশা খপ্পা নত্ত্রগা দ্রোনশিংগী রোতোর প্লেতশিং লৈবদগী ওইরকপনি। মসি ঐখোয়না খুৎকী মমিশিংগুম খঙবা য়াই। মীওই অমগী তোঙান-তোঙানবা খুৎশাশিংগী মমি লৈবগুম পোৎশক অমগী তোঙান-তোঙানবা মাইক্রো দোপপ্লর শিঙ্গনেচরশিং লৈ। মসিগী মতেংদগী ঐখোয়না পোৎশক অমা উচেক্লা নত্ত্রগা দ্রোন অমরা হায়না খঙদোকপা ঙম্মী। মসিগী খেন্নবা খঙদোকপা অসি সেকুরিতি য়াম্না মরুওইবা মফমশিংদা য়াম্না দরকার ওই।

প্রধান মন্ত্রী: মসি উচেক অম নত্তে অদুবু দ্রোন অমনি হায়বগী খেন্নবা অদোম খঙগনি। অদুবু মসি কয়া য়াম্না লাপ্পী, মসি করম্বা মাইকৈদা পায়রি, কয়া য়াম্না য়াংনা পাইরি হায়বা অদোম খঙবা ঙমগদরা। হায়রিবা থবকশিং অসি অদোম্না মেপ লৌবা ঙমগদরা?

শরুক য়ারিবা মীওই: য়াগনি সার, হিরম অসিদশু ঐখোয় থবক তৌরি। মসি অথুবা মতমদা ঐখোয়না পাংথোকপা ঙমগনি।

প্রধান মন্ত্রী: অদোম্না দ্রোনশিং মশক খঙদোক্নবা থবক পায়খৎলি। দ্রোনশিং কান্নবা কয়া লৈরি। ফোর্স খরনা লান্না শীজিন্নবদগী দ্রোনগী খুদোংচাদবা খর লৈরি। মসিগী খুদোংচাদবা অসি অদোমগী কাংবুনা কমদৌনা কোকহনগনি?

শরুক য়ারিবা মীওই: সার, করিগুম্বা ঐখোয়গী থবক অসি অদোমগী মফমদা শন্দোক্না তাক্লবদি, অহানবদা ঐখোয়না রাদারদগী দেতা লৌশিনগনি। মশা নানবা অমসুং চপ চাবা দেতা ফংনবা ঐখোয়না মসিদগী নোইজ খুদিংমক লৌথোক্কনি। মদুদগী ঐখোয়না মসি মাইক্রো দোপপ্লর পেত্তর্ন ওন্থোক্কনি অমসুং ঐখোয়না হায়রিবা পেত্তর্নশিং অদু মেছিন লার্নিং মোদেল অমদা হাপচিনগনি। মসিনা ঐখোয়দা পোৎশক অমা উচেক অমরা নত্ত্রগা দ্রোন অমরা হায়না মশক তাক্কনি। ঐখোয়না মসিগী থবক অসি য়াম্না পীক্না অমসুং মমল হোংবা খুৎলায়শিং ওইনা শীজিন্নবা য়াগনি। মসিগী থবক অসি ওনবা য়াগনি অমসুং মসি এয়রপোর্তশিং অমসুং ঙমখৈগী শরুকশিংদা শীজিন্নবা য়াগনি। মরম অদুনা মসিগী খুদোংচাদবা অসি ঐখোয়না পুথোকপনি, ঐগী মরুপ সুমিত্তা অমুক শীন্নরে।

শরুক য়ারিবা মীওই: খুরুমজরি প্রধান মন্ত্রী

প্রধান মন্ত্রী: হোই, খুরুমজরি!

শরুক য়ারিবা মীওই: ঐ রাজস্থানগী শ্রী গঙ্গনগরদগীনি, করিগীদমক ঐখোয়না মসিগী প্রোব্লেম স্তেৎমেন্ত অসি খল্লিবনো? মফম অসি ঙমখৈগা য়াম্না নক্নবা মফম অমনি, মরম অদুনা দ্রোনশিং পাইরকই অমসুং পাইখি। অদুবু পুলৱামা এক্তেক মতুংদা, দ্রোনশিং পাইবা হেনগৎলকখি অমসুং অয়ুক পুং ৪, নুমিৎয়ুংবা পুং১২ মতুংদা দ্রোন ঙাকথোক্নবা থবক তৌবা হৌখি অমসুং নোংমৈ কাপ্পা হৌই। ঐখোয় মতম অদুদা লাইরিক পাবা নত্ত্রগা মীয়াম তুম্বা য়াদে। খুদোংচাদবা কয়া মায়োক্নখি। চহি অসিগী খুদোংচাদবা লাকপা মতমদা, ঐখোয়গী তিমনা ঐখোয়গী মাঙদা তারিবা খুদোংচাদবা অসি খনখি অমসুং মসিদা করিগীদমক থবক তৌরোইদৌরিবনো হায়না ঐখোয়না মখোয়দা হায়খি। মরম অদুনা মীয়াম্না থেংনরিবা অৱাবশিং ঐখোয়না কোকহনবা ঙমগনি অমসুং ঐখোয়গী কাংবুনা মসিদা থবক তৌরে অমসুং ঐখোয় গ্রান্ত ফিনালে ফাওবা য়ৌবা ঙমগনি। অদোম থাগৎচরি সার।

প্রধান মন্ত্রী: মরুপশিং, লৈবাক অসিদা হিরম কয়াদা দ্রোনশিং শীজিন্নরে। অদোম নমো দ্রোন দিদি স্কিম তারম্লগনি। হৌজিক মনুং হুঞ্জিনবা মফমশিংদা হিদাকশিং অমসুং তঙাইফদবা পোৎলমশিং য়ৌহনবদা দ্রোনশিং শীজিন্নরে অমসুং লৈবাক অসিগী য়েক্নবশিংনা ভারত্তা লোন্না খুৎলায়শিং অমসুং দ্রগশিং পুশিল্লকপদা দ্রোনশিং শীজিন্নরি। অসিগুম্বা ফিবম অমদা, অসিগুম্বা খুদোংচাদবশিং অসি কোকহন্নবা অদোম্না থৱায় য়াওনা থবক তৌবা অসিদা হরাওই।

অদোমগী থবকশিংনা দিফেন্স তেক্নোলোজি মপান্দা থাদোকপদা অনৌবা মাইওন অমা পীরগনি অমসুং মরম অদুনা মসিগী খুদোংচাদবা অসি ফজনা খঙবা অমসুং মসিগী পাম্বৈশিং ফজনা খঙবা দরকার ওই। তুংদা মসিগী কান্নবা কয়া লৈগনি অমসুং দ্রোনশিংগী মতেংদগী মালেম অসিদা অমাং-অতা কয়া থোকহনবা মরমনা দ্রোনগী মরমদা থবক য়াম্না পায়খৎকনি হায়না ঐনা খল্লি। মখোয়না অনৌবা তেক্নোলোজি পুথোক্কনি, অনৌবা চঙফম থিগনি অমসুং ঐখোয়গী মাঙদা অনৌবা শিংনবা কয়া লাক্কনি। ঐনা অদোমগী থবক অসি থাগৎপা ফোঙদোক্লি অমসুং য়াইফ-পাউজেল পীজরি। লৈবাক অসিগী করম্বা মফমগা হৌজিক ঐখোয়গা শম্নগনি হায়বা ঐখোয় য়েংলসি।

ধর্মেন্দ্র প্রধান জি: হৌজিক ঐখোয় বেঙ্গালোরগী নিউ হোরাইজোন ইঞ্জিনিয়ারিং কলেজদা ফম্লিবা নির্ভনাগা ৱারি শানগনি, ঐখোয় বেঙ্গালোরদা চৎলসি।

প্রধান মন্ত্রী: ঐ অদোমগী খোঞ্জেল তাবা ফংদ্রে। ঐ অদোমনা ঙাংবা তাদ্রে।

শরুক য়ারিবা মীওই: সার, অদোম হৌজিক তারবরা?

প্রধান মন্ত্রী: হোই, হৌজিক তারে।

শরুক য়ারিবা মীওই: খুরুমজরি প্রধান মন্ত্রী!

প্রধান মন্ত্রী: খুরুমজরি!

শরুক য়ারিবা মীওই: ঐগী মিং দেব পুরনি কৌই অমসুং ঐনা তিম নিরভানা ৱান লুচিংলি। ঐগী তিমদা অদিত্য চৌধুরি, অসর ইজাজ, তানবি বন্সাল, নামাম জেন অমসুং সানিধ্যা মনলুমিয়া য়াওরি। জল শক্তি মিনিস্ত্রিনা পীবা মরুওইবা প্রোব্লেম স্তেৎমেন্তগী থবক তৌনবা জয়পুর রুরেলদগী ঐখোয় বেঙ্গালোরদা লাকপনি। ঐখোয়না থিজিনবদা, হৌখিবা চহি খর অসিদা ভারত সরকারনা তুরেল মোৎপা হন্থনবা অমসুং তুরেলগী ফিবম অমুক ফগৎনবা অৱাংবা থাক্কী থবক কয়া পাংথোকপা ঐখোয়না থেংনরে। মরম অদুনা তুরেল মোৎপা য়েংশিনবগী থবক ফগৎহন্নবা অপুনবা থবক অমা ঐখোয়না পুথোক্কনি অমসুং মসিনা ঐখোয়গী তুরেলশিংগী ফিবম ফগৎনবা ঐখোয়না অফবা পাউতাকশিং পীগনি আমসুং মসিদা ঐখোয়না শিংথাবা য়ানা মতেং পাংগনি।

শরুক য়ারিবা মীওই: হেল্লো সার।

প্রধান মন্ত্রী: খুরুমজরি!

শরুক য়ারিবা মীওই: তুরেলশিংগী মখা পোল্লিবা লৈবাক অসিগী মীওই কয়াগী হিংনবগী লম্বী অমসুং শেন্থোক ঐখোয়না মশক খঙদোক্লে অমসুং মখোয়গী পুন্সিদা অফবা অহোংবা অমা পুরকপা ঐখোয়না পাম্মী। ঐখোয়গী পুৱারিদা গঙ্গা তুরেলনা মরুওইবা কলচরগী থৌদাং অমা লৌবা অমসুং ঐখোয়গী প্রধান মন্ত্রীগী থম্মোয়গা য়াম্না নক্নবা মরমদগী প্রোজেক অসিগীদমক ঐখোয়না গঙ্গা খল্লে। নমামি গঙ্গে প্রোগ্রাম অমসুং নেসনেল মিসন ফোর ক্লিন গঙ্গ পাদুনা অমসুং থিজিন্দুনা ঐখোয়গী প্রোজেক থবক হৌরে। ঐখোয়না নেসনেল মিসন ফোর ক্লিন গঙ্গ পান্দম অনি মশক খঙদোক্লে। অহানবদা গঙ্গগী পোল্লুসন হন্থহনবা অমসুং অনিশুবদা গঙ্গ তুরেলগী ফিবম হান্নগী ফিবমদা পুরকপা অসিনি। ঐখোয়না গঙ্গগী মরমদা অফবা মখলগী দেতা ফংলে। মসিগী দেতা অসি য়াম্না পেল্লে অমসুং ইথিল পীরে। করিগুম্বা ঐখোয়না দেতা অসিদা য়ুম্ফম ওইরগা ৱারেপ লৌনবা থবক অমা পায়খৎলবদি, মসিনা গঙ্গগী মপান্দা হিংলিবা মীওইশিংনা ৱারেপশিং লৌবদা মতেং পাংদুনা মখোয়গী পুন্সিদা অহোংবা পুরক্কনি অমসুং কান্নবশিং পীগনি।

শরুক য়ারিবা মীওই: সার, গঙ্গ অসি অচৌবা তুরেল অমনি মরম অদুনা মসিগীদমক পায়খৎপা থবক খুদিংমক য়াম্না পাক-চাউগনি অমসুং ওনবা য়াগদবনি। মসিগীদমক ঐখোয়না ফেদেরেতেদ লার্নিং কৌবা অৱাংবা থাক্কী তেক্নোলোজি অমা শীজিন্নরে। ঐখোয়না দেতা অদু নৈনরে অমসুং মরুওইবা মফম ৩৮ মশক খঙদোক্লে। ফেদেরেতেদ লার্নিং শীজিন্নদুনা, ঐখোয়না লোকেল মোদেলশিং শেম্লে অমসুং লোকেলগী দেতা অদুদা ত্রেনিং পীরে। হৌজিক লোকেল মোদেলশিং অসি মাদর মোদেল অমগা পাউ ফাওনরে অমসুং মখোয়গী দেতা পীনরে। মসিগী খুৎথাংদা, হৌজিক চৎনরিবা মোদেলশিং অসিগী মথক্ত অনৌবা মোদেলশিং হাপচিল্লে অমসুং হান্নগী মোদেলশিং লৌথোক্লে। হায়রিবা তেক্নিকেল ওইবা ৱাফমশিং অসি তোখাইনা থম্লগা, নমামি গঙ্গেগী খুৎথাংদগী ঐখোয়না গঙ্গ ঙাক-শেনবা, হিঙ্গৎহনবা অমসুং শেন্নবদা মরুওইবা থৌদাং লৌরিবা মীওইশিং ঐখোয়না মশক খঙলে। দেত অমসুং শীজিন্নরিবা মীওইশিংগী মরক্ত লৈরিবা অহোবা অসি হন্থহন্নবা ঐখোয়না হায়রিবা মরীলৈনবশিং অসিগী অৱাংবা থাক্কী দাসবোর্দ অমা শেম্লে। ঐখোয়গী মখল খুদিংমক্কী মরীলৈনবা মীওইশিং লৈরে…

প্রধান মন্ত্রী: অচৌবা কুম্ভ মেলা অমা পাংথোক্লগনি, মসিদা গঙ্গ মপান্দা মীওই করোর ৪০-৪৫ রোম তিনগনি। কমদৌনা ঐখোয়না মসিগী স্কিম অসিগী কান্নবা লৌগনি, মসিগী অনৌবা থবক অসিনা অদোম্না করি কান্নবা পীগনি?

শরুক য়ারিবা মীওই: সার, অদোমনা খঙলিবা অদুনি, করিগুম্বা ঐখোয়না ঈশিং ফহল্লিবা মচাকশিং অসি নৈনরবদি, কমদৌনা মীয়াম্না মখোয়গী থাক্ত ঈশিং শেংদোক্নবা থবক তৌগনি হায়বা ঐখোয়না মীয়ামদা হায়গনি অমসুং মখোয়গী থাক্ত মখোয়না থবক তৌগনি অমসুং মখোয় হকচাং ফনা লৈগনি। ঐখোয়না মখোয়দা পোর্তেল অমা পীগনি। মখোয়না করম্বা মফমদা চৎপা য়াগনি, মখোয় কদাইদা চৎকনি অমসুং হৌজিক মখোয় কদাইদা চৎপা য়াদে হায়বা ঐখোয়না লৌমীশিং, ঙামীশিং অমসুং লমকোয়বা মীওইশিংদা হায়গনি অমসুং মফম অদুদা করি থবক পায়খৎলিবগে হায়বা খঙহনগনি।

প্রধান মন্ত্রী: অদোমগী থবক অসি সহরশিংদা থক্নবা ঈশিং পীবদা লাইনা শীজিন্নবা য়াগনি।

শরুক য়ারিবা মীওই: হোই সার, গঙ্গ নত্ত্রগা অতোপ্পা তুরেলশিংগা মরী লৈনবা থবকশিং অসি সহরশিংগা মরী লৈনৈ। ঐখোয়না মখোয়গী লেতিচুদশিং অমসুং লোঙ্গিচুদশিং খঙলে। সহরশিংগী অকোয়বদা করম্বা ইন্দস্ত্রিশিং লৈরি হায়বা ঐখোয়না খঙলে। কেমিকেল, পেপর, তেক্সতাইল, তেন্নরিশিং অমসুং শা হাৎফমশিংদগী করম্বা মখলগী অমোৎপশিং থাদোরকপগে হায়বা ঐখোয় খঙলে।  ঐখোয়গী তুরেলদা অকক্নবা পোল্লুসন অমা হেনগৎলকপা মতমদা, করম্বা সেক্তরনা মসি থোকহনবগে হায়বা ঐখোয়না খঙবা ঙম্লে। ঐখোয়না তুরেলশিং য়েংশিন্নবা লৈরিবা লুপশিং,ওথোরিতিশিংদা খুদক্ত পাউ পীগনি অমসুং জি.পি.আইশিংদা য়েংশিনবা হৌগনি।

প্রধান মন্ত্রী: মীফম অসিগী মতুংদা অদোম পুং কয়া থবক শুগনি?

শরুক য়ারিবা মীওই: সার, য়ামদ্রবদা পুং ২০ থবক শুগনি।

প্রধান মন্ত্রী: য়াম্না ফরে! মা গঙ্গ নত্ত্রগা লৈবাক অসিগী অতোপ্পা তুরেলশিং অসি, অধ্যাতিক, নাত-চৎনবীশিং অমসুং মহৌশাগী অকোয়বগী ফিবমগী ওইনা য়াম্না মরুওই। হিরম অসিদা অদোম্না থবক তৌবদা ঐ হরাওই। অদোমগী মফমদা য়াইফ-পাউজেল পীজরি। অদোম জয়পুরগী মীওই ওইবনা, মীয়াম্না ঈশিংগী মরুওইবা অমসুং মসিগী কান্নবা নিংথিনা খঙলে। অদোমগী মফমদা য়াইফ-পাউজেল পীজরি।

শরুক য়ারিবা মীওই: সার, অদোম থাগৎচরি।

প্রধান মন্ত্রী: মরুপশিং,

নখোয় ময়ামগা ৱারি শানবা অসি য়াম্না হরাওই অমসুং অদোমগী কাংবু উবদা অমসুং গ্রুপ পুনশিনবা উবদা, ঐনা এক ভারত শ্রেস্থা ভারতকী পান্দম উবা ফংলে। নোর্থকী মহৈরোয়শিং সাউথকা, সাউথকী মহৈরোয়শিং নোর্থকা, নোংপোক্কী মহৈরোয়শিং নোংচুপকা, নোংচুপকী মহৈরোয়শিং নোংপোক্কা, মসি অদোমগী য়াম্না ফবা থবক অমনি অমসুং অদোম লৈবাক অসিগী খেন্নবা অমসুং পাক-চাউবা খঙলগনি। হিরমগী ৱাফম খক নত্তনা, অদোমগী হেক্কাথোন অসিদা, অদোম্না নাকলদগী হিরম কয়া খঙবা ঙম্লে।

মরুপশিং,

মালেম অসিগী তুংলমচৎ লৌশিং অমসুং অনৌবা থবকশিংনা লমজিংলি হায়বা অদোম খঙলে। অসিগুম্বা ফিবম অমদা, অদোম ভারতকী থাজবা অমসুং অপাম্বনি। অদোমগী মীৎয়েং তোঙাল্লি, অদোমগী ৱাখল তোঙাল্লি অমসুং অদোমগী থৌনা অসি তোঙাল্লি। অদুবু মীওই খুদিংমক্কী পান্দম অসি মান্নৈ। মালেমদা ভারত খ্বাইদগী ইন্নোবেতিপ ওইবা, চাউখৎপা অমসুং নুংঙাই-য়াইফবা ওইগদবনি। ভারতকী মপাঙ্গল অসি ঐখোয়গী নহারোলগী শক্তি, ঐখোয়গী অনৌবা থবক পাংথোকপা নহারোল, ঐখোয়গী তেক্নোলোজিগী শক্তি অসিনি হায়না ঙসিগী মালেম্না হায়নরি। ভারতকী মপাঙ্গল অসি স্মার্দ ইন্দিয়া হেক্কাথোন্দা অদোমদা উবা ফংলে। ভারতকী নহারোলশিং মালেমগী ওইনা খ্বাইদগী অফবা ওইহন্নবা স্মার্দ ইন্দিয়া হেক্কাথোন অসি অফবা মফম অমা ওইরে। স্মার্দ ইন্দিয়া হেক্কাথোন হেক হৌরকপদগী, মহৈরোয় লাখ ১৪ রোম শরুক য়াখ্রে। হায়রিবা মহৈরোয়শিং অসিনা তিম লাখ ২ শেমখি অমসুং খুদোংচাদবা লিশিং ৩ রোমগী থবক তৌখি। মসিদা মহৈলোয়শঙ ৬৪০০ হেন্না শরুক য়াখি। স্মার্দ ইন্দিয়া হেক্কাথোন অসিদগী অনৌবা স্তার্দঅপ কয়া পোকখ্রে। ২০১৭ দা মহৈরোয়শিংনা অনৌবা ৱাখল্লোন লিশিং ৭ হেন্না পীশিল্লকখি। হন্দক অনৌবা ৱাখল্লোন লিশিং ৫৭ হেন্না পীশিল্লকখি। লিশিং ৭ দগী লিশিং ৫৭ । লৈবাক অসিনা থেংনরিবা অৱাবশিং কোকহন্নবা কমদৌনা ভারতকী নহারোলশিং চোঙথোরকপগে হায়বা মসিনা উৎলে।

মরুপশিং,

হৌখিবা চহি ৭ দা পাংথোকখিবা স্মার্দ ইন্দিয়া হেক্কাথোনশিংনা পীখিবা পাম্বৈশিংনা ঙসি লৈবাক অসিগী মীয়াম য়াম্না কান্নরে। স্মার্দ ইন্দিয়া হেক্কাথোন ২০২২ দা, নহারোল কাংবু অমনা নোংলৈ-নুংশিৎকী মপাঙ্গল ওন্নবা সিস্তেম অমা থবক হৌদোকখি। হেক্কাথোন্দা শেমগৎখিবা থবক অসি হৌজিক ইসরোনা পুথোকপা তেক্নোলোজিদা পুনশিনখ্রে। মসি তাবদা অদোম চাউথোকচবা ফাওগনি। চহি ৪-৫ গী মমাংদা, হেক্কাথোন্দা অতোপ্পা কাংবু অমনা দেতা খোমজিনবদা য়াম্না লাইহনবা ভিদিও জিওতেগ্গিং এপ্প অমা শেমখি। মসি হৌজিক স্পেসকা মরী লৈনবা থিজিনবদা শীজিন্নরে। হেক্কাথোনগী অতোপ্পা কাংবু অমনা খুদক্ত ঈ য়েংশিন্নবগী সিস্তেম অমা থবক তৌখি। সিস্তেম অসিনা মহৌশাগী ওইবা খুদোংথিবা থোকপা মতমদা মফম অদুদা লৈবা ব্লদ বেঙ্কশিংগী অকুপ্পা মরোলশিং পীগনি। মসিনা এন.দি.আর.এফগুম্বা এজেন্সিশিংদা মতেং পাংখি। চহি খরগী মমাংদা, অতোপ্পা কাংবু অমনা দিবয়াংজনশিংগী মতেং পাংনবা পোৎথোক অমা পুথোকখি। ঙসি ফাওবদা, মাইপাক্লবা থবক কয়ানা হেক্কাথোন্দা শরুক য়ারিবা নখোয় ময়ামদা ইথিল পীরি। হায়রিবা থবকশিং অসিনা লৈবাক অসি চাউখৎনবা কমদৌনা নহারোলশিংনা সরকারগা লোয়ননা থবক তৌরিবগে হায়বা উৎলে। মসিনা মখোয়দা লৈবাক অসি চাউখৎনবা অমসুং লৈবাক অসিগী খুদোংচাদবশিং কোকহন্নবা ৱাখল খলহল্লে। নখোয় ময়ামগা ৱারি শানরবা মতুংদা,বিকসিত ভারত অমা ওইনবা লৈবাক অসি অচুম্বা লম্বীদা চৎলি হায়বা ঐগী থাজবা হেনগৎলে। ভারতনা মায়োক্নরিবা খুদোংচাদবশিং কোকহন্নবা অদোম্না অনৌবা থবকশিং থিনবগী থাজবা অমসুং লাংতক্নবা অসি অঙকপনি।

মরুপশিং,

ঙসি, লৈবাক অসিগী অনিংবশিং থুংনবা খুদোংচাদবা খুদিংমক্কী ঐখোয়না অনৌবা ৱাখল খনগদবনি। মসিগী থৌরাং অসি হিরম খুদিংমক্ত ঐখোয়গী হৈনবীশিংদা অনৌবা থবক পাংথোক্কদবনি। মসি হেক্কাথোন অসি তোপ-তোপ্পা মশক্নি। থবক অসি পোৎথোক অমগুম য়াম্না মরুওই। মতম অমদা সরকার খক্তনা লৈবাক অসিগী অৱাবশিং কোক্নবা থবক তৌগদবনি হায়না খন্নরমখি। হৌজিক মদু ওইদ্রে। ঙসিদি, অসিগুম্বা স্মার্দ ইন্দিয়া হেক্কাথোনশিংগী খুৎথাংদা, খুদোংচাদবশিং অসি কোকহনবদা মহৈরোয়শিং, ওজাশিং অমসুং মেন্তরশিং শরুক য়ারে। মসি ভারতকী অনৌবা লৈঙাক্কী নমুনানি অমসুং ‘সবকা প্রায়াস’ অসি নমুনা অসিগী শাফু ওইরে।

মরুপশিং,

লৈবাক অসিগী মথং চহি ২৫ গী মীরোল অসি ভারতকী অমৃত মীরোলনি। নখোয় খুদিংমক বিকসিত ভারত অমা শেমগৎনবা দাইত্ব লৈরে। তাঞ্জা চাবা মতমদা ঙসিগী মীরোলদা লন-থুম খুদিংমক পীনবা ঐখোয়গী সরকারনা থবক পায়খৎলে। ঐখোয়না তোঙান-তোঙানবা মরোলশিংদা তোঙান-তোঙানবা চহি মতাংশিংদা থবক তৌরি। মহৈরোয়শিংদা সাইন্তিফিক ওইবা ৱাখল্লোন পোকহন্নবা ঐখোয়না অনৌবা ইজুকেসন পোলিসি চৎনরে। লৈবাক অসিগী তুংগী মীরোলনা স্কুলশিংদগী অনৌবা থবক পাংথোক্নবা লৌশিং ফংগনি। মসিগীদমক, ঐখোয়না অতল তিনকেরিং লেব লিশিং ১০ হেন্না লিংখৎলে। হায়রিবা লেবশিং অসি অঙাং করোর অমা হেনবগী অনৌবা চাংয়েং অমসুং থিজিনবগী মফম অমা ওইরে। লৈবাক অসিগী পি.এম শ্রী স্কুল লিশিং ১৪ হেন্না ২১শুবা চহিচাগী স্কিলশিংদা থবক তৌরি। মহৈরোয়শিংনা অনৌবা ৱাখল খনবা মখা তানা ফগৎনবা কলেজগী থাক্ত ইনকুবেসন সেন্তরশিং লিংখৎলে। প্রাক্তিকেল ওইনা তম্বদা রোবোতিক্স অমসুং এ.আই শীজিন্নরে। নহারোলশিংগী খঙনিংবশিং খঙহন্নবা জিগ্যাসা প্লেতফোর্ম শেমগৎলে। মসিদা, নহারোলশিংনা সাইন্তিস্তশিংগা হকথেংননা ৱারি শানবগী খুদোংচাবা অমা পীরে।

মরুপশিং,

ঙসিদি, ত্রেনিং পীবগী মথক্ত, নহারোলশিংদা স্তার্দঅপ ইন্দিয়া কেম্পেনগী খুৎথাংদা শেন্থংশু পীরে। মখোয়দা তেক্সশিং লৌদ্রে। নহারোলশিং মখোয় মশাগী ললোন-ইতিক পায়খৎনবা লুপা লাখ ২০ ফাওবগী মুদ্রা লোনশিং পীরে। অনৌবা কম্পেনিশিংগী তেক্নোলোজি পার্কশিং অমসুং অনৌবা আই.তি হবশিং লিংখৎলে। সরকারনা লুপা করোর লাখ ১ গী রিছার্স ফন্দ অমা শেম্লে। মসিনা নহারোলশিংগী দরকার ওইবশিং ফংহন্নবা সরকারনা লেপ্লি হায়বা তাকপনি। অসিগুম্বা হেক্কাথোনশিং অসিনা ঐখোয়গী নহারোলশিংদা অনৌবা খুদোংচাবশিং পীরে। মসি ইচম চম্বা থৌরম অমা নত্তে। মসি ঐখোয়গী মীয়ামগী য়াইফনবা খনবা লৈঙাক্কী নমুনাগী শরুক অমনি।

মরুপশিং,

করিগুম্বা ঐখোয়না মালেমদা শেন-থুমগী সুপরপৱার অমা ওইবা পাম্লবদি, শেন্মিৎলোনগী অনৌবা হিরমশিংদা ঐখোয় থবক কন্না শুগদবনি। চহি ১০ গী মমাঙদা লৈরমদবা হিরমশিং হায়বদি দিজিতেল কন্তেন্ত শেম্বদগী হৌরগা গেমিং ফাওবদা হিরম কয়াদা ভারত চাউখৎলে। ঙসিদি ভারত অনৌবা শীনফমশিং লম্বীশিং শেম্লে। মসিনা নহারোলশিংদা অনৌবা লম্বীশিং অমসুং চাংয়েংগী খুদোংচাবশিং পীরে। নহারোলশিংগী অপাম্বা অমসুং থাজবা খঙবদগী সরকারনা মখোয়না পাম্লিবশিং পুক্নিং থৌগৎলে। অওনবশিং পুরক্তুনা মখোয়গী লম্বীদা লৈরিবা অপনবশিং সরকারনা লৌথোক্লে। ঙাইহাক্কী মমাঙদা, অহানবা নেসনেল ক্রিয়েতর এৱার্দ য়েন্থোকখ্রে। মসি কন্তেন্ত ক্রিয়েতরশিংগী হোৎনবা কনবা অমসুং হৈথোই-শিংথোইবা ইকায়খুম্নবা উৎনবা পান্দমদা পাংথোকপনি। শান্নবা অসি শীনফম অমা ওইনা খন্নবা ঐখোয়না থবক পায়খৎলে। খেলো ইন্দিয়া অমসুং তোপস স্কিমনা ওলেম্পিকশিংগী থৌরাং তৌনবা খুঙ্গংশিংদা খুঙ্গং থাক্কী তুর্নামেন্তশিং শৌগৎলে। এনিমেসন, ভিজুএল ইফেকশিং, গেমিং, কোমিক্স অমসুং এক্সতেন্দেদ রিএলিতিগী নেসনেল সেন্তর ওফ এক্সলেন্সকী কান্নবা উবা ফংলে। মসিনা মরম ওইদুনা, গেমিং অসি য়াম্না পাম্নবা শীনফম অমা ওইরক্লে।

মরুপশিং,

লৈবাক অসিগী মহৈরোয়শিং, থিজিল্লোয়শিং অমসুং ইন্নোবেতরশিংদা মালেমগী চেফোঙশিং ফংহন্নবা হন্দক সরকানা অচৌবা ৱারেপ অমা লৌরে। ৱান নেসন-ৱান সবস্ক্রিপসন স্কিম অসি মালেমদা অঙকপা স্কিম অমনি। মসিগী মখাদা, মমিং লৈরবা জর্নেলশিং লৌদুনা ভারতকী নহারোলশিং লৌশিংগী অৱাৎপা অমতা লৈহল্লোই। হেক্কাথোন শরুক য়ারিবা নহারোলশিং মসিগী কান্নবা ফংগনি। হৌজিক সরকারগী পান্দমদি ঐখোয়গী নহারোলশিং মালেমদা খ্বাইদগী ফবা মীওইশিংগা লাম্বা তৌনবা ঙমহনবনি। ঐগী ওইনা নহারোলগী পান্দম অসি সরকারগী মিসন্নি। মরম অদুনা সরকার অমা ওইনা, মাইকৈ অসিদা ঐখোয়না থবক তৌরি।

মরুপশিং,

ঙসিদি, হেক্কাথোন অসিদা নহারোল লিশিং কয়া শরুক য়ারে। মরম অদুনা, ঐনা অতোপ্পা মরুওইবা পাউজেল অমা পীবা পাম্মী। অসিগুম্বা নহারোল লাখ অমা লৈবাক অসিগী রাজনিতিদা শরুক য়াহনগনি হায়না ঐনা লাল কিলাদা হায়খিবা অদু অদোম খঙলে। মসি লৈবাক অসিগী তুংগীদমক য়াম্না মরুওইবনি। থবক অসিগীদমক তোঙান-তোঙানবা পাম্বৈশিং শীজিন্নরে। অসিগুম্বা অচৌবা থৌরম অমা মথং থাদা পাংথোক্কনি। বিকাস ভারত, য়ং লিদরস দাইলোগ। মসিদা লৈবাক অসিগী নহারোল করোর কয়া শরুক য়াগনি অমসুং বিকসিত ভারত অমগী মখোয়গী অনৌবা ৱাখল্লোনশিং ফোঙদোক্কনি। অনৌবা ৱাখল্লোনশিং খনবগা লোয়ননা, মদুগী নহারোল অদু খনগনি অমসুং শ্বামী বিবেকানন্দগী মপোক নুমিত্তা জনুৱারি ১১ অমসুং ১২ দা দিল্লিদা য়ং লিদরস দাইলোগ পাংথোক্কনি। মসিদা লৈবাক অসিগী অমসুং মপান লৈবাকশিংগী শক্নাইরবা মীওইশিং শরুক য়াগনি। ঐশু শরুক য়াগনি অমসুং নখোয় ময়ামগী ৱারোল তাগনি। বিকাস ভারত, য়ং লিদরস দাইলোগ শরুক য়াগদবনি। লৈবাক শেমগৎপদা শরুক য়ানবা অদোম অতোপ্পা অচৌবা খুদোংচাবা অমা ফংলগনি।

মরুপশিং,

অদোমগী মতম অসি খুদোংচাবা অমসুং থৌদাং অমা ওইরে।

ভারত খক্তগী নত্তনা মালেমগী খুদোংচাদবশিং কোকহন্নবা স্মার্দ ইন্দিয়া হেক্কাথোনগী তিমশিংনা থবক তৌবা ঐনা পাম্মী। মথং চহিদা হেক্কাথোন অসিদা ঐখোয় উনবা মতমদা,মালেমগী অৱাবা অমা কোকহন্নবা পাম্বৈ অমগী খুদম অমা পীগদবনি। অদোম ইন্নোবেতরশিং অমসুং অৱাবা কোকহনবা মীওইশিংগী তৌবা ঙম্বশিংদা লৈবাক অসিনা থাজবা থম্লি অমসুং চাউথোকচরি। নখোয় ময়ামগী তুংগী পুন্সিদা মাইপাক্নবা ঐগী য়াইফ-পাউজেল পীজরি।

অদোম থাগৎচরি।

****