হাউশিং অমসুং অর্বান পোবর্তী এল্লিবেসন মন্ত্রালয়
মাংহনগনু, হেন্না সেলেব্রেত তৌ: ২৫শুবা হোর্নবিল ফেস্তিবেলনা সস্তেনেবিলিতীগী লম্বী য়াৎলি!
Posted On:
11 DEC 2024 5:26PM by PIB Imphal
কুমহৈশিংগী কুমহৈ হায়না পাঙথোক্লিবা ২৫শুবা হোর্নবিল ফেস্তিবেলনা জিরো-ৱেস্ত অমদি সিঙ্গল-য়ুজ প্লাস্তিক (SUP) ফ্রী ওইহন্দুনা স্তেনেবিলিতীগী মায়কৈদা শিংথানিংঙাই ওইবা খোঙথাং অমা থাংজিল্লে। নাগালেন্দকী ইনাক খুল্লবা নাৎ, ঈশৈ নোংমাই, অমসুং চৎনবী উত্থোকপগীদমক মীয়াম্না খঙনবা কুমহৈ অসিনা ইকো-ফ্রেন্দলী ইভেন্ত মেনেজমেন্তকী মতিক লৈবা খুদম অমা উৎলি। নুংতিগী মীওই লাখ ২ হেন্বনা লাক্লিবা কুমহৈ অসিনা এনভাইরনমেন্তেল কঞ্জার্বেসন অমসুং সস্তেনেবল প্রেক্তিসকী লমদা শিংথানিংঙাই ওইবা পন্দোল অমা ফংবা ঙম্লি।
চহি অসিগী হোর্নবিল ফেস্তিবেল নাগালেন্দগী মুখ্য মন্ত্রী নৈফিউ রিওনা হৌদোকখি। কুমহৈ অসিনা মালেমগী সস্তেনেবিলিতী গোলশিংগী পরিংদা, ভারতকী ইকো-ফ্রেন্দলী থৌরমশিংগী বেঞ্চমার্ক অমা ওইহন্নবা পান্দম থমখি। অকন্বা ৱেস্ত মেনেজমেন্তকী থৌওং পায়খত্তুনা, অমদি মীয়ামগা খুৎশম্নদুনা কল্চরেল সেলেব্রেসনগী অকোয়বগী ফীভম ঙাক শেন্বগা কমদৌনা অমত্তা ওইনা চৎমিন্নবা য়াহনগনি হায়বগী লম্বী য়াৎখি।
কুমহৈ অসি জিরো-ৱেস্ত অমসুং সিঙ্গল-য়ুজ প্লাস্তিক (SUP)-ফ্রী থৌরম অমা ওইহন্নবগীদমক ইথিল পীবা ঙম্বা থৌরাং কয়া পায়খৎখি।
অকোয়বগী ফীভমদা শোকহন্বা হন্থহন্নবগীদমক স্ত্রো, দিস্পোজেবল প্লেত, কপ, অমসুং প্লাস্তিক বেগশিং য়াওনা সিঙ্গল-উজ প্লাস্তিক পুম্নমক থিংখি। থৌশিল অসিদা ঙাক্লৌ পীননবা, ভেন্দরশিং ৱাগী স্ত্রো, বাইওদিগ্রেদেবল কত্লরী, উনানা শেম্বা প্লেত, অমসুং চেগী খাউনচিংবা ইকো-ফ্রেন্দলীসু ওইবা পত্থ-পুমথহন্বসু য়াবা সস্তেনেবল অল্তরনেতিবশিং শীজিন্নহনখি। অল্তরনেতিবশিং অসিনা ফত্ত-হৌদি থোকপগী চাং হন্থহনখি অমসুং অশঙ অমান্না থন্বা অমসুং লু-নানবা এনভাইরনমেন্ত অমা য়োকখৎখি। থৌশিল অসি মায় পাকহন্নবগীদমক অখন্নবা এনফোর্সমেন্ত তীমশিং অমসুং ভোলুন্তিয়রশিংনা মফম অদুদা কুপ্না য়েংশিনখি। মখোয়না ভেন্দরশিংগা ৱারী শানখি, লমজিং পীখি, অমসুং অয়াবা পীবা পোৎলমশিংখক্তমক শীজিন্ননবা চাং নাইনা চেক তৌখি। য়েংবা লাকপা মীওইশিংদা ইকো-কন্সিয়স ওইবা ফিরেপ লৌননবা মচি মচিদা এজুকেসস্নেল সাইনেজশিং থেত্তুনা অমসুং এৱ্যারনেস কেম্পেনশিং তৌদুনা সস্তেনেবিলিতী পুরক্নবা ফিরেপ চেৎশিলহনখি।
হৌরকফমদা ফত্ত-হৌদি খাইদোক্নবদগী হৌরগা মপুং ফাবা ৱেস্ত মেনেজমেন্ত সিস্তেম অমা শেমখি। মফম পুম্বদা অচোৎপা, অকংবা, অমসুং রিসাইকল তৌবা য়াবা ফত্ত-হৌদিশিংগী মমিং থাবা বিনশিং খিনখি, নীংথিনা ত্রেন তৌবা ভোলুন্তিয়রশিংনা ভিজিতরশিংদা ফত্ত-হৌদি মওং চুম্না হুন্দোক্নবা মতেঙ পাংখি অমসুং লমচৎ শাজৎ হোংদোক্নবা পুক্নিং থৌগৎখি। অখন্নবা দ্রাই ৱেস্ত সোর্তিং স্তেসন অমনা খোমজিল্লকপা পোৎলমশিংবু প্লাস্তিক, চে, গ্লাস, অমসুং মেতেল হায়না কাঙলুপশিং খায়দোক্লগা, রিসাইকল তৌবা য়াবা পোৎলমশিং ওথোরাইজ সেন্তরশিংদা থাখি। ৱেত ৱেস্তশিংনা কম্পোস্ত য়ুনিতশিং শীজিন্নদুনা মফমদুমক্তদা প্রোসেস তৌরগা লমদমদুগী লৌফমশিংদা, ইংখোলশিংদা কান্নগদবা কম্পোস্ত হার শেমদুনা সর্কুলর ৱেস্ত মেনেজমেন্ত মোদেল অমা শেমখি।
মখা তানা ৱেস্ত হন্থহন্নবা, ফুদ স্তোলশিংনা অমুক হন্না শীজিন্নবা য়াবা নৎত্রগা কম্পোস্ত তৌবা য়াবা কোল লিকশিং, খুদম ওইনা লা অমসুং চরু চনাইনা শাবা প্লেতশিং শীজিন্নখি, অদুগা ভিজিতরশিংদা মখোয় মশাগী কোল লিক পুরক্নবা নৎত্রগা অমুক হন্না শীজিন্নবা য়াবশিং মফমদুদগী লৈনবা পুক্নিং থৌগৎখি। প্লাস্তিক বোত্তল শীজিন্নবা পুক্নিং থৌগত্তনবা কুমহৈ পাংথোকফম মফম শিন থুংনা ঈশিং হান্ফম স্তেসনশিং থমখি, অমদি মশাগী হন্না শীজিন্নবা য়াবা বোত্তলশিং পুরক্নবা ভিজিতরশিংদা ইন্সেন্তিব পীখি। মসিগী মথক্তা, হোর্নবিল ফেস্তিবেলদা তোইলেত ৪২ খিনখি, মদুগী মনুংদা ৩৬ না মোরুং (চীঞ্জাক চাফম ময়াদা) খিনখি অমদি ৬ না মীয়াম তিন্বা মফমশিংদা খিনখি। তোইলেতশিং অসি চাং নাইনা শেংদোকখি অমদি মেন্তেন তৌখি।
কুমহৈ অদুদা সস্তেনেবল লীচৎ শাজৎ পুক্নিং থৌগৎপদা IEC কেম্পেন্না মরুওইবা থৌদাং লৌখি। মফম অদুদা শিন থুংনা খিনখিবা ইনফোর্মেতিব দিস্প্লেশিংনা ভিজিতরশিংদা রিএল-তাইম গাইদ অমসুং ইকো-ফ্রেন্দলী প্রেক্তিসশিং শীজিন্নবগী তৌবা য়াবা পাউতাকশিং ফংহনখি। মদুগী মথক্তা, ভোলুন্তিয়রশিংনা শরুক য়ারিবশিংদা জিরো-ৱেস্ত প্রোতোকোলগী মরমদা খঙনবা অমসুং ইন্ননবা ওন-তি-স্পোত এৱ্যারনেস সেসনশিং পাঙথোকখি।
হোর্নবিল ফেস্তিবেলগী জিরো-ৱেস্ত এপ্রোচ অসিনা অকোয়বগী ফীভমদা চাউনা ইথিল পীদুনা, সিঙ্গল-য়ুজ প্লাস্তিক (SUP) ৱেস্ত হন্থহন্বনা খ্বায়দগী শিংথানিংঙাই ওইবা খোংথাং ওইখি। নোংমদা চাউরাক্না SUP পোৎলম লাখ ১ রোম শীজিন্নবদগী থিংদুনা, নুমিৎ ১০নি চত্থখিবা কুমহৈ অদুদা পোৎলম মিলিয়ন অমরোম শীজিন্নবা হন্থহন্দুনা লমদম অদুদা প্লাস্তিক পোলুসনগী চাং মশক থোক্না হন্থহনখি। মদুগী মথক্তা, SUP শীজিন্নবা থিংদুনা, কুমহৈ অসিনা CO₂ ইমিসন মেত্রিক তন ৫০ রোম থিংদুনা কার্বোন ফুতপ্রিন্ত হন্থহন্বদা থৌদাং লৌখি। ইকো-ফ্রেন্দলী মচাকশিং লমদমদুদগী লৌবনা পুথোক পুশিন তৌবগা মরী লৈনবা ইমিসন মখা তানা হন্থহনখি। মখা তানা, প্লাস্তিক ৱেস্ত থিংদুনা, কুমহৈ অসিনা মিথেল অমসুং ইথাইলিন, পোতেন্ত গ্রীনহাউস গ্যাসশিং থাদোকপা থিংবদা মতেঙ পাংবগা লোয়ননা মালেমগী ক্লাইমেত গোলগী পরিংদা নাগালেন্দকী নুংশিৎ শেংহন্বদা মতেঙ ওইখি। সোর্তিং স্তেসন পায়খত্তুনা অমদি রিসাইক্লিং পুক্নিং থৌগত্তুনা, চে, গ্লাস, অমসুং মেতেলগুম্বা রিসাইকল তৌবা য়াবা পোৎলমশিং ওথোরাইজ সেন্তরশিংদা থাদুনা, রিসোর্স কঞ্জার্বেসন লৈহন্দুনা অমদি ইনর্জী শীজিন্নবা হন্থহন্দুনা কুমহৈ অসিনা সর্কুলর ইকনমী অমা য়োকখৎখি।
নাগালেন্দকী হোর্নবিল ফেস্তিবেলগী জিরো-ৱেস্ত ইনিসিএতিব অসিনা মায় পাকপা অসিনা মালেম পুম্বগী ওইনা অচৌবা থৌরমশিং তৌবগী ফিদম অমা ওইবা য়াগনি। কুমহৈ, ঈশৈগী থৌরম, অমসুং মীয়াম তিন্বা থৌরমশিংদা মসিগা মান্নবা থৌরাংশিং পায়খত্তুনা, ঐখোয়না এনভাইরনমেন্তেল ফুতপ্রিন্ত হন্থহন্বা, ইকোসিস্তেম ঙাকথোকপা, অমসুং ক্লাইমেত চেঞ্জ থেংনবদা মশক থোক্না থৌদাং য়াবা ঙমগনি। থৌশিল অসি নাগালেন্দ খক্তগী অচৌবা মায় পাকপা অমা ওইবতা নত্তনা মালেমগী ওইনা ক্লাইমেত চেঞ্জ অমসুং প্লাস্তিক পোলুসন থেংনবগী তরং তরংবা খুদম অমসু ওইরি।
****
(Release ID: 2083570)
Visitor Counter : 15