પ્રસ્થાન ગાંવ કી ઓરે 19 થી 24 ડિસેમ્બર, 2024 સુધી ભારતના તમામ જિલ્લાઓ, રાજ્યો અને કેન્દ્રશાસિત પ્રદેશોમાં જાહેર ફરિયાદોના નિવારણ અને સુધારણા સેવા વિતરણ માટે રાષ્ટ્રવ્યાપી અભિયાન હાથ ધરવામાં આવશે. પ્રસ્થાન ગાંવ કી ઓરે 2 થી 31 ઓક્ટોબર, 2024 દરમિયાન કેન્દ્રીય મંત્રાલયો / વિભાગો અને પીએસયુમાં હાથ ધરવામાં આવેલા વિશેષ અભિયાન 4.0નું વિકેન્દ્રિત સંસ્કરણ છે.

આ ઝુંબેશમાં 700થી વધુ જિલ્લા કલેક્ટરો ભાગ લેશે અને અધિકારીઓ તહસીલો અને પંચાયત સમિતિના મુખ્ય મથકોની મુલાકાત લેશે. આ ત્રીજી વખત છે જ્યારે ભારત સરકાર લોકોની ફરિયાદોનું સમાધાન કરવા અને સેવાની ડિલિવરીમાં સુધારો કરવા માટે તાલુકા સ્તરે રાષ્ટ્રીય અભિયાન હાથ ધરશે. પ્રસ્થાન ગાંવ કી ઓરે અભિયાન સુશાસન માટે એક રાષ્ટ્રીય ચળવળ બનાવશે જે ભાવિ પેઢીઓને પ્રેરણા આપશે.

ગુડ ગવર્નન્સ વીક 2024નો પ્રારંભિક તબક્કો 11-18 ડિસેમ્બર, 2024 સુધી શરૂ થશે. 11.12.2024ના રોજ સુશાસન સપ્તાહ 2024ના કાર્યક્રમનો શુભારંભ કરવા માટે https://darpgapps.nic.in/GGW24 એક પોર્ટલનું  ઉદઘાટન કરવામાં આવશે. આ એક સમર્પિત પોર્ટલ હશે, જેમાં જિલ્લા કલેક્ટર્સ પ્રારંભિક અને અમલીકરણના તબક્કાઓ દરમિયાન સુશાસનની પદ્ધતિઓ અને વીડિયો ક્લિપ્સની સાથે પ્રગતિને અપલોડ કરશે.

અમલીકરણના તબક્કામાં, જિલ્લા કલેક્ટરો સમર્પિત પોર્ટલ પર નીચેની માહિતી પણ શેર કરશે, જેનું નિવારણ 19 થી 24 ડિસેમ્બર, 2024ના સમયગાળામાં કરવામાં આવશે.

1. સેવા પૂરી પાડવા હેઠળ નિકાલ કરાયેલી અરજીઓ
2. સરકારી ફરિયાદ પોર્ટલોમાં નિવારણ કરાયેલી ફરિયાદોનું નિવારણ
3. CPGRAMSમાં તકરારો નિવારણ
4. ઓનલાઈન સેવા વિતરણ માટે ઉમેરવામાં આવેલી નવી સેવાઓની સંખ્યા
5. શ્રેષ્ઠ સુશાસનની પદ્ધત્તિઓ
6. જાહેર ફરિયાદોમાં સફળતાની ગાથાઓ

દરેક જિલ્લામાં 23 ડિસેમ્બર 2024ના રોજ જિલ્લા કલેક્ટરની અધ્યક્ષતામાં જિલ્લા કક્ષાના ઇનોવેશન અંગે વર્કશોપ યોજાશે. વર્કશોપમાં સંસ્થાઓના ડિજિટલ ટ્રાન્સફોર્મેશન અને નાગરિકોના ડિજિટલ સશક્તિકરણના હેતુથી નવીનતાઓ પર ધ્યાન કેન્દ્રિત કરવામાં આવશે.

AP/IJ/GP/JT

pibahmedabad1964[at]gmail[dot]com