প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেবিনেৎ কম্মিতী ওন ইকোনোমিক এফিয়র্সনা অরুনাচল প্রদেশকী শী য়োমি জিলাদা হিও হাইদ্রো ইলেক্ত্রিক প্রোজেক্ত (HEP) শানবগীদমক লুপা করোর 1939গী ইনভেস্তমেন্ত তৌনবা অয়াবা পীখ্রে। প্রোজেক্ত অসো লোইশিনবগী পান্দম থম্লিবা মতম অসি থা 50নি।

ইনস্তোল তৌরবা কেপাসিতী 240 MW (3 x 80 MW) ওইবা প্রোজেক্ত অসিনা ইনর্জী য়ুনিৎ মিল্লিয়ন 1000 পুথোক্কনি। প্রোজেক্ত অসিদগী পুথোক্কদবা পাৱর অসিনা অরুনাচল প্রদেশ রাজ্যদা পাৱর সপ্লাইগী ফীভম ফগৎহনবদা মতেং পাংগনি অমসুং নেস্নেল গ্রিদকী বেলেন্সিংদসু মতেং পাংগনি।

প্রোজেক্ত অসি নোর্থ ইস্তর্ন ইলেক্ত্রিক পাৱর কোর্পোরেসন লিমিতেদ (NEEPCO) অমসুং অরুনাচল প্রদেশ সরকারগী মরক্তা জোইন্ত ভেঞ্চর কম্পনী অমগী খুত্থাংদা পায়খৎকনি। ভারত সরকারনা রাজ্যগী ইক্বিতী শেয়রগী মায়কৈদা লুপা করোর 130.43গী সেন্ত্রেল ফাইনান্সিএল এসিস্তেন্সকী মথক্তা লম্বীশিং, থোংশিং অমসুং মসিগা মরী লৈনবা ত্রান্সমিসন লাইন শেমগৎপদা বজেৎকী মতেং ওইনা লুপা করোর 127.28 পীগনি।

চাউনা ইনফ্রাস্ত্রকচর ফগৎহনবা অমসুং লমদম অসিগী সোসিও-ইকোনোমিক দিবেলপমেন্ত লৈবগী মথক্তা মথক্তা রাজ্য অসি ফ্রী পৱারগী 12% অমসুং লোকেল এরিয়া দিবেলপমেন্ত ফন্দ (LADF)দা অতোপ্পা 1%গী কান্নবা ফংগনি।

প্রোজেক্ত অসিনা আত্মনির্ভর ভারত অভিয়ানগী পান্দমগা চুনবা মওংদা, লোকেল সপ্লাইয়রশিং/ ইন্তরপ্রাইজশিং/ MSMEশিংদা তোঙান তোঙানবা কান্নবা পীগনি। প্রোজেক্ত অসিগী কন্সত্রক্সন ফেজ মনুংদা, NEEPCOদগী মীওই 200 অমসুং কন্ত্রেক্তরদগী মীওই 400 রোম মথৌ তাগনি। মসিগীসু মথক্তা, প্রোজেক্ত অসিনা মফম অদুগী মীয়ামগীদমক মখল কয়াগী অপীকপা কন্ত্রেক্ত অমসুং সর্ভিসশিংগী খুত্থাংদা থবক পাংথোক্লিঙৈদা অচৌবা ইন্দাইরেক্ত এমপ্লোইমেন্তগী খুদোংচাবশিং লৈহল্লগনি। প্রোজেক্ত অসিনা ওপরেসন অমসুং মেনতেন্সনগী মতমদা থবক পীগনি। মসিগী মথক্তা, মসিগী দিবেলপমেন্ত অসিনা ত্রান্সপোর্তেসন, তুরিজম, অপীকপা ইন্তরপ্রাইজকুম্বা সেক্তরশিংদা থবক ফংহল্লগনি।

*****