म्हायती आनी वितरावणी मंत्रालय
भारतीय सिनेमाच्या फुडाराक पोसवण दिवप हो इफ्फी 2024चो हेत
#IFFIWood, 24 नोव्हेंबर 2024
हय, #द फ्युचर इज नाव. 55व्या भारतीय आंतरराष्ट्रीय चित्रपट महोत्सवांत राष्ट्रभरांतल्या तरणाट्या चित्रपट निर्मात्यांच्या प्रतिभा, सृजनशीलताय आनी आवडीचेर भर दिवन, भारतीय सिनेमाच्या फुडाराची परब मनयतात. सिनेमाच्या विद्यार्थ्यांक सिनेमा आनी कथाकथनांतल्या उत्कृश्टतायेत संद दिवपाचें म्हत्व वळखून, म्हायती आनी प्रसारण मंत्रालय, राष्ट्रीय चित्रपट विकास म्हामंडळावरवीं (एनएफडीसी) ह्या प्रतिश्ठीत महोत्सवांत, सुमार 350 सिनेमा आनी संचारण विद्यार्थ्यांक संद दिवपाचो अभिमान बाळगता.
अंदूंच्या यंग फिल्ममेकर प्रोग्रामांत, भारतभरांतल्या 13 नामनेच्या फिल्म इन्स्टिट्यूटांतले 279 नवोदित फिल्म निर्माते, तेच बरोबर ईशान्यांतल्या 67 प्रतिभावान फिल्म निर्माते एकठांय आयल्यात.
हातूंत भाग घेवपी विध्यार्थ्यांक ह्या उपक्रमांवरवीं सिनेमाच्या जिवंत संवसारांचो अणभव घेवपाची एक आगळीच संद मेळटा:
आंतरराश्ट्रीय आनी भारतीय चित्रपटांचे प्रदर्शन: संवसारीक सिनेमांतले नवे आनी नामनेचे भारतीय चित्रपट, विंगड विंगड कथाकथन शैलींची खोलायेन समजूत वाडोवप.
मास्टरक्लास आनी चर्चा: जागतीक आनी भारतीय चित्रपट वेवसायिकांकडेन संपर्क वाडोवप, चित्रपट निर्मितीच्या कलेविशीं अमूल्य म्हायती मेळोवप.
इफ्फीयेस्टा सांस्कृतीक कार्यावळी: महोत्सवाची सांस्कृतीक गिरेस्तकाय आनी कलेचो समन्वय अणभवप.
फिल्म बाजार: विद्यार्थ्यांनी फिल्म बाजारांत भोंवडी केली आनी तांकां फिल्म बाजाराच्या दर एका विषयाची वळख करून दिली.
फुडल्या पिळगेंतल्या कथाकारांक पोसवण दिवप आनी भारतीय सिनेमाच्या फुडाराक आकार दिवपा खातीर, तांका साधनां आनी प्रेरणा दिवन, सज्ज करपाची इफ्फीची वचनबद्धताय ह्या कार्यावळींतल्यान दिसून येता. ह्या उपक्रमांतल्यान तरणाट्या चित्रपट निर्मात्यांक जागतीक सिनेमा उत्कृश्टतायेची वळख करून दिता आसतना, स्वताचो खाशेलो आवाज आनी नदर मुखार हाडपाक प्रोत्साहन दिता.
ह्या उदयाक येवपी निर्मात्यांचो उत्सव मनयतना, भारतीय सिनेमाच्यो शिमो परतून थरावपाची तांची तांक, आमकां याद जाता. तांची नवकल्पना आनी आवड ह्या उद्देगाचेर टिकपी परिणाम करतली, हातूंत दुबाव ना.
55वी इफ्फी सिनेमा उत्कृश्टताये खातीर, संस्कृतायेक जोडपी आनी प्रेरणादायक कथांखातीर एक दिवो जावन आसा. हे तरणाटे फिल्म निर्माते आपल्या सृजनशील प्रवासाक सुरवात करतना, इफ्फी 2024च्या अणभवांतल्यान एक बऱ्या सिनेमा फुडाराकडेन पावल घालप जातलें.
* * *
PIB IFFI CAST AND CREW | Subhash/Manali/Darshana | IFFI 55
(Release ID: 2076657)
Visitor Counter : 5