0 4

#IFFIWood، 23 نومبر 2024

ہندوستان کے 55ویں بین الاقوامی فلم فیسٹیول میں، اسنو فلاور نے گالا پریمیئر کے ایک حصے کے طور پر اپنی شناخت بنائی اور فلم کی کاسٹ اور عملے بشمول معروف ہدایت کار گجیندر وٹھل اہیرے، چھایا کدم، ویبھو منگلے اور سرفراز عالم صفو نے کل گوا میں ایک پریس کانفرنس کے دوران میڈیا سے خطاب کیا۔

b

مراٹھی زبان کی یہ فلم ایک پُرجوش، کراس کنٹری کہانی بیان کرتی ہے، جو دو الگ الگ ثقافتوں — روس اور کونکن کے درمیان فرق کو پُر کرتی  ہے۔  برفیلے سائبیریا اور سرسبز و شاداب کونکن کے متضاد پس منظر پر مبنی یہ فلم ہندوستان میں رہنے والی ایک دادی اور روس میں رہنے والی پوتی کے درمیان ’فاصلے‘ کو تلاش کرتی ہے۔

ڈائریکٹر گجیندر وٹھل اہیرے نے اسنو فلاور کے پیچھے تخلیقی عمل کے بارے میں بصیرت کا اشتراک کیا۔ اہیرے نے ایسے انتہائی مشکل حالات میں فلم بندی کے چیلنجوں پر بھی روشنی ڈالی۔ سائبیریا کے خانٹی مانسیسک میں درجہ حرارت -14 ڈگری سینٹی گریڈ تک گرنے کے ساتھ، چھوٹے عملے کو مشکل حالات میں کام کرنا پڑا۔ ان چیلنجوں کے باوجود، عملے کی لگن اور مضبوط ٹیم ورک نے انہیں ایک ایسی فلم بنانے کی اجازت دی، جو کہانی کی جذباتی گہرائی کو   قید کرتی ہے۔

اہیرے نے کہا کہ جب ہم روس پہنچے تو یہ منفی 14 ڈگری تھا۔ انہوں نے ہماری دیکھ بھال کی — جوتے، کپڑے، جیکٹس، یہاں تک کہ صابن اور شیمپو بھی مہیا کرایا۔ ان کی حمایت سے ہم اچھی طرح کام کرسکے اور کہانی کے ساتھ انصاف کرسکے۔  انہوں نے یہ بھی نوٹ کیا کہ زبان کی رکاوٹوں کے باوجود — عملے میں سے کوئی بھی انگریزی نہیں بولتا تھا اور روسی عملہ ہندی نہیں جانتا تھا — ٹیم فلم سازی کی عالمگیر زبان اور باہمی احترام پر انحصار کرتے ہوئے مؤثر طریقے سے بات چیت کرنے میں کامیاب رہی۔  انہوں نے مسکرا کر کہا کہ  ’’ہماری ثقافت کے حصے کے طور پر ہم ہر صبح پہلی شاٹ سے پہلے گنپتی آرتی کرتے ہیں۔ روس سے آنے والے عملے نے پہلے دو دن یہ مشاہدہ کیا اور آپ کو یقین نہیں آئے گا کہ انہوں نے تیسرے دن سے آرتی کرنا شروع کر دی تھی۔ ہم نہیں سمجھتے لیکن یہ کرنا اچھا لگتا ہے۔‘‘

ویبھو منگلے نے وضاحت کی کہ روس کا محل وقوع کے طور پر انتخاب جان بوجھ کر کیا گیا تھا، نہ صرف اس کے شاندار جغرافیے کے لیے بلکہ کونکن کے ساتھ اس کے ثقافتی تضاد کے لیے بھی۔ سائبیریا کے برف سے ڈھکے مناظر نے کہانی میں جذباتی اور جغرافیائی تقسیم کے لیے ایک بہترین پس منظر فراہم کیا، جو سرسبز، گرم کونکن خطے کے متضاد موضوعات کی آئینہ دار ہے۔

فلم کی معروف اداکارہ چھایا کدم نے دونوں ممالک کے درمیان تضادات کو پیش کرنے کا اپنا تجربہ شیئر کیا۔ انہوں نے وضاحت کی کہ ’’ میں گجیندر کی بہت بڑی مداح ہوں اور ان کے ساتھ کام کرنے سے مجھے روس اور ہندوستان کے درمیان ثقافتی فرق کو پیش کرنے کا موقع ملا‘‘۔

فلم کے ایک اہم اداکار سرفراز عالم صفو نے سیٹ میں اس تعاون کے جذبے پر مزید زور دیا۔  ماسکو میں رہنے والے صفو نے چھوٹے عملے کی کم سے کم آلات اور بنیادی ڈھانچے کے ساتھ کام کرنے کی صلاحیت کی تعریف کی۔ صفو نے کہا کہ ’’محدود وسائل کے باوجود، ہم شوٹنگ کو ختم کرنے میں کامیاب رہے۔ ڈائریکٹر گجیندر نے مجھے اظہار خیال کرنے کا موقع  دیا اور میں نے کاسٹ اور عملے سے بہت کچھ سیکھا‘‘۔  انہوں نے سامعین پر فلم کے جذباتی اثرات پر بھی روشنی ڈالی، بہت سے روسی ناظرین، جو یہاں افی کے مندوبین کے طور پر موجود ہیں، اسکریننگ کے دوران رو پڑے۔ انہوں نے کہا کہ دونوں ممالک کے درمیان روابط بڑھ رہے ہیں۔ صفو نے کہاکہ ’’مجھے امید ہے کہ یہ فلم روسی اور ہندوستانی فلم سازوں کے درمیان مزید تعاون کا حوصلہ دے  گی‘‘۔

کونکن کے حیرت انگیز ساحل سے لے کر سائبیریا کے برف سے ڈھکے ہوئے مناظر تک، فلم ایک بالکل بصری تضاد پیش کرتی ہے جو کرداروں کے جذباتی ہنگاموں کی عکاسی کرتی ہے۔

اس پریس کانفرنس کے دوران فلم سازوں نے میڈیا اور ناظرین سے اپیل کی کہ وہ علاقائی سینما کی حمایت کریں۔ اہیرے نے کہاکہ ’’ یہ ایک علاقائی فلم ہے، جسے ہر ہندوستانی  کودیکھناچاہیے‘‘۔ اہیرے نے مزید کہا کہ’’ یہ صرف ایک لڑکی کی کہانی کے بارے میں نہیں ہے جو دو ثقافتوں کے درمیان پھنس گئی ہے بلکہ یہ خاندان، محبت اور تعلق کے عالمگیر موضوعات کے بارے میں ہے‘‘۔

محترمہ نکیتا جوشی نے پریس کانفرنس کی نظامت کی۔

آپ یہاں پریس کانفرنس دیکھ سکتے ہیں:

فلم کے بارے میں

’اسنو فلاور ‘جنوری 2025 میں ہندوستان بھر میں تھیٹر وں میں ریلیز ہوگی۔

’اسنو فلاور ‘ کا دل ایک نوجوان لڑکی پاری کے جذباتی سفر میں مضمر ہے، جو خود کو دو مختلف دنیاؤں کے درمیان پھنسی ہوئی پاتی ہے۔ کہانی دو ممالک میں سامنے آتی ہے: کونکن، ہندوستان میں۔ ایک نوجوان خواب دیکھنے والا باب لیا، روس کا سفر کرنے والے دشوتار تھیٹر گروپ میں شامل ہونے کی خواہش رکھتا ہے، جس سے اس کے والدین، دگیا اور نندا کے ساتھ اس کے تعلقات میں تناؤ آتا ہے۔ روس میں، باب لیا ایک زندگی کی تعمیر کرتاہے، شادی کرتاہے اور اس کے پاس ایک بیٹی پری ہوتی ہے۔ تاہم، سانحہ اس وقت پیش آتا ہے جب باب لیا کی پب میں ہونے والے جھگڑے میں موت ہو جاتی ہے اور اس کے والدین یتیم پری کو کونکن واپس لانے کے لیے روس جاتے ہیں۔ ان کی محبت اور اس کی پرورش کی کوششوں کے باوجود، انہیں جلد ہی احساس ہو جاتا ہے کہ لڑکی کی اصل جگہ روس میں ہے، جہاں اسے تکمیل اور خوشی مل سکتی ہے۔ ایک دل دہلا دینے والے فیصلے میں، نندا نے لڑکی اور اس کے وطن کے درمیان گہرے تعلق کو تسلیم کرتے ہوئے پری کو روس واپس کر دیا۔

PIB IFFI CAST AND CREW | Rajith/Nikita/Dhanalakshmi/Darshana | IFFI 55 - 61

*********

ش ح ۔  اک ۔  ت ع

U. No.2847