0 6

#IFFIWood, 21 नोव्‍हेंबर 2024 

क्रिएटिव्ह माइंड्स ऑफ टुमॉरो (सीएमओटी) च्या चवथ्या आवृत्तीचें आयज 55व्या भारतीय आंतरराष्ट्रीय चित्रपट महोत्सवांत उक्तावण जाले.  फुडले पिळगेच्या चित्रपट निर्मात्यांक पोसवण आनी सशक्त करपाच्या भारताच्या प्रवासांतलो हो एक म्हत्वाचो मार्गदर्शक पांवडो आसा. म्हायती आनी प्रसारण मंत्रालयान आझादी का अमृत महोत्सवाखाला सुरू केल्ल्या सीएमओटी उपक्रमाक प्रसार माध्यम आनी मनरिजवण उद्देगांतल्या उदयाक येवपी प्रतिभे खातीर देशांतलो एक मुखेल मंच म्हूण नेटान मान्यताय मेळपाक लागला.

म्हायती आनी प्रसारण मंत्रालयाचे सचीव संजय जाजू हांणी आपल्या उक्तावण उलोवपांत अंदूं सीएमओटीच्या विस्तारीत व्याप्तीचेर भर दिलो.  पोरुं वर्सा 10 विशयांत 13 फिल्म निर्मिती कलाकृतींतल्यान  75 भाग घेवपी हुशार तरणाटे प्रतिभेक वेंचून काडील्ले जाचो आंकडो अंदू 100 चेर पावला. "ह्या वर्सा सीएमओटी तरणाट्या निर्मात्यांक आपली कुशळटाय दाखोवपाची आनी विंगड विंगड मळार सहकार्य करपाची एक आगळीच संद दिता. हे फिल्म बाजारपेठे कडेन एक महत्वाचे पावल आसा, जें जागतीक सहकार आनी उदरगतीखातीर नवे दार उगडटलें," अशें तांणी सांगले.

फेब्रुवारी 2025 वर्सा जावपी वर्ल्ड ऑडियो व्हिज्युअल अँड एंटरटेनमेंट समिटा (WAVES) विशीं  ते उलयलें. जाचो जागतीक माध्यमांच्या मळार भारताची सुवात घटमूट करपाचो हेत आसा. " क्रिएट इन इंडिया चॅलेंज - सीझन 1 (सीआयसी) हातूंत वांटो घेवपाक तांणी प्रोत्साहन दिले, जें व्हड आंतरराष्ट्रीय पावंड्याखातीर एक नवे पावल म्हण काम करतलें."

म्हायती आनी प्रसारण मंत्रालयाची विशेष सचीव नीरजा शेखर हांणी सीएमओटीच्या  स्थिर वाडीवीशी अभिमान उक्तायलो. "फाटल्या चार वर्सांत सीएमओटी तरणाट्या फिल्म निर्मात्यां खातीर एक आकांक्षी  मांची जालां. ह्या वर्सा, 13 वेगवेगळ्या कलेक चालना दितना आमकां अभिमान भोगता , जे ह्या कार्यावळीच्या विस्ताराचें आनी भारतांतल्या तरणाट्यां मदीं सृजनशील करिअरा खातीर वाडत आशिल्ल्या  उमेदीचे  प्रतिबिंब  आसा ," अशें तांणी  सांगलें , देशांत अर्थीक वाड आनी सृजनशील नवनिर्माण चालीक लावपाक ह्या उपक्रमाची म्हत्वाची भुमिका आसा अशेंय तांणी म्हळे.

माहिती आणि प्रसारण मंत्रालयाचे आदले सचिव अपूर्व चंद्रा हांणी  48 वरांच्या फिल्म मेकिंग आव्हानाचे  महत्त्व सांगताना  हे सीएमओटी चे मुखेल खाशेलपण आसा अशे म्हळे . "हें आव्हान फकत तुमची सृजनशीलताय  न्हय तर एक पंगड म्हणून एकवटीतपणान काम करपाची  तुमची  तांकय पारखता. ह्या उद्देगांत येस मेळोवपाची गुरुकिल्ली फकत प्रतिभाच  न्हय, तर तुमच्या कल्पनांची विक्रीक्षमता आसा. " अशें तांणी सांगलें. भारताच्या सृजनशील प्रतिभेच्या संचाक आकार दिवपाक म्हत्वाची आशिल्ल्या एसआरएफटीआय आनी एफटीआयआय ह्या संस्थांची वाडटी वळख  तांणी फुडें नमूद केली.

नेटफ्लिक्साचे भौशीक धोरण संचालक महिमा कौल हांणी ह्या उपक्रम आनी उदयाक येवपी प्रतिभेक पोसवण दिवपा खातीर स्ट्रीमिंग दिग्गजाच्या स्वताच्या वचनबद्धते मदल्या समन्वयाची नोंद करून सीएमओटीक नेटफ्लिक्सचो तेंको उक्तायलो. "व्हॉयसबॉक्स उपक्रमांतल्यान भारतभरांतल्या व्हॉयस-ओव्हर कलाकारांक प्रशिक्षण दिवपाक सीएमओटी वांगडा सहकार्य करपाचो आमकां अभिमान आसा. हांतूत  वाटो घेवप्यां मदी  50 % परस चड बायलां आसात, जें विविधतायेच्या आवाजांक सशक्त करपाचें आमचें ध्येय अधोरेखित करता अशे त्यो उलयल्यो . ते भायर सीएमओटीचे उत्कृष्ट कलाकार नेटफ्लिक्साच्या आझादी की अमृत कहानियां ह्या खाशेल्या प्रकल्पांत योगदान दितले, जंय ते भारताच्या स्वातंत्र्य चळवळी कडेन संबंदीत कथा सांगतले”, अशें महिमान स्पश्ट केलें.

नामनेचो गीतकार आनी केंद्रीय फिल्म प्रमाणीकरण मंडळाचो (सीबीएफसी) अध्यक्ष प्रसून जोशी हांणी आपल्या  संबोधनांत भारतभर सृजनशील प्रतिभेक पोसवण दिवपाचें म्हत्व सांगलें. "आमच्या देशांत कथा आनी प्रतिभेचो उणाव ना, पूण आमच्या  सृजनशील प्रक्रियेची  जाणवीकाय  करून ह्या आवाजांक एक मांची  दिवपाची गरज आसा. कथा सांगपाक फकत व्हडल्या शारांनी मर्यादीत केल्यार आमच्या राष्ट्राक जाय आशिल्ली अविश्वसनीय विविधताय आमी व्हगडायतात ."  भारताच्या दरेका कोनशांतल्या निर्मात्यांक एक माची दिवन हे  अंतर भरून  काडपाक सीएमओटी मदत करता अशें जोशी हांणी सांगले.

शॉर्ट्स इंटरनॅशनलचे संस्थापक आनी सीईओ कार्टर पिलचर हांणी भारतीय सिनेमाच्या आशादायक फुडाराचेर भर दिलो. "सीएमओटी वांटेकारांक हजारांनी अर्जदारांतल्यान वेंचून काडल्यात, आनी फुडले 48 वरां तांकां सहकार करपाक, नवो बदल घडोवपाक आनी अविश्वसनीय चित्रपट तयार करपाक उर्बां  दितले. भारताच्या तरणाट्यांच्या सृजनशील क्षमतेची  ही  एक गवाय आसा," अशें पिल्चरान सांगले.  रोमांचक आव्हानाक सुरवात करपाक पांच पंगड तयार आसात अशी  घोशणा तांणी केली. 

आदल्या आवृत्त्यांच्या यशाचो उगडास करपा खातीर फाटल्या वर्सांच्या पांच सीएमओटी चॅम्पियनांक ह्या उद्देगांतल्या उत्कृश्ट योगदाना खातीर तांचो भोवमान जालो. हे सीएमओटी चॅम्पियन  48 वरां चलपी फिल्म निर्मिती आव्हानांत  सद्याच्या नव्या पिळगेच्या निर्मात्यां वाटेकार पंगडाक  मार्गदर्शन करतले आनी आपले  मोलादीक अणभव सांगतले.

क्रिएटिव्ह माइंड्स ऑफ टुमॉरो (सीएमओटी) विशी :

क्रिएटिव्ह माइंड्स ऑफ टुमॉरो (सीएमओटी) उपक्रम हो म्हायती आनी प्रसारण मंत्रालयांतचो  एक मुखेल पावंडो  आसा, जो भारतांतल्या सगळ्यांत प्रतिभावान तरणाट्या चित्रपट निर्मात्यांक वळखुपाक, पोसपाक आनी तांकां प्रोत्साहन दिवपाक  तयार केला . सुरवाती सावन, सीएमओटी भारतीय चित्रपट आनी माध्यम उद्देगांतल्या आकांक्षी निर्मात्यां खातीर सगळ्यांत व्हडली पुरायपणान आदार आशिल्ली मांची म्हण  उदेलां, जी  सहकार, कुशळटाय निर्माण करप, आनी मार्गदर्शनाक पोसवण दिता. सीएमओटीची 2024 वर्साची आवृत्ती 20 ते 28 नोव्हेंबर मेरेन गोंयांत जावपी 55व्या आंतरराष्ट्रीय चित्रपट महोत्सवांत जाता.

नेटफ्लिक्स आनी पर्ल अकादमी सारकिल्या नामनेच्या उद्देगीक प्लॅटफॉर्माच्या आदारान भारतीय सिनेमा जागतीक माचयेर फुलपाक फुडार तयार करपाचो सीएमओटीचो हेत आसा.

चड म्हायती खातीर, उपकार करून भेट दिवची: https://pib.gov.in/PressReleaseIframePage.aspx?PRID=2073892

* * *

PIB IFFI CAST AND CREW | Subhash/Utkarsha/Darshana | IFFI 55

सोशल मिडियावर आम्हाला फॉलो करा:@PIBPanaji    /PIBPanaji    /pib_goa   pibgoa[at]gmail[dot]com  /PIBGoa