ಭಾರತದ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದ (ಐ.ಎಫ್.ಎಫ್.ಐ) 55ನೇ ಆವೃತ್ತಿಯು ಗೋವಾದ ಡಾ. ಶ್ಯಾಮ ಪ್ರಸಾದ್ ಮುಖರ್ಜಿ ಕ್ರೀಡಾಂಗಣದಲ್ಲಿ ನವೆಂಬರ್ 20, 2024 ರಂದು ಸಂಜೆ 5:00 ಗಂಟೆಗೆ ಭವ್ಯವಾದ  ಉದ್ಘಾಟನಾ ಸಮಾರಂಭದೊಂದಿಗೆ ಪ್ರಾರಂಭವಾಗಲಿದೆ. ಐನಾಕ್ಸ್ ಪಂಜಿಮ್ ನಲ್ಲಿ ಮಧ್ಯಾಹ್ನ 2:00 ಗಂಟೆಗೆ ಆಸ್ಟ್ರೇಲಿಯಾದ ಚಲನಚಿತ್ರ ನಿರ್ಮಾಪಕ ಮೈಕೆಲ್ ಗ್ರೇಸಿ ನಿರ್ದೇಶಿಸಿದ 'ಬೆಟರ್ ಮ್ಯಾನ್' ಉದ್ಘಾಟನಾ ಚಲನಚಿತ್ರದ ರೆಡ್-ಕಾರ್ಪೆಟ್ ಪ್ರೀಮಿಯರ್ನೊಂದಿಗೆ ಉತ್ಸವಗಳು ಪ್ರಾರಂಭವಾಗುತ್ತವೆ.
 
ಉದ್ಘಾಟನಾ ಸಮಾರಂಭದಲ್ಲಿ ಚಲನಚಿತ್ರದ ಪ್ರೀಮಿಯರ್ 

ಉದ್ಘಾಟನಾ ಸಮಾರಂಭದಲ್ಲಿ ಚಲನಚಿತ್ರದ ಪ್ರೀಮಿಯರ್ ನಲ್ಲಿ ಕೇಂದ್ರ ವಾರ್ತಾ ಮತ್ತು ಪ್ರಸಾರ ಖಾತೆ ಸಚಿವರಾದ ಶ್ರೀ ಅಶ್ವಿನಿ ವೈಷ್ಣವ್ ಜೊತೆಗೆ ವಾರ್ತಾ ಮತ್ತು ಪ್ರಸಾರ ಖಾತೆ ರಾಜ್ಯ ಸಚಿವರಾದ ಡಾ. ಎಲ್. ಮುರುಗನ್ ಭಾಗವಹಿಸಲಿದ್ದಾರೆ. ಈ ಸಂದರ್ಭದಲ್ಲಿ, ಗೋವಾದ ಮುಖ್ಯಮಂತ್ರಿ ಡಾ. ಪ್ರಮೋದ್ ಸಾವಂತ್ ಅವರು 2004 ರಿಂದ ಐ.ಎಫ್.ಎಫ್.ಐ. ಆಯೋಜಿಸುತ್ತಿರುವ ಸುಂದರವಾದ ಕರಾವಳಿ ರಾಜ್ಯ ಗೋವಾಕ್ಕೆ ಅತಿಥಿಗಳನ್ನು ಸ್ವಾಗತಿಸುತ್ತಾರೆ. 'ಬೆಟರ್ ಮ್ಯಾನ್' ನಿರ್ಮಾಣ ತಂಡದೊಂದಿಗೆ ಈ ನಾಯಕರ ಉಪಸ್ಥಿತಿಯು ಜಾಗತಿಕ ಮಹತ್ವದ ಸಾಂಸ್ಕೃತಿಕ ಮತ್ತು ಸಿನಿಮೀಯ ಉತ್ಸವವಾಗಿ ಈ ಹಬ್ಬದ ಮಹತ್ವವನ್ನು ಒತ್ತಿಹೇಳುತ್ತದೆ.

ತಾರಾ ಸಮೂಹ ತುಂಬಿದ ಉದ್ಘಾಟನಾ ಸಮಾರಂಭ

ಭವ್ಯವಾದ ಉದ್ಘಾಟನಾ ಸಮಾರಂಭವು ಸಿನಿಮಾದ ದಂತಕಥೆಗಳ ಉಪಸ್ಥಿತಿಯ ನಡುವೆ, ಸಾಂಸ್ಕೃತಿಕ ಪ್ರದರ್ಶನಗಳ ಮರೆಯಲಾಗದ ಸಂಜೆಯನ್ನು ನೀಡುವ ಭರವಸೆ ನೀಡುತ್ತದೆ, ಅದು ಚಲನಚಿತ್ರ ಪ್ರೇಮಿಗಳ ಹೃದಯದಲ್ಲಿ ದೀರ್ಘಕಾಲ ಉಳಿಯುತ್ತದೆ.

ಉದ್ಘಾಟನಾ ಸಮಾರಂಭವನ್ನು ಜನಪ್ರಿಯ ಚಲನಚಿತ್ರ ನಟರಾದ ಅಭಿಷೇಕ್ ಬ್ಯಾನರ್ಜಿ ಮತ್ತು ಭೂಮಿ ಪೆಡ್ನೇಕರ್ ಉದ್ಘೋಷಕರಾಗಿರಲಿದ್ದಾರೆ. 2024ರ ನವೆಂಬರ್ 20 ರಿಂದ 28 ರವರೆಗೆ 55ನೇ ಐ.ಎಫ್.ಎಫ್.ಐ. ತನ್ನ ವಾರದ ಅವಧಿಯ ಸಿನಿಮೀಯ ಶ್ರೇಷ್ಠತೆಯ ಪ್ರಯಾಣವನ್ನು ಪ್ರಾರಂಭಿಸುವುದರಿಂದ ಈ ಭವ್ಯ ಸಂಜೆ ಭಾರತೀಯ ಚಿತ್ರರಂಗದ ಅತ್ಯುತ್ತಮವಾದದ್ದನ್ನು ಒಟ್ಟುಗೂಡಿಸುತ್ತದೆ. ಸಮಾರಂಭವು ಹಲವಾರು ಸಿನಿಜಗತ್ತಿನ ಖ್ಯಾತರ ಭಾಗವಹಿಸುವಿಕೆಗೆ ಸಾಕ್ಷಿಯಾಗಲಿದೆ, ಅವರ ಉಪಸ್ಥಿತಿಯು   ಚಲನಚಿತ್ರೋತ್ಸವದ ರಂಗನ್ನು  ಹೆಚ್ಚಿಸುತ್ತದೆ.

ಸುಭಾಷ್ ಘಾಯ್, ದಿನೇಶ್ ವಿಜಾನ್, ಅಮರ್ ಕೌಶಿಕ್, ಎನ್ಎಂ ಸುರೇಶ್, ಆರ್ಕೆ ಸೆಲ್ವಮಣಿ, ಇಶಾರಿ ಗಣೇಶನ್, ರವಿ ಕೋಟಾರಕರ ಮತ್ತು ಗೀತರಚನೆಕಾರ ಪ್ರಸೂನ್ ಜೋಶಿ ಅವರಂತಹ ಅಪ್ರತಿಮ ಚಲನಚಿತ್ರ ನಿರ್ಮಾಪಕರು ಮತ್ತು ನಿರ್ದೇಶಕರು ಉದ್ಘಾಟನಾ ಸಮಾರಂಭದಲ್ಲಿ ಭಾಗವಹಿಸಲಿದ್ದಾರೆ. ಹೆಸರಾಂತ ನಟರಾದ ನಾಗಾರ್ಜುನ, ನಿತ್ಯಾ ಮೆನನ್, ಆಮ್ಲಾ, ವಿಕ್ರಾಂತ್ ಮಾಸ್ಸಿ, ರಾಕುಲ್ ಪ್ರೀತ್, ಮಾನುಷಿ ಚಿಲ್ಲರ್, ಬೋಮನ್ ಇರಾನಿ, ರಾಜ್ಕುಮಾರ್ ರಾವ್, ಅಭಿಷೇಕ್ ಬ್ಯಾನರ್ಜಿ, ಜೈದೀಪ್ ಅಹ್ಲಾವತ್, ರಣದೀಪ್ ಹೂಡಾ, ಸನ್ಯಾ ಮಲ್ಹೋತ್ರಾ, ಜಯಂ ರವಿ, ಜಾಕಿ ಭಗ್ನಾನಿ, ಮುಕ್ತಾ ಶರತ್ವೆ ಕುಮಾರ್, ಆರ್. ಸೋನಾಲಿ ಕುಲಕರ್ಣಿ ಮತ್ತು ರಾಧಾಕೃಷ್ಣನ್ ಇತರ ಗಣ್ಯರ ಜೊತೆಗೆ ಪಾರ್ತಿಬನ್ ಕೂಡ ಉಪಸ್ಥಿತರಿರುವರು.  

ಚಲನಚಿತ್ರೋದ್ಯಮದ ತಾರೆಯರ ಈ ಅದ್ಭುತ ಕೂಟವು ಭಾರತೀಯ ಮತ್ತು ಅಂತರಾಷ್ಟ್ರೀಯ ಚಿತ್ರರಂಗದ ಅತ್ಯುತ್ತಮ ಪ್ರತಿಭೆಗಳನ್ನು ಒಟ್ಟುಗೂಡಿಸುವ ಉತ್ಸವದ ಸಾಮರ್ಥ್ಯವನ್ನು ತೋರಿಸುತ್ತದೆ.

ಈ ಸಮಾರಂಭದಲ್ಲಿ ಚಿತ್ರರಂಗದ ತಾರೆಯರ ಜೊತೆಗೆ ಶ್ರೀ ಶ್ರೀ ರವಿಶಂಕರ್ ಕೂಡ ಉಪಸ್ಥಿತರಿದ್ದು ವಿಶೇಷ ಭಾಷಣದ ಮೂಲಕ ಪ್ರೇಕ್ಷಕರನ್ನು ಪ್ರೇರೇಪಿಸಲಿದ್ದಾರೆ.

ವಿಶೇಷ ಆಕರ್ಷಣೆ: ಆಸ್ಟ್ರೇಲಿಯಾ

ಐ.ಎಫ್.ಎಫ್.ಐ.ಚಿತ್ರೋತ್ಸವದಲ್ಲಿ ಈ ವರ್ಷ ಆಸ್ಟ್ರೇಲಿಯಾ ವಿಶೇಷ ಆಕರ್ಷಣೆಯ ದೇಶವಾಗಲಿದೆ. ಜನವಿ ಡ್ಯಾನ್ಸ್ ಕ್ಲಾನ್, ಆಸ್ಟ್ರೇಲಿಯನ್ ಅಬಾರಿಜಿನಲ್ ಫಸ್ಟ್ ನೇಷನ್ಸ್ ನೃತ್ಯ ಗುಂಪು, ಪ್ರೇಕ್ಷಕರಿಗೆ ಮೋಡಿಮಾಡುವ ಸಾಂಸ್ಕೃತಿಕ ಕಾರ್ಯಕ್ರಮವನ್ನು ಪ್ರಸ್ತುತಪಡಿಸುವ ಮೂಲಕ ಅಂತರರಾಷ್ಟ್ರೀಯ ಸಾಂಸ್ಕೃತಿಕ ವಿನಿಮಯವನ್ನು ಉತ್ತೇಜಿಸುತ್ತದೆ.

ಸಾಂಸ್ಕೃತಿಕ ಪ್ರದರ್ಶನ ಮತ್ತು ಪ್ರಸ್ತುತಿ

ಭಾರತದ ವೈವಿಧ್ಯಮಯ ಸಾಂಸ್ಕೃತಿಕ ಮತ್ತು ಧಾರ್ಮಿಕ ಸಂಪ್ರದಾಯಗಳನ್ನು ಪ್ರದರ್ಶಿಸುವ  ಬೆರಗಿನ ಪ್ರದರ್ಶನಗಳೊಂದಿಗೆ ಉದ್ಘಾಟನಾ ಸಮಾರಂಭವು ಪ್ರಾರಂಭವಾಗುತ್ತದೆ. ಪ್ರೇಕ್ಷಕರು ಭಾರತೀಯ ಸಂಸ್ಕೃತಿಯ ಆಧ್ಯಾತ್ಮಿಕ ಆನಂದವನ್ನು ಅನುಭವಿಸುತ್ತಾರೆ.

ವಿಶೇಷ ತೊಂಬತ್ತರ ದಶಕದ ರಿವೈಂಡ್: 'ಡ್ಯಾನ್ಸ್ ಸ್ಫೋಟ' ಅತ್ಯಾಕರ್ಷಕ ನೃತ್ಯ ಆವಿಷ್ಕಾರಗಳೊಂದಿಗೆ ಬಾಲಿವುಡ್ನ ಹಿಂದಿನ ಯುಗದ ಹಳೆಯ ನೆನಪುಗಳನ್ನು ಮರಳಿ ತರುತ್ತದೆ. 'ಟೈಮ್ಲೆಸ್ ಸೋಲ್ಸ್' ಕಾರ್ಯಕ್ರಮವು ರಾಜ್ ಕಪೂರ್, ಎಎನ್ಆರ್ ಮತ್ತು ಮೊಹಮ್ಮದ್ ರಫಿಯಂತಹ ಚಿತ್ರರಂಗದ ದಂತಕಥೆಗಳಿಗೆ ದೃಶ್ಯಗಳು, ಸಂಗೀತ ಮತ್ತು ಗೀತೆಗಳ ಮೂಲಕ ಕಾವ್ಯಾತ್ಮಕ ಗೌರವವನ್ನು ಸಲ್ಲಿಸುತ್ತದೆ.

ಸಮಾರಂಭವು ಭಾರತೀಯ ಚಿತ್ರರಂಗದ ವಿಕಾಸವನ್ನು ಎತ್ತಿ ತೋರಿಸುತ್ತದೆ, ಪ್ರೇಕ್ಷಕರು ಮೂಕಿ ಚಲನಚಿತ್ರಗಳ ಯುಗದಿಂದ ಆಧುನಿಕ ಸಿನಿಮಾದ ಮೇರುಕೃತಿಗಳವರೆಗೆ ಅದರ ಪ್ರಯಾಣವನ್ನು ವೀಕ್ಷಿಸಲು ಅವಕಾಶ ಮಾಡಿಕೊಡುತ್ತದೆ ಮತ್ತು ಸನ್ನಿ ಕೌಶಲ್ ಹಾಗು ಸನ್ಯಾ ಮಲ್ಹೋತ್ರಾ ಅವರನ್ನು ಒಳಗೊಂಡಿರುವ ಚೈತನ್ಯದಾಯಕ ಸಿನಿಮಾ ಸಿಂಫನಿಯನ್ನು ಒಳಗೊಂಡ ಭವ್ಯವಾದ ಆಚರಣೆಯೊಂದಿಗೆ ಮುಕ್ತಾಯಗೊಳ್ಳುತ್ತದೆ.

ಎಲ್ಲರಿಗೂ ಅನುಕೂಲಕರವಾದ ಉದ್ಘಾಟನಾ ಸಮಾರಂಭ

ಐ.ಎಫ್.ಎಫ್.ಐ ನ ಇತಿಹಾಸದಲ್ಲಿ ಮೊದಲ ಬಾರಿಗೆ, ಉದ್ಘಾಟನಾ ಸಮಾರಂಭವು ನೇರ ಭಾರತೀಯ ಸಂಕೇತ ಭಾಷೆಯ ವ್ಯಾಖ್ಯಾನವನ್ನು ಹೊಂದಿರುತ್ತದೆ, ಶ್ರವಣ ತೊಂದರೆ ಇರುವವರು ಸೇರಿದಂತೆ ಎಲ್ಲಾ ಪಾಲ್ಗೊಳ್ಳುವವರು ಉತ್ಸವವನ್ನು ಸಂಪೂರ್ಣವಾಗಿ ತೊಡಗಿಸಿಕೊಳ್ಳಬಹುದು ಮತ್ತು ಆನಂದಿಸಬಹುದು ಎನ್ನುವುದನ್ನು ಖಚಿತಪಡಿಸುತ್ತದೆ.

55ನೇ ಭಾರತದ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವವು ಸಿನಿಮಾ ಕಲೆ ಮತ್ತು ಸೃಜನಶೀಲತೆಯ ಭವ್ಯವಾದ ಆಚರಣೆಯಾಗಿದೆ ಎಂದು ಭರವಸೆ ನೀಡಿದೆ. 55ನೇ ಐಎಫ್ಎಫ್ಐಗೆ ಕ್ಷಣಗಣನೆ ಆರಂಭವಾಗುತ್ತಿದ್ದಂತೆ, ಗೋವಾದಲ್ಲಿ ನಡೆದ ಐಎಫ್ಎಫ್ಐ 2024ರಲ್ಲಿ ಅಪ್ರತಿಮ ಸಿನಿಮಾ ತೇಜಸ್ಸಿನ ಒಂದು ವಾರದ ಸಂಭ್ರಮಕ್ಕಾಗಿ ಭಾರತ ಮತ್ತು ಪ್ರಪಂಚದಾದ್ಯಂತದ ಚಲನಚಿತ್ರ ಉತ್ಸಾಹಿಗಳು ಉಸಿರು ಬಿಗಿಹಿಡಿದು ಕಾಯುತ್ತಿದ್ದಾರೆ.

*****