0 2

#IFFIWood, 19 नोव्‍हेंबर 2024

भारतीय आंतरराष्ट्रीय चित्रपट महोत्सवाची 55 वी आवृत्ती गोंयांतल्या डॉ.श्यामा प्रसाद मुखर्जी स्टेडियमांत, 20 नोव्हेंबर 2024 दिसा सांजवेळा 5:00 वरांचेर, लकलकीत  उक्तावण सुवाळ्यान सुरू जावपाची आसा. ऑस्ट्रेलियन फिल्म निर्मातो मायकल ग्रेसी हाणें दिग्दर्शीत केल्ल्या उक्तावण फिल्माच्या रेड-कार्पेट प्रीमियरान - ‘बेटर मॅन’, आयनॉक्स पणजे दनपारां 2:00 वरांचेर सुरू जातलो.

उक्तावण फिल्म प्रीमियर

उक्तावण फिल्म प्रीमियरांत केंद्रीय म्हायती आनी प्रसारण मंत्री श्री अश्विनी वैष्णव हांचे वांगडा म्हायती आनी प्रसारण राज्यमंत्री डॉ. एल. मुरूगन गोंयचे मुख्यमंत्री डॉ.प्रमोद सावंत हांचे सयत  2004 वर्सा सावन इफ्फी सुरू आशिल्ल्या सोबीत दर्यादेगेवेल्या गोंय राज्यांत सोयऱ्यांक येवकार दितले.‘बेटर मॅन’ ह्या सिनेमाच्या निर्मिती पंगडा वांगडा ह्या फुडाऱ्यांची हाजीरी आनीक उमेद वाडोवपी थारतली.  म्हत्वाचो संवसारीक संस्कृतीक आनी सिनेमा उत्सव म्हणून ह्या महोत्सवाचें म्हत्व आसा.

सिने अभिनेते कलाकारांनी भरिल्लो उक्तावण सुवाळो:

इफ्फीचो हो भव्य उक्तावण सुवाळो सिनेमा मोगींच्या काळजांत चड काळ कोरांतून उरपा सारकी  सांस्कृतीक सादरीकरणाची अविस्मरणीय सांज दिवपाचें उतर दिता.

ह्या उक्तावण सुवाळ्याक लोकप्रिय चित्रपट कलाकार  अभिषेक बॅनर्जी आनी भूमि पेडणेकार हांचे  सूत्र संचालन आसतले. 55व्या इफ्फीन 20 ते 28 नोव्हेंबर 2024 मेरेन सप्तकभर चलपी सिनेमा चित्रपट महोत्सवात कितल्याश्याच सिने कलाकारांची आस्त बाळगीता.  

सुभाष घाई, दिनेश विजन, अमर कौशिक, एन.एम.सुरेश, आर.के.सेल्वमणी, इशरी गणेशण, रवी कोतरकारा आनी गीतकार प्रसून जोशी अशे फिल्म निर्माते आनी निर्माते उक्तावण सुवाळ्याक हाजीर आसतले. नामनेचे कलाकार नागार्जुन, नित्य मेनन, आमला, विक्रांत मॅसी, राकुल प्रीत, मनुशी चिल्लर, बोमन इराणी, राजकुमार राव, अभिषेक बॅनर्जी, जयदीप अहलावत, रणदीप हुडा, संया मल्होत्रा, जयम रवी, जॅकी भग्नानी, आर.सारथ कुमार, मुक्ता बर्वे, सोनाली कुलकर्णी आनी राधाकृष्णन पार्थिबान हेर मानेस्त हाजीर आसतले. भारतीय आनी आंतरराष्ट्रीय चित्रपट प्रतिभेंतल्या उत्कृश्ट लोकांक एकठांय हाडपाची महोत्सवाची तांक आसा ही गजाल हांगा अधोरेखीत जाता. 

स्टॅलर लायन अपांत श्री श्री रविशंकर हांचोय आस्पाव आसा जो हाजीर आशिल्ल्यांक खाशेले  प्रवचन दितलो.

खाशेलें लक्ष: ऑस्ट्रेलिया

अंदूंच्या इफ्फीत ऑस्ट्रेलिया फोकस देश म्हणून आसपावीत जाला. ऑस्ट्रेलियन  राष्ट्रीय  नाच पंगड जन्नावी डान्स क्लान आंतरराष्ट्रीय संस्कृतीक आदान-प्रदानाक चालना दिवपी एक आकर्शक सांस्कृतीक कार्यावळ सादर करतलो.

सांस्कृतीक प्रदर्शन आनी सादरीकरणा:

उक्तावण सुवाळ्याची सुरवात भारताची विंगड विंगड सांस्कृतीक आनी धर्मीक परंपरा दाखोवपी आकर्षक सादरीकरणांनी जातली. भारतीय संस्कृतायेचें आध्यात्मिक रूप  प्रेक्षकांक अणभवपाक मेळटलें.

एक खाशेलो ‘90च्या दशकाचो रिवाइंड: डान्स एक्सप्लोजन’ बॉलिवूडांतल्या प्रतिकात्मक हिट फिल्मांचेर विद्युत्करण करपी सादरीकरणां वरवीं पोन्यो यादी  जिव्यो करतलो, जाल्यार “टायमलेस सोल्स” ह्या काव्यात्मक श्रद्धांजलींतल्यान राज कपूर, एएनआर आनी मोहम्मद रफी ह्या सिनेमाक  व्हिज्युअल, संगीत आनी काव्यमय करतले.

तशेंच ह्या सुवाळ्यांत भारतीय सिनेमाच्या प्रवासाचेर  भर दितले, प्रेक्षकांक मूक युगांतल्यान आधुनीक सिनेमाच्या म्हान कलाकृतीं मेरेनच्या प्रवासांतल्यान व्हरतले, आनी सनी कौशल आनी सन्या मल्होत्रा हांची उच्च उर्जा आशिल्ली मेडली ग्रॅण्ड फायनल: द सिनेमा सिम्फनी हांणी सोंपयतली.

सुलभ उक्तावण सुवाळो

इफ्फीच्या इतिहासांत पयलेच खेपे उक्तावण सुवाळ्यांत लायव्ह भारतीय सांकेतिक भाशेचो अर्थ लावपी  वेवस्था आसतली, जाका लागून आयकुपाक अडचणी आशिल्ल्यां सयत सगळ्या हाजीर आशिल्ल्यांक पुरायपणान वांटो घेवंक मेळटलो आनी उत्सवाचो आनंद घेवंक मेळटलो.

भारताचो 55वो आंतरराष्ट्रीय चित्रपट महोत्सव सिनेमा कला आनी सृजनशीलतेचो भव्य उत्सव जावपाचें उतर दिता. 55व्या इफ्फीची काउंटडाउन सुरू जातकच भारतांतले आनी संवसारांतले सिनेमा मोगी गोंयांत जावपी इफ्फी 2024 वर्सा सप्तकभर चलपी अतुलनीय सिनेमाच्या तेजस्वी उत्सवाची वाट पळयतात.

* * *

PIB IFFI CAST AND CREW | Subhash/Manali/Darshana | IFFI 55

सोशल मिडियावर आम्हाला फॉलो करा:@PIBPanaji    /PIBPanaji    /pib_goa   pibgoa[at]gmail[dot]com  /PIBGoa