ঙসি উত্তরখন্দ শেমখিবা নুমিৎ অমসুং উত্তরখন্দ রাজ্য শেমখিবগী চহি ২৫ মপুংফারকপা সিলভর জুব্লি চহি থৌরম হৌদোকপদা প্রধান মন্ত্রী শ্রী নরেন্দ্র মোদীনা উত্তরখন্দগী মীয়ামদা য়াইফ-পাউজেল পীখ্রে। উত্তরখন্দ রাজ্য শেমখিবগী চহি ২৫ মপুংফারকপা অসিদা, রাজ্য অসিগী লাক্লিবা চহি ২৫ গী তুংলমচৎ অসি হেন্না য়াইফনবা থবক তৌনবা প্রধান মন্ত্রীনা মীয়ামদা তকশিনখ্রে। প্রধান মন্ত্রীনা হায়খি উত্তরখন্দগী লাক্লিবা চহি ২৫ গী খোঙচৎ অসিগা ভারতকী চহি ২৫ গী অমৃত কালগী খোঙচৎ অসিগা মপা চানরে অমসুং বিকসিত ভারত অমগীদমক বিকসিত উত্তরখন্দ অমা দরকার ওইরে। হায়রিবা মতম অসিগী মনুংদা থবকশিং পাংথোকপা লৈবাক অসিনা উবা ফংলগনি।

প্রধান মন্ত্রীনা হায়খি লাক্লিবা চহি ২৫ গী ৱাশকশিংগা লোয়ননা মীয়াম্না তোঙান-তোঙানবা থবকশিং পায়খৎপদা অপেনবা ফাওই। হায়রিবা থৌরমশিং অসিগী খুৎথাংদা উত্তরখন্দগী চাউথোকচবা মশা-মরেং ফন্দোক্কনি অমসুং রাজ্য অসিগী য়ুমথোং খুদিংদা চাউখৎলবা উত্তরখন্দ অমগী পান্দম য়ৌবা ঙমগনি। মরুওইবা থৌরম অসিগী অমসুং মরুওইবা ৱাশক অসি লৌবগীদমক রাজ্য অসিগী মীয়াম থাগৎপা ফোঙদোকচরি। হন্দক রাজ্য অসিদা মাইপাক্না ‘প্রভাসি উত্তরখন্দ সম্মেলন’ পাংথোকখ্রে অমসুং উত্তরখন্দ চাউখৎহনবদা মপান লৈবাকশিংদা লৈরিবা উত্তরখন্দগী মীয়াম্না মরুওইবা থৌদাং অমা লৌগনি হায়বগী থাজবা থম্লি। অতল জিগী লমজিং মখাদা তোখায়বা রাজ্য অমা শেম্নবা উত্তরখন্দ মীয়ামগী থবকশিং মহৈ য়ানখি। ঙসিদি মঙলানশিং অমসুং অনিংবশিং মঙফাওনরে। হৌজিক পাল্লিবা সরকার অসিনা উত্তরখন্দ চাউখৎনবা পায়খৎপা য়াবা থবক খুদিংমক পায়খৎকনি।

প্রধান মন্ত্রীনা হায়খি চৎলিবা দিকেদ অসি উত্তরখন্দগী দিকেদ ওইরগনি অমসুং মহাক্কী থাজবা অসি হৌখিবা চহি কয়াদা উবা ফংলে। উত্তরখন্দনা চাউখৎপগী অনৌবা রেকোদশিং থম্লে অমসুং অনৌবা মাইপাকপা কয়া পুরকপা ঙম্লে। স্তেনেবল দিবলপমেন্ত গোলস ইন্দেক্সতা রাজ্য অসি অহানবা তারে। উত্তরখন্দনা ‘ইজ ওফ দুইং বিজনেস’ কাংলুপ্তা ‘অচিভবরস’ অমসুং স্তার্দঅপ কাংলুপ্তা ‘লিদর্সস’ ওইরে। রাজ্য অসিগী গ্রোথ রেত শরুক ১.২৫ হেনগৎলে অমসুং জি.এস.তি খোমগৎপা চাদা ১৪ হেনগৎলে, ২০১৪ দা পর কেপিতা ইনকম লুপা লাখ ১.২৫ ওইরম্বদগী লুপা লাখ ২.৬০ দা হেনগৎলে অমসুং ২০১৪ দা জি.দি.পি লুপা করোর লাখ ১.৫০ ওইরম্বদগী ঙসিদি লুপা করোর লাখ ৩.৩০ দা হেনগৎলে। পল্লিবা মশিং কয়া অসিনা নহারোলশিংগী অনৌবা খুদোংচাবা কয়া ফংবা অমসুং উদ্যোগ চাউখৎলকপা অমসুং নুপীশিং অমসুং অঙাংশিং হিংবদা লাইবা হেনগৎলকপা অদু নাখৈ শেংনা তাক্লে। ২০১৪ দা তোতি ঈশিং ফংবা চাদা ৫ ওইরম্বা অদু হৌজিক চাদা ৯৬ য়ৌরে অমসুং কিমি ৬০০০গী খুঙ্গংগী লম্বীশিং লৈরম্বা অদু হৌজিক কিমি ২০,০০০ য়ৌরে। তোইলেত লাখ কয়া শারে, ইলেক্ত্রিক ফংহল্লে, গ্যাস ফংহল্লে, অয়ুস্মান য়োজনাগী মখাদা লেম্না লায়েংলে অমসুং খুন্নাইগী কাংলুপ খুদিংমক্কীদমক সরকারনা লেপ্লি।

প্রধান মন্ত্রীনা হায়খি মদুদি হিরম খুদিংমক্তা চাউখৎনবা রাজ্য অসিদা পীবা কেন্দ্রগী মতেং হৌজিক শরুক অনি হেনগৎলে। এ.আই.আই.এম.এসকী সেতেল্লাইত সেন্তর অমা হাংদোক্লে, উদ্ধাম সিংহ নগরদা দ্রোন এপ্লিকেসন রিছার্স সেন্তর অমসুং অপীকপা উদ্যোগকী তাউন লিংখৎলে। রাজ্য অসিদা মাঙজৌননা লুপা করোর লাখ ২ রোমগী চাউখৎ-থৌরাংগী প্রোজেকশিং কেন্দ্রনা পায়খৎখ্রে অমসুং  লম্বী-থোংগী প্রোজেকশিং য়াংম্না য়াংবা খোঙজেল অমদা লোইশিল্লে। ২০২৬ ফাওবদা রিষিকেস-কর্নপ্রায়াগ রেল প্রোজেক লোইশিন্নবা সরকারনা থৌরাং তৌরে। উত্তরখন্দগী রেলৱে স্তেসন ১১ অমৃত স্তেসনশিং ওইনা শেমগৎলি অমসুং এক্সপ্রেসৱে লোইশিল্লবা মতুংদা দিল্লি অমসুং দেহরাদুনগী মরক্তা চৎথোক-চৎশিনগী মতম পুং ২.৫ দা হন্থরগনি। চাউখৎ-থৌরাংগী থবকশিং অসিনা য়ুম হোংখিবদগী থিংবা ঙম্লে।

প্রধান মন্ত্রীনা হায়খি সরকারনা চাউখৎ-থৌরাংগী থবক পায়খৎপগা লোয়ননা হেরিতেচ ঙাক-শেন্নবা থবকশিংশু পায়খৎলে। কেদরনাথ লাইশঙ অমুক হন্না য়াম্না চাউনা শেমগৎলে। বাদ্রিনাথ ধামদা চাউখৎ-থৌরাংগী থবকশিং য়াংনা পায়খৎলি। মনসখন্দ মন্দির মিসন মালা স্কিমগী অহানবা ফেজদা অরিবা লাইশঙ ১৬ শেমগৎলে। কুম্বী-কালেন নাইদনা চৎপা য়াবা লম্বীশিংনা চার ধাম যাত্রাগী চৎথোক-চৎশিন য়াম্না নুংঙাইহল্লে। পর্বাত মালা স্কিমগী মখাদা লাইফমশিং অমসুং লমকোয়ফমশিংদা রোপৱেশিং শেমগৎলে। মানা খুঙ্গংদা ভাইব্রেন্ত ভিলেজ স্কিম হৌদোকখিবনি অমসুং ‘ভাইব্রেন্ত ভিলেজ’ স্কিমগী মখাদা সরকারনা লৈবাক অসিগী ঙমখৈগী খুঙ্গংশিং ‘অহানবা খুঙ্গংশিং’ ওইনা লৌরে অমসুং মমাঙদা অরোইবা খুঙ্গং ওইনা খন্নরম্বা অদু লৈত্রে।

মহাক্না হায়খি ভাইব্রেন্ত ভিলেজ স্কিমগী মখাদা খুঙ্গং ২৫ শেমগৎলে অমসুং অসিগুম্বা থবকশিং অসিনা উত্তরখন্দদা তুরিজমগা মরী লৈনবা খুদোংচাবশিং হেনগৎলকপদগী উত্তরখন্দগী নহারোলশিং থবক ফংনবগী খুদোংচাবা হেনগৎলে। চহি অসিদা উত্তরখন্দদা লমকোয়বা অমসুং লাই খুরুম্বা মীওই করোর ৬ লাকখি। ২০১৪ দা চার ধামদা লাই খুরুম্বা মীওই লাখ ২৪ লাকপদা, চহি অসিদা লাখ ৫৪ লাকখি। মসিনা হোতেলশিং, হোমস্তেশিং, ত্রান্সপোর্ত এজেন্তশিং, কেব দ্রাইভরশিং অমসুং অতোপ্পশিংদা কান্নবশিং পীরে। হৌখিবা চহি খর অসিদা হোমস্তে ৫০০০ হেন্না রেজিস্তার তৌরে। উত্তরখন্দগী লৌরিবা ৱারেপশিং অমসুং থৌশিলশিং অসি লৈবাক অসিগী খুদম অমা ওইরে। লৈবাক শীনবা থুংনা খন্নরিবা য়ুনিফোর্ম সিবিল কোদ উত্তরখন্দনা চৎনরে অমসুং নহারোলশিং ঙাক-শেন্নবা এন্তি-কাউন্তরফিত লো অমা চৎনরে। রাজ্য অসিদা থবক হাপ্পদা অরোন-অথুপ অমতা লৈত্রে।

প্রধান মন্ত্রীনা হায়খি মদুদি ঐনা ৱাফম ৯ হায়জরি, ৫ না উত্তরখন্দগী মীয়ামগী অমসুং ৪ না রাজ্য অসি চাউখৎনবা অমসুং মশক তাকপা হেনগৎহন্নবা লাই খুরুম্বা লাক্লিবশিং অমসুং লমকোয়বা লাক্লিবশিংগীনি। ঘরৱালি,কুমাউনি অমসুং জাউন্সারি লোলশিং ঙাক-শেন্নবা থবকশিং পায়খৎলে অমসুং রাজ্য অসিগী মীয়াম্না লোলশিং অসি তুংগী মীরোলশিংদা তম্বীগদবনি। অইং-অশাগী খল হোংলকপা থেংননবা মীওই খুদিংমক্না এক পের মা কে নাম কেম্পেন মখা তানা চাউখৎহনগদবনি। অহুমশুবদা, মীয়াম্না ঈশিং লৈবা মফমশিং ঙাক-শেন্দুনা থমগদবনি অমসুং অফবা ঈশিং ফংহন্নবগা মরী লৈনবা খোঙজংশিং মখা তানা পায়খৎকদবনি। মরিশুবদা, মীয়াম্না মখোয়গী হৌরকফমশিংগা শম্নগদবনি অমসুং মখোয়গী খুঙ্গংশিংদা চৎকদবনি। মঙাশুবদা, রাজ্য অসিদা অরিবা য়ুমশিং ঙাক-শেনগদবনি অমসুং মখোয় হোমস্তেশিং ওন্থোক্নবা হোৎনগদবনি।

রাজ্য অসিদা লমকোয়বশিং অমসুং লাই খুরুম্বা লাকপা মীওইশিং মশিং হেনগৎলক্লিবা অসিগী মতাংদা প্রধান মন্ত্রীনা হায়খি লমকোয়বশিং অমসুং লাই খুরুম্বা লাকপা মীওইশিংদা ৱাফম মরি হায়জরি। লু-নান্না লৈগদবনি অমসুং শিঙ্গল য়ুজ প্লাস্তিক শীজিন্নরোইদবনি, লমদম অসিগী পোৎথোক শীজিন্নবগী লাইৱা নিংশিংগদবনি অমসুং অপুনবা চাদিং তৌগদবা শেনফমগী চাদা ৫ লমদম অসিগী পোৎথোকশিং লৈবদা শীজিন্নগদবনি, লম্বী চৎপগী নিয়মশিং ঙাক্কদবনি অমসুং লাইশঙশিং অমসুং লাইফমশিংদা চৎন-কাংলোনশিং ঙাক্কদবনি। দেবভুমি উত্তরখন্দগী শক্তম ফগৎহন্নবা হায়জরিবা ৱাফম ৯ অসিনা মরুওইবা থৌদাং অমা লৌগনি। চাউখৎলবা লৈবাক অমা শেমগৎপদা উত্তরখন্দনা মরুওইবা থৌদাং অমা লৌগনি হায়না থাজৈ।

देवभूमि उत्तराखंड के रजत जयंती वर्ष पर प्रदेश के मेरे सभी परिवारजनों को बहुत-बहुत बधाई। ये दशक उत्तराखंड का दशक होगा।https://t.co/TRPbKMur2c

— Narendra Modi (@narendramodi) November 9, 2024

****