প্রধানমন্ত্রীগী লোইশঙ
রোজগার মেলাগী মখাদা পি.এম.না ওক্তোবর 29দা সরকারগী বিভাগশিং অমসুং ওর্গনাইজেসনশিংদা নৌনা খল্লবা নহাশিংদা এপ্পোইন্তমেন্ত লেত্তর 51,000 হেন্না য়েন্থোক্কনি
Posted On:
28 OCT 2024 1:05PM by PIB Imphal
প্রধান মন্ত্রী শ্রী নরেন্দ্র মোদীনা 2024গী ওক্তোবর 29গী অয়ুক্কী পুং 10:30 তাবা মতমদা ভিদিও কনফরেন্সিংগী খুত্থাংদা নৌনা থবক খল্লবা নহাশিংদা এপ্পোইন্তমেন্ত লেতর 51,000 হেন্না য়েন্থোক্কনি। থৌরম অদুদা প্রধান মন্ত্রীনা ৱা ঙাংগনি।
রোজগর মেলা অসিনা প্রধান মন্ত্রীনা থবক ফংহন্নবা মরুওইবা পীবগী অচেৎপা ফিরেপ অদু উৎলি। মসিনা নহাশিংদা লৈবাক শেমগৎপদা শরুক য়াবগী মগুন লৈবা খুদোংচাবশিং ফংহন্দুনা মখোয়গী শক্তি হেনগৎহনগনি।
রোজগর মেলা অসি লৈবাক শিনবা থুংনা মফম 40দা পাংথোক্কনি। মসিদা রেভিন্যু দিপার্তমেন্ত, হায়র এজুকেসন দিপার্তমেন্ত, গৃহ মন্ত্রালয়, ঙাকশেল মন্ত্রালয়, হকশেল অমসুং য়াইফ-য়ুম্বাল মন্ত্রালয় অমসুং অতোপ্পা তোঙান তোঙানবা মন্ত্রালয়শিং অমসুং দিপার্তমেন্তশিংদা কেন্দ্র সরকারদা চংলকপা অনৌবা রিক্রুতশিং য়াওরগনি।
নৌনা খল্লবা রিক্রুতশিংনা iGOT কর্মায়োগী পোর্তেলদা ফংলিবা ওনলাইন মোদ্যুল অমা ওইরিবা 'কর্মায়োগী প্রারম্ভ'গী খুত্থাংদা ফাউন্দেসন ত্রেনিং লৌনবগী খুদোংচাবা ফংলগনি। ই-লর্নিংগী কোর্স 1400 হেন্না ফংহল্লি মসিনা রিক্রুতশিংদা মখোয়গী থৌদাংশিংদা নীংথিনা থবক তৌনবা অমসুং ভিকসিৎ ভারত অমা শেমগৎনবা হোৎনবদা তঙাই ফদবা স্কিলশিং পীরগনি।
***
(Release ID: 2068822)
Read this release in:
Kannada
,
English
,
Urdu
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Malayalam