প্রধানমন্ত্রীগী লোইশঙ
১৬শুবা ব্রিক্স মীফমগী নাকলদা প্রধান মন্ত্রীনা চাইনাগী রাস্ত্রপতি সী জিনপিং উনখ্রে
Posted On:
23 OCT 2024 7:14PM by PIB Imphal
ওক্তোবর ২৩,২০২৪ দা কাজান্দা ১৬শুবা ব্রিক্স মীফমগী নাকলদা প্রধান মন্ত্রী শ্রী নরেন্দ্র মোদীনা চাইনাগী রাস্ত্রপতি সী জিনপিং উনখ্রে।
২০২০ দা ভারত-চাইনা ঙমখৈগী শরুকশিংদা হৌরকখিবা ৱাথোকশিং মপুংফানা ৱারোইশিন পুরক্নবা হন্দক য়ানবা পুরকখিবদা তরাম্না ওক্লদুনা, খেন্নবশিং অমসুং য়ানদবশিং নিংথিনা লোইশিন্নবা হোৎনবগী মরুওইবা অমসুং মখোয়না শান্তি অমসুং ইং-চিকপা থুগাইদনবা হোৎনবগী মরুওইবা অদু প্রধান মন্ত্রীনা ফোঙদোকখি। ঙমখৈগী শরুকশিংদা শান্তি অমসুং ইং-চিকপা থম্নবা পায়খৎলিবা থবকশিং য়েংশিন্নবা অমসুং ঙমখৈগী ৱাফম লাকপদা লৈবাক অনিমক্না য়াগদবা অমসুং মরম চাবা পাম্বৈ থিদোক্নবা ভারত-চাইনা ঙমখৈগী অখন্নবা মীহুৎশিংগী অথুবা মতমদা মীফম অমা পাংথোকপা হায়না লুচিংবশিংনা য়ানরে। লৈবাক অনিগী মরীশিং মরা চেৎনবা অমসুং অমুক হন্না শেমগৎনবা ফোরেন মিনিস্তরশিং অমসুং অতোপ্পা সেনিয়র ওফিসিএলশিংগী থাক্তা ৱারি শান্নগদবনি।
য়ুম্লোন্নবা লৈবাকশিং ওইনা অমসুং মালেমদা খ্বাইদগী চাউবা লৈবাক অনি ওইনা, ভারত অমসুং চাইনাগী মরক্তা তংদু-লৈতাবা, তম্বা ঙম্বা অমসুং মরুপ-মপাং ওইবা মরীশিং লৈহনবনা লমদম অসিগী অমসুং মালেমগী শান্তি অমশুং চাউখৎপা পুরকপদা অফবা ইথিল অমা পীগনি হায়না লুচিংবা অনিনা ফোঙদোকখি। মসিনা মল্তি-পোলার এসিয়া অমসুং মল্তি-পোলার মালেম অমা শেমগৎপদা মতেং পাংগনি। স্ত্রাতেজিক অমসুং মতম কুইনা চৎনগদবা মীৎয়েং অমদগী লৈবাক অনিগী মরীশিং চাউখৎহনবগী মরুওইবা অমসুং চাউখৎ-থৌরাংগী খুদোংচাদবশিং কোকহন্নবা স্ত্রাতেজিক কম্মুনিকেসন হেনগৎহন্নবা অমসুং মতেং পাংনবগী ওইথোকপশিং মশক খঙদোক্নবা লুচিংবশিংনা ফোঙদোকখি।
****
(Release ID: 2067468)
Visitor Counter : 38
Read this release in:
Odia
,
Marathi
,
Hindi
,
Punjabi
,
Gujarati
,
Tamil
,
Telugu
,
Malayalam
,
Assamese
,
Bengali
,
English
,
Urdu
,
Kannada