প্রধান মন্ত্রী শ্রী নরেন্দ্র মোদীনা নই দিল্লীগী দা. অম্বেদকর ইন্তর্নেস্নেল সেন্তরদা ওক্তোবর 19গী অয়ুক পুং 10:30 তাবা মতমদা ‘কর্ময়োগী সপ্তাহ’ – নেস্নেল লর্নিং ৱীক হৌদোক্কনি।

মিসন কর্ময়োগী অসি সেপ্তেম্বর 2020দা হৌদোকখি অমসুং মদুদগী চাউনা খুমাং চাউশিন্দুনা লাক্লি। মসিনা মালেমগী লৈরিবা ৱাখল্লোনশিংগা লোয়ননা ভারতকী কাংলোনশিংদা য়ুম্ফম ওইবা তুংলমচৎকীদমক শেম শারবা সিভিল সর্ভিস অমা পান্দম থম্মি।

নেস্নেল লর্নিং ৱীক (NLW)না সিভিল সর্ভেন্তশিংগী ইন্দিভিজুএল অমসুং ওর্গনাইজেস্নেল কেপাসিতী দিবেলপমেন্তগী মাইকৈদা অনৌবা শাহৌ পীবা মখল অসিগী ওইনা খ্বাইদগী চাউবা ইভেন্ত ওইরগনি। ইনিসিএতিব অসিনা লর্নিং অমসুং দিবেলপমেন্তদা অনৌবা ইনোৎ অমা পীরগনি। NLWনা জাতিগী পান্দমশিং অমসুং পুন্সি চুপ্পা তমশিনবগী ৱাখল্লোন থৌগৎলদুনা মীপুম খুদিংমক্কা চুনবা “ৱান গভর্নমেন্ত” আমা শেম্নবা পান্দম থম্মি।

NLW অসি শরুক য়ারিবা মীওইশিং, মন্ত্রালয়শিং, বিভাগশিং অমসুং ওর্গনাইজেসনশিংগী এঙ্গেজমেন্তগী তোঙান-তোঙানবা মওংশিংগী খুত্থাংদা লর্নিং ফংহন্নবা কত্থোক্কনি। NLW মনুংদা কর্ময়োগী খুদিংমক্না য়ামদ্রবদা পুং 4গী কম্পিতেন্সী-লিঙ্ক লর্নিং তম্বগী তার্গেৎ অমা ফংনবা হোৎনগনি। শরুক য়ারিবশিংনা মশক নাইবা মীওইশিংগী iGOT ৱেবিনারশিংদা (পব্লিক লেকচরশিং/পোলিসী মাস্তরক্লাসশিং) ইন্দিভিজুএল রোল-বেজ মোদ্যুলশিংগী অপুনবা অমগী খুত্থাংদা তার্গেৎ থম্মিবা পুংশিং অদু লোইশিনগনি। চয়োল অসিগী মনুংদা মশক নাইবা ৱাঙাংলোইশিংনা মখোয়না খঙবা লমশিংদা ৱা ঙাংগনি অমসুং মখোয়বু হেন্না কান্নগদবা মওংদা সিতিজেন-সেন্ত্রিক দেলিভরীগী মাইকৈদা থবক তৌবদা মতেং পাংগনি। চয়োল অসিগী মনুংদা মন্ত্রালয়শিং, বিভাগশিং অমসুং ওর্গনাইজেসনশিংনা দোমেন স্পেসিফিক  কম্পিতেন্সীশিং হেনগৎহন্নবা সেমিনারশিং অমসুং ৱার্কশোপশিং পাংথোক্কনি।

***