গৃহ মন্ত্রালয়গী কেন্দ্রগী রাজ্য মন্ত্রী, শ্রী নিত্যানন্দ রাইনা লুচিংবা অৱাংবা থাক্কী ভারতকী মীহুৎ কাংবু অমনা ফিলিপ্পিন্সকী মনিলাদা এসিয়া-পেসিফিক মিনিস্ত্রিএল কনফরেন্স ওন দিজাস্তর রিস্ক রিদক্সন (APMCDRR) 2024দা শরুক য়াখি। কনফরেন্স অসি রিপব্লিক ওফ ফিলিপ্পিন্সকী রাস্ত্রপতি, মিস্তর বোংবোং মার্কোসনা হৌদোকখি। "সর্জ তু 2030: এনহেন্সিং এম্বিসন ইন এসিয়া পেসিফিক তু এসেলরেৎ দিজাস্তর রিস্ক রিদক্সন" হায়বা থিমগী মখাদা পাংথোকপা কনফরেন্স অসিদা এসিয়া-পেসিফিক লমদমগী মন্ত্রীশিং অমসুং পোলিসী মেকরশিং পুনশিন্দুনা ক্লাইমেৎকা মরী লৈনবা শীংনবশিং হেনগৎলক্লিবা অসিদা দিজাস্তর রিস্ক হন্থহন্নবা লালোংশিং খন্নখি।

মন্ত্রীগী ৱারোল থম্লদুনা গৃহ মন্ত্রালয়গী রাজ্য মন্ত্রী, শ্রী নিত্যানন্দ রাইনা হায়খি মদুদি দিজাস্তরশিং অসি নাথৈবা য়াদ্রবা রিএলিতীনি, মসিনা পুন্সি, শেন্মিৎলোন অমসুং অপুনবা চাউখৎপা মাংহনবা হেনগৎহল্লি। প্রধান মন্ত্রী শ্রী নরেন্দ্র মোদীগী দিজাস্তর রিস্ক রিদক্সন (DRR) স্ত্রেতেজীগী পোইন্ত 10গী এজেন্দাগী মতুং ইন্না দিজাস্তরগী শাফু হন্থহন্নবা ইনক্লুসিব অমসুং প্রোএক্তিব এক্সনশিং পায়খৎনবা ভারতনা অচেৎপা ৱাফম থমখি।

মন্ত্রীনা দিজাস্তর রিস্ক রিদক্সন (DRR) গী মরুওইবা প্রাইওরিতিশিংদা মদুদি অর্লী ৱার্নিং সিস্তেম (EWS) অমসুং অর্লী এক্সন, দিজাস্তর রেসিলিএন্ত ইনফ্রাস্ত্রকচর অমসুং DRRগীদমক ফাইনান্সিএল প্রোভিজনশিংদা মীৎয়েং থমখি। রাজ্য মন্ত্রীনা EWSগীদমক্তা কম্মন এলর্তিং প্রোতোকোল (CAP) অমসুং সেল ব্রোদকাস্ত সিস্তেম, ইন্দিয়ন সুনামি অর্লী ৱার্নিং সেন্তর (ITEWC) লিংখৎপা, ইন্দিয়ন ওসিনগী লৈবাক 25দা লাস্ত মাইলগী কন্নেক্তিবিতীগীদমক্তা সুনামিগী এদভাইজরীশিং পীবা অসিনচিংবা অনৌবা তেক্নোলোজীশিংদা মরুওইবা পীখি।

শ্রী নিত্যনন্দ রাইনা ইনফ্রাস্ত্রকচর রেসিলিএন্সপু সস্তেনেবল দিবেলপমেন্তকী য়ুম্বী অমা ওইনা শৌগৎপদা ভারতকী লুচিংবা ওইবগী মতাংদা ফোংদোকখি। ভারতকী ইনিসিএতিব অমা ওইরিবা কোলিজন ফোর দিজাস্তর রেসিলিএন্ত ইনফ্রাস্ত্রকচর (CDRI) অসিদা হৌজিক্তি মেম্বর লৈবাক 47 লৈরে অমসুং দিজাস্তর রেসিলিএন্ত ইনফ্রাস্ত্রকচরদা ইনভেস্ত তৌনবগীদমক তেক্নিকেল এসিস্তেন্স অমসুং কেপাসিতী বিল্দিং ফংহল্লি।

গৃহ মন্ত্রালয়গী রাজ্য মন্ত্রীনা হায়খি মদুদি ইন্সতিত্যুস্নেল মেকানিজমশিংগী খুত্থাংদা DRR গীদমক অখন্নবা ফাইনান্সিএল প্রোভিজন লৈবা লৈবাক খরগী মনুংদা ভারতসু অমা ওইরি অমসুং ভারতকী 15শুবা ফাইনান্স কম্মিসননা 2021-22দগী 2025-26 ফাওবগী ফাইনান্সিএল সাইকলগীদমক নেস্নেল দিজাস্তর রিস্ক মেনেজমেন্ত ফন্দ (NDRMF) অমসুং স্তেৎ দিজাস্তর রিস্ক মেনেজমেন্ত ফন্দ (SDRMF) গীদমক USD 30 বিলিয়ন এল্লোকেৎ তৌখ্রে।

*****