ইকায়খুম্নরবা,

শক্নাইরবশিং,

খুরুমজরি,
 

অহানবদা, “তাইফুন য়াগী” না শোকহল্লবা মীওইশিংগীদমক ঐনা অৱাবা ফোঙদোকচরি।

খুদোংথিবা মতম অদুদা, ওপরেসন সাদভাবকী খুৎথাংদা ঐখোয়না অৱাবা নংলবা মীওইশিংদা তেংবাং পীখ্রে।

মরুপশিং,
অসিয়ানগী অপুনবা অমসুং ময়াইদা লৈবদা ভারতনা অমতা ওইনা শৌগৎলি। ভারতকী ইন্দো-পেসিফিক অমসুং ক্বাদ কোওপরেসনগী পান্দমদা অসিয়ান অসি য়াম্না মরুওইরি। ভারতকী “ইন্দো-পেসিফিক ওসিন্স ইনিসিয়েতিপ” অমসুং “অসিয়ান আউতলুক ওন ইন্দো-পেসিফিক” কী মরক্তা মান্নবা কয়া লৈরি। লমদম অসিদা শান্তি অমসুং চাউখৎপা পুরক্নবা মনিংতম্বা, অপনবা পীদবা, নুংঙাই-য়াইফবা অমসুং নিয়মশিংদা য়ুম্ফম ওইবা ইন্দো-পেসিফিক অসি য়াম্না মরুওই।

সাউথ চাইনা সিদা শান্তি, তংদু-লৈতাবা অমসুং সেকুরিতি লৈহনবা অসি অপুনবা ইন্দো-পেসিফক লমদম অসিগী অপাম্বনি।

য়ু.এন.সি.এল.ও.এসকী মতুংইন্না সমুদ্রগী লমদা থবকশিং পাংথোক্কদবনি হায়না ঐখোয়না থাজৈ। মনিংতম্না জহাজ হোনবা অমসুং নোংথক শীজিন্নবা অসি তঙাইফদে। অকনবা অমসুং মতিক চাবা কোদ ওফ কন্দক অমা শেমগৎকদবনি। মসিনা লমদম অসিগী লৈবাকশিংগী মপান লৈবাক্কী থৌশিলশিংদা অপনবা পীরোইদবনি।

ঐখোয়গী থৌরাং চাউখৎপদা মীৎয়েং চঙগদবনি অমসুং লম খোপচিনবদা মীৎয়েং থম্লোইবদনি।

মরুপশিং,
ম্যান্মারগী ফিবম অসিদা ঐখোয়না অসিয়ানগী মীৎয়েং থম্লি অমসুং ৱাফম মঙাদা য়ানবা পুরকপদা ঐখোয়না শৌগৎলি। মখা তনা, গনতন্ত্র হঞ্জিল্লক্নবা চুনবা থবক পায়খৎনবা অমসুং অৱাবা নংলবশিংদা মতেং পাংবা অসি য়াম্না মরুওই হায়না ঐখোয়না থাজৈ। ম্যান্মার নাইতোম তাহনবগী মহুত্তা, লৈবাক অসিগা চৎমিন্নগবনি হায়না ঐখোয়না থাজৈ।

য়ুম্লোন্নবা লৈবাক অমা ওইনা, ভারতনা মখা তানা লৈবাক অসিদা পাংথোকপা থোকপা থৌদাংশিং পাংথোক্কনি।

মরুপশিং,
মালেমগী তোঙান-তোঙানবা মফমশিংদা হৌজিক মুক্নবা কয়া থোকলিবা অসিনা খ্বাইদগী চৈথেং পীরবা লৈবাকশিং অসি গ্লোবেল সাউথনি। লমদম অসিদা অমসুং য়ুরেসিয়া অমসুং মিদল ইস্ততা অথুবা মতমদা শান্তি অমসুং তংদু-লৈতাবা হঞ্জিল্লকপা অসি পুম্নমক্কী অপাম্বনি।

ঐ বুদ্ধগী লমদগী লাকপনি অমসুং হৌজিক লালগী মতম নত্তে হায়না ঐনা হঞ্জিন-হঞ্জিন হায়খ্রে। ৱাথোকশিংগী পাম্বৈশিং লানফম ময়াইদা ফংলোই।

লৈবাক অমগী মনিংতম্বা, ঙমখৈগী অপুনবা শক্তম অমসুং মালেমগী আইনশিং ইকায়খুম্নাবা উৎপা অসি তঙাইফদে। মীওইবা খুন্নাইগী অৱাবা খঙবা মীৎয়েংগা লোয়ননা, ৱারি শান্নবা অমসুং কুতনিতিগী থবকশিংদা ঐখোয়না মীৎয়েং থমগদবনি।

বিশ্ববন্ধু অমা ওইনা লৈবাক অসিগী দাইত্বশিং পাংথোক্নবা, মাইকৈ অসিদা ভারতনা মখা তানা পায়খৎপা য়াবা থবকশিং পায়খৎকনি।

মালেমগী শান্তি অমসুং সেকুরিতি পুরকপদা তেরোরিজম অসি অচৌবা শিংনবা অমনি। মসি থেংন্নবা, মীওইবা খুন্নাইদা থাজবা থম্লিবা ফোর্সশিং অমতা ওইনা পুনগদবনি অমসুং থবক তৌমিন্নগদবনি।

সাইবর, মেরিতাইম অমসুং স্পেসকী লমদা ঐখোয় অমনা অমগী মতেং পাংনবা হেনগৎহনগদবনি।

মরুপশিং,
নালান্দা অমুক হিঙ্গৎহন্নবা ঐখোয়না ইস্ত এসিয়া সম্মিৎতা থাজবা পীখিবনি। চহি অসিগী জু থাদা, নালান্দা য়ুনিভর্সিতিগী অনৌবা কেম্পস শঙ্গাদুনা ঐখোয়না মসি থবক ওইনা পাংথোক্লে। নালান্দা পাংথোক্কদবা ‘হেদ ওফ হায়র ইজুকেসন কনক্লেপ’ তা শরুক য়ানবা মীফম অসিদা শরুক য়ারিবা লৈবাকশিংদা ঐনা হায়জরি।

মরুপশিং,
ইস্ত এসিয়া সম্মিৎ অসি ভারতকী এক্স ইস্ত পোলিসিগী মরুওইবা য়ুম্বী অমনি।

ঙসিগী মীফম অসি মপুংফানা পাংথোকপগীদমক ঐনা প্রধান মন্ত্রী সোনসয় সিফানদোন ঐনা থাগৎপা ফোঙদোকচরি।

মালেএসিয়ানা মথংগী চিয়ার ওইবদা ঐনা য়াইফ-পাউজেল পীজরি অমসুং মাইপাক্না চিয়ারমেন ওইনবা ভারতনা মপুংফানা শৌগৎনবা থাজবা পীরি।

অদোম ঙমখৈ লৈতনা থাগৎপা ফোঙদোকচরি।

দিসক্লেমর : মসি প্রধান মন্ত্রীগী ৱারোলদগী চাউরাক্না হন্দোকপনি। অশেংবা ৱারোল হিন্দীদা পীখি।

***