লাও PDRগী ভিয়ন্তিয়ানেদা ওক্তোবর 10, 2024দা পাংথোকখিবা 21শুবা ASEAN-ইন্দিয়া সম্মিৎকী থৌরমদা ঐখোয়, এসোসিএসন ওফ সাউথইস্ত এসিয়ন নেসন্স (ASEAN)গী মেম্বর ওইরিবা লৈবাকশিং অমসুং রিপব্লিক ওফ ইন্দিয়ানা;

ASEAN-ইন্দিয়া কম্মেমোরেতিব সম্মিৎকী ভিজন স্তেৎমেন্ত (2012), ASEAN-ইন্দিয়া  দাইলোগ রিলেসন্সকী 25শুবা কুমওন পালন তৌনবা পাংথোকপা ASEAN-ইন্দিয়া  কম্মেমোরেতিব সম্মিৎকী দেল্লী দেক্লেরেসন (2018), ASEAN-ইন্দিয়ানা লমদম অসিদা শান্তি, তংদু-লৈতাবা অমসুং চাউখৎপা পুরক্নবগীদমক ইন্দো-পেসিফিক্কী মতাংদা ASEAN আউৎলুক্তা তেংবাং পীননবা ASEAN-ইন্দিয়া জোইন্ত স্তেৎমেন্ত (2021), ASEAN-ইন্দিয়া কমপ্রিহেন্সিব স্ত্রেতেজিক পার্তনরশিপকী জোইন্ত স্তেৎমেন্ত (2022), মেরিতাইম কোওপরেসন পীননবা ASEAN-ইন্দিয়াগী জোইন্ত স্তেৎমেন্ত (2023) অমসুং ক্রাইসিস থোকপদা রেস্পোন্স তৌনবা ফুদ সেক্যুরিতী অমসুং ন্যুত্রিসন মপাঙ্গল কনখৎহন্নবা ASEAN-ইন্দিয়া জোইন্ত লীদর্স স্তেৎমেন্ত (2023)দা ময়েক শেংনা ফোংদোকখিবশিং য়াওনা 1992দা লিংখৎতুনা ASEAN-ইন্দিয়া দাইলোগ রিলেসন্সনা লমজিংদুনা লাকখিবা ফন্দামেন্তেল প্রিন্সিপলশিং, মান্নবা ভেল্যুশিং অমসুং কাংলোনশিংনা লমজিংদুনা ASEAN-ইন্দিয়া কম্প্রিহেন্সিব স্ত্রেতেজিক পার্তনরশিপ প্রমোৎ তৌনবা ঐখোয়গী ফিরেপ নৌহৌনা ফোংদোক্লি।

দিজিতেল পব্লিক ইনফ্রাস্ত্রকচর (DPI) না দিজিতেল ত্রান্সফোর্মেসন কেতালাইজ তৌবদা অমসুং পব্লিক সর্ভিস পীবদা ইনক্লুসিবিতী, ইফিসিএন্সী অমসুং ইন্নোভেসন প্রমোৎ তৌবদা অচৌবা থৌদাং লৌরিবা; তোঙান তোঙানবা দোমেস্তিক অমসুং ইন্তর্নেস্নেল কন্তেক্সতা য়েংলগা জিওগ্রাফিকেল ওইবা মফমশিংদা মীওইশিং, কম্ম্যুনিতিশিং, ইন্দস্ত্রীশিং, ওর্গনাইজেসনশিং অমসুং লৈবাকশিংগা শম্নহল্লিবা অদু খঙজিনদুনা;

তেক্নোলোজীনা লমদম অসিগী ইকনোমিক ইন্তিগ্রেসন প্রমোৎ তৌবগা লোয়ননা লমদম অসিদা লৈরিবা দিজিতেল দিভাইদশিং মেনশিনবা অমসুং ইনক্লুসিব অমসুং সস্তেনেবল দিবেলপমেন্তকী মায়কৈদা খোঙজেল য়াংশিনবা ঙম্নবগীদমক খোঙজেল য়াংনা অহোংবা পুরকপা ঙমগনি খঙজিন্দুনা;

ASEAN দিজিতেল মাস্তর প্লান 2025 (ADM 2025) থবক ওইনা পাংথোকপদা ভারতনা শরুক তম্লিবা অমসুং লৌশিং য়েন্থোকপা অমসুং কেপাসিতী বিল্দিং প্রোগ্রামশিং অমসুং CLMV (কম্বোদিয়া, লাওস, ম্যান্মার অমসুং ভিয়েতনাম) লৈবাকশিংদা সোফৱেয়র দিবেলপমেন্ত অমসুং ত্রেনিংগী সেন্তর ওফ এক্সিলেন্স লিংখৎপা য়াওনা মথং-মনাও নাইনা চৎথরকপা ASEAN-ইন্দিয়া দিজিতেল ৱার্ক প্লানশিংদা কোওপরেসনগী থবক থৌরমশিংদা ফংলিবা শিংথানিঙাই ওইবা মায় পাকপশিংবু থাগৎলদুনা;

খুন্নাইগী অমসুং শেন্মিৎলোনগী চাউনা কান্নবা পীখিবা DPI ইনিসিএতিবশিং শেমগৎ-শাগৎপদা অমসুং মায় পাক্না পায়খৎপদা ভারতনা লুচিংবা অমসুং চাউনা খুমাং চাউশিনখিবা অদু খঙজিন্দুনা;

ASEAN কম্ম্যুনিতী ভিজন 2045গী মান্নবা পান্দমশিংগী পরিং মখাদা2030 ফাওবদা দিজিতেলগী খুমাং চাউশিল্লকপগী মথংগী তাঙ্কক অদুদা লেপ্পা লৈতনা ওন্থোকপা ঙমহন্নবা ASEAN শিনবা থুংনা দিজিতেল ত্রান্সফোর্মেসন য়াঙখৎনবা পান্দম থম্লিবা ADM 2025গী মায় পাকপশিং অদুদা য়ুম্ফম ওইদুনা ASEAN দিজিতেলগী মাস্তর প্লান 2026-2030 (ADM 2030) শেমগৎলকপবু খঙজিন্দুনা;

ASEAN লৈবাকশিংদা দিজিতেল ত্রান্সফোর্মেসন পুরকপদা মীৎয়েং থম্মিবা দিজিতেল ফ্যুচরগীদমক ASEAN-ইন্দিয়া ফন্দ শেমগৎপগীদমক ভারতপু থাগৎলদুনা;

মখাদা পীরিবা লমশিং অসিদা তেংবাং পীনবা মপাঙ্গল কনখৎহন্নবা ফোংদোকচরি:

1. দিজিতেল পব্লিক ইনফ্রাস্ত্রকচর

1. 1. DPIগী চাউখৎ-থৌরাং, ইমপ্লিমেন্ত অমসুং গভর্নান্সকী মতাংদা লমদম অসিদা DPI গী চাউখৎ-থৌরাং প্রমোৎ তৌনবা তোঙান তোঙানবা মখলগী প্লেৎফোর্মশিং শীজিন্নদুনা লৌশিং, এক্সপরিয়েন্স অমসুং খ্বাইদগী ফবা থৌওংশিং শরুক য়ামিন্নবগীদমক আসিয়ানগী মেম্বর স্তেতশিং অমসুং ভারতকী অপুনবা অয়াবা য়াওনা পুন্না থবক তৌমিন্নবগী খুদোংচাবশিং ঐখোয়না খঙলে;
   2. ঐখোয়না DPIবু রিজনেল দিবেলপমেন্ত অমসুং ইন্তিগ্রেসনগীদমক্তা শীজিন্নরিবা জোইন্ত ইনিসিএতিবশিং অমসুং প্রোজেক্তশিংগী ওইথোকপা য়াবা খুদোংচাবশিং খঙলে;
   3.  এজুকেসন, হেল্থকেয়র, এগ্রিকলচর অমসুং ক্লাইমেৎ এক্সনগুম্বা তোঙান তোঙানবা শিংনবশিং থেংনবদা সেক্তরশিংগী মরক্তা DPI শীজিন্ননবা ঐখোয়না কোল্লাবোরেসন থীদোক্কনি।

2. ফাইনান্সিএল তেক্নোলোজী

2.1 ফাইনান্সিএল তেক্নোলোজী (ফিনতেক) অমসুং ইন্নোভেসন অসি নাকল অনিগী ওইবা ইকনোমিক পার্তনরশিপকী মরুওইবা দ্রাইভরশিংনি হায়না ঐখোয়না খঙই:

2.2 ঐখোয়গী পান্দমদি:

a. ভারত অমসুং ASEANদা ফংলিবা দিজিতেল সর্ভিসশিং ফংহন্নবা ইন্নোভেতিব দিজিতেল সোলুসনশিংগী খুত্থাংদা ASEAN অমসুং ভারতকী পেমেন্ত সিস্তেমশিংগী মরক্তা ক্রোস-বোর্দর লিঙ্কেজশিংগী ওইথোকপা য়াবা কোল্লাবোরেসন থীদোকপা।

b. ফিনতেক ইন্নোভেসনগীদমক নেস্নেল এজেন্সীশিংগী মরক্তা পার্তনরশিপ এক্সপ্লোর তৌনবা অমসুং দিজিতেল ফাইনান্সিএল সোলুসনশিং য়াওনা দিজিতেল সোলুসনশিং শৌগৎপা।

3. সাইবরসেক্যুরিতী

3.1 সাইবর সেক্যুরিতীদা মতেং পীনবা অসি ঐখোয়গী কমপ্রিহেন্সিব স্ত্রেতেজিক পার্তনরশিপকী মরুওইবা শরুক অমনি হায়না ঐখোয়না খঙই।

3.2 ঐখোয়না ASEAN -ইন্দিয়া ত্রেক 1 সাইবর পোলিসী দাইলোগ লিংখৎলকপবু তরাম্না ওক্লি অমসুং চহি অসিগী ওক্তোবরদা মসিগী অহানবা মীফম পাংথোক্নবা ঙাইরি;

3.3 দিজিতেল ইকনোমীদা মতেং পাংনবা ঐখোয়গী সাইবর সেক্যুরিতী কোওপরেসন পাকথোক চাউথোকহন্নবা ঐখোয়না পান্দম থম্লি। ঐখোয়না তপ্না-তপ্না দিজিতেল ইকনোমীশিং হেনগৎলকপদা, দিজিতেল ইনফ্রাস্ত্রকচর অমসুং সর্ভিসশিংগী সেক্যুরিতী অমসুং রেসিলিয়ন্স লৈহন্নবা হোৎনগনি।

4. আর্তিফিসিএল ইন্তেলিজেন্স (AI)

4.1 AIগী এদভান্সমেন্তশিংগী পোতেন্সিএল শীজিন্ননবা AI তেক্নোলোজীশিং অমসুং এপ্লিকেসনশিংবু ইফেক্তিব অমসুং রেসপোন্সিবল ওইনা শীজিন্ননবা দরকার ওইবা লৌশিং, স্কিলশিং, ইনফ্রাস্ত্রকচর, রিস্ক মেনেজমেন্ত ফ্রেমৱার্কশিং অমসুং পোলিসীশিং শেমগৎপদা ঐখোয়না মতেং পাংই।

4.2 AIগী খুত্থাংদা সস্তেনেবল দিবেলপমেন্ত ফংনবগীদমক কম্প্যুতিং, দেতা-সেৎ অমসুং ফাউন্দেস্নেল মোদেলশিং য়াওনা, অদুবু মসি খক্তা নত্তনা, AI তেক্নোলোজীশিং ফংহনবা অসি মরু ওই হায়না ঐখোয়না খঙই। মরম অসিনা, ঐখোয়না মরি লৈনবা নেস্নেল লোশিং, রুলশিং অমসুং রেগুলেসনশিংগা লোয়ননা খুন্নাইগী য়াইফনবগীদমক AI রিসোর্সশিংগী দেমোক্রেতাইজেসনগীদমক পুন্না থবক তৌমিন্নগনি।

4.3 AI না থবক ফংবগী ফিভমদা য়াম্না থুনা অহোংবা পুরক্লিবসি ঐখোয়না খঙই অমসুং ৱার্কফোর্সকী স্কিল হেনগৎহনবা অমসুং রিস্কিলিং তৌবগী তঙাই ফদবা লৈ। ঐখোয়না AI এজুকেসন ইনিসিএতিবশিংদা কেপাসিতী বিল্দিংদা মতেং পাংলি, AIদা মীৎয়েং থম্বা ভোকেসনেল ত্রেনিং প্রোগ্রামশিং শেমগৎলি, অমসুং তুংলমচৎকী জোব মার্কেৎকীদমক্তা শিন্মীশিং শেমগৎনবা লৌশিং এক্সচেঞ্জ তৌনবগীদমক প্লেৎফোর্মশিং শেমগৎলি।

4.4 গভর্নান্স, স্তেন্দর্দশিং অমসুং খুৎলাইশিংবু তেংবাংনবা অমসুং থোং মান্নবা, মপাঙ্গল কনখৎহনবা, চপ মান্নবা এক্সেস অমসুং AI সিস্তেমশিংদা থাজবা থম্বা হেনগৎহন্নবগীদমক রেস্পোন্সিবল AI গী অতৈ অমত্তা ওইনা য়ানরবা কাংলোনশিং ফংনবা স্তদীশিং শেমগৎনবা পুন্না থবক তৌমিন্নবদা ঐখোয়না নুংঙাইবা ফোংদোক্লি।

5. কেপাসিতী বিল্দিং অমসুং লৌশিং শিয়র তৌবা

5.1. ঐখোয়না দিজিতেল ত্রান্সফোর্মেসনদা মতেং পাংনবা পান্দম থম্লিবা মরী লৈনবা হীরমশিংদা মীৎয়েং থমদুনা চাং নাইনা এক্সচেঞ্জ, ৱার্কশোপশিং, সেমিনারশিং, ত্রেনিং প্রোগ্রামশিং অমসুং অতোপ্পা কেপাসিতী বিল্দিং এক্সরসাইজশিং পাংথোক্নবগীদমক ASEAN ইন্দিয়া দিজিতেল মিনিস্তরশিংগী মীফম য়াওনা লৈরিবা ফ্রেমৱার্কশিং শীজিন্নগনি।

5.2. ঐখোয়গী দিজিতেল সোলুসনশিং য়াওনা DPIগী মতাংদা লৌশিং শিয়র তৌবদা ঐখোয়না মতেং পাংই।

6. সস্তেনেবল ফাইনান্সিং অমসুং ইনভেস্তমেন্ত

6.1. হৌরকপদা, থবকশিং অসি চহি অসিদা হৌদোকপা দিজিতেল তুংলমচৎকীদমক ASEAN ইন্দিয়া ফন্দগী মখাদা শেল থাদগনি। ঐখোয়না দিজিতেল ইনিসিএতিবশিং শেল থাদনবগী মেকানিজমশিং, পব্লিক-প্রাইবেৎ পার্তনরশিপ, ইন্তর্নেস্নেল ফন্দিং অমসুং ইন্নোভেতিব ফন্দিং মোদেলশিংগী খুত্থাংদা থীজিনগনি।

7. ইমপ্লিমেন্তেসন মেকানিজম

7.1. দিজিতেল ত্রান্সফোর্মেসনগী খুমাং চাউশিলহন্নবা ASEAN অমসুং ভারতকী মরক্তা মতেং পীননবা অসিগুম্বা জোইন্ত স্তেতমেন্ত অসি তুং-কোইনা চৎনহন্নবা অমসুং থবক ওইনা পাংথোক্নবা ASEAN -ভারতকী মরী লৈনবা বোদীশিংদা থৌদাং শিন্নবা।

***