ভারতকী রাস্ত্রপতি, শ্রীমতি দ্রোপদি মুর্মুনা ঙসি নই দিল্লীদা ওল ইন্দিয়া ইনস্তিত্যুত ওফ আয়ুরবেদা (AIIA)গী ৮শুবা ফাউন্দেশন দে সেলেব্রেশনদা শরুক য়াখ্রে অমসুং AIIA কেমপসতা চৎখি। দিল্লীগী লেফ্তনেন্ত গোবর্নর, শ্রী ভিনয় কুমার সক্সেনা; আয়ুশ মন্ত্রালয়গী কেন্দ্রগী রাজ্য মন্ত্রী (‌ইন্দিপেন্দেন্ত চার্জ)না থৌরম অদুদা আয়ুশ মন্ত্রালয়দগী সেনিয়র ওফিসিয়েলশিং অমসুং AIIAগী সেনিয়র ফেকলতী মেম্বরশিংগা লোইননা শরুক য়াখি।

ভারতকী রাস্ত্রপতিনাআয়ুশ ওশধি ফার্মসী প্রোগ্রাম হৌদোকপা অমসুং শাশ্বত আয়ুশ এক্সপো হৌদোকপা অদুনা ফাউন্দেশন দে সেলেব্রেশনগী অহৌবগী থৌরম ওইখি। ফার্মসী অসিনা মীপুম খুদিংমক্তা অফবা মখলগী আয়ুরবেদিক্কী হিদাক-লাংথকশিং ফংহন্দুনা আয়ুরবেদাগী খুত্থাংদা হেল্থকিয়র দেলিভরী ফগৎহন্নবগী পান্দম থম্লি।

থৌরম অদুদা ভারতকী রাস্ত্রপতিনা ৱাংআ ঙাংলদুনা হায়খি, “আয়ুরবেদা অসি মালেম অসিদা খ্বাইদগী লিরবা হোলিস্তিক ওইবা মেদিকেল সিস্তেম অমনি। মসিনা কোক, হকচাং, অমসুং থৱাইগী মরক্তা অমত্তা ওইবগী ৱাখল্লোন অসিদা মরু ওইবা থম্মি। আয়ুর্বেদা মেদিকেল সিস্তেম অসি ঐখোয়গী পারি-পুরিনা থম্বীরম্বা ললনি অমসুং আয়ুশ মন্ত্রালয়না মসিগী হেরিতেজ অসিবু অশেংবা মেদিকেল সিস্তেম অমা ওইনা থম্নবা হোৎনরি। ঐনা খঙলকপদা ২০২৪দা মসি হৌদোকখিবদগী হৌখিবা চহি ১০ অসিদা, আয়ুশ মন্ত্রালয়না ত্রেদিস্নেল মেদিকেল সিস্তেমবু মেনস্ত্রীমদা পুরক্নবা হায়দুনা লেপ্তনা কন্না হোৎনরকখি। এজুকেশন, রিসর্চ, হিদাক-লাংথকশিংগী ক্বালিতী কন্ত্রোল, হিদাক-লাংথকশিং অমসুং মীয়ামগী হকশেলগী মতাংদা আয়ুশ মন্ত্রালয়না মরু ওইবা অহোংবা কয়া অমা পুরকখ্রে।”

মসি হেক শঙ্গাখিবদগী চহি ৫গী য়াম্না তেল্লবা মতম অসিদা, AIIA গোৱা অসি ইনস্তিত্যুত অসিগী য়াম্না অচৌবা মাইপাকপা অমা ওইখ্রে, মসিনা ঙসিদি ত্রেদিস্নেল মেদিকেল ভেল্যু ত্রাভেল অমসুং মেদিকেল হেল্থ তুরিজমগী অচৌবা সেন্তর অমা ওইরক্লি।

ঙসি ইনস্তিত্যুত অসিদা থবক তৌবা উরগা, ঐহাক্না থাজৈ মদুদি ঐখোয় ময়াম পুম্নমক্না অমত্তা ওইনা হোৎনদুনা, আয়ুরবেদাগুম্বা ঐখোয়গী হেরিতেজ অসিবু ঐখোয়গী ইবোকশিংগী প্রেস্ক্রিপ্সনশিং অদুগা লোইননা পুখৎপা য়ারগনি অমসুং খুদম চাংদমদা য়ুমফম ওইরগা অমসুং সাইন্তিফিক এপ্রোচকী খুত্থাংদা মালেম শিনথুংনা মশক খঙহনবা য়ারগনি। ঐঙোন্দা হারকখ্রে মদুদি হন্দক্কী চহি অসিগী আয়ুরবেদাগী নুমিৎকী থীম  অসি- আয়ুর্বেদা ইন্নোভেশন ফোর গ্লোবল হেল্থ ওইগনি, মসিমক য়াম্না মতম চাই অমসুং ঐহাক্না আশা তৌরি মদুদি মসিগী খুত্থাংদা আয়ুরবেদানা মীয়ামদা য়াম্না লাইনা য়ৌহনবা ঙম্লগনি। ঐহাক্না মসিগীদমক্তা আয়ুশ মন্ত্রালয়দা মাইপাকপা ওইরসনু হায়না য়াইফ-পাউজেল পীরি।

দিল্লীগী লেফ্তনেন্ত গোবর্নর, শ্রী ভিনয় কুমার সক্সেনানা হায়খি, “করিগুম্বা ঐখোয়না তুংলোমদা য়েংলবদি, ২০১৪দা মসিনা হেক হৌদোকখিবদগী, AIIAনা মালেম শিনথুংনা হেলথকিয়র সিস্তেমদা অনৌবা আশা অমা পুরক্লি। হৌজিক ফাওবগী খোংচৎ অসিদা য়েংবা মতমদা, ঐহাক্না মরু ওইনা নুংঙাইবদি কম্যুনিতীগী হেল্থতা AIIAনা পুরক্লিবা অহোংবশিং অদুবুনি, মসিদা তোঙান-তোঙানবা স্পেসিয়েলিতীশিংদা বেনিফিসরী লাখ ২৮গী মথক্তা হেল্থ সর্বিসশিং পীখ্রে।

আয়ুশ মন্ত্রালয়গী কেদ্রগী রাজ্য মন্ত্রী (ইন্দিপেন্দেন্ত চার্জ), শ্রী প্রাতাপরাও জাধবনা হায়খি, “প্রধান মন্ত্রী শ্রী নরেন্দ্র মোদীনা হন্দক্তা মথংগী চহি মঙা অসিদা লৈবাক অসিদা অনৌবা আয়ুর্বেদা ইনস্তিত্যুত ১০ লিংখৎলগনি হায়না লাওথোকখ্রে।

শ্রী প্রতাপরাওনা মখা তারকখি মদুদি ‘ভারতকী রাস্ত্রপতিনা ঐখোয়গী ইনস্তিত্যুত, ওল ইন্দিয়া ইনস্তিত্যুত ওফ আয়ুরবেদাদা লাকপা অসি আয়ুশ মন্ত্রালয়গীদমক্তদি ঙসি অসি পুৱারি ওইরবা নুমিৎনি। আয়ুরবেদা অসি য়াম্না লিরবা মেদিকেল সিস্তেম অমনি অমসুং মসিনা য়াম্না য়াংনা মালেম অসিদা মীয়াম্না য়াম্না পাম্নবা অমা ওইরক্লি। মন্ত্রী অসিনা হায়খি মদুদি আয়ুশ মন্ত্রালয় অসিনা খুঙ্গংগী লমশিংদা অফবা অমসুং অহোংবা মমলদা আয়ুরভেদিক্কী হিদাক-লাংথকশিং পীনবা “আয়ুশ ওশধি কেন্দ্র” হৌদোকখ্রে।

হৌখিবা চহি তরেত অসিদা, AIIAনা ত্রেদিস্নেল মেদিসিন ইন্তিগ্রেত তৌবদা অমসুং প্রোমোত তৌবদা য়াম্না শিংথানিংঙাই ওইবা মওংদা অচৌবা মাইপাকপা অমা পুরকপা ঙমখি। AIIAনা মখোয়গী স্পেসিয়েলিতী ক্লিনিক ৪৪গী খুত্থাংদা পেসেন্ত লাখ ২৭ হেন্না লাইয়েংখ্রে, মসিনা লৈবাক অসি শিনথুংনা অফবা মখলগী আয়ুরভেদিক্কী হেল্থকিয়র পীনবগী ফিরেপ অদুব অমুক্কশু হেন্না কনখৎহল্লে।

নেস্নেল অমসুং ইন্তরনেস্নেল মেমোরেন্দম ওফ অন্দরস্তেন্দিং (MoU) পুন্না ৭৩ খুৎয়েক পীনখ্রে, মসিনা আয়ুরবেদাগী লমদা AIIAগী গ্লোবল অমসুং দোমেস্তিক কোলাবোরেশনশিং অদুবু অমুক্কশু হেন্না কনখৎহল্লে।

আয়ুরবেদানা মশাগী ফজরবা হেরিতেজ অমসুং হকশেলগী মতাংদা লৌরিবা হোলিস্তিক ওইবা খোংথাং অসিগা লোইননা ফিজিকেল, মেন্তেল অমসুং ইমোস্নেল ৱেল-বিং ফংবা ঙম্নবগী য়াম্না মমল য়াম্লবা ৱাখল-লৌশিংশিং পীরি। অকোইবদা লৈরিবা ফিভমশিং ফৎলক্তবনা মরম ওইরগা মায়োক্নরিবা শিংনবশিং অসিদা, আয়ুরবেদানা কনাগুম্বা মীওই অমগী হকশেল ফগৎহনবদা নত্তনা ঐখোয়গী য়াইফ-থৌরাংবুশু য়োকখৎপীরি।

****