প্রধান মন্ত্রী, শ্রী নরেন্দ্র মোদীনা ঙসি ভিদিও কন্ফরেন্সিংগী খুত্থাঙদা মহারাস্ত্রদা লুপা করোর ৭৬০০ হেন্বগী তোঙান তোঙানবা চাওখৎ থৌরাংগী প্রোজেক্ত কয়া উরেপ উয়ুং তমখ্রে‍। ভারতকী নহাশিবু লৈবাক্কী অমসুং মালেমগী খুদোংচাবশিংগীদমক এমপ্লোইএবিলিতী হেনগৎহন্নবগী মায়কৈদা থাংজিন্বা মশক থোকপা খোঙথাং অমদা, হায়রিবা প্রোজেক্তশিং অসিগী মনুং চন্না, সর্ভিস অমসুং মেনুফেকচরিং সেক্তর অনিমক্তা লোয়ননা ঊনৌনা থোরক্লিবা অতৈ বিজিনেসশিংদা মথৌ তাগদবা ফেক্তরী ওতোমেসন, দিজিতেল মেনুফেকচরিং, মেকানোত্রিক্স, অর্তিফিসিএল ইন্তলিজেন্স, দেতা এনালাইতিক্স, অমসুং এদিতিব মেনুফেকচরিং য়াওনা ত্রেদ মখল কয়াদা কত্তিং-এদ্জ তেক্নোলোজী শীজিন্নদুনা হকথেংননা ত্রেনিং পীদুনা ইন্দস্ত্রী ৪.০গী ইন্দস্ত্রী-রেদী ৱর্কফোর্স শেমগৎনবা পান্দমদা প্রধান মন্ত্রীনা মুম্বাইদা ইন্দিয়ন ইন্সতিত্যুৎ ওফ স্কিল্স (IIS) শঙ্গাখ্রে‍।

পব্লিক—প্রাইভেত পার্ত্নরসিপ (PPP) মোদেলদা লিংখৎলিবা ইন্সতিত্যুৎ অসি ভারত লৈঙাক্কী স্কিল দিভেলপমেন্ত এন্দ ওন্ত্রপ্রিন্যুরসিপ মন্ত্রালয় অমসুং তাতা IIS (তাতা ত্রস্তকী মখাদা লৈবা সেক্সন ৮ কম্পেনী) অনিগী মরক্তা লৈববা কোলাবোরেসন অমনি‍।

প্রধান মন্ত্রীনা মালেম অসিনা থাজবনা থন্বা মহাশিং লৈবা লৈবাক খক্তদা থাজবা থম্মি‍। ঙসিগী নহাশিংগী থাজবা অসিনা লৈবাকসিগী অনৌবা তুংলমচৎ অমগী ৱারী ইরি হায়না মহাক্না হায়খি অমসুং মালেমগী কম্ম্যুনিতীনা ভারতপু মালেম পুম্বদা মহৈ মশিং, স্কিলিং, হেল্থকেয়র অমসুং সোফ্তৱেয়র দিভেলপমেন্তকী লমদা অচৌবা খুদোংচাবশিং লৈবা হ্যুমেন রিসোর্সকী মশক নাইবা মফম অমা ওইনা উনরি‍ হায়না ফোঙদোকখি‍। হায়রিবা খুদোংচাবশিং অসিগীদমক ভারতকী নহাশিংবু শেম শাননবা, লৈঙাক অসিনা মখোয়গী স্কিলশিংবু মালেমগী স্তেন্দর্দকা চুনহল্লি হায়বা ৱাফম প্রধান মন্ত্রীনা থমখি‍।

IIS মুম্বাই শঙ্গাবদা মঙোন্দা ফাওরিবা নুংঙাইবা ফোঙদোক্লদুনা, ভারত লৈঙাক্কী স্কিল দিভেলপমেন্ত অমসুং ওন্ত্রপ্রিন্যুরসিপ মন্ত্রালয়গী ইকায়খুম্নরবা রাজ্য মন্ত্রী (ইন্দিপেন্দেন্ত চার্জ) অমসুং এজুকেসন মন্ত্রালয়গী রাজ্য মন্ত্রী, শ্রী জয়ন্ত চৌধরীনা “IIS গুম্বা ইন্সতিত্যুসনশিং অসি ভারতপু ‘মালেমগী স্কিল কেপিতেল’ ওইহন্নবা ইকায়খুম্নরবা প্রধান মন্ত্রীগী মঙলান মঙফাওনহন্নবা তুংগীদমক শেম শারবা ৱর্কফোর্স অমা শেম্বদা য়াম্না মরুওই‍। ঐখোয়গী নহাশিংগী মফমদা কত্তিং-এদ্জ এক্সপর্তিজ ফংহন্দুনা, ইন্সতিত্যুৎ অসিনা ভারত মনুংদা খুদোংচাবশিংগী থোঙ লাউনা হাংদোকপখক নত্তনা মালেমগী কৈথেলদসু চাংদম্নবা ঙম্নবা অমসুং মীথোয় মীহেন্বা ওইরক্নবা মফম শেম্বিরি,” হায়না ফোঙদোকখি‍।

মুম্বাইগী চুনাভাত্তিদা লৈবা নেস্নেল স্কিল ত্রেনিং ইন্সতিত্যুৎ (NSTI)গী কেম্পস মনুংদা একর ৪ পাক চাউনা শাগৎলবা IIS অসি কত্তিং-এদ্জ তেক্নোলোজীগা লোয়ননা হকথেংননা ত্রেনিং পীদুনা ইন্দস্ত্রীগীদমক শেম শারবা ৱর্কফোর্স শেমগৎনবা লিংখৎখিবনি‍। IIS মুম্বাইনা ফেক্তরী ওতোমেসন, দিজিতেল মেনুফেকচরিং, মেকাত্রোনিক্স, অর্তিফিসিএল ইন্তলিজেন্স, দেতা এনালাইতিক্স, অমসুং এদিতিব মেনুফেকচরিংনচিংবা মরুওইবা সেক্তরশিংদা অখন্নবা ত্রেনিং পীগনি‍।

ইন্সতিত্যুৎ অসিনা হৌরকপগী ওইনা: এদভান্স ইন্দস্ত্রিএল ওতোমেসন এন্দ রোবোতিক্স, ইন্দস্ত্রিএল ওতোমেসন ফন্দামেন্তেল্স, এদভান্স ARC ৱেল্দিং তেক্নিক্স, এদিতিব মেনুফেকচরিং, ইলেক্ত্রিক ভেহিকল বেত্তরী স্পিসিএলিস্ত, অমসুং 2&3 হ্বীলর EV তেক্নিক্সিয়ন হায়রিবা অখন্নবা কোর্স তরুক অসি হৌদোক্কনি‍। ইন্সতিত্যুৎ অসিনা অথুবা মতমদা, কেন্দিদেতশিংগী তমশিনবগী এক্সপিরিএন্স হেনগৎহন্নবা হোস্তেল ফেসিলিতীশিংসু ফংহনগনি‍।

"ঐখোয়গী নহাশিংদা এদভান্স তেক্নিকেল স্কিলশিং অমসুং হেন্দ্স-ওন ত্রেনিং ফংহন্দুনা, ঐখোয়না ভারতপু মালেমগী স্কিল দিভেলপমেন্তকী মাঙদা থম্লি‍। থৌশিল অসি ত্রেনিং পীবখক্কী ৱাফম নত্তে; মসি লৈবাক পুম্বদগী হৈথোই শিংথোইবা নহাশিংগীদমক মীথোয় মীহেন্বা ওইরক্নবখক্কী নত্তনা ভারতকী শেন্মিৎলোন অমসুং তেক্নোলোজীগী খোঙজেললদা মরুওইবা থৌদাং লৌরক্নবগী লম্বী শেম্বিবনি‍। ঐখোয়গী স্কিলিং ফ্রেমৱর্কশিং অসি মতমগা চুনবা ওইহনব খক নত্তনা অশান্বা মীৎয়েঙদা ইচঙ থৌবা, গ্লোবেলাইজ শেন্মিৎলোনগী থুনা মশক হোংলিবা দিমান্দশিং পীবা ঙমগদবা তুংলমচৎকীদমক শেম শারবা ৱর্কফোর্স শেম শানবা কত্তিং-এদ্জ ইন্দস্ত্রীশিংগা স্ত্রেতেজিক ওইপা পার্ত্নরসিপ ঐখোয়না শেম্লি,” হায়না শ্রী চৌধরীনা মখা তাখি‍।

মহারাস্ত্র লৈঙাক্কী স্কিল, এমপ্লোইমেন্ত, ওন্ত্রপ্রিন্যুরসিপ এন্দ ইনোভেসন মন্ত্রী, মঙ্গল প্রভাত লোধানা হায়খিবদা, “ঙসি হাংদোক্লিবা IIS সেন্তর অসি মালেম পুম্বদগী মীয়ামগী পুক্নিং চিংশিনগদবা স্তেত-ওফ-তি-আর্ত ফেসিলিতী অমা ওইরগনি‍। তাতা গ্রুপ হায়বসি থাজবা অমসুং চাওখৎপগা চাংদম্নরিবনি‍। মসি লূপ অসিগা মরী থম্নরিবা কেন্দিদেত খুদিংমক্কী থবক তৌনবা অমসুং তমশিন্নবা তাঞ্জা অমনি‍। প্রধান মন্ত্রীনা থৌরম কয়াদা অপস্কিলিংদা মরুওইবা মীৎয়েঙ থম্নবা ৱাফম ফোঙদোকখি অমসুং হৌজিক পায়খৎলিবা অমসুং তুংদা পায়খৎলক্কদবা থৌশিলশিংগী মথৌ তাবা বজেৎ পীবিরি‍।”

ইন্সতিত্যুৎ অসিনা হৌরকপগী ওইনা মালেমগী অমসুং ভারতকী ওরিজিনেল ইকুইপমেন্ত মেনুফেকচররর (OEMs) ১৫ হেনবগা খুৎশম্নদুনা এদভান্স লেবোরেতরীশিং শেমগত্তুনা, মহৈরোয়শিংদা তশেং তশেংবা ইন্দস্ত্রীগী খুৎশু খুৎলায়শিং শীজিন্নদুনা অতাবা মমলদা প্রাক্তিকেল এক্সপিরিএন্স ফংহনগনি‍। ত্রেনিং অসি লোইরবা মতুংদা, মখোয়শিং অসি EV মেনুফেকচরর, AI, অমসুং রোবোতিক্সনচিংবা নিউ-এজ ইন্দস্ত্রীশিংনা লৌশিন্বা য়াবা ফীভমদা লৈরগনি‍।

মসিনা পীরিবা মচং ওইবা কোর্সশিং অসিগী মথক্তা, IIS না ইন্দস্ত্রী পার্ত্নরশিংগা খুৎশম্নরগা অতেন্বা মতমগী কোর্সশিং, খুদম ওইনা ফনুক ইন্দিয়াগা পুল্লগা ইন্দস্ত্রিএল রোবোতিক্স, SMC ইন্দিয়াগা পুল্লগা ইন্দস্ত্রিএল ওতোমেসন, অমসুং তাজ স্কাইলাইনগা পুল্লগা কলিনরী অমসুং কোর হাউসকীপ্পিং কোর্সশিং ফংহনগনি‍। ভোকেস্নেল ত্রেনিং অমসুং অচৌবা ইন্দস্ত্রীগী লৈনরিবা মরীগী লমদা চঙশিল্লিবা ইনোভেতিব ওইবা লম্বী অসিদা লোয়ননা, তাতা IIS মুম্বাইনা ভারত্তা স্কিল দিভেলপমেন্তকী মকোক থোংবা ইন্সতিত্যুসন অমা ওইরক্কদৌরি‍।

“ভারতকী চাউখৎলক্লিবা শেন্মিৎলোন অসিনা প্রদক্তিবিতী, ইকনমিক গ্রোথ, নুংঙাই য়াইফবা, অমসুং নেস্নেল দিভেলপমেন্ত খুমাঙ চাওশিলহনবা ঙমগদবা হৈ-শিংবা, খাঙবা কন্বা ৱর্কফোর্স অমগী দিমান্দ অসুম হেনগৎলক্লি‍। ঐখোয়গী নহাশিংগী মফমদা কান্নরবা স্কিলশিং ফংহন্দুনা, ঐখোয়না মখোয়বু নীংতম্বা অমসুং ইকায়খুম্নবগী পুন্সি অমা হিংনবা মপাঙ্গল হাপ্পিবা ঙমগনি অমসুং মখোয়বু ঙসিগী ইন্দস্ত্রীগী হোংলক্লিবা মথৌ তাবশিং তান্নবা ফংনবা শেম্বিবা ঙমগনি‍। ইন্দিয়ন ইন্সতিত্যুৎ ওফ স্কিল্স, মুম্বাইনা, মাগী মালেমগী থাক্কী ফেসিলিতীশিংগা লোয়ননা, লৈবাক্কী শিংনবশিং থেংননবা ইচঙ থৌবা খোঙথাং লৌখৎনবা অমসুং নহাশিংবু এমপ্লোইমেন্ত অমসুং এন্তরপ্রাইজকী মায়কৈদা পুশিল্লকপদা মতেঙ পাংনবা তাতা গ্রুপকী মঙলানগী খুদম চাংদম অমা ওইরি,” হায়না তাতা ইন্দিয়ন ইন্সতিত্যুৎ ওফ স্কিল্সকী চেয়রমেন শ্রী ভেনু স্রিনিভাসন্ননা হায়খি‍।

থৌরম অদুদা শ্রী অতুল কুমার তিৱারি, সেক্রেতরী, স্কিল দিভেলপমেন্ত এন্দ ওন্ত্রপ্রিন্যুরসিপ মন্ত্রালয় (MSDE), অমসুং শ্রী মিলমভুজ শরন, সিনিয়র ইকনমিক এদভাইজর, MSDE য়াওনা মরুওইবা মীওই কয়ানা শরুক য়াখি‍। শ্রী ভেনু স্রিনিভাসন, তাতা IISকী চেয়রমেন, শ্রী সিদ্ধার্থ শর্ম, তাতা ত্রস্তকী CEO, শ্রী সব্যাসচি দাস, তাতা IISকী CEO, শ্রী গিরিস কৃষ্ণমুর্থী, তাতা MDগী CEO য়াওনা তাতা ত্রস্ত অমসুং তাতা কম্পেনীশিংগী মরুওইবা মীওই কয়াসু শরুক য়াখি‍। মখোয়গী মথক্তা, শ্রী ঐচ এন স্রিনিভাস, তাতা IISকী সিনিয়র এদভাইজর, লোয়ননা সিনিয়র দিগ্নিতরীশিং, তাতা IISকী ফেকল্তী মেম্বরশিং, অমসুং ত্রেনীশিংসু ভারতকী স্কিল দিভেলপমেন্ততা অওন্বা লাকপগী পন্দোল নাইবা মীৎকুপ অদুবু হরাও তয়াম্না পাঙথোক্নবা শরুক য়াখি‍।

****