কেন্দ্রগী রোদ ত্রান্সপোর্ত অমসুং হাইৱেজকী মন্ত্রী, শ্রী নিতিন গদকরিনা রোদ ত্রান্সপোর্ত অমসুং হাইৱেজকী রাজ্য মন্ত্রী, শ্রী অজয় তাম্তাগা লোইননা নেস্নেল হাইৱেশিংদা চত্থোক-চৎশিন তৌবদা হেন্না কোম্নবা অমসুং ৱেসাইদ এমেনিতীশিংগী দেবেলপমেন্ত হেন্না য়াংশিনহন্নবা ঙসি নই দিল্লীদা ‘হমসফর পোলিসী হৌদোকখ্রে।’

হৌদোকপা থৌরম অদুদা ৱাং ঙাংবা মতমদা, কেন্দ্রগী রোদ ত্রান্সপোর্ত অমসুং হাইৱেজকী মন্ত্রী, শ্রী নিতিন গদকরিনা হায়খি মদুদি মসিগী অনৌবা থৌরাং অসিদগী লমদম অসিগী খুনাই অসিদা খ্বাইদগী হেন্না শোত্থরবা কাংলুপশিংদা কান্নহল্লগনি। মসিগী স্কীম অসিনা হাইৱেদা চত্থো-চৎশিন তৌরিবশিংগীদমক্তা য়াম্না কোম্ন, অসোই-অঙাম য়াওদনা অমসুং নুংঙাইনা চত্থোক-চৎশিন তৌহনবদা মতেং পাংলগনি। মসি এনভাইরনমেন্ত ফ্রেনলী ওইগনি অমসুং ইকোলোজী অমসুং লু-নানবদা মিৎয়েং থমদুনা শেমখিবনি। মসিগী পোলিসী অসি শেম্বা মতমদা ৱাতর কঞ্জার্ভেশন, সোইল কঞ্জারভেশন, ৱেস্ত রিসাইক্লিং, সোলার ইনর্জীনচিংবশিংগী মতাংদশু নিংথিনা খন্থরবা মতুংদা শেমখি হায়নশু মহাক্না হায়খি।

কেন্দ্রগী মন্ত্রী, শ্রী নিতিন গদকরিনা মন্ত্রালয় অসিগী ওফিসিয়েলশিংদা মসিগী পোলিসী অসিগী খুত্থাংদা পেসেঞ্জরশিংদা অফবা সর্বিস পীনবা হায়খি। অতোপ্পা এমেনেতশিংগী মতাংদা নিংথিনা খন্থরবা মতুং NHAIগী মশিং য়াম্লবা গ্রীন হাইৱে কয়া অমা থৌরাং তৌরি হায়না মহাক্না মখা তাখি।

মহাক্না NHশিংদা লৈরিবা পেত্রোল পম্পকী মপুংশিংদা চৎনা পথাপকী মতুং ইন্না পেত্রোল পম্পতা তঙাইফদনা মথৌতাবা এমেনিতীশিং থম্নবা হায়খ্রে। মহাক্না পোলিসী অসিগী মখাদা ফুদ কোর্ত, কেফিতেরিয়া, থাও হানফম স্তেসন, ইলেক্ত্রিক গারি চার্জ তৌফম স্তেসন, পার্কিং তৌফম, তোইলেত ফেসিলিতী, বেবী কিয়র রুম, ATM, গারি শেমফম দুকান, ফার্মসী সর্বিসশিংনা NH শিজিন্নরিবশিংগীদমক্তা হেন্না নুংঙাইবা এক্সপরিয়েন্স অমা ফংহল্লগনি হায়নশু হায়খি।

থৌরম অদুদা ৱা ঙাংলদুনা, রোদ ত্রান্সপোর্ত অমসুং হাইৱেজকী রাজ্য মন্ত্রী, শ্রী অজয় তাম্তানা হায়খি মদুদি শ্রী নিতিন গদকরিগী লুচিং লমজিং-লমতাক মখাদা, নেস্নেল হাইৱেকি.মি. লাখ ১.৫ শেমখ্রে। প্রধান মন্ত্রীগী ভিজন অমসুং কেন্দ্রগী রোদ ত্রান্সপোর্ত অমসুং হাইৱেজকী মন্ত্রীগী লমজিং-লমতাক্না খুদোংচাদবা কয়া থেংনরবশু লৈবাক অসিগী ইনফ্রাস্ত্রকচরগী মাইওন হোংলক্লি হায়না মহাক্না মখা তারকখি।

থৌরম অসিদা, কেন্দ্রগী মন্ত্রী, শ্রী নিতিন গদকরি অমসুং MoS, শ্রী অজয় তাম্তানা থীম অসিগী মতাংদা উৎথোক্লিবা একজিবিশন অদুদশু চৎখি।

পোলিশি অসিনা নেস্নেল হাইৱেশিং অমসুং এক্সপ্রেসৱেশিংদা হৌজিক হৌজিক লৈরিবা অমসুং নৌনা থোরক্লিবা সর্বিস প্রোভাইদরশিং অনিমক মসিদা শরুক য়াহন্দুনা হাইৱেশিংদা চত্থোক-চৎশিন তৌরিবশিংদা স্তেন্দার্দ লৈবা, নিংথিনা থম্বা অমসুং হাইজিনিক ওইবা ফেসিলিতী ফংহন্নবা য়াম্না কমপ্রেহেন্সিব ওইবা ফ্রেমৱার্ক অমা পীনবগী পান্দম থম্লি। ঈতরীশিং, ফ্যুএল স্তেসন অমসুং ত্রাউমা সেন্তরশিংগী কাংলুপ অসিগী মখাদা লৈবা হান্নদগী লৈরিবা অমসুং নৌনা থোরক্লিবা সর্বিস প্রোভাইদরশিংনা হমসফর পোলিসীগী মখাদা রেজিস্তর তৌবা য়াগনি। পোলিসী অসিনা স্তেকহোল্দর পুম্নকপু কান্নহন্নবা পান্দম থম্লি। রেজিস্তর তৌরবা সর্বিস প্রোভাইদরশিংনা হান্নদগী লৈরিবা এক্সেস পর্মিসনগী রিন্যুৱলদা মখোয়গী ফীশিং থিদ্রশু য়াবগী খুদোংচাবা ফংগনি অমসুং মখোয়গী এস্তাব্লিসমেন্তশিং অদু হেন্না ফজনা উবা ফংনবা সাইনবোর্দশিং খিন্নবগীদমক্তা নেস্নেল হাইৱেশিংদা স্পেস পীররগনি। মসিগী মথক্তা সর্বিস প্রোভাইদরশিং অদুবু ওনলাইনদা হেন্না উবা ফংনবা ‘রাজমার্গ য়াত্রা’, মোবাইল এপতা য়াওহল্লগনি।

‘হমসফর’ পোলিসী অসিনা চত্থোক-চৎশিন তৌরিবশিংদা স্তেন্দা্রদ লৈবা অমসুং নিথিনা থম্বা অমসুং হাইজিনিক ওইবা ফেসিলিতীশিংশু ফংহল্লগনি। চত্থোক-চৎশিন তৌরিবশিং অদুনা মখোয়গী মফম অদুগী মনাক নকপদা লৈবা মরু ওইবা সর্বিস প্রোভাইদরশিংগী অকুপ্পা মরোলশিং অদু ‘রাকমার্গ য়াত্রা’ এপ্তা খুদক্তা ফংগনি। মসিগী এপ অসিনা চত্থোক-চৎশিন তৌরিবশিং অদুদা মখোয়না থেংনরকপা অৱাবশিং রিপোর্ত তৌনবা অমসুং পীরকখিবা সর্বিসশিং অমসুং ফেসিলিতীশিং অদুগী মতাংদা রেত তৌবা য়াহনগনি।  রেজিস্তর তৌরবা সর্বিস প্রোভাইদরশিংনা মখোয়গী এভেরেজ রেতিং অদু ৩ নত্রগা মদুদগী হেন্না থম্বা ঙম্লবদি এক্সেস পর্মিসনগী রিন্যুৱল ফীশিং থিদ্রশু য়াবগী খুদোংচাবা ফংগনি।

পোলিসী অসিনা চত্থোক-চৎশিন তৌরিবশিংদা ফেসিলিতীশিংগী স্তেন্সদার্দ ঙাক্না চৎপা অমসুং অফবা মখলগী সর্বিসশিং ফংহন্নবগীদমক্তা রেজিস্তর তৌরবা সর্বিস প্রোভাইদরশিংগী ‘মোনিতরিং অমসুং ইনস্পেক্সন’গীদমক্তা য়াম্না চেকশিনবা প্রোভিজনশিংশু লৈগনি। ওথোরিতীনা খল্লবা থার্দ-পার্তী এজেন্সী অমনা য়াম্না তোইনা ইনস্পেক্সনশিং চত্থগনি। সর্বিস প্রোভাইদরশিংগী রেতিংশিংগ এভরেজ অদু স্তার ৩দগী তানা লৈরবদি মখোয়দা ইমেল/ SMS এলর্তশিং থারগনি অমসুং অসিগুম্বা স্কোর নেম্বা ফেসিলিতীশিং অদুদা অমুক্কশু হেন্না তোইনা ইনস্পেক্সনশিং তৌরগনি।

‘হমসফর পোলিসী’ অসিনা চত্থোক-চৎশিন তৌরিবশিংদা অফবা মখলগী ফেসিলিতীশিংগী স্তেন্দার্দ হেনগৎহন্দুনা অমসুং নেস্নেল হাইৱে শিজিন্নরিবশিংগী ত্রাভেল এক্সপরিয়েন্স ফগৎহন্দুনা নেস্নেল হাইৱেশিংদা মালেমগী থাক্তা লৈবা সর্বিসশিং থম্বদা য়াম্না শাংবা খোংচৎ অমা চৎখিগদৌরি।   

থৌরম অদুদা মন্ত্রালয়গী দাইরেক্তর জেনরেল অমসুং স্পেসিয়েল সেক্রেতরী, শ্রী দি. সারঙ্গি, NHAIগী চিয়রমেন, শ্রী সন্তোশ কুমার য়াদব অমসুং মন্ত্রালয় অমসুং NHAIগী সেনিয়র ওফিসরশিং, NHLML না ৱেসাইদ এমেনিতীজ দেবেলপরশিং, হোসপিতেলিতী কমপনীশিং, ওইল মার্কেতিং কমপনীশিং, EV চার্জিং কমপনীশিং, কন্সলতেন্তশিং অমসুং একাদেমিসিয়নশিংগী মীহুৎশিংগা লোইননা শরুক য়াখি।

মপুং ফাবা পোলিসী অদু মকাগী অসিদা পাবা য়াগনি:-

https://static.pib.gov.in/WriteReadData/specificdocs/documents/2024/oct/doc2024108411501.pdf

*****