অবু ধাবি, য়ু.এ.ই.দা ফেব্রুৱারী ১৩, ২০২৪দা রিপব্লিক ওব ইন্দিয়াগী সরকার অমসুং য়ুনাইতেদ অরাব ইমিরেৎ (য়ু.এ.ই.) সরকার অনিগী মরক্তা খুৎয়েক পীনখিবা বাইলেতরেল ইনভেস্তমেন্ত ত্রিতী (বিট) ওগস্ত ৩১, ২০২৪ দগী চৎনবা হৌখি। য়ু.এ.ই.গা লোইননা বিট চৎনবা হৌখিবনা লৈবাক অনিগী ইনভেস্তরশিংদা ইনভেস্তমেন্ত প্রোতেক্সন পীবীরি, হান্না দিসেম্বর ২০১৩দা ভারত অমসুং য়ু.এ.ই.গী মরক্তা খুৎয়েক পীনরকপা বাইলেতরেল ইনভেস্তমেন্ত প্রোমোসন এন্দ প্রোতেক্সন এগ্রীমেন্ত (বিপ্পা) অদু সেপ্তেম্বর ১২, ২০২৪দা মতম লোইখি।

য়ু.এ.ই.না ভারত্তা লাকপা অপুনবা ফোরেন ইনভেস্তমেন্ত (এফ.দি.আই.)গী শেয়র ৩% ওইদুনা খ্বাইদগী চাউবা তরেৎশুবা ওইরি, ২০০০ এপ্রিল-জুন ২০২৪ ফাওবদা চারাক্না বিলিয়ন $১৯ গী অপুনবা ইনভেস্তমেন্ত লাকখি। ভারতনা এপ্রিল ২০০০-ওগস্ত ২০২৪ ফাওবদা বিলিয়ন $১৫.২৬ কী থাক য়ৌনবা য়ু.এ.ই.দা ওভর্সিস দাইরেক্ত ইভেস্তমেঙ্কী ৫% তৌরি। ভারত-য়ু.এ.ই. বিট ২০২৪ অসিনা ইনভেস্তরশিংদা নুংঙাইবগী চাং হেনগৎনবা অমসুং থাজবা হেনগৎহনবা ঙম্লগনি। অদুমওইনমক, ইনভেস্তর অমসুং ইনভেস্তমেন্ত প্রোতেক্সন পীরবসু, স্তেতকী রিগুলেত তৌনবগী হক পীবনা মতীক চাবা পোলিসী স্পেস লৈদুনা খল চানা থম্লি।

বিট খুৎয়েক পীনদুনা চৎনবা হৌখিবসিনা লৈবাক অসিনা শেন্মিৎলোনগী মপাং ফগৎহন্নবা অমসুং মতীক চাবা ইনভেস্তমেন্ত এনভাইরোনমেন্ত অমা শেমগৎনবা লেপ্লি হায়বদু তাক্লে। ত্রিতী অসিনা লৈবাক অনিগী মরক্তা ইনভেস্তমেন্ত হেনগৎহনগনি, লল্লোন ইতীকতা কান্নবা পীগনি অমসুং লৈবাক অনিমক্কী শেন্মিৎলোন ফগৎহনগনি।

ভারত-য়ু.এ.ই. বিট ২০২৪গী মরুওইবা ফিচরশিংদিঃ-

১. পোর্তফোলিও ইনভেস্তমেন্ত ফংবগা লোইননা ইনভেস্তমেন্তকী ক্লোজ এসেত বেজ দিফিনিসন পীবা

২. ইনভেস্তমেন্ততা অচুম অরানগী ৱায়েল নাথৈবীদবা, ৱাৎহৌরিবা থৌওংশিং থুগাইবীদবা, অচান মীরাই নাইদবা অমসুং আর্বিত্ররি ওইবা ত্রিৎমেন্ত অমত্তা লৈহন্দবা

৩. তেক্সেসন, লোকেল গবর্নমেন্ত, গবর্নমেন্ত প্রোক্যুরমেন্ত, সবসিদি নৎত্রগা গ্রান্ত, অমসুং কম্পলসরী লাইসেন্সকা মরী লৈনবা খোঙথাংশিং শেম্বা

৪. লোকেল রেমিদীশিংগা চহি ৩গী ওইনা ইনভেস্তর স্তেত দিস্প্যুত সেত্তলমেন্ত (আই.এস.দি.এস.)

৫. জেনরেল এন্দ সেক্যুরিতী এক্সেপ্সন

৬. রাইত তু রিগুলেত ফোর স্তেত

৭. ইনভেস্তমেন্তদুদা শেঞ্জা থুমজা, হুরান চিন্থি, রাউন্দ ত্রিপ্পিং অসিনচিংবা তৌরবদি ইনভেস্তর ক্লেম অমত্তা লৈতবা।

৮. নেসনেল ত্রিত্মেন্তকী প্রোভিজন

৯. ত্রিতী অসিনা এক্সপ্রোপ্রিএসনদগী ইনভেস্তমেন্ততা ঙাকপী শেনবী, মনুং মপান ফাওনা উবা ঙম্মি, মাংবদা ত্রান্সফর অমসুং কম্পেন্সেসন লৈ।

ইন্দিয়া-য়ু.এ.ই. বিট ২০২৪ অসি দিপার্ত্মেন্ত ওব একনোমিক এফিয়র্স, শেলথুম মন্ত্রালয়গী ৱেবসাইত্তগী লৌবা য়াগনি

https://dea.gov.in/sites/default/files/BIT%20MoU%20Engilsh.pdf

*****