ଅର୍ଥମନ୍ତ୍ରୀ ନିର୍ମଳା ସୀତାରମଜୀ, ଇନ୍‌ଷ୍ଟିଚ୍ୟୁଟ୍ ଅଫ୍ ଇକୋନୋମିକ୍ ଗ୍ରୋଥ୍ରର ଅଧ୍ୟକ୍ଷ ଏନ୍ କେ ସିଂହ ଜୀ, କନ୍ କ୍ଲେଭ୍ ରେ ଦେଶ ବିଦେଶରୁ ଆସିଥିବା ଅନ୍ୟ ବିଶିଷ୍ଟ ଅତିଥି ମହିଳା ଏବଂ ଭଦ୍ରବ୍ୟକ୍ତିମାନେ, ।

କୌଟିଲ୍ୟ କନକ୍ଲେଭର ଏହା ହେଉଛି ତୃତୀୟ ସଂସ୍କରଣ । ମୋ ପାଇଁ ଖୁସିର କଥା ଯେ ଆପଣ ସମସ୍ତଙ୍କୁ ମୋତେ ଭେଟିବାର ସୁଯୋଗ ମିଳିଲା । ଆସନ୍ତା ୩ ଦିନ ପର୍ଯ୍ୟନ୍ତ ମଧ୍ୟରେ ଏଠାରେ ବିଭିନ୍ନ ଅର୍ଥନୈତିକ ପ୍ରସଙ୍ଗ ଉପରେ ଆଲୋଚନା ହେବ। ମୋର ବିଶ୍ୱାସ ଯେ ଏହି ଆଲୋଚନା ଭାରତର ଅଭିବୃଦ୍ଧିକୁ ତ୍ୱରାନ୍ୱିତ କରିବାରେ ସହାୟକ ହେବ ।

ସାଥିମାନେ,

ଯେତେବେଳେ ବିଶ୍ୱର ଦୁଇଟି ପ୍ରମୁଖ ଅଞ୍ଚଳ ଯୁଦ୍ଧ ସ୍ଥିତିରେ ଅଛି । ଚଳିତ ଥର ଏହି କନ୍‌କ୍ଲେଭ୍ ଏମିତି ସମୟରେ ଆୟୋଜନ କରାଯାଉଛି, ଏହି ଦୁଇଟି ଅଞ୍ଚଳ ବିଶ୍ୱ ଅର୍ଥନୀତି ପାଇଁ ବିଶେଷ ଶକ୍ତି ନିରାପତ୍ତା ଦୃଷ୍ଟିରୁ ବହୁତ ଗୁରୁତ୍ୱପୂର୍ଣ୍ଣ । ଏଭଳି ଗୁରୁତ୍ୱପୂର୍ଣ୍ଣ ବୈଶ୍ୱିକ ଅନିଶ୍ଚିତତା ମଧ୍ୟରେ ଆମେ ଏଠାରେ ‘ଭାରତୀୟ ଯୁଗ' ବିଷୟରେ ଆଲୋଚନା କରିବା ପାଇଁ ଏକାଠି ହୋଇଛୁ । ଏହା ଦର୍ଶାଉଛି ଯେ ଆଜି ଭାରତ ଉପରେ ବିଶ୍ୱାସ କିଛି ଅଲଗା ରହିଛି.... ଏହା ଦର୍ଶାଉଛି ଯେ ଆଜି ଭାରତର ଆତ୍ମବିଶ୍ୱାସ କିଛି ବିଶେଷ ଅଛି ।

ସାଥିମାନେ,

ଆଜି ଭାରତ, ବିଶ୍ୱର ଦ୍ରୁତ ଅଭିବୃଦ୍ଧିଶୀଳ ଅର୍ଥନୀତି । ଜିଡିପି ଦୃଷ୍ଟିରୁ ଭାରତ ଏବେ ପଞ୍ଚମ ବୃହତ୍ତମ ଅର୍ଥନୀତି। ଗ୍ଲୋବାଲ୍ ଫିନଟେକ୍ ଗ୍ରହଣ ହାର ଦୃଷ୍ଟିରୁ ଆମେ ଏକ ନମ୍ବର ସ୍ଥାନରେ ଅଛୁ। ଆଜି ଆମେ ସ୍ମାର୍ଟଫୋନ୍ ଡାଟା ବ୍ୟବହାରରେ ଏକ ନମ୍ବର ସ୍ଥାନରେ ଅଛୁ। ଆମେ ବିଶ୍ୱରେ ଇଣ୍ଟରନେଟ୍ ବ୍ୟବହାର କ୍ଷେତ୍ରରେ ଦୁଇ ନମ୍ବରରେ ରହିଛୁ । ବିଶ୍ୱର ପ୍ରାୟ ଅଧା ରିୟଲ ଟାଇମ ଡିଜିଟାଲ କାରବାର ଆଜି ଭାରତରେ ହେଉଛି । ଆଜି ଭାରତରେ ବିଶ୍ୱର ତୃତୀୟ ବୃହତ୍ତମ ଷ୍ଟାର୍ଟଅପ୍ ଇକୋସିଷ୍ଟମ ରହିଛି। ଅକ୍ଷୟ ଶକ୍ତି କ୍ଷମତା ଦୃଷ୍ଟିରୁ ଭାରତ ଚତୁର୍ଥ ସ୍ଥାନରେ ରହିଛି। ଉତ୍ପାଦନ କ୍ଷେତ୍ରରେ ଭାରତ ହେଉଛି ଦ୍ୱିତୀୟ ବୃହତ୍ତମ ମୋବାଇଲ ଫୋନ୍ ନିର୍ମାତା। ଦୁଇ ଚକିଆ ଯାନ ଏବଂ ଟ୍ରାକ୍ଟର ଉତ୍ପାଦନରେ ମଧ୍ୟ ଭାରତ ସବୁଠାରୁ ବଡ଼ । ଖାଲି ସେତିକି ନୁହେଁ, ଭାରତ ହେଉଛି ବିଶ୍ୱର ସବୁଠାରୁ କନିଷ୍ଠ ଦେଶ। ବୈଜ୍ଞାନିକ ଓ ଟେକ୍ନିସିଆନଙ୍କ ମଧ୍ୟରେ ଭାରତ ବିଶ୍ୱର ତୃତୀୟ ବୃହତ୍ତମ ସଂସ୍ଥା । ବିଜ୍ଞାନ ହେଉ, ପ୍ରଯୁକ୍ତି ବିଦ୍ୟା ହେଉ କି ଉଦ୍ଭାବନ, ଭାରତ ସ୍ପଷ୍ଟ ଭାବରେ ଏକ ସୁରକ୍ଷିର ସୁନ୍ଦର ସ୍ଥାନରେ ଅଛି ।

ସାଥିମାନେ,

'ସଂସ୍କାର, ପ୍ରଦର୍ଶନ ଓ ରୂପାନ୍ତର'ର ମନ୍ତ୍ରକୁ ଅନୁସରଣ କରି ଆମେ ଦେଶକୁ ଦ୍ରୁତ ଗତିରେ ଆଗେଇ ନେବା ପାଇଁ ନିରନ୍ତର ନିଷ୍ପତ୍ତି ନେଉଛୁ। ଏହି ପ୍ରଭାବ ରେ ଭାରତବାସୀ ୬୦ ବର୍ଷ ପରେ କ୍ରମାଗତ ତୃତୀୟ ଥର ପାଇଁ ସମାନ ସରକାରକୁ ନିର୍ବାଚିତ କରିଛନ୍ତି । ଯେତେବେଳେ ଲୋକଙ୍କ ଜୀବନ ବଦଳିଯାଏ, ସେତେବେଳେ ସେମାନେ ବିଶ୍ୱାସ ହାସଲ କରନ୍ତି ଯେ ଦେଶ ସଠିକ୍ ମାର୍ଗରେ ଗତି କରୁଛି । ଏହି ଭାବନା ଭାରତୀୟ ଜନସାଧାରଣଙ୍କ ଆଦେଶରେ ପ୍ରତିଫଳିତ ହୋଇଛି । ୧୪୦ କୋଟି ନାଗରିକଙ୍କ ବିଶ୍ୱାସ ଏହି ସରକାର ପାଇଁ ଏକ ବଡ଼ ସମ୍ପତ୍ତି । ଆମର ପ୍ରତିବଦ୍ଧତା ରହିଛି ଯେ, ଭାରତକୁ ଏକ ବିକଶିତ ରାଷ୍ଟ୍ରରେ ପରିଣତ କରିବା ପାଇଁ ଆମର ତୃତୀୟ କାର୍ଯ୍ୟକାଳର ପ୍ରଥମ ତିନି ମାସରେ ଆମେ କରିଥିବା କାର୍ଯ୍ୟରେ ଆପଣ ଏହି ପ୍ରତିବଦ୍ଧତା ଦେଖିପାରିବେ । ସାହସିକ ନୀତି ପରିବର୍ତ୍ତନ, ଚାକିରି ଏବଂ ଦକ୍ଷତା ପ୍ରତି ଦୃଢ଼ ପ୍ରତିବଦ୍ଧତା, ସ୍ଥାୟୀ ଅଭିବୃଦ୍ଧି ଏବଂ ଉଦ୍ଭାବନ, ଆଧୁନିକ ଭିତ୍ତିଭୂମି, ଜୀବନର ଗୁଣବତ୍ତା ଏବଂ ଦ୍ରୁତ ଅଭିବୃଦ୍ଧିର ନିରନ୍ତରତା ଉପରେ ଧ୍ୟାନ ଦେବା ଆମର ପ୍ରଥମ ତିନି ମାସର ନୀତିରେ ପ୍ରତିଫଳିତ ହୋଇଛି । ଏହି ସମୟ ମଧ୍ୟରେ ୧୫ ଲକ୍ଷ ଟ୍ରିଲିୟନ ଅର୍ଥାତ୍ ୧୫ ଲକ୍ଷ କୋଟି ଟଙ୍କାର ନିଷ୍ପତ୍ତି ନିଆଯାଇଛି। କେବଳ ଏହି ତିନି ମାସ ମଧ୍ୟରେ ଭାରତରେ ଅନେକ ମେଗା ଭିତ୍ତିଭୂମି ପ୍ରକଳ୍ପର କାର୍ଯ୍ୟ ଆରମ୍ଭ ହୋଇଛି। ଆମେ ସାରା ଦେଶରେ ୧୨ଟି ଶିଳ୍ପ ନୋଡ୍ ସୃଷ୍ଟି କରିବାକୁ ନିଷ୍ପତ୍ତି ନେଇଛୁ। ଏହାବ୍ୟତୀତ ୩ କୋଟି ନୂଆ ଘର ନିର୍ମାଣ କରିବା ପାଇଁ ଆମେ ମଞ୍ଜୁରୀ ଦେଇଛୁ ।

ସାଥିମାନେ,

ଭାରତର ଅଭିବୃଦ୍ଧି କାହାଣୀର ଆଉ ଏକ ଉଲ୍ଲେଖନୀୟ କାରଣ ହେଉଛି ଏହାର ସାମଗ୍ରିକ ଭାବନା । ପୂର୍ବେ ଏହା ଚିନ୍ତା କରାଯାଉଥିଲା ଯେ ଅଭିବୃଦ୍ଧି ସହିତ ଅସମାନତାରେ ମଧ୍ୟ ବୃଦ୍ଧି ଘଟିଥାଏ । କିନ୍ତୁ ଭାରତରେ ଏହାର ବିପରୀତ ଘଟଣା ଘଟୁଛି। ଅଭିବୃଦ୍ଧି ସହିତ ଭାରତରେ ଅନ୍ତର୍ଭୁକ୍ତୀକରଣ ମଧ୍ୟ ହେଉଛି। ଫଳରେ ଗତ ୧୦ ବର୍ଷ ମଧ୍ୟରେ ଦୁଇ ଶହ ୫୦ବିଲିୟନ ଅର୍ଥାତ ୨୫ କୋଟି ଲୋକଙ୍କୁ ଦାରିଦ୍ର‌୍ୟମୁକ୍ତ କରାଯାଇଛି। ଭାରତର ଦ୍ରୁତ ପ୍ରଗତି ସହିତ ଆମେ ସୁନିଶ୍ଚିତ କରୁଛୁ ଯେ ଅସମାନତା ହ୍ରାସ ପାଇବ ଏବଂ ବିକାଶର ସୁଫଳ ସମସ୍ତଙ୍କ ପାଖରେ ପହଞ୍ଚିବ ।

ସାଥିମାନେ

ଆଜି ଭାରତର ଅଭିବୃଦ୍ଧି କୁ ନେଇ ଯେଉଁ ପୂର୍ବାନୁମାନ କରାଯାଉଛି, ତାହାର ବିଶ୍ୱାସ ମଧ୍ୟ ଦର୍ଶାଉଛି ଯେ ଆମେ କେଉଁ ଦିଗକୁ ଯାଉଛୁ । ଆପଣ ଗତ କିଛି ସପ୍ତାହ ଏବଂ ମାସର ଡାଟାରେ ଏହା ଦେଖିପାରିବେ। ଗତ ବର୍ଷ ଆମ ର ଅର୍ଥନୀତି ସମସ୍ତ ପୂର୍ବାନୁମାନ ଠାରୁ ଭଲ ପ୍ରଦର୍ଶନ କରିଥିଲା । ବିଶ୍ୱବ୍ୟାଙ୍କ ହେଉ, ଆଇଏମଏଫ ହେଉ କିମ୍ବା ମୁଡିଜ୍ ସମସ୍ତେ ଭାରତ ପାଇଁ ସେମାନଙ୍କ ପୂର୍ବାନୁମାନକୁ ଉନ୍ନତ କରିଛନ୍ତି। ଏହି ସବୁ ଅନୁଷ୍ଠାନ କହୁଛନ୍ତି ଯେ ବିଶ୍ୱଅନିଶ୍ଚିତତା ସତ୍ତ୍ୱେ ଭାରତ ୭+ ହାରରେ ଅଭିବୃଦ୍ଧି ଜାରି ରଖିବ। ଆମେ ଭାରତୀୟମାନେ ବିଶ୍ୱାସ କରୁଛୁ ଯେ ଆମେ ଏହାଠାରୁ ମଧ୍ୟ ଆହୁରୀ ଭଲ ପ୍ରଦର୍ଶନ କରିବୁ।

ସାଥିମାନେ,

ଭାରତ ଉପରେ ଏହି ବିଶ୍ୱାସ ପଛରେ ପ୍ରମୁଖ କାରଣ ରହିଛି । ମାନୁଫାକ୍ଚରିଂ ହେଉ କି ସର୍ଭିସ ସେକ୍ଟର, ସାରା ବିଶ୍ୱ ଆଜି ଭାରତକୁ ପୁଞ୍ଜିନିବେଶ ପାଇଁ ଏକ ପସନ୍ଦର ସ୍ଥାନ ଗ୍ରହଣ କରୁଛି । ଏହା ଏକ ଯୋଗାଯୋଗ ନୁହେଁ ବରଂ ଗତ ୧୦ ବର୍ଷ ମଧ୍ୟରେ ବଡ଼ ଧରଣର ସଂସ୍କାରର ପରିଣାମ। ଏହି ସଂସ୍କାର ଗୁଡ଼ିକ ଭାରତର ଅର୍ଥନୈତିକ ଭିତ୍ତିଭୂମିକୁ ବଦଳାଇ ଦେଇଛି। ଏହାର ଏକ ଉଦାହରଣ ହେଉଛି ଭାରତର ବ୍ୟାଙ୍କିଙ୍ଗ ସଂସ୍କାର ଯାହା କେବଳ ବ୍ୟାଙ୍କଗୁଡ଼ିକର ଆର୍ôଥକ ସ୍ଥିତିକୁ ସୁଦୃଢ଼ କରିନାହିଁ ବରଂ ସେମାନଙ୍କ ଋଣ କ୍ଷମତା ମଧ୍ୟ ବୃଦ୍ଧି କରିଛି। ସେହିଭଳି ଜିଏସଟିରେ ବିଭିନ୍ନ କେନ୍ଦ୍ର ଓ ରାଜ୍ୟ ପରୋକ୍ଷ ଟିକସକୁ ସମନ୍ୱିତ କରାଯାଇଛି । ଇନ୍‌ସଲଭେନ୍ସି ଆଣ୍ଡ ବ୍ୟାଙ୍କରପ୍ସି କୋଡ୍ (ଆଇବିସି)ର ଦାୟିତ୍ୱ, ପୁନରୁଦ୍ଧାର ଏବଂ ସମାଧାନର ଏକ ନୂତନ କ୍ରେଡିଟ୍ ସଂସ୍କୃତି ବିକଶିତ କରିଛି। ଭାରତ ଖଣି, ପ୍ରତିରକ୍ଷା ଏବଂ ଅନେକ କ୍ଷେତ୍ର ପାଇଁ ସ୍ଥାନ ଭଳି କ୍ଷେତ୍ରକୁ ଘରୋଇ କମ୍ପାନୀ ଏବଂ ଆମର ଯୁବ ଉଦ୍ୟୋଗୀମାନଙ୍କ ପାଇଁ ଖୋଲିଦେଇଛି । ସମଗ୍ର ବିଶ୍ୱରେ ନିବେଶକଙ୍କ ପାଇଁ ଅଧିକରୁ ଅଧିକ ସୁଯୋଗ ସୃଷ୍ଟି କରିବା ପାଇଁ ଆମେ ଏଫଡିଆଇ ନୀତିକୁ ଉଦାର କରିଛୁ । ଲଜିଷ୍ଟିକ୍ ଖର୍ଚ୍ଚ ଏବଂ ସମୟ ହ୍ରାସ କରିବା ପାଇଁ ଆମେ ଆଧୁନିକ ଭିତ୍ତିଭୂମି ଉପରେ ଧ୍ୟାନ ଦେଉଛୁ । ଗତ ଏକ ଦଶନ୍ଧି ମଧ୍ୟରେ ଆମେ ଭିତ୍ତିଭୂମିକ୍ଷେତ୍ରରେ ପୁଞ୍ଜିନିବେଶକୁ ଯଥେଷ୍ଟ ବୃଦ୍ଧି କରିଛୁ।

ସାଥିମାନେ,

ସରକାରଙ୍କ ଜାରି ରହିଥିବା ପଦକ୍ଷେପରେ ଭାରତ ପ୍ରକ୍ରିୟା ସଂସ୍କାରକୁ ସାମିଲ କରିଛି। ଆମେ ୪୦ହଜାରରୁ ଅଧିକ ଅନୁପାଳନକୁ ଉଚ୍ଛେଦ କରିଛୁ ଏବଂ କମ୍ପାନୀ ଆଇନକୁ ଅପରାଧମୁକ୍ତ କରିଛୁ । ଏମିତି ପୂର୍ବରୁ ବହୁତ ଗୁଡିଏ ନିୟମ ଥିଲା, ଯେଉଁ କାରଣ ପାଇଁ ପୂର୍ବେ ବ୍ୟବସାୟ କଷ୍ଟରେ ଥିଲା, ଆମେ ସେଥିରେ ପରିବର୍ତ୍ତନ କରୁଛି । କମ୍ପାନ ଆରମ୍ଭ କରିବା, ବନ୍ଦ କରିବା ଏବଂ ମଞ୍ଜୁରି ପାଇବା ପ୍ରକ୍ରିୟାକୁ ସରଳ କରିବା ପାଇଁ ନ୍ୟାସନାଲ ସିଙ୍ଗଲ ୱିଣ୍ଡୋ ସିଷ୍ଟମ ପ୍ରଚଳନ କରାଯାଇଛି। ଏବେ ଆମେ ରାଜ୍ୟ ସରକାରମାନଙ୍କୁ ରାଜ୍ୟସ୍ତରରେ ପ୍ରକ୍ରିୟା ସଂସ୍କାରକୁ ତ୍ୱରାନ୍ୱିତ କରିବାକୁ ପ୍ରୋତ୍ସାହିତ କରୁଛୁ।

ସାଥିମାନେ

ଭାରତରେ ଉତ୍ପାଦନକୁ ପ୍ରୋତ୍ସାହିତ କରିବା ପାଇଁ ଆମେ ଉତ୍ପାଦନ ସଂଯୁକ୍ତ ପ୍ରୋତ୍ସାହନ (ପିଏଲଆଇ) ଆରମ୍ଭ କରିଛୁ, ଯାହାର ପ୍ରଭାବ ବର୍ତ୍ତମାନ ଅନେକ କ୍ଷେତ୍ରରେ ଦୃଶ୍ୟମାନ ହେଉଛି । ଯଦି ମୁଁ ଗତ ତିନି ବର୍ଷ ମଧ୍ୟରେ ପିଏଲ୍‌ଆଇର ପ୍ରଭାବ ବିଷୟରେ କହିବି, ତେବେ ଅର୍ଥାତ୍ ପୁଞ୍ଜିନିବେଶ ପ୍ରାୟ ୧.୨୫ ଟ୍ରିଲିୟନ୍ ଟଙ୍କାର ପୁଞ୍ଜିନିବେଶ ଆକର୍ଷିତ କରିଛି। ଫଳରେ ପ୍ରାୟ ୧୧ ଟ୍ରିଲିୟନ୍ ଟଙ୍କା (୧୧ ଲକ୍ଷ କୋଟି ଟଙ୍କା) ଉତ୍ପାଦନ ଓ ବିକ୍ରୟ ହୋଇଛି। ମହାକାଶ ଓ ପ୍ରତିରକ୍ଷା କ୍ଷେତ୍ରରେ ମଧ୍ୟ ଭାରତର ଅଗ୍ରଗତି ଉଲ୍ଲେଖନୀୟ। ଏହି ଉଭୟ କ୍ଷେତ୍ରକୁ ନିକଟରେ ଏହି ସେକ୍ଟରଗୁଡ଼ିକୁ ଖୋଲାଯିବ ଏବଂ ବେଶୀ ଦିନ ହୋଇନାହିଁ । ତଥାପି ମହାକାଶ କ୍ଷେତ୍ରରେ ୨୦୦ରୁ ଅଧିକ ଷ୍ଟାର୍ଟଅପ୍ ଆସି ସାରିଛି । ଆଜି ଆମର ଦେଶର ମୋଟ ପ୍ରତିରକ୍ଷା ଉତ୍ପାଦନର ୨୦ ପ୍ରତିଶତ ଆମର ଘରୋଇ ପ୍ରତିରକ୍ଷା କଂପାନିଗୁଡ଼ିକର ରହିଛି।

ସାଥିମାନେ,

ଇଲେକ୍ଟ୍ରୋନିକ୍ସ କ୍ଷେତ୍ରର ଅଭିବୃଦ୍ଧି କଥା ଆହୁରି ଉଲ୍ଲେଖନୀୟ। ମାତ୍ର ୧୦ ବର୍ଷ ପର୍ଯ୍ୟନ୍ତ ଭାରତ ଅଧିକାଂଶ ମୋବାଇଲରଜ୍ଞ ଫୋନ୍ ର ପ୍ରମୁଖ ଆମଦାନୀକାରୀ ଥିଲା। ବର୍ତ୍ତମାନ ଭାରତରେ ୩୩୦ ନିୟୁତରୁ ଅଧିକ ବା ୩୩ କୋଟିରୁ ଅଧିକ ମୋବାଇଲ ଫୋନ୍ ଉତ୍ପାଦନ ହେଉଛି। ବାସ୍ତବରେ ଆପଣ ଯେକୌଣସି କ୍ଷେତ୍ରକୁ ଦେଖନ୍ତୁ, ଆଜି ମଧ୍ୟ ଭାରତରେ ନିବେଶକଙ୍କ ପାଇଁ ନିବେଶ ଏବଂ ଉଚ୍ଚ ରିଟର୍ଣ୍ଣ ଅର୍ଜନ କରିବାର ଅସାଧାରଣ ସୁଯୋଗ ରହିଛି ।

ସାଥିମାନେ,

ଆଜି ଭାରତର ଫୋକସ୍ ଏବେ ଏଆଇ ଏବଂ ସେମିକଣ୍ଡକ୍ଟର ଭଳି ଗୁରୁତ୍ୱପୂର୍ଣ୍ଣ ଟେକ୍ନୋଲୋଜି ଉପରେ ମଧ୍ୟ ଧ୍ୟାନ ରହିଛି ଏଥିରେ ଆମେ ଏହି କ୍ଷେତ୍ରରେ ଯଥେଷ୍ଟ ପୁଞ୍ଜିନିବେଶ କରୁଛୁ । ଆମର ଏଆଇ ମିଶନରୁ ଏଆଇ କ୍ଷେତ୍ର ପର୍ଯ୍ୟନ୍ତ ଉଭୟ ଗବେଷଣା ଏବଂ ଦକ୍ଷତା ବିକାଶକୁ ବୃଦ୍ଧି ହେବ । ଇଣ୍ଡିଆ ସେମିକଣ୍ଡକ୍ଟର ମିଶନ ଅଧୀନରେ ସମୁଦାୟ ୧.୫ ଟ୍ରିଲିୟନ ଟଙ୍କା (ଦେଢ ଲକ୍ଷ କୋଟି ଟଙ୍କା) ନିବେଶ କରାଯାଉଛି। ଖୁବଶୀଘ୍ର ଭାରତରେ ୫ଟି ସେମିକଣ୍ଡକ୍ଟର ପ୍ଲାଣ୍ଟ ବିଶ୍ୱର କୋଣ ଅନୁକୋଣରେ 'ମେଡ୍ ଇନ୍ ଇଣ୍ଡିଆ' ଚିପ୍ସ ପହଞ୍ଚାଇବା ଆରମ୍ଭ କରିବ।

ସାଥିମାନେ,

ଆପଣ ସମସ୍ତେ ଜାଣନ୍ତି ଯେ ଭାରତ ହେଉଛି ସୁଲଭ ବୌଦ୍ଧିକ ଶକ୍ତିର ଏକ ପ୍ରମୁଖ ଉତ୍ସ । ଏହାର ପ୍ରମାଣ ହେଉଛି ଆଜି ଭାରତରେ କାର୍ଯ୍ୟ କରୁଥିବା ବିଶ୍ୱର ୧୭୦୦ରୁ ଅଧିକ କମ୍ପାନୀଗୁଡ଼ିକର ବିଶ୍ୱସ୍ତରୀୟ ସାମର୍ଥ୍ୟ କେନ୍ଦ୍ର ରହିଛି। ଏହି କେନ୍ଦ୍ରଗୁଡ଼ିକରେ ୨୦ ଲକ୍ଷରୁ ଅଧିକ ଭାରତୀୟ ଯୁବକ ନିୟୋଜିତ ଅଛନ୍ତି, ଯେଉଁମାନେ ବିଶ୍ୱକୁ ଉଚ୍ଚ କୁଶଳୀ ସେବା ପ୍ରଦାନ କରୁଛନ୍ତି। ଆଜି ଭାରତ ଏହି ଜନସଂଖ୍ୟାଗତ ଲାଭକୁ ଅଧିକରୁ ଅଧିକ କରିବା ଉପରେ ଅଭୂତପୂର୍ବ ଧ୍ୟାନ ଦେଉଛି। ଏଥିପାଇଁ ଶିକ୍ଷା, ଉଦ୍ଭାବନ, ଦକ୍ଷତା ଓ ଗବେଷଣା ଉପରେ ବିଶେଷ ଧ୍ୟାନ ଦିଆଯାଉଛି। ନୂତନ ଜାତୀୟ ଶିକ୍ଷା ନୀତି କାର୍ଯ୍ୟକାରୀ ହେବା ସହିତ ଆମେ ଏହି କ୍ଷେତ୍ରରେ ଏକ ଗୁରୁତ୍ୱପୂର୍ଣ୍ଣ ସଂସ୍କାର ଆଣିଛୁ । ବିଗତ ୧୦ ବର୍ଷ ମଧ୍ୟରେ ପ୍ରତି ସପ୍ତାହରେ ଗୋଟିଏ ନୂଆ ବିଶ୍ୱବିଦ୍ୟାଳୟ ପ୍ରତିଷ୍ଠା ହୋଇଥିବା ବେଳେ ପ୍ରତିଦିନ ଦୁଇଟି ନୂଆ କଲେଜ ଖୋଲାଯାଇଛି। ଏହି ସମୟ ମଧ୍ୟରେ ଆମ ଦେଶରେ ମେଡିକାଲ କଲେଜ ସଂଖ୍ୟା ଦ୍ୱିଗୁଣିତ ହୋଇଛି ।

ଏବଂ ସାଥିମାନେ,

ପରିମାଣ ନୁହେଁ ବରଂ, ଆମେ, ଗୁଣବତ୍ତାରେ ଶିକ୍ଷାରେ ମଧ୍ୟ ସେତିକି, ଧ୍ୟାନ ଦେଉଛୁ । ଫଳରେ ଗତ ଦଶବର୍ଷ ମଧ୍ୟରେ କ୍ୟୁଏସ୍ ୱାର୍ଲ୍ଡ ୟୁନିଭର୍ସିଟି ରାଙ୍କିଙ୍ଗରେ ଭାରତୀୟ ଶିକ୍ଷାନୁଷ୍ଠାନ ସଂଖ୍ୟା ତିନି ଗୁଣରୁ ଅଧିକ ବୃଦ୍ଧି ପାଇଛି। ଚଳିତ ବର୍ଷ ବଜେଟରେ ଆମେ ଲକ୍ଷ ଲକ୍ଷ ଯୁବକଙ୍କୁ ଦକ୍ଷ ଏବଂ ଇଟର୍ଣ୍ଣିସିପ୍ ପାଇଁ ଏକ ସ୍ୱତନ୍ତ୍ର ପ୍ୟାକେଜ ଘୋଷଣା କରିଛୁ । ପିଏମ୍ ଇଣ୍ଟର୍ଣ୍ଣସିପ୍ ସ୍କିମ୍ ଅଧୀନରେ ପ୍ରଥମ ଦିନରେ ୧୧୧ଟି କମ୍ପାନି ପୋର୍ଟାଲରେ ପଞ୍ଜୀକୃତ ହୋଇଥିଲେ। ଏହି ଯୋଜନା ମାଧ୍ୟମରେ ଆମେ ୧ କୋଟି ଯୁବକଙ୍କୁ ପ୍ରମୁଖ କମ୍ପାନୀଗୁଡିକରେ ଇଣ୍ଟର୍ନସିପ୍‌ରେ ସାହାଯ୍ୟ କରୁଛୁ ।

ସାଥିମାନେ,

ଗତ ୧୦ ବର୍ଷ ମଧ୍ୟରେ ଭାରତର ଗବେଷଣା ଉତ୍ପାଦନ ଏବଂ ପେଟେଣ୍ଟରେ ମଧ୍ୟ ଦ୍ରୁତ ଅଭିବୃଦ୍ଧି ଘଟିଛି । ଦଶବର୍ଷ୍‌ ରୁ କମ୍ ସମୟ ମଧ୍ୟରେ ଭାରତ ଗ୍ଲୋବାଲ ଇନୋଭେସନ୍ ଇଣ୍ଡେକ୍ସ ମାନ୍ୟତାରେ ୮୧ତମରୁ ୩୯ତମ ସ୍ଥାନକୁ ଉନ୍ନୀତ ହୋଇଛି ଏଠାରୁ ଆମକୁ ଆହୁରି ଆଗକୁ ବଢ଼ିବାକୁ ହେବ । ନିଜର ଗବେଷଣା ଇକୋସିଷ୍ଟମକୁ ସୁଦୃଢ଼ କରିବା ପାଇଁ ଭାରତ ୧ ଟ୍ରିଲିୟନ ଟଙ୍କାର ଏକ ଗବେଷଣା ପାଣ୍ଠି ମଧ୍ୟ ସୃଷ୍ଟି କରିଛି।

ସାଥିମାନେ,

ଆଜି ସବୁଜ ଭବିଷ୍ୟତ ଏବଂ ସବୁଜ ନିଯୁକ୍ତି କୁ ନେଇ ଭାରତ ଠାରୁ ବିଶ୍ୱର ବହୁତ ଆଶା ରହିଛି ଏବଂ ଏହି କ୍ଷେତ୍ରରେ ଆପଣଙ୍କ ପାଇଁ ମଧ୍ୟ ସେତିକି ଗୁରୁତ୍ୱପୂର୍ଣ୍ଣ ସୁଯୋଗ ରହିଛି । ଆପଣମାନେ ସମସ୍ତେ ଭାରତର ଅଧ୍ୟକ୍ଷତାରେ ଅନୁଷ୍ଠିତ ଜି-୨୦ ଶିଖର ସମ୍ମିଳନୀକୁ ଅନୁସରଣ କରିଥିଲେ । ଏହି ଶିଖର ସମ୍ମିଳନୀର ଅନେକ ସଫଳ କାହାଣୀ ମଧ୍ୟରୁ ଗୋଟିଏ ଥିଲା ସବୁଜ ପରିବର୍ତ୍ତନ ପାଇଁ ନୂତନ ଉତ୍ସାହ । ଜି-୨୦ ଶିଖର ସମ୍ମିଳନୀ ରେ ଭାରତର ଉଦ୍ୟମରେ ଗ୍ଲୋବାଲ ଜୈବ ଇନ୍ଧନ ଆଲାଏନ୍ସ ର ଶୁଭାରମ୍ଭ କରାଯାଇଥିଲା ଏବଂ ଜି-୨୦ ସଦସ୍ୟ ରାଷ୍ଟ୍ରମାନେ ଭାରତର ସବୁଜ ହାଇଡ୍ରୋଜେନ ଶକ୍ତି ବିକାଶକୁ ଦୃଢ଼ ସମର୍ଥନ କରିଥିଲେ । ଭାରତରେ ଆମେ ଏହି ଦଶନ୍ଧି ଶେଷ ସୁଦ୍ଧା ୫ ନିୟୁତ ଟନ୍ ଗ୍ରୀନ୍ ହାଇଡ୍ରୋଜେନ୍ ଉତ୍ପାଦନ କରିବାକୁ ଲକ୍ଷ୍ୟ ରଖିଛୁ। ଭାରତରେ ଆମେ ସୌର ଶକ୍ତି ଉତ୍ପାଦନକୁ ମଧ୍ୟ ମାଇକ୍ରୋସ୍ତରକୁ ନେଇ ଯାଉଛୁ ।

ଭାରତ ସରକାର ପିଏମ୍ ସୂର୍ଯ୍ୟ ଘର ମାଗଣା ବିଦ୍ୟୁତ୍ ଯୋଜନା ଆରମ୍ଭ କରିଛନ୍ତି। ଏହା ଏକ ବୃହତ୍ ସ୍ତରର ଛାତ ସୌର ଯୋଜନା ରହିଛି । କିନ୍ତୁ ଏହାର ଏକ ସ୍କେଲ ବହୁତ ବଡ । ଛାତ ଉପରେ ସୌର ପ୍ରଣାଳୀ ସ୍ଥାପନ ଏବଂ ସୌର ଭିତ୍ତିଭୂମି ସ୍ଥାପନରେ ସହାୟତା କରିବା ପାଇଁ ଆମେ ପ୍ରତ୍ୟେକ ଘରକୁ ପାଣ୍ଠି ଯୋଗାଉଛୁ । ବର୍ତ୍ତମାନ ସୁଦ୍ଧା ୧୩ ନିୟୁତରୁ ଅଧିକ ଅର୍ଥାତ୍ ୧ କୋଟି ୩୦ ଲକ୍ଷ ପରିବାର ଏହି ଯୋଜନା ପାଇଁ ପଞ୍ଜୀକରଣ କରିସାରିଲେଣି ଅର୍ଥାତ୍ ଏହି ପରିବାରଗୁଡ଼ିକ ସୌର ଶକ୍ତି ଉତ୍ପାଦନକାରୀ ହୋଇଛନ୍ତି। ଏହି ପଦକ୍ଷେପ ଦ୍ୱାରା ପରିବାର ପିଛା ହାରାହାରି ୨୫ହଜାର ଟଙ୍କା ସଞ୍ଚୟ ହେବ। ପ୍ରତି ତିନି କିଲୋୱାଟ ସୌର ଶକ୍ତି ଉତ୍ପାଦନ ପାଇଁ ୫୦-୬୦ ଟନ୍ କାର୍ବନ ଡାଇଅକ୍ସାଇଡ୍ ନିର୍ଗମନକୁ ରୋକାଯାଇପାରିବ। ଏହି ଯୋଜନା ଦ୍ୱାରା ପାଖାପାଖି ୧୭ ଲକ୍ଷ ନିଯୁକ୍ତି ସୁଯୋଗ ସୃଷ୍ଟି ହେବ ଏବଂ ଦକ୍ଷ ଯୁବକମାନଙ୍କର ଏକ ବିଶାଳ ଶ୍ରମଶକ୍ତି ସୃଷ୍ଟି ହେବ । ତେଣୁ ଏହି କ୍ଷେତ୍ରରେ ମଧ୍ୟ ଆପଣଙ୍କ ପାଇଁ ଅନେକ ନୂଆ ପୁଞ୍ଜିନିବେଶ ସୁଯୋଗ ସୃଷ୍ଟି ହେଉଛି ।

ସାଥିମାନେ,

ବର୍ତ୍ତମାନ ଭାରତୀୟ ଅର୍ଥନୀତିରେ ଏକ ଗୁରୁତ୍ୱପୂର୍ଣ୍ଣ ପରିବର୍ତ୍ତନ ଆସୁଛି । ସୁଦୃଢ଼ ଅର୍ଥନୈତିକ ଭିତ୍ତିଭୂମି ସହିତ ଭାରତ ନିରନ୍ତର ଉଚ୍ଚ ଅଭିବୃଦ୍ଧି ପଥରେ ଗତି କରୁଛି। ଆଜି ଭରତ କେବଳ ଶୀର୍ଷରେ ପହଞ୍ଚିବା ପାଇଁ ପ୍ରୟାସ କରୁନାହାନ୍ତି ବରଂ ସେଠାରେ ରହିବା ପାଇଁ ପ୍ରୟାସ ମଧ୍ୟ କରୁଛନ୍ତି । ସମଗ୍ର ବିଶ୍ୱରେ ଆଜି ସବୁ କ୍ଷେତ୍ରରେ ପ୍ରଚୁର ସୁଯୋଗ ରହିଛି। ମୋର ବିଶ୍ୱାସ ଯେ ଆପଣଙ୍କ ଆଲୋଚନା ଆଗାମୀ ଦିନରେ ଅନେକ ମୂଲ୍ୟବାନ ବୁଝାମଣା ପ୍ରଦାନ କରିବ ।

ଆଗାମୀ ଦିନରେ ଆପଣଙ୍କ ଆଲୋଚନାରୁ ଅନେକ ମୂଲ୍ୟବାନ ତଥ୍ୟ ସାମ୍ନାକୁ ଆସିବ ବୋଲି ମୋର ବିଶ୍ୱାସ ରହିଛି । ମୁଁ ଏହି ପ୍ରୟାସ ପାଇଁ ଶୁଭେଚ୍ଛା ଜଣାଉଛି ଏବଂ ମୁଁ ଆପଣମାନଙ୍କୁ ଆଶ୍ୱାସନା ଦେଉଛି ଯେ ଏହା କେବଳ ଆମ ପାଇଁ ଏକ ବିତର୍କ ମଞ୍ଚ ନୁହେଁ । ଏଠାରେ ହେଉଥିବା ଆଲୋଚନା, ଉଠାଯାଇଥିବା ପ୍ରସଙ୍ଗ, କ'ଣ ଓ କ'ଣ ନ କରିବା- ଯାହା ଲାଭଦାୟକ ସାବ୍ୟସ୍ତ ହେବ- ଆମେ ନିଷ୍ଠାର ସହ ସରକାରୀ ବ୍ୟବସ୍ଥାକୁ ଅନୁକରଣ କରିଥାଉଁ । ଆମେ ଏହାକୁ ଆମର ନୀତି ଏବଂ ଶାସନରେ ଅନ୍ତର୍ଭୁକ୍ତ କରିଛୁ। ଏବଂ ସେଥିପାିଁ ତାହା ଅମୃତ ଅଟେ । ଆପଣ ଯେଉଁ ସମୟ ଦେଇ ଯେଉଁ ଆଲୋଚନାରେ ଯୋଡି ହୋଇଛନ୍ତି, ଆମେ ଆମ ଦେଶରେ ଆମର ଉଜ୍ଜ୍ୱଳ ଭବିଷ୍ୟତ ଗଢ଼ିବା ପାଇଁ ବ୍ୟବହାର କରିଥାଉ । ତେଣୁ ଆପଣଙ୍କ ଅଂଶଗ୍ରହଣ ଆମ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଆପଣ ପ୍ରଦାନ କରୁଥିବା ପ୍ରତ୍ୟେକ ଶବ୍ଦ ଆମ ପାଇଁ ମୂଲ୍ୟବାନ ଅଟେ । ତୁମର ଚିନ୍ତାଧାରା, ତୁମର ଅଭିଜ୍ଞତା-ସେମାନେ ଆମର ସମ୍ପତ୍ତି ଅଟେ । ପୁଣି ଥରେ ଆପଣମାନଙ୍କ ଅବଦାନ ପାଇଁ ମୁଁ ସମସ୍ତଙ୍କୁ ଧନ୍ୟବାଦ ଜଣାଉଛି । ମୁଁ ଏନ୍ କେ ସିଂହ ଏବଂ ତାଙ୍କ ପୂରା ଟିମ୍‌କୁ ସେମାନଙ୍କ ପ୍ରଶଂସନୀୟ ପ୍ରୟାସ ପାଇଁ ବହୁତ ବହୁତ ଅଭିନନ୍ଦନ ଜଣାଉଛି।

ବହୁତ ବହୁତ ଶୁଭେଚ୍ଛା ଜଣାଉଛି।

ଧନ୍ୟବାଦ!

*****

NS/SLP