শেল-থুমগী মন্ত্রী, নিরমলা সিতারামন জী, ইনস্তিত্যুত ওফ ইকোনোমিক গ্রোথকী প্রেসিদেন্ত এন.কে. সিং জী, ভারত অমসুং ভারতকী মপান্দগী কনক্লেব অসিদা শরুক য়ারিবা দিগ্নিতরীশিং, ইবুংঙো অমসুং ইবেম্মশিং, 

মসিনা কোতিল্যা কনক্লেবকী অহুমশুবা এদিসন্নি। অমসুং নখোয় ময়ামগা উননবগী খুদোংচাবা  ফংবা অসি ঐগী ওইনদি য়াম্না লাইবক ফবনি। মফম অসিদা নুমিৎ হুম্নি চুপ্না তোঙান-তোঙানবা সেসন কয়া অমা পাথোক্কদৌরিবনি, ইকোনোমীগা মরি লৈনবা তোঙান-তোঙানবা হিরমশিংগী মতাংদা খন্ন-নৈনবা কয়া পাংথোক্কদৌরিবনি, ঐহাক্না থাজৈ মদুদি কন্ন-নৈনবা অসিনা ভারতকী গ্রোথতা  খোংজেল য়াংখৎহনবদা মতেং ওইগনি।

মরুপশিং,

হন্দক্কী কনক্লেব অসি মালেম অসি অচৌবা রিজন অনিগী মরক্তা লানগী ফিভমদা লৈরিঙৈ মতাং অসিদা পাংথোক্লরে।  রিজন অনি অসি গ্লোবল ইকোনোমীগীদমক্তদি মরু ওইনা ইনর্জী সেক্যুরিতীগী  মতাংদা য়েংলুরগদি য়াম্না মরু ওইবা ঙাক্তনি। অসুক চাউবা গ্লোবল অনসর্তেন্তীগী মরক অসিদা ঐখোয় ময়াম্না মফম অসিদা – দ ইন্দিয়ন এরা হায়বদি ভারতকী য়ুগকী মতাংদা খন্ন-নৈনরি। মসিনা ভারত্তা  ময়াম্না থাজবা অসি তোপ-তোপ্পি , মসিনা ভারতকী থাজবা অসি থোইদোকপা অমা ওই হায়না তাকপনি।

মরুপশিং,

ঙসি ভারত, মালেম অসিগী খ্বাইদগী য়াংনা চাউখৎলক্লিবা অচৌবা ইকোনোমী অমনি।  ঙসি ভারত, GDPগী মতাংদা মঙাশুবা খ্বাইদগী চাউবা ইকোনোমীনি। ঐখোয়না গ্লোবল ফিনতেক এদোপ্সন রেতকী মতাংদা অহানবদা লৈ। হৌজিক্তি ঐখোয়না, স্মার্তফোন দেতা কঞ্জমসনগী মতাংদা অহানবদা লৈ। ঐখোয়না ইন্তর্নেত য়ুজরশিংগী মতাংদা অনিশুবদা লৈ। মালেম অসিগী রিয়ল তাইম দিজিতেল ত্রাঞ্জেক্সনগী চাউরাক্না তংখাই রোমদিই ভারত্তা তৌরি। ঙসি ভারতনা মালেম অসিগী অহুমশুবা খ্বাইদগী চাউবা স্তার্তঅপ ইকোসিস্তেম লৈ। রিন্যুৱেবল ইনর্জীগী কেপাসিতীগী মতাংদা ভারত মসিশুবদা লৈ। অদুগা মেন্যুফেকচরগী মতাংদা ওইরবদি, ভারত মালেম অসিগী খ্বাইদগী চাউবা মোবাইল মেন্যুফেকচররনি। ভারত তু ৱিলরশিং অমসুং ত্রেক্তরশিংগী খ্বাইদগী চাউবা মেন্যুফেকচররনি। মসিদা নত্তনা ভারত মালেম অসিগী খ্বাইদগী নহা ওইরিবা লৈবাক। মালেম অসিদা অহুমশুবা খ্বাইদগী চাউবা সাইন্তিস্তশিং অমসুং তেক্নিসিয়নশিংগী পুল ভারত্তা লৈ। হায়বদি সাইন্সপু ওইরো, তেক্নোলোজীবু ওইরো, ইনোভেশনবু ওইরো, ভারত অসি তশৈংনা স্বীত স্পোত অমা লৈ।

মরুপশিং,

রিফোর্ম, পর্ফোর্ম অমসুং ত্রান্সফোর্মগী মন্ত্র অসি ঙাক্না চত্তুনা, ঐখোয়না লেপ্তনা ৱারেপ কয়া লৌরি, লৈবাক অসিবু খোংজেল য়াংনা খুমাং চাউশিল্লি। মসিগী ‌ইমপেক্ত অসিনা মরম ওইরগা ভারতকী প্রজাশিংনা চহি ৬০গী মতুংদা, থংন-থংননা সরকার আমবু অহুম্লকশুবা ওইনা খল্লিবনি। মীশিংগী পুনশি হোংলকপা মতমদা, মীয়ামদা লৈবাক অসি মাইকৈ চুম্না চৎলি হায়বগী থাজবা লাকই। মসিগী ৱাখল্লোন অসি ভারতকী প্রজাগী মেন্দেত্তা উবা ফংঙি। ভারতকী প্রজা করোর ১৪০গী থাজবা অদুনা সরকার অসিগী খ্বাদগী চাউবা মাইপাকপনি। ভারতপু চাউখৎহন্নবগীদমক্তা স্ত্রকচরেল রিফোর্মশিং লেপ্তনা তৌবা হায়বসিনা ঐখোয়গী কমিৎমেন্তনি। শিংথানিংঙাই ওইবা পোলিসী চেঞ্জশিং, থবকশিং অমসুং স্কিলশিংগী মতাংদা অচেৎপা ফিরেপ, সস্তেনেবল গ্রোথ অমসুং ইনোভেসনদা অখন্নবা মিৎয়েং, অনৌবা ইনফ্রাস্ত্রকচর, ক্বালিতী ওফ লাইফ, অমসুং খোংজেল য়াংনা শাহৌ লেপ্তনা পুরকপা, মসিনা ঐখোয়গী অহানবা থা অহুমগী পোলিসীশিংগী রিফ্লেক্সননি। হন্দক্কী মতাং অসিদা লুপা ত্রিলিয়ন ১৫ হায়বদি লুপা করোর লাখ ১৫দগী হেনবা দিসিজনশিং লৌখ্রে। মসিগী থা অহুম অসিদা ভারত্তা মেগা ইনফ্রাস্ত্রকচর প্রোজেক্ত কয়া অমদা থবক তৌবা হৌখ্রে। ঐখোয়না লৈবাক অসিদা ইন্দস্ত্রিয়েল নোদ ১২ শেম্নবগী ফিরেপশু লৌখ্রে। ঐখোয়না লৈবাক অসিদা য়ুম অনৌবা করোর ৩ শানবগী অয়াবসু পীখ্রে।

মরুপশিং,

ভারতকী গ্রোথ স্তোরী অসিগী য়াম্না মরু ওইবা ফেক্তর অমগশু লৈ অমসুং মদুদি মখোয়গী ইনক্লুসিব স্পিরিৎ অদুনি, হান্নদি অসুম্না খল্লম্মি মদুদি করিগুম্বা গ্রোথ লৈরবদি ইনিক্বালিতীশু অদুমক চাউখৎলক্কনি। অদুবু ভারত্তদি মদুগী ওন্ন-তৈনবদা ওইনা থৌক্তুনা লৈরে। ভারত্তা গ্রোথকা লোইননা ইনক্লুজনশু থোক্লি। মসিনা মরম ওইরগা মী মিলিয়ন ২৫০ হায়বদি করোর ২৫দি হৌখিবা চহি ১০ অসিদা লাইর-অনং কোকহনখ্রে। ভারতনা খোংজেল য়াংনা খুমাং-চাউশিল্লকপগা লোইননা, ঐখোয়না ইক্বালিতী হন্থহন্নবা অমসুং খুদোংচাবশিং অদু মপুম খুদিংমক্তা য়ৌহন্নবা হোৎনরি।

মরুপশিং,

ভারতকী গ্রোথ প্রেদিক্সনদা থম্লিবা থাজবা অসিনশু ঐখোয়না চংশিল্লিবা মাইকৈ অদু উৎলি। নখোয়না মসি হন্দক্কী চয়োল অমসুং থাগী দেতাদগী উবা ফংগনি। মমাংগী চহিদা, ঐখোয়গী ইকোনোমীনা প্রেদিক্সন তৌবদুদগী হেন্না নিংথিনা পাংথোরকখি। ৱার্লদ বেঙ্ক, IMF, নত্রগা মুদীগীবু ওইরো, মখোয় পুম্নমক্না ভারতকীদমক্তা মখোয়গী ফোরকাস্তশিং অদু অপগ্রেৎ তৌখ্রে। হায়রিবা ইনস্তিত্যুশনশিং অসিনা হায়রি মদুদি গ্লোবল উনসর্তেন্তী লৈজরবশু ভারতনা ৭+কী চাংদা লেপ্তনা শাহৌ লাক্কনি। ভারতমচা ঐখোয়না মসিদগী হেন্না ফজনা তৌবা ঙমগনি হায়বা থাজৈ।

মরুপশিং,

ভারতনা অসুক য়াম্না থাজরিবগী মরম য়াম্না চাউনা লৈ। মেন্যুফেকচরিংবু ওইরো নত্রগা সর্বিস সেক্তরবু ওইরো, ঙসিদি মালেম অসিনা ভারতপু ইনভেস্তমেন্তকীদমক্তা খ্বাইদগী হেন্না পাম্নবা মফম অমা ওইনা উনরে। মসি তাঞ্জা চাদুনা থোকখিবা নত্তে, মসি হৌখিবা চহি ১০ অসিদা পুরকখিবা মরু ওইবা রিফোর্মশিং অদুগী ফলনি। মসিগী রিফোর্মশিং অসিনা ভারতকী মাক্রোইকোনোমিক ফন্দামেন্তেলশিংদা অওনবা অমা পুরকখ্রে। মসিগী খুদমদি ভারতকী বেঙ্কিং রিফোর্মশিং অদুনা বেঙ্কশিংগী শেল-থুমগী ফিভম ফগৎহনবদা নত্তনা মখোয়না শেল পুথোকপগী কেপাসিতিশু হেনগৎলকখ্রে। অসিগা চপ মান্ননা GSTনা কেন্দ্র অমসুং রাজ্যগী তেক্স কয়া অমশু পুনশীনখ্রে। দ ইনসোলভেন্সী এন্দ বেঙ্ক্রপসী কোদ (IBC)না রেসপোন্সবিলিতী, রিকোভরী অমসুং রিজোল্যুশনগী অনৌবা ক্রেদিৎ কলচর অমা পুথোরকখ্রে। ভারতনা প্ইভেত প্লেয়রশিং অমসুং নহা ওইরিবা এন্ত্রপ্রেনরশিংগীদমক্তা মাইনিং, দিফেন্স অমসুং স্পেসগুম্বা সেক্তরশিং অসি হাংদোকখ্রে। ঐখোয়না মালেম অসিগী তোঙান-তোঙানবা মফম কয়াদগী ইনভেস্তরশিংগীমদক্তা খুদোংচাবা হেন্না পীনবগীদমক্তা FDI পোলিসী কোমথোকহনখ্রে। লোজিস্তিক্সতা চংবা শেল অমসুং মতম হন্থহন্নবা মোদর্ন ইনফ্রাস্ত্রকচরদা অখন্নবা মিৎয়েং থম্লি। ঐখোয়না হৌখিবা দেকেদ অসিদা ইনফ্রাস্ত্রকচরদা য়াম্না শিংথানিংঙাই ওইবা মওংদা চাউখৎলকখ্রে। 

মরুপশিং,

ভারতনা সরকারগী হৌজিক-হৌজিক পাইখৎলিবা অনৌবা থৌরাংশিংদা অওনবা কয়া পুরকখ্রে। ঐখোয়না কমপ্লায়েন্স ৪০,০০০গী মথক্তা লৌথোকখ্রে অমসুং কমপনীজ এক্তপু দিক্রিমিনেলাইজ তৌখ্রে। বিজনেস তৌবদা মমাংদা য়াম্না ৱাহল্লম্বা প্রোভিজন কয়া অমা শেমদোকখ্রে। কমপনীশিংগীদমক্তা হৌনবগী, লোন্নবগী অমসুং ক্লিয়রেন্স লৌনবগী থৌওংশিং অদুবু লাইহন্নবা নেস্নেল সিঙ্গল ৱিন্দো সিস্তেম হৌদোকখ্রে। হৌজিক্তি রাজ্যগী থাক্তা প্রোসেস রিফোর্মশিং য়াংশিন্নবা ঐখোয়না রাজ্য সরকারশিংদা পুক্নিং থৌগৎলি।

মরুপশিং,

ভারত্তা মেন্যুফেকচরিংদা ইনোৎ হাপ্নবা, ঐখোয়না প্রোদক্সন লিঙ্কদ ইন্সেন্তিবশিং (PLI) হৌদোকখ্রে, মসিগী শাফু অদু হৌজিক্তি সেক্তর কয়া অমদা উবা ফংলে। হৌখিবা চহি অহুম অসিদা, PLIনা চাউরাক্ন লুপা ত্রিলিয়ন ১.২৫ (লুপা করোর লাখ ১.২৫)গী ইনভেস্তমেন্ত চিংশীনখি। মসিনা মরম ওইরগা প্রোদক্সন অমসুং সেলসতা চাউরাক্না লুপা ত্রিলিয়ন ১১ (করোর লাখ ১১) তৌখি। স্পেস অমসুং দিফেন্স সেক্তরদা ভারতকী প্রোগ্রেসদুশু শিংথানিংঙাইনি। মসিগী সেক্তরশিং অসি হন্দক্তা হাংদোকপাদা ঙাইরি অদুবু স্পেস সেক্তর অসিদা স্তার্তঅপ স্তার্ত-অপ ২০০গী মথক্তা থোরকখ্রে। ঙসিদি, এখোয়গী দিফেন্স কমপনিশিংলৈবাক অসিগী অপুনবা দিফেন্স মেন্যুফেকচরিংগী চাদা ২০দি ওইরিবনি।

মরুপশিং,

ইলেক্ত্রোনিক্স সেক্তরদা শাহৌ লাকপা অসিনা অমুক্কশু হেন্না শিংথানিংঙাই ওই। চহি ১০ মমাংদতা, ভারতনা মোবাইল ফোনশিংগী য়াম্না চাউবা ইমপোর্তর অমা ওইরম্মি। ঙসিদি মোবাইল ফোন মিলিয়ন ৩৩০ নত্রগা করোর ৩৩গী মথক্তা ভাত্তা শারি। তশেংনা হায়রবদা, নখোয়না সেক্তর অমদা হেক্তা য়েংবা মতমদা, ইনভেস্তরশিংগীদমক্তা ভারত্তা ইনভেস্ত তৌনবা অমসুং হাই রিতর্নশিং ফংনবা থোইদোক-হেন্দোকপা খুদোংচাবশিং লৈ।

মরুপশিং,

ভারতনা হৌজিক্তি মরু ওইবা তেক্নোলোজীশিং খুদম ওইনা AI অমসুং সেমিকন্দক্তরশিংদা অখন্নবা মিৎয়েং থম্লি, অমসুং ঐখোয়না মসিগী লমশিং অসিদা য়াম্না ইনভেস্ত তৌরি। ঐখোয়গী AI মিসননা AIগী লমসিদা রিসর্চ অমসুং স্কিলস দেবেলপমেন্ত অনিমক্তা চাউখৎহল্লগনি। ইন্দিয়া সেমিকন্দক্তর মিসনগী মখাদা, পুন্না লুপা ত্রিলিয়ন ১.৫ (লুপা করোর লাখ ১.৫)কী ইনভেস্তমেন্ত তৌখ্রে। য়াম্না য়াংনা ভারত্তা সেমিকন্দক্তর প্লান্ত মঙানা মালেম অসিগী কাচিন-কোয়া মফম কুদিংমক্তা ‘মেদ ইন ইন্দিয়া’ চিপশিং য়ৌহল্লগনি।

মরুপশিং,

নখোয় ময়াম্নশু খঙলম্লগনি মদুদি ভারতনা এফোর্দেবল ইন্তেলেকচুৱল পাৱরগী খ্বাইদগী চাউবা সোর্সনি। মসিগী খুদম হায়বু মালেমগী মফম কয়াদগী কমপনীশিংগী গ্লোবল কেপেবিলিতী সেন্তর ১,৭০০ হেন্না ঙসি ভারত্তা ওপরেত তৌরি। মসিগী সেন্তরশিং অসিনা ভারতকী নহা মিলিয়ন অনিগী মথক্তা হায়বদি লাখ ২০ হেন্না থবক তৌহল্লি, মখোয়না মালেম অসিদা য়াম্না হৈথোই-শিংথোইরবা সর্বিসশিং পীরি। ঙসি ভারতনা মসিগী দেমোগ্রাফিক দিভিদেন্দ আসিবু হেন্না চাউথোকহন্নবগী মতাংদা য়াম্না শিংথানিংঙাই ওইবা মওংদা অখন্নবা মিৎয়েং থম্লি। মসি ফংনবগীদমক্তা, এজুকেশন, ইনোভেশন, স্কিলশিং অমসুং রিসর্চতা অখন্নবা মিৎয়েং চংলি। ঐখোয়না অনৌবা এজুকেস্নেল পোলিসী ইমপ্লিমেন্ত তৌদুনা মসিগী লম অসিদা মরু ওইবা রিফোর্ম কয়া অমা হৌদোরক্লি। হৌখিবা চহি ১০ অসিদা চয়োল খুদিংগী  অনৌবা য়ুনিভর্সিতী অমা লিংখৎলক্লি, অমসুং নুমিৎ খুদিংগী অনৌবা কোলেজ অনি হাংদোক্লি। মতম অসিগি মনুংদা, লৈবাক অসিদা মেদিকেল কোলেজশিংগী মশিং অসি শরুক অনি থোক্না হেনগৎলকখ্রে।

অমসুং মরুপশিং,

ঐখোয়না এজুকেশনগী ক্বান্তিতীদা খক্তা নত্তনা ঐখোয়না ক্বালিতীদশু মিৎয়েং চংলি। মরম অদুনা, QS ৱার্ল্দ য়ুনিভর্সিতী রেঙ্কিংদা ভারতকী য়ুনিভর্সিতীগী মশিংশু হৌখিবা দেকেদ অসিদা শরুক অহুম থোক্না হেনগৎলকখ্রে। হন্দক্কী চহি অসিগী বজেত্তা ঐখোয়না নহারোলশিংগী স্কিলিং অমসুং ইন্তর্নিংগীদমক্তা অখন্নবা পেকেজ অমা লাউথোকখ্করে। পি.এম. ইন্তর্নশিপ স্কীমগী মখাদা, কমপনী ১১১না অহানবা নুমিৎ আদুমক্তদা পোর্তলদা রেজিস্তর তৌখি। মসিগী স্কীম অসিগী খুত্থাংদা ঐখোয়না অচৌবা কমপনীশিংদা ইন্তর্নশিপ পীদুনা নহা করোর ১বু সপোর্ত তৌরি।

মরুপশিং,

ভারতকী রিসর্চ আউৎপুত অমসুং পেতেন্ত ফাইলিংগী মশিংশু হৌখিবা চহি ১০ অসিদা য়াম্না য়াংনা হেনগৎলকখি। দেকেদ অমা ফাদনা, ভারতনা গ্লোবল ইনোভেশন ইন্দেক্স রেঙ্কিংদা ৮১শুবদগী ৩৯শুবদা হায়গৎলকখ্রে অমসুং ঐখোয়না মখাতানা কাখৎলক্নবগী পান্দম থম্লি। ভারত্তা রিসর্চ ইকোসি্তেম হেন্না হেনগৎহন্নবা, লুপা ত্রিলিয় ১গী রিসর্চ ফন্দশু থমখ্রে।

মরুপশিং,

ঙসি, মালেম আসিনা গ্রী ফ্যুচর অমসুং গ্রীন জোবশিংগি মতাংদা ভারত্তগী য়াম্না চাউনা আশা থম্লি, অমসুং সেক্তর অসিদা নখোয়গীদমক্তা চপ মান্নবা খুদোংচাবশিং লৈরি। নখোয় পুম্নমক্না ভারতকী প্রেসিদেন্সীগী মখাদা পাংথোকখিবা G20 সম্মিত্তা ফোলো তৌখি। মসিগী সম্মিত অসিগী মাইপাকপা কয়া অমগী মনুংদা নৌহৌননা গ্রীন ত্রাঞ্জিশনগীদমক্তা থৱাই য়াওবা অসিশু মাইপাকপা অমা ওইখি। G20 সম্মিত মনুংদা, গ্লোবল বায়োফ্যুএল এলাইন্স অদু ভারতকী থৌরাংদা হৌদোকখি, অমসুং G20 মেম্বর লৈবাকশিংনা গ্রীন হাইদ্রোজেন ইনর্জীগী মতাংদা ভারতকী দেবেলপমেন্ত অদুবু য়াম্না কন্না সপোর্ত তৌখি। ভারত্তা, ঐখোয়না হন্দক্কী দেকেদ অসিঘি অরোইবদা গ্রীন হাইদ্রোজেন তন মিলিয়ন ৫ পুথোক্নবগী পান্দম থম্লি। ঐখোয়না মাইক্রো লেভেলদা সোলার পাৱর প্রোদক্সনদশু খুমাং চাউশিল্লি।

ভারত সরকারনা পি.এম. সুর্য়া ঘর ফ্রী ইলেক্ত্রিসিতী স্কীম হৌদোকখ্রে। মসি রুফ তোপ সোলার স্কীম্নি অদুবু মসিগী স্কেল য়াম্না চাউই। ঐখোয়না রুফতোপ সোলার সিস্তেমশিং খিন্নবগীদমক্তা য়ুমথোং খুদিংমক্তা ফন্দিং পীরি অমসুং সোলার ইনফ্রাস্ত্রকচর ইনস্তোলেশনদা মতেং পাংলি।  হৌজিক ফাওবদা মিলিয়ন ১৩ হেন্না হায়বদি ইমুং করোর ১গা লাখ ৩০ না মসিগী স্কীম অসিগীদমক্তা রেজিস্তর তৌখ্রে, মসিনা হায়বদি মসিগী ইমুংশিং অসিনা সোলার পাৱর প্রোদ্যুসরশিং ওইরে হায়বনি। মসিগী অনৌবা থৌরাং অসিনা ইমুং অমদা চাংচত্তা লুপা ২৫,০০ সেব তৌরগনি। সোলার পাৱর কিলোৱাত অহুম পুথোকখিবা খুদিংগী কার্বোন দাইওক্সাইত তন ৫০-৬০ থাদোকপদগী থিংগদৌরিবনি। মসিগী স্কীম অসিনা চাউরাক্না থবক মিলিয়ন ১.৭ (লাখ ১৭) পীদুনা হৈ-শিংলবা নহাশিংগী য়াম্লবা ৱার্কফোর্স অমা পুথোক্কদৌরিবনি। মরম অদুনা মসিগী সেক্তর অসিদশু অনৌবা ইনভেস্তমেন্তকী খুদোংচাবা কয়া অমা থোরক্কদৌরিবনি।

মরুপশিং,

ভারতকী ইকোনোমী অসি হৌজিক হৌজিক মরু ওইবা অহোংবা অমা পুরক্নবগী তাঙ্কক অমদা লৈরি। য়াম্না লিংবা ইকোনোমিক ফন্দামেন্তেলশিংদা য়ুমফম ওইরগা ভারতনা সস্তেন হাই গ্রোথকী লম্বিদা খোং থাংলি। ঙসি ভারতনা খ্বাইদগী মকোক থোংবা থাক অদু য়ৌনবা হোৎনবদা নত্তনা খ্বাইদগী মকোক থোংবদা লেংদনা লৈনবা হোৎনগনি। মালেম অসিনা ঙসিদি সেক্তর খুদিংমক্তা খুদোংচাবা কয়া অমা পীরি। ঐহাক্না থাজৈ মদুদি নখোয় ময়ামগী খন্ন-নৈনবশিং অসিনা লাক্কদবা মতমশিংদা য়াম্না মমল য়াম্লবা লৌশিং কয়া অমা পীরগনি। ঐহাক্না নখোয়গী থৌরাং অসিগীদমক্তা য়াইফ-পাউজেল পীরি অমসুং ঐহাক্না নখোয়দা থাজবা পীরি মদুদি ঐখোয়গীদমক্তদি মসি দিবেতিং ক্লব নত্তে। মফম অসিদা খন্ন-নৈনখিবশিং, থাংগৎলকখিবা ৱাফমশিং, তৌগদবা অমসুং তৌরোইদবশিং অদুদগী ঐখোয়গীদমক্তা কান্নগদবশিং অদুবু ঐকোয়গী সরকারগি সিস্তেমদা ফোলো তৌরগনি। ঐখোয়না মসিবু ঐখোয়গী পোলিসীগী শরুক অমা ওইহল্লগনি, ঐখোয়গী গোব্রনেন্সকী শরুক অমা ওইহল্লগনি অমসুং মরম অদুনা নখোয়না মতম কাইথোক্তুনা খন্ন-নৈনবা অসিদা শরুক য়াদুনা থোরকখিবা ৱাখল-লৌশিং অদুনা ঐখোয়গী লৈবাক অসিগী হেন্না ফবা তুংলমচৎ অমা শেম্নবা শিজিন্নগদৌরিবনি। মরম অদুনা নখোয়না শরুক য়াদুনা, নখোয়না লৌরিবা থোদাংশিং অদু ঐখোয়গীদমক্তদি য়াম্না মরু ওই। মখোয়না ৱাহৈ খুদিংমক ঐখোয়গী ওইনদি য়াম্না মমল য়াম্মি। নখোয়গী ৱাখল্লোন, নখোয়গী এক্সপরিয়েন্সশিং অদু ঐখোয়গীদি মপাল নাইদ্রবা লন্নি। ঐহাক্না অমুক্কশু হন্না নখোয়না ময়াম্না তৌবীরিবা অমসুং নখোয়না লৌরিবা থৌদাংশিং অদুগীদমক্তা থাগৎপা ফোংদোক্লি। ঐহাক্না অসিগুম্বা শিংথানিংঙাই ওইবা থবক অসিগীদমক্তা এন.কে. সিং অমশুং মহাক্কী তীম পুম্নমকপু হন্না-হন্না থাগৎপা ফোংদোক্লি। ময়াম পুম্নমক নুংঙাই-য়াইফবা ওইরসনু। থাগৎচরি!     

***