ভারতনা ইনর্জি ইফিসিয়েন্সি হবতা শরুক য়ানবা লেত্তর ওফ ইনতেন্ত খুৎয়েক পীনবদা প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে।

মালেম শীনবা থুংনা ইনর্জি লিক্না শীজিন্নবা পুক্নিং থৌগৎনবা অমসুং মতেং পাংনবা হেনগৎহন্নবা লৈরিবা ইন্তরনেসনেল ইনর্জি হবতা ভারত শরুক য়ারগনি। খোঙথাং অসিনা তুংকোইনা চৎনবা য়াবা চাউখৎ-থৌরাংগী ভারতকী খোঙফম হেন্না চেৎশিনহল্লগনি অমসুং গ্রিনহাওস গ্যাস থাদোকপা হন্থহন্নবা লৈবাক অসিগী থবকশিংদা চুনরগনি।

ইন্তরনেসনেল পার্তনরশিপ ফোর ইনর্জি ইফিসিয়েন্সি কোওপরেসন (আই পি ই ই সি)গী মতুংদা ২০২০ দা লিংখৎখিবা হব অসিদা ভারত মেম্বর অমা ওইনা, লৌশিং, খ্বাইদগী ফবা থবকশিং অমসুং অনৌবা থবকশিংগী মতাংদা সরকারশিং, মালেমগী লুপশিং অমসুং লনাই কাংবুগা থবক তৌমিন্নগনি। হব অসিদা শরুক য়াবদগী, ভারতনা অখঙ-অহৈ কয়াগী নেতৱার্ক অমগা শম্নবা ফংলগনি অমসুং লৈবাক অসিগী ইনর্জি লিক্না শীজিন্নবগী থবকশিং হেন্না ফগৎহনবা ঙম্লগনি। জুলাই ২০২৪ ফাওবদা লৈবাক ১৬ ( অর্জেন্তিনা, অস্ত্রেলিয়া, ব্রাজিল, কনাদা, চাইনা, দেনমার্ক, য়ুরোপিয়ান কম্মিসন, ফ্রান্স, জর্মনি, জপান, কোরিয়া, লুজেমবার্গ, রুসিয়া, সাউদি অরাবিয়া, য়ু.এস অমসুং য়ু.কে) হব অসিদা য়াওরে।

হবকী মেম্বর অমা ওইনা, অতোপ্পা মেম্বর লৈবাকশিংগা পুন্না থবক তৌমিন্নবা, মখোয়গী অখঙবশিং শরুক য়ামিন্নবা অমসুং মালেমগী খ্বাইদগী ফবা থবকশিংদগী তম্নবগী খুদোংচাবা ভারতনা ফংলগনি। ইনর্জি য়াম্না চঙদবা তেক্নোলোজিশিং অমসুং থবকশিং পায়খৎতুনা অইং-অশাগী খল হোংলকপা থেংন্নবা মালেমগী থবকশিংদা লৈবাক অসিনা মখা তানা মতেং পাংবা ঙমগনি।

ভারতকী মহুৎশীন্দুনা হবকীদমক থবক তৌনবা এজেন্সি ওইনা ব্যুউরো ওফ ইনর্জি ইফিসিয়েন্সি(বি ই ই ) হাপ্লে। ভারতনা হবকী থবকশিং শরুক য়াবদা বি.ই.ইনা মরুওইবা থৌদাং অমা লৌগনি অমসুং লৈবাক অসিগী ইনর্জি লিক্না শীজিন্নবগী পান্দমশিং ফংবা ঙমহনগনি।

হবতা শরুক য়াবা অসিনা, ভারতনা তুংকোইনা চৎনবা য়াবা তুংলমচৎ শেমগৎনবা মাইকৈদা শিংথানিঙাই ওইবা খোঙথাং অমা থাংজিল্লে। মালেমগী লুপ অসিদা লৈবাক অসিনা শরুক য়াবা অসিনা কার্বোন য়াম্না থাদোক্তবা ইকোনোমি অমদা অওনবা পুরকপা অমসুং ইনর্জি ৱাৎহন্দবদা মতেং পাংলগনি।

***