কেন্দ্রগী য়ুম্লৈ-কৈরৈ অমসুং কোওপরেশন মন্ত্রী, শ্রী অমিত শাহনা ঙসি গুজরাত্তা এহ্মদবাদ মুনিসিপাল কোর্পোরেশন (AMC)গী চাউখৎ-থৌরাংগী থবক কয়া অমা য়াওনা লুপা করোর ৯১৯গী প্রোজেক্তশিং হৌদোকখ্রে অমসুং উরেপ-উয়ুং তমখ্রে। মসিগী থৌরম অসিদা গুজরাতকী মুখ্য মন্ত্রী, শ্রী ভুপেন্দ্র পতেল অমসুং অতোপ্পা দিগ্নিতরী কয়া অমনা শরুক য়াখি।

নৱরাত্রিগী য়াইফ-পাউজেল পীরদুনা শ্রী অমিত শাহনা হায়খি মদুদি ঙসি, লুপা করোর ৯১৯গী ওইগদবা চাউখৎ-থৌরাংগী প্রোজেক্তশিং হৌদোকখ্রে অমসুং উরেপ-উয়ুং তমখ্রে, মসিদ হেল্থ, এজুকেশন, লাইব্ররীশিং, পার্কশিং অমসুং অপিকপা স্ত্রীত ভেন্দরশিং য়াওরি। মহাক্না হায়খি মদুদি মখোয়শিং অসিগী মরক্তা খ্বাইদগী হেন্না শিংথানিংঙাই ওইরিবসি মুনিসিপাল প্রাথমিক শিক্সা সমিতিনা মোদর্ন স্কুলশিং শাবাদুনি।  শ্রী শাহনা AMCগী মাইকৈদা থাগৎপা ফোংদোক্লফদুনা হায়খি মদুদি কোর্পোরেশন হোৎনখিবশিং অদুনামরম ওইরগা, মহাক্কী পার্লিয়ামেন্তরী কনস্তিত্যুএন্সীদা লৈরিবা মুনিসিপাল প্রাইমরী স্কুল পুম্নমক মোদেল স্কুলশিংদা ওইনা ওন্থোকখ্রে।

কেন্দ্রগী য়ুম্লৈ-কৈরৈ অমসুং কোওরেশন মন্ত্রী হায়খি মদুদি করিগুম্বা প্রিআমরী এজুকেশন কমিতীগী অনৌবা থৌরাং অসিদগী অঙাংশিংনা নিংথিজনা মসিগী কান্নবা লৌবা ঙম্লবদি, মদুদা ভারতকী তুংলমচৎ অসি য়াম্না ফরগনি হায়বসি কক্নিংঙাই লৈত্রবা ৱাফম্নি। মহাক্না মখা তরকখি মদুদি লাইরবা ইমুংশিংদগী অঙাংশিংনা সাইন্স, আর্ত, ম্যুজিক অমসুং অতোপ্পা হিরম কয়া অমদা থৱাই য়াওবা উবা মতমদা, পুনশিদা লৈরম্বা অৱাবা পুম্নমক মাংখি, অমসুং ঐখোয়না ভারতকী তুংলমচৎ অসি শঅফগনি হায়না থাজবা ফাওই।

শ্রী অমিত শাহনা হায়খি মদুদি ঙসি, গান্ধিনাগর লোক সভা কনস্তিত্যুএন্সীদা চাউরাক্না লুপা করোর ৪৭২ লোমগী ওইগদবা চাউখৎ-থৌরাংগী প্রোজেক্তশিং হৌদোকখ্রে অমসুং উরেপ-উয়ুং তমখ্রে। মসিগী মথক্তা MP, শ্রী হাসমুখভাই পতেলগ এহ্মদবাদ ইস্ত লোক সভা কনস্তিত্যুএন্সী অমসুং MP, শ্রী দিনেশভাই মেক্বানাগী এহ্মদবাদ ৱেস্ত লোক সভা কনস্তিত্যুএন্সীদা লুপা করোর ৪৪৬ লোমগী ওইগদবা চাউখৎ-থৌরাংগী প্রোজেক্তশিং শঙ্গাখ্রে অমসুং হৌদোকখ্রে। মহাক্না মসিগী চাউখৎ-থৌরাংগী প্রোজেক্তশিং অসিনা এহ্মদবাদ সহরদা লৈরিবা মীশিংগীদমক্তা খুদোংচাবা হেনগৎহল্লগনি।

শ্রী শাহনা মখাতানা হায়খি মদুদি গুজরাতকী মুখ্য মন্ত্রী, শ্রী ভুপেন্দ্র পতেলনাহৌখিবা চহি খরা অসিদা, এহ্মদবাদ সহর, কালোল অমসুং সানন্দ তালুকা, এহ্মদবাদ সহরগী মফম খরা, অমসুং গান্ধিনাগর লোক সভা কনস্তিত্যুএন্সীদা লুপা করোর ২৩,৯৫১গী প্রোজেক্তশিং অয়াবা পীখ্রে। মসিগী মথক্তা, প্রধান মন্ত্রী, শ্রী নরেন্দ্র মোদীনশু লুপা করোর ১৪,০০ রোমগী ওইগদবা চাউখৎ-থৌরাংগী প্রোজেক্তশিং শঙ্গাখ্রে। মহাক্না মখা তারকখি মদুদি হৌখিবা চহি মঙা অসিদা, লোক সভা কনস্তিত্যুএন্সী অমখক্তদা পুন্না লুপা করোর ৩৭,০০০ লোমগী চাউখৎ-থৌরাংগী প্রোজেক্তশিং পাইখৎখ্রে।

কেন্দ্রগী য়ুম্লৈ-কৈরৈ অমসুং কোওপরেশন মন্ত্রীনা হায়খি মদুদি এহ্মদবাদকী এসেমব্লী কনস্তিত্যুএন্সী তরেত্তা চাউখৎ-থৌরাংগী অনৌবা থৌরাং কয়া অমা পাইখৎখহরে। মসিদা অঙাংগী ন্যুত্রিশন, হকচাং শাজেলগী ফেসিলিতীশিং, ইনখৎলক্লিবা নহাশিংগী ৱাখল-লৌশিং হেনগৎহন্নবা লাইব্ররীশিং, ঈশিং থম্নবা পুখ্রিশিং, চহি অমদা উ-পাম্বি চারা মিলিয়ন ৪ থাবা, লম্বি-থোংশিং, ওভরব্রিজশিং, স্ত্রীত লাইতশিং, হোসপিতালশিং, প্রিআমরী হেল্থ সেন্তরশিং অমসুং প্রাইমরী স্কুলশিং শাবনচিংবা মসিগা মরি লৈনবা থবক কয়া অমা পাইখৎখ্রে।

শ্রী অমিত শাহনা হায়খি মদুদি AMCনা এহ্মদবাদপু লু-নানবগী কেমপেন কমপিতিশন অসিদা খ্বাইদগী মাংজিল থাদুনা লুচিংবা অমা ওইহন্নবা ফিরেপ লৌখ্রে। মহাক্না হন্দক্কী লু-নানবগী সর্ভেদা এহ্মদবাদপু খ্বাইদগী মকোক থোংবা ওইহন্নবা হোৎনগদবনি হায়না য়াম্না মরু ওইনা পনখি। শ্রী শাহনা হায়খি মদুদি হন্দক্কী মতাং অসিদা অহানবা পোজিশন ফংবা হায়বদুদি ওইথোক্তবা য়াই অদুবু ঐখোয়না নৌহৌননা অমুক হৌনবগী পান্দম অমা থমগদবনি অমসুং মথংগী চহিদা ভারতকী মুনিসিপাল কোর্পোরেশনশিংগী মরক্তা লু-নানবগী খ্বাইদগী মকোক থোংবা পোজিশন অদু য়ৌবা ঙম্বা এহ্মদবাদ অমা শেম্নবগী মাইকৈদা থবক তৌগদবনি।

কেন্দ্রগী য়ুম্লৈ-কৈরৈ মন্ত্রীনা হায়খি মদুদি মহাত্মা গান্ধিগী মতুংদা, প্রধান মন্ত্রী, শ্রী নরেন্দ্র মোদী অসি লু-নানবগী কেমপেনবু মীয়ামগী ঈহৌ অমা ওইনা ওইহনখিবা লৈবাক অসিগী লুচিংবশিংগী মরক্তা অমত্তা ঙাইরবা লুচিংবনি। প্রধান মন্ত্রী মোদীনা লৈবাক অসিগী য়ুমথোং খুদিংমক্তা তোইলেতকী ফেসিলিতীশিং লৈহন্নবগী মঙলান অমা শাগৎখি। নিংতম্বগী চহি ৭০গী মতুংদা, প্রধান মন্ত্রী, শ্রী নরেন্দ্র মোদীনা মসিগী কেমপেন অসিবু হৌদোকখি। মহাক্কী পান্দমদি য়ুমথোং খুদিংমক্তা থক্নবা ঈশিং ফংহনবা, অমসুং লৈবাক অসিগী প্রাজাশিংগী মরক্তা লু-নানবগী চৎনবী অমা লৈহন্দুনা, ঐখোয়গী য়ুমশিং, খুনাইশিং, লম্বিশিং, সহরশিং অমসুং খুঙ্গংশিং লু-নান্না লৈহনবনি। কেন্দ্রগী য়ুম্লৈ-কৈরৈ মন্ত্রীনা লাল কিলাগী লানবন্দগী তোইলেতশিং শাবগী মতাংদা ঙাংখিবা প্রধান মন্ত্রী অদুদি শ্রী নরেন্দ্র মোদী খক্তনি হায়না হায়খি।

শ্রী অমিত শাহনা হায়খি মদুদি প্রধান মন্ত্রী, শ্রী নরেন্দ্র মোদীনা লৈবাক শিনবা থুংনা নাগালেন্দদগী হৌরগা কেরলা অমসুং উত্তর প্রদেশতগী অসাম ফাওবা লু-নানবগী কেমেপেন অমসুং মসিগী ভেল্যুশিং অসিবু য়োকখৎনবা থবক তৌখি।

*****