ওক্তোবর ৪,২০২৪ দা গুৱাহাতিদা অৱাং-নোংপোক রাজ্যশিং হায়বদি অসাম, অরুনাচল প্রদেস, নাগালেন্দ, মনিপুর, মিজোরম, মেঘালয়, ত্রিপুরা অমসুং সিক্কিমগী রিজনেল মীতিং অমা পাংথোক্লগনি। ভারত সরকারগী লেবর অমসুং ইমপ্লোইমেন্ত মিনিস্ত্রিনা শীন্দুনা পাংথোক্কদৌরিবা মীফম অদুদা শিন্মীশিংগী অওনবশিং পুরকপা, ইশ্রাম-নেসেনেল দেতাবেজ ওফ অনওর্গনাইজ ৱার্করস(এন দি য়ু দব্লিউ), বিল্দিং এন্দ ওদর কন্সত্রক্সন ৱার্করস(বি ও সি দব্লিউ), ইমপ্লোইয়িজ স্তেৎ ইন্সুরেন্স কোর্পোরেসন(ই এস আই সি) অমসুং থবক পীনবা থৌরাংশিংগী মতাংদা খন্ন-নৈনগনি।

মীফম অদু লেবর অমসুং ইমপ্লোইমেন্তগী কেন্দ্রগী রাজ্য মন্ত্রী সুশ্রী সোভা করান্দলাজেনা ময়াই তাংবল লৌদুনা পাংথোক্কনি অমসুং লেবর অমসুং ইমপ্লোইমেন্ত মিনিস্ত্রিগী সেক্রেতরি সুমিতা দাউরা অমসুং ভারত সরকার অমসুং রাজ্যশিংগী সেনিয়র ওফিসারশিং শরুক য়াগনি। 

গুৱাহাতিগী মীফম অসি ভারত সরকারগী লেবর অমসুং ইমপ্লোইমেন্ত মিনিস্ত্রিনা রাজ্যশিং/য়ু.তিশিংগা লোয়ননা পরিং নাইনা চৎথরিবা রিজনেল মীতিং তরুক্কী অরোইবনি। অহানবা রিজনেল মীতিং হৌখিবা ওগস্ত ৩০,২০২৪ দা কর্নাতকা, তামিল নাদু, তেলঙ্গানা, কেরলা, পুদুচেরি অমসুং অন্দমান অমসুং নিকোর ইথৎশিংগা লোয়ননা পাংথোকখ্রে। মসিগী মতুংদা অনিশুবা রিজনেল মীতিং সেপ্তেম্বর ৬,২০২৪ দা পঞ্জাব, চান্দিগর, হিমাচল প্রদেস, লাদাখ অমসুং রাজস্থান রাজ্যশিংগী ওইনা চান্দিগরদা মীফম পাংথোকখ্রে। ৩শুবা রিজনেল মীতিং গুজরাতকী রাজকোত্তা সেপ্তেম্বর ১৫,২০২৪ দা নোংচুপ থংবা রাজ্যশিং হায়বদি মহারাস্ত্রা, গৱা, গুজরাত, দমন অমসুং দিয়ু অমসুং দাদ্রা অমসুং নগর হাভেলি অমসুং লক্ষদ্বিপকী ওইনা পাংথোকখ্রে। ৪শুবা রিজনেল মীতিং সেপ্তেম্বর ২০,২০২৪ দা ভুবনেশ্বরদা ওরিসা, ছতিসগর, ঝারখন্দ, নোংচুপ বেঙ্গল অমসুং অন্ধ্র প্রদেস রাজ্যশিংগী ওইনা পাংথোকখ্রে। ৫শুবা মীফম সেপ্তেম্বর ৩০,২০২৪দা লখনৌদা উত্তর প্রদেস, মধ্য প্রদেস, বিহার, উত্তরখন্দ অমসুং দিল্লিগী ওইনা পাংথোকখ্রে।

লেবর কোদশিংগী মখাদা রাজ্যশিং/য়ু.তিশিং অমসুং কেন্দ্র সরকারনা দ্রাফ রুলশিং শেম্বা য়াওনা লেবর অমসুং থবক পীবগী মতাংদা মরুওইবা ৱাফমশিং, থবক ফংবগী দেতা খোমজিনবগা  মরী লৈনবা ৱাফমশিং অমসুং য়ুনিয়ন বজেত ২০২৪-২৫ তা লাউথোকখিবা ইমপ্লোইমেন্ত লিঙ্ক ইন্সেন্তিপ স্কিমগী ৱাফমশিং,মাইক্রেন্ত ৱার্করশিং য়াওনা অফং-অফংবা থবকশুবা শিন্মীশিংদা ঙাক্লৌ পীনবা ‘ৱান-স্তোপ সোলুসন’ য়াওনা ই-শ্রাম পোর্তেল হাংদোকপা, বি.ও.সি ৱার্করশিংদা কেন্দ্র সরকারগী তোঙান-তোঙানবা য়াইফ-থৌরাংগী স্কিমশিং ফংহনবা অমসুং ইমপ্লোইমেন্ত একচেঞ্জ ফগৎহনবা য়াওনা হিরম কয়া ওক্তোবর ৪,২০২৪গী মীফম অসিদা খন্নগনি।

*****