চেস শান্নরোয় - সার, ভারতনা সনাগী মেদল অনিমক ফংবা হন্দক্কী অসিনা অহানবনি অমসুং তিম অসি ফজনা শান্নখি, হায়বদি নুপামচাশিংনা পোইন্ত ২২গী মনুংদা পোইন্ত ২১ ফংখি অমসুং নুপীমচাশিংনা পোইন্ত ২২গী মনুংদা পোইন্ত ১৯ ফংখি, অপুনবা পোইন্ত ৪৪গী মনুংদা পোইন্ত ৪০ ফংখি। অসুক ফজনা শান্নবা অসি মমাঙদা অমুক্তা উখিদ্রি।

প্রধান মন্ত্রী – মফম অদুদা ফিবম কমদৌখিবগে ?

চেস শান্নরোয় - ঐখোয়না অহানবা ওইনা মাইপাকপদা, ঐখোয় অশুক্কী মতিক হরাওখি, তশেংনা হায়রবদা ঐখোয়গী মায়োক্তা শান্নখিবা শান্নরো খুদিংমক লাকখি অমসুং মখোয়না ঐখোয় থাগৎপা ফোঙদোকখি অমসুং মসি তশেংনা ঐখোয়গী হরাওবা অমা ওইখি। ঐখোয়গী লাম্বশিং ফাওবা হরাওখি।

চেস শান্নরোয় - সার, হৌখিবা চহি খর অসিদা ভাবক কয়া অরাপ্পা মফমশিংদগী মেতচ অসি য়েংবা লাক্নখি, ঐখোয়না হান্না উখিদ্রিবা মওং ওইখি। চেস অসি মীয়াম্না পাম্নবা হেনগৎলক্লে হায়না ঐনা খল্লি। ঐখোয়দা অকিবা খরদি ফাওখি অদুবু মখোয়না ঐখোয় অশুক্কী মতিক শৌগৎখি অমসুং অসিগুম্বা ফিবম অসিদগী ভারতনা মাইপাকপা ঙম্লকপনি।

চেস শান্নরোয় – হন্দক্কী থৌরম অসিদা লৈবাক ১৮০ শুরুক য়াখি, অদুবু চেন্নাইদা ওলেম্পিয়াদ পাংথোকখিবা অদুদা ঐখোয়গী নুপীগী তিম য়ু.এস.এগা শান্নবদা ভারতনা ব্রোঞ্জ মেদল ফংখি অমসুং ঐখোয় মাইথিখি অমসুং মতম অদুদা ঐখোয়দগী সনাগী মেদল মুনখি। হন্দক ঐখোয়না মখোয়গা অমুক হন্না শান্নরে অমসুং ভারতনা থোইদুনা সনাগী মেদল ফংলে অমসুং মখোয় মাইথিবা পীরে।

প্রধান মন্ত্রী - মখোয় মাইথিবা পীগদবনি।

চেস শান্নরোয় – মেতচ অসি ফাইনেলদা কৃক-কৃক ইন্নখি অমসুং দ্রো তাদুনা লোইশিনখি। অদুবু সার, ঐখোয়না সনাগী মেদল ফংখি, ঐখোয়গী লৈবাক্কীদমক ঐখোয়না মসি ফংগদবনি অমসুং মসি নত্তবা অতোপ্পা অমতা লৈতে।

প্রধান মন্ত্রী – নত্তে, মসিগী থৌনা অসিনা মাইপাকপা ঙম্বনি। মার্ক ২২গী মনুংদা মার্ক ২১ ফংবা অমসুং মার্ক ২২গী মার্ক ১৯ ফংবদা, অতোপ্পা শান্নরোয়শিং নত্ত্রগা গেম অসি শীল্লিবা মীওইশিং মতম অদুদা করি ফাওখিবগে?

চেস শান্নরোয় – সার, গুকেসনা মসিগী পাউখুম পীগনি হায়না ঐনা খল্লি, ঐনা করিগুম্বা খর হায়নিংই মদুদি ওপন তিমদা অখন্নবা অমা ওইনা ঐখোয়না নিংথিনা মাইপাকখি অমসুং কনাগুম্বা অমতনা ঐখোয়গী তিম তান্নবা ঙমখিদে অমসুং ঐখোয়গি নুপীগী তিম্না অহানবগী মেতচ ৭ মাইপাকখি।  মতম অদুদা নিংবা কাইবা অমা থেংনখি, ঐখোয়না খাংবা কনবা উৎখি অমসুং ঐখোয় অমুক হন্না ফজনা শান্নরকখি অমসুং গুগেস শান্নবদগী মখোয় মাইথিবা পীবা হৌখি।

চেস শান্নরোয় – মসিগী এক্সপেরিয়েন্স অসি তিমগী অচৌবা কান্নবা অমা ওইখি। ঐখোয় খুদিংমক মওং তানা শান্নখি, ২০২২গী ওলেম্পিয়াদতা ঐখোয় সনাগী মেদল ফংগদবা য়াম্না নকখিবদগী ঐখোয় খুদিংমক্কী পুক্নিং থৌগৎখি, ঐনা মেতচ অমা শান্নবদা মাইপাক্লবদি সনাগী মেদল অমা ফংগদবনি। লাইবক থিবদি, ঐ গেম অদু মাইথিখি, মীওই খুদিংমক নিংবা কাইখি। হন্দক্তি ঐখোয় খুদিংমক ফজনা পুক্নিং থৌগৎলে অমসুং হেক হৌবদগী ঐখোয় মাইপাকপা হৌরে, তশেংনা হরাওই।

প্রধান মন্ত্রী –এ.আই শীজিন্নদুনা অদোমগী গেমগী অশোইবা চুমথোকপা য়াগনি নত্ত্রগা অতোপ্পশিংগী গেম খঙবা ঙমগনি হায়না নহাক্না করিগুম্বা মতমদা খনবরা?

চেস শান্নরোয় – হোই সার, চেসতা এ.আই শীজিন্নরে অমসুং হৌজিক নৌবা তেক্নোলোজি অমসুং কম্পুতরশিং ফজনা শীজিন্নরে অমসুং মসিনা ঐখোয়দা চেসকী অনৌবা ৱাখল্লোন কয়া খঙহল্লে অমসুং হৌজিক ঐখোয় মসিগী তম্লি অমসুং মসিগী তমগদবা কয়া লৈরি হায়না ঐনা খল্লি।

চেস শান্নরোয় – সার, হৌজিক মীওই খুদিংমক এ.আই তুলশিং ফংলে অমসুং মসি শীজিন্নরে অমসুং হৌজিক ঐখোয় মসি শোইদনা শীজিন্নগনি ।

প্রধান মন্ত্রী – মখা তানা হায়য়ু।

চেস শান্নরোয় – করিশু নত্তে সার, এক্সপেরিয়েন্স য়াম্না লৈরে…

প্রধান মন্ত্রী –অসিগুম্বা গেম মাইপাক্লে, সনাগী মেদল ফংলে…

চেস শান্নরোয়  – নত্তে সার, মসি ইরাই লাইনা য়াবা নত্তে, ঐ য়াম্না কন্না হোৎনখি, ঐগী তিমগী শান্নরোয়শিং, ফিবম অসি য়ৌরক্নবা য়াম্না কন্না হোৎনখি।

প্রধান মন্ত্রী –নখোয় অয়াম্বগী ইপা-ইমাশিং দোক্তরশিং ওইরি হায়বা ঐ খঙলে।

চেস শান্নরোয় – ইপা-ইমা অনিমক দোক্তরশিংনি অমসুং ঐগী ইচেশু দোক্তরনি। ঐনা অঙাং ওইরিঙৈদা করিগুম্বা মতমদা মখোয়না অহিংগী পুং ২ তাবা মতমদা অনাবগী মনাক্তগী কোল তৌরকখি অমসুং ঐগী শীনফম অসি হেন্না ফগৎহনগনি হায়না ঐনা খনখি অমসুং ঐনা শান্নবদা হেন্না থৱায় য়াওনা হোৎনগনি।

চেস শান্নরোয় – সার, অদোম্না মশান্না খুদিংমক অমসুং শান্নরোয় খুদিংমক শৌগৎপা ঐনা উরে অমসুং অদোম শান্ন-খোৎনবা য়াম্না পামজবা মীওই অমনি হায়না ঐনা খল্লি। মসি করিগীনো হায়বা ঐ খঙবা পাম্মী?

প্রধান মন্ত্রী – ঐ নখোয়দা হায়গে, করিগুম্বা লৈবাক অমা চাউখৎলবদি, মদু লৈবাক অদুগী লন-থুমশিং খক্তনা নত্তে, লৈবাক অদুগী শেন কয়া য়াম্না লৈবগে, লৈবাক অদুগী উদ্যোগ কয়া য়াম্না লৈবগে, লৈবাক অদুগী জি.দি.পি কয়ানো। মসি নত্তে। মালেমদা হিরম খুদিংমক্তা মাংজিল থাগদবনি। ফিল্ম ইন্দস্ত্রি অমা লৈরবদি, মতৌ করম্না ওস্কারশিং খ্বাইদগী য়াম্না ফংগনি, সাইন্তিস্তশিং লৈরবদি, কমদৌনা ঐখোয়না নোবেলশিং খ্বাইদগী য়াম্না ফংগনি। মসিগা চপ মান্নবা মওংদা, কমদৌনা ঐখোয়গী অঙাংশিংনা শান্নবদা সনাগী মেদল খ্বাইদগী য়াম্না ফংগনি? পুম্নমক অসি মাইপাক্লবা মতমদা লৈবাক অদু অচৌবা লৈবাক অমা ওইরক্কনি। ঐনা গুজরাত্তা লৈরিঙৈদা, ঐনা শান্নবগী মহা কুম্ভ অমা পাংথোকখি। মসিদা অঙাং লাখ কয়া শরুক য়াখি অমসুং অহলশিং ফাওবা শান্নবা শরুক য়ানবা ঐনা পুক্নিং থৌগৎখি। মসিদগী অফবা অঙাংশিং থোক্লকপা হৌখি অমসুং ঐখোয়গী লৈবাক্কী নহারোলশিং শান্নবগী গুন কয়া লৈরি হায়বা ঐনা থাজৈ। ঐগী ৱাখল্লোন্দি, করিগুম্বা লৈবাক অসিদা অফবা খুন্নাই অমা শেমগৎপা পাম্লবদি, শান্নবগী ৱাখল্লোন অসি শান্নরোয়শিং খক্তা নত্তনা, খুন্নাইগী পুন্সিরোলদা শান্নবগী চৎনবী অমা লৈহনগদবনি।

চেস শান্নরোয় - ঐখোয়না নুমিৎ খুদিংগী অসিগুম্বা অচৌবা ৱারেপশিং লৌরে, মরম অদুআন অসিগুম্বা অরুবা ফিবমশিং অসি কমদৌনা মায়োক্নগনি হায়বগী মতাংদা ঐখোয়দা তাকপীয়ু?

প্রধান মন্ত্রী –হকচাং ফবা অসি য়াম্না মরুওই। অদোম ত্রেনিং তৌগদবনি, অদোম অফবা চীঞ্জাকশিং চাগদবনি। গেম মমাঙদা য়াম্না চারোইদবনি। অদোমগী ৱারেপশিং লৌনবা ই-পাউ য়াম্না লৌশিনগদবনি। অফবা অমসুং ফত্তবা পাউ লৈরি। অফবা পাউনি খনবশিং তাশিনবা হায়বসি মীওইবগী মহৌশানি। করিগুম্বা অদোম্না পোৎলম খুদিংমক তাবা মতমদা, নশানা মদু নৈনগদবনি অমসুং নহাক্না করিগুম্বা খর খঙদ্রবদি, কনাগুম্বা অখঙবা মীওই অমদা চিংনবা লৈতনা হংগদবনি অমসুং মতম অদুদা অদোম খুদোংথিবা খর হন্থগনি। ঐনা খঙজবা মতুংইন্না, য়োগ অমসুং মেদিতেসন্না কান্নবা য়াম্না পীগনি।

চেস শান্নরোয় –সার, ঐখোয় চয়োল অনি শান্নখি অমসুং ঐখোয় য়াম্না চোকথখি। অদোম্না ফজনা খঙলে মদুদি অদোম্না তম্নবা হোৎনবদা অমসুং মালেমগা থেংনবা মতমদা অমসুং অদোম্না শান্নরোয় খুদিংমক্তা মতম পুম্নমক্ত ফজনা শান্নবা ইথিল পীখি অমসুং অদোম্না ঐখোয়দা করি পাউতাক পীনিংবগে? কনানা চেস শান্নবা য়েংবা পাম্বগে?

প্রধান মন্ত্রী –য়েংউ, নহাক্না পুন্সিদা অপেনবা ফংনবা কৈদৌঙৈদা হংদে। করিগুম্বা অমগী অপেনবা হায়বা অমা লৈতে। অদু নত্ত্রবদি অমুক হন্না তুম্নিংলক্কনি।

চেস শান্নরোয় –সার করিগী অদোম পুং অহুম খক তুম্লিবনো।

প্রধান মন্ত্রী –ঐখোয়গী মনুংদা খৌরাং অমা লৈগদবনি। অনৌবা খর পাংথোক্নবা, খর হেন্না পাংথোক্নবা।

চেস শান্নরোয় –ঐখোয়না তুর্নামেন্তশিং মাইপাকখি অমসুং ঐখোয় বস অমদা লাকখি অমসুং ঐখোয়না অদোম্না ৱা ঙাংবা লাইভতা য়েংখি অমসুং ভারতনা পুৱারি ওইরবা সনাগী মেদল অনি ফংলে হায়না অদোমদা মালেমদা লাউথোকখি অমসুং মতম অদুদা ঐখোয় বস মনুংদা লৈরি। মালেমগী মীয়াম মমাঙদা অদোম্না ৱা ঙাংবদা লাউথোকপদা ঐখোয় অশুক্কী মতিক হরাওখি। ঐ ১৯৯৮তা ঐগী অহানবা ওলেম্পিয়াদ শান্নখি অমসুং মতম অদুদা গেরি কাস্পারোভকা শান্নখি অমসুং ঐখোয়না মখোয়গী ওতোগ্রাফশিং লৌনবা ঐখোয়না তান্নখি। ভারতকী রেঙ্কিং য়াম্না নেমখি অমসুং ঐনা কোচ অমা ওইনা চৎখিবা মতম অদুদা  ঐনা গুকেস উখি, ব্রাহ্মানন্দ উখি, অর্জুন উখি, দিবয়া উখি, হরিকা উখি অমসুং হৌজিক মীয়াম্না মখোয়গী ওতোগ্রাফশিং লৌনবা তানরে। মসিগী অহোংবা অসি লাক্লে অমসুং অনৌবা অঙাংশিংদা হিরম অসিদা মসিগী থাজবা অসি লৈরে। অদোমগী পান্দমদি ভারতনা মকোক্তা লৈবা অসিনি হায়বা ঐনা খল্লি। মসিগী অহোংবা অসি লাক্লে হায়বা ঐনা খল্লি সার।

চেস শান্নরোয় – অদোম্না এ.এসতা লৈরিঙৈদা, অতনবা মতম অসিদা, ঐখোয়গা উন্নবা অদোমগী মমল য়াম্লবা মতম কাইথোকপা অমসুং মখোয় পুক্নিং থৌগৎপগীদমক অদোম থাগৎপা ফোঙদোকচরি।

প্রধান মন্ত্রী – অদোম ঐগী মমল য়াম্লবা ঙাক্তনি। মসি ঐখোয় খক্তগী নত্তনা, মসি হৌজিক চেস শান্নরিবা অতোপ্পা মীওইশিংদা ইথিল পীনবা য়াম্না মরুওই অমসুং অদোমগা উনবা অসিনা অতোপ্পা মীওইশিংদা ইথিল য়াম্না পীগনি।

প্রধান মন্ত্রী –মসি অশেংবনি। মসি উরবা মতুংদা, মীয়াম্না মসি শান্নগনি, ঐখোয়না মসি শান্নবা ঙমগনি। ঐনা চীফ মিনিস্তর ওইরিঙৈদা গুজরাত্তা অচৌবা চেসকী থৌরম অমা পাংথোকখ্রে।

চেস শান্নরোয় –মতম অদুদা মীওই লিশিং ২০ পুন্না চেস শান্নখি অমসুং সার, মতম অদুদা মীওই অয়াম্বা চেস শান্নবা মতম ওইখিদে।

প্রধান মন্ত্রী – মোদীনা তৌরিবা অসি করিনো হায়না মীওই অয়াম্বা অঙকপা পোক্নখি। মীওই লিশিং ২০ ফম্নবা অহাংবা মফম অমা ঐনা দরকার ওইখি অমসুং মরম অদুনা ঐনা অচৌবা মান্দপ অমা খনখি। ঐখোয়গী ওফিসারশিংনা ফাওবা সার, মসিগীদমক করিগী শেন য়াম্না তিংহল্লিবনো হায়না হংখি। মসিগীদমক ঐনা শেন থাদরিবনি হায়না ঐনা পাউখুম পীখি।

চেস শান্নরোয় –সার, অদোম্না ঐ অশুক্কী মতিক পুক্নিং থৌগৎখি, ঐ য়াম্না হরাওখি অমসুং ঐ হৌজিক ঐগী থৱায়-হকচাং চেসতা লৈরে। হৌজিক ঐনা ভারতকী মেদলশিং ফংলে অমসুং ঐ য়াম্না হরাওরে।

প্রধান মন্ত্রী – অদোম অফবা শান্নরোয় ওইরবনি।

চেস শান্নরোয় –অদোম্না থৌরম শীনখি। মতম অদুদা নুপীমচা কয়া চেস শান্নখি।

প্রধান মন্ত্রী –অঙকপনি। মতম অদুদা নহাক কমদৌনা শরুক য়াখিবগে?

চেস শান্নরোয় –মতম অদুদা ঐ এসিয়ান অন্দর-১৯ মাইপাক্লে, কনাগুম্বা অমনা ঐগী ইমাদা গুজরাত্তা অচৌবা থৌরম অমা পাংথোক্কনি হায়না পাউ পীরকখি, গান্ধীনগরদা ঐ কৌরকখি।

প্রধান মন্ত্রী – মদু ঐনা শীনখিবনি।

চেস শান্নরোয় –হোই সার, ঐনা থৌরম অদুদা ফোতো নমখি অমসুং মসি অদোমদা শীন্নজরি।

প্রধান মন্ত্রী –নত্তে, ইচানুপা, ঐগী ওইনা য়ারে, মসি ঐগী অফবা নিংশিংবা অমনি। অদোম্না মসিগী শাল অসি লৌগে হায়বরা নত্ত্রগা লৌরোই হায়বরা?

চেস শান্নরোয় –হোই সার, মসি ঐ থমজিল্লগে।

প্রধান মন্ত্রী - য়াম্না ফরে, ঐনা মসি য়াম্না পাম্লে। ময়াম পুম্নমক ঐগী য়াইফ-পাউজেল পীজরি। পুম্নমক হেন্না চাউখৎপা ওইরসনু।

****