প্রধানমন্ত্রীগী লোইশঙ
প্রধান মন্ত্রীনা পেলেস্তাইনগী প্রেসিদেন্তকা উনখ্রে
Posted On:
22 SEP 2024 11:45PM by PIB Imphal
প্রধান মন্ত্রী শ্রী নরেন্দ্র মোদীনা পেলেস্তাইনগী রাস্ত্রপতী, ঐচ.ই. মহমুদ অব্বাসকা সেপ্তেম্বর ২২, ২০২৪দা নিউ য়োর্ক্তা পাঙথোকপা সম্মিত ওফ দি ফ্যুচরগী সাইদলাইন্দা উনখ্রে।
প্রধান মন্ত্রীনা গাাজাদা থোক্লিবা তংদু লৈতাদবা ফীভম অমসুং লমদমদুদা সিক্যুরিতীগী ফীভম কায়থরক্লিবা অদুদা নুংনাংবা ফোঙদোকখি অমসুং মীওইবগী মীনুংশিগী তেংবাং য়াওনা পেলেস্তাইনগী মীয়ামগী মফমদা ভারতনা খোঙফম হন্দনা ঙাক্লৌ পীগনি হায়বা ৱাফম নৌহৌননা থমখি। প্রধান মন্ত্রীনা ইজ্রেল-পেলেস্তাইন ৱাথোক্তা ভারতনা লেপ্লিবা মতম কয়া চুনদুনা লাক্লবা খোঙফমবু অমুক হন্না নীংশিংখি অমসুং নোংমৈ কাপ্নবা লেপ্নবা, ফাজিন্দুনা থম্লিবা মীওইশিং থাদোক্নবা অমসুং ৱারী শানদুনা রাজনিতীগী ওইবা লম্বীদা হঞ্জিল্লক্নবা ৱাফম থমখি। লমদম অদুদা স্তেত-অনিগী পাম্বৈ খক্তনা তুং কোইবা ইং-তপ্পা অমসুং মরা চেৎপা ফীভম পুরকপা ঙমগনি হায়না মহাক্না ফোঙদোকখি। ভারত পেলেস্তাইনবু শকখঙখিবা অহান্বা লৈবাকশিংগী মরক্তা অমনি হায়রদুনা, মহাক্না UN দা পেলেস্তাইনগী মেম্বরসিপকীদমক ভারতনা লেপ্তনা শৌগৎখিগনি হায়খি।
লুচিংবা অনিদুনা, য়ুনাইতেদ নেসন্সতা ভারতনা পেলেস্তাইনবু শৌগৎপা অমসুং মহৈ মশিং, হকশেল, অমসুং অতৈ কেপাসিতী বিল্দিংগী থৌরাংশিংদা ভারতনা পেলেস্তাইনদা পাংলিবা তেংবাংশিং য়াওনা ইন্দিয়া-পেলেস্তাইনগী নাকল অনিগী ওইবা মরীগী তোঙান তোঙানবা মশকশিংগী মরমদা খন্ন-নৈনখি। লুচিংবা অনিমক্না ইন্দিয়া-পেলেস্তাইনগী নাকল অনিগী মরীবু হেন্না চেৎশিলহন্নবা ফিরেপ লৌমিন্নখি।
*****
(Release ID: 2057808)
Visitor Counter : 10
Read this release in:
English
,
Urdu
,
Marathi
,
Hindi
,
Assamese
,
Punjabi
,
Gujarati
,
Odia
,
Telugu
,
Kannada
,
Malayalam