প্রধানমন্ত্রীগী লোইশঙ
প্রধান মন্ত্রীনা কুৱেতকী ক্রাউন প্রিন্সকা উনখ্রে
Posted On:
22 SEP 2024 11:36PM by PIB Imphal
প্রধান মন্ত্রী শ্রী নরেন্দ্র মোদীনা ঙসি নিউ য়োর্ক্তা পাঙথোকপা UNGA গী ৭৯শুবা সেসনগী সাইদলাইন্দা স্তেত ওফ কুৱেতকী ক্রাউন প্রিন্স, হিজ হায়নেস সৈখ সবাহ খলেদ অল-হমাদ অল-মুবারক অল-সবাহগা উনখ্রে। হন্দক্কী অসিনা প্রধান মন্ত্রীগা কুৱেতকী ক্রাউন প্রিন্সকা উনবা অহান্বনি।
প্রধান মন্ত্রীনা কুৱেতকা লৈনরিবা নাকল অনিগী ওইবা মরীবু ভারতনা য়াম্না লুম্না লৌই হায়খি। লুচিংবা অনিমক্না লৈবাক অনিগী মরক্তা লৈনরিবা কল্লবা পুৱারীগী মরী অমসুং মীগা মীগগী মরক্তা লৈনরিবা মরীবু নিংশিংনখি। লৈবাক অনিসিনি অমনা অমবু ইনর্জী অমসুং ফুদ সিক্যুরিতীগী মথৌ তাবশিংদা শৌগৎনরিবা অসিদা মখোয়না অপেন্বা ফোঙদোক্নখি। মখোয়না লৈবাক অনিমক্কী কান্নগদবা মওংদা লৈনরিবা নাকল অনিগী মরী অসিবু হেন্না চেৎশিলহন্নবা অমসুং পাকথোক চাউথোকহন্নবা ফিরেপ লৌমিন্নখি। প্রধান মন্ত্রীনা ক্রাউন প্রিন্সপু, লৈবাক্তুদা লৈবা খ্বায়দগী চাউবা দাইসপোরা কাঙলুপ অমা ওইরিবা ভারত মচাশিংবু কুৱেত্তা তেক্তা কায়দনা থম্বিবগীদমক থাগৎপা ফোঙদোকখি।
লৈবাক অনিগী লুচিংবশিংনা উনখিবা অদুনা ভারত অমসুং কুৱেতকী মরক্তা লৈনরিবা নাকল অনিগী ওইবা মরী অসিদা অনৌবা খোঙজেল হাপ্লগনি হায়না থাজরি।
*****
(Release ID: 2057803)
Visitor Counter : 21
Read this release in:
Bengali
,
English
,
Urdu
,
Marathi
,
Hindi
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam