ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
କୁୱେତର କ୍ରାଉନ ପ୍ରିନ୍ସଙ୍କୁ ଭେଟିଲେ ପ୍ରଧାନମନ୍ତ୍ରୀ
Posted On:
22 SEP 2024 11:36PM by PIB Bhubaneshwar
ନ୍ୟୁୟର୍କରେ ଆଜି ଜାତିସଂଘ ସାଧାରଣ ପରିଷଦର ୭୯ତମ ବୈଠକ ଅବସରରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ କୁୱେତର କ୍ରାଉନ ପ୍ରିନ୍ସ ବା ଯୁବରାଜ ଶେଖ ସବାହ ଖାଲେଦ ଅଲ-ହମାଦ ଅଲ-ମୁବାରକ ଅଲ-ସବାହଙ୍କୁ ଭେଟିଛନ୍ତି । ପ୍ରଧାନମନ୍ତ୍ରୀ ଓ କୁୱେତର କ୍ରାଉନ ପ୍ରିନ୍ସଙ୍କ ମଧ୍ୟରେ ଏହା ପ୍ରଥମ ସାକ୍ଷାତ ।
କୁୱେତ ସହ ଦ୍ୱିପାକ୍ଷିକ ସମ୍ପର୍କକୁ ଭାରତ କେତେ ଗୁରୁତ୍ୱ ଦିଏ ତାହା ପ୍ରଧାନମନ୍ତ୍ରୀ ଅବଗତ କରାଇଥିଲେ । ଦୁଇ ନେତା ଦୁଇ ଦେଶର ଜନସାଧାରଣଙ୍କ ମଧ୍ୟରେ ଥିବା ଦୃଢ଼ ଐତିହାସିକ ଓ ଭାବଗତ ସମ୍ପର୍କକୁ ମନେପକାଇଥିଲେ । ଶକ୍ତି ଓ ଖାଦ୍ୟ ନିରାପତ୍ତା କ୍ଷେତ୍ରରେ ଉଭୟ ଦେଶ ପରସ୍ପରକୁ ସହାୟତା କରୁଥିବାରୁ ଦୁଇ ନେତା ସନ୍ତୋଷ ପ୍ରକାଶ କରିଥିଲେ । ସେମାନେ ଦୁଇ ଦେଶର ପାରସ୍ପରିକ ଲାଭ ପାଇଁ ବିବିଧ ଦ୍ୱିପାକ୍ଷିକ ସମ୍ପର୍କକୁ ଗଭୀର କରିବା ଉପରେ ସେମାନଙ୍କୁ ପ୍ରତିବଦ୍ଧତାକୁ ଦୋହରାଇଥିଲେ । କୁୱେତରେ ଥିବା ପ୍ରବାସୀ ଭାରତୀୟ, ଯେଉଁମାନେ କି ଦେଶର ସବୁଠାରୁ ବଡ଼ ପ୍ରବାସୀ ଗୋଷ୍ଠୀ ସେମାନଙ୍କର କଲ୍ୟାଣ କଥା ଚିନ୍ତା କରୁଥିବାରୁ କ୍ରାଉନ ପ୍ରିନ୍ସଙ୍କୁ ପ୍ରଧାନମନ୍ତ୍ରୀ ଧନ୍ୟବାଦ ଜଣାଇଥିଲେ ।
ଦୁଇ ଦେଶର ନେତୃବୃନ୍ଦଙ୍କ ଏହି ଭେଟ ଭାରତ ଓ କୁୱେତ ମଧ୍ୟରେ ଦ୍ୱିପାକ୍ଷିକ ସମ୍ପର୍କକୁ ଅଧିକ ଗତିଶୀଳ କରିବ ବୋଲି ଆଶା କରାଯାଏ ।
SR
(Release ID: 2057743)
Visitor Counter : 8
Read this release in:
Bengali
,
English
,
Urdu
,
Marathi
,
Hindi
,
Assamese
,
Manipuri
,
Punjabi
,
Gujarati
,
Telugu
,
Kannada
,
Malayalam