ঙসি, য়ুনাইতেদ স্তেতস, ওস্ত্রেলিয়া, ইন্দিয়া, অমসুং জাপান্না রীজন অসিদা অচৌবা হকশেলগী খুদোংচাদবা ৱাফম অমা ওইরিবা অনম্বনা ঙাকথোকহৌবা য়াবা লায়না অমা ওইরিবা সর্ভিকেল কেন্সরদগী হৌরগা, অমসুং অতোপ্পা কেন্সর মখলশিংগী পাম্বৈ পুথোক্নবা থৌরাং য়াৎপা ওইনা ইন্দো-পেসিফিক্তা ঐখোয়না থেংনরিবা কেন্সর অসি লোইশিনবদা মতেঙ ওইগদবা অচৌবা থৌরাং অমা হৌদোকখ্রে‍। থৌরাং অসি ক্বাদ লীদর্স সম্মিত্তা লাউথোকখিবা ৱাফমশিংগী শরুক অমনি‍।

ক্বাদ কেন্সর মুনসোত অসিনা হকশেলগী ইনফ্রাস্ত্রকচর ফগৎহন্দুনা, রিছর্চ কোলাবোরেসন পাকথোক চাউথোকহন্দুনা, দেতা সিস্তেম শেমগত্তুনা, অমসুং কেন্সর ঙাকথোকপা, থিদোকপা, লায়েংবা, অমসুং চেকশিন থৌরাংদা হেন্না চাউবা ঙাক্লৌ পীদুনা ইন্দো-পেসিফিক্তা মপুং ওইবা কেন্সর কেয়র ইকোসিস্তেম মপাঙ্গল কনখৎহনগনি‍।

সর্ভিকেল কেন্সর অসি ভেক্সিনেসনগী খুত্থাঙদা ঙাকথোকহৌবা য়াবা অমসুং ঙল্লিঙৈদা খঙদোকহৌরবদি অনম্বনা লায়েংবা য়াবা ওইরগসু, ইন্দো—পেসিফিক রীঈজন্দা নুপীশিংগী মরক্তা কেন্সরনা মরম ওইরগা শিবগী চাংদা অহুমশুবা খ্বায়দগী চাউবা মরম ওইরি‍। ইন্দো-পেসিফিক্তা নুপী ১০গী মনুংদা অমদগী হন্থনা হ্যুমেন পপিলোমেভাইরস (HPV) ভেক্সিনেসন সেরিজ কাপ্পা লোইশিল্লি, অমসুং ১০%দগী হন্থবা মীশিংনা কুইদ্রিঙৈদা স্ক্রীনিং তৌখি‍। রীজন অসিদা লৈরিবা লৈবাক ময়াম অমনা হেল্থকেয়র এক্সেস, অকক্নবা রিসোর্স, অমসুং ভেক্সিনেসন রেত্তা খেন্নবা লৈবগা মরী লৈনবা শিংনবা কয়া লৈরি‍। থৌরাং অসিগী খুত্থাঙদা, ক্বাদ কন্ত্রীশিংনা HPV ভেক্সিনেসন য়োকখত্তুনা, স্ক্রীনিং তৌবগী চাং হেনগৎহন্দুনা, অমসুং মপুং ফানা য়ৌশিন্দ্রিবা মফমশিংদা লায়েংবগী ওপসনশিং পাকথোক চাউথোহন্দুনা অহোবা অসি মেনশিন্নবা থবক পায়খৎকনি‍।

মপুং ওইনা, ঐখোয়গী সাইন্তিফিক এক্সপর্তশিংনা লাক্কদৌরিবা দেকেদশিং অসিদা ক্বাদ কেন্সর মুনসোত ভেক্সিন্না মীওই লিশিং কয়াগী পুন্সি কন্বা ঙমগনি হায়বা ৱাফম ফোঙদোক্লি‍। খোঙথাঙ অসি ঐখোয়না থেংনরিবা কেন্সর লায়না অসি লোইশিন্নবা বাইদেন-হেরিস লৈঙাক্কী লেঙদ্রবা খোঙফমদা য়ুম্ফম ওইরগা পায়খৎলকপনি‍। চহি অনি হেন্বগী মমাঙদা, প্রেসিদেন্ত বাইদেন অমসুং ফর্স্ত লেদী জিল বাইদেন্না য়ুনাইতেদ স্তেতসতা কেন্সরনা মরম ওইরগা মী শিবগী চাং য়ামদ্রবদা তঙ্খায় অমা হন্থহন্দুনা ২০৪৭ ফাওবদা কেন্সরনা মরম ওইরগা মীওই মিলিয়ন ৪ শিবদগী কন্নবা, অমসুং কেন্সরনা শোকহল্লবা মীওইশিংগী পুন্সি মহিং ফগৎহন্নবা পান্দমগা লোয়ননা কেন্সর মুনসোত থৌরাংদা অমুক হন্না মথৌ হাপখি‍।

কেন্সর হায়বসি, লৈবাক অমখক্তনা হোৎনরিবদুদগী ৱাংমদা পুন্না থবক পায়খৎমিন্নবা অমসুং তেংবাংমিন্নবা মথৌ তাবা মালেমগী শিংনবা অমনি‍। পুন্না থবক তৌমিন্নদুনা, ক্বাদনা কেন্সর ঙাকথোক্নবা, খঙদোক্নবা, লায়েংনবা অমসুং অনাবা মীওইশিং অমসুং মখোয়গী ইমুং মনুংদা মসিনা পীরিবা শাফু হন্থহন্নবা ইনোভেতিব ওইবা থৌরাংশিং পায়খৎনবা পান্দম থম্লি‍। ক্বাদ পার্ত্নরশিংনা মখোয় মখোয়গী লৈবাক্কী ফীভমদা মীৎয়েঙ থমদুনা কেন্সরগী লমদা রিছর্চ অমসুং দিভেলপমেন্ত খুমাঙ চাওশিলহন্নবা অমসুং রীজন অসিদা সর্ভিকেল কেন্সরগী পোৎলুম হন্থহন্বদা লনাই সেক্তর অমসুং নন-গভর্নমেন্তেল সেক্তরগী থবক থৌরমশিং হেনগৎহন্নবা পুন্না থবক তৌমিন্নবা পাম্লি‍। ঙসি ক্বাদ কন্ত্রীশিংনা ঐখোয়গী লৈঙাক অমসুং নন-গভর্নমেন্তেল কন্ত্রিব্যুতরশিংদগী মখাদা পীরিবা মঙলান চাউবা খোঙফমশিং পায়খৎলক্নবা লাউথোকখি:

ক্বাদ কন্ত্রীশিং

ক্বাদ কন্ত্রীশিংনা, চহি মঙা চুপ্না য়ুনাইতেদ স্তেতসনা $১.৫৮ বিলিয়নগী শেন্ফম পুথোক্নবা হান্না ৱাশকপগা লোয়ননা, ইন্দো-পেসিফিক্তা HPV ভেক্সিন য়াওনা গাভিগী মতাঙদা মখা তানা খোঙফম চেৎৎনা লেপ্নবা ফিরেপ লৌখি‍।

মসিগী মথক্তা, ক্বাদ কন্ত্রীশিংনা সর্ভিকেল কেন্সর স্ক্রীনিংগী শেঞ্জং হন্থহন্নবা HPV দাইগ্নোস্তিক পুন্না লৈবদা য়ুনাইতেদ নেসসন্স এজেন্সীশিংগা পুন্না থবক তৌমিন্নগনি, অমসুং মেদিকেল ইমেজিং অমসুং রেদিএসন থেরাপী ফংবগী চাং অমসুং ক্বালিতী হেনগৎহন্নবা ইন্তরনেস্নেল এতোমিক ইনর্জীগা পুন্না থবক তৌমিন্নগনি‍।

য়ুনাইতেদ স্তেতস

দিপার্তমেন্ত ওফ দিফেন্সনা, US নেভীগী খুত্থাঙদা, ২০২৫তগী হৌরগা ইন্দো-পেসিফিক পার্ত্নরশিংগা লোয়ননা HPV ভেক্সিন এক্সপর্ত এক্সচেঞ্জ শৌগৎপা পাম্লি‍। খোঙবু ওইবগী মরী অসিনা খোঙবু ওইরিবা লৈবাকশিংদগী হেল্থকেয়র প্রোফেস্নেলশিংবু, HPV ভেক্সিনেসনগুম্বা প্রিভেন্তিব হেল্থ সর্ভিসশিংদা মীৎয়েঙ থমদুনা ইন্দো-পেসিফিক পুম্বদা হেন্দ্স-ওন ত্রেনিং ফংবা, কেপাসিতী হেনগৎহন্বা, অমসুং হেল্থকেয়র সিস্তেম মপাঙ্গল কনখৎহন্বা ঙমহনগনি‍। থৌরাং অসিনা কেন্সরগী লমদা রীজনেল কোওপরেসন হেনগৎহন্নবা অমসুং রীজন অসিদা হেল্থ সিক্যুরিতী য়োকখৎনবা পান্দম থম্লি‍।

ফুদ এন্দ দ্রগ এদমিনিস্ত্রেসন (FDA) ওনকোলোজী সেন্তর ওফ এক্সেলেন্সনা FDA গী ‘প্রোজেক্ত অশা’গী মখাদা স্তেকহোল্দরশিংগা কোলাবোরেসন শেমগৎনবা মথঙগী থা তরানিথোইগী মনুংদা ভারত্তা তেক্নিকেল ওইবা খোঙচৎ অমা শিন্বা পাম্লি‍। FDA ইন্দিয়া ওফিস, মাঙজিল থাবা ওনকোলোজিস্ত, পেসেন্ত এদভোকেসী গ্রুপ, ক্লিনিকেল ত্রাইএল স্পোন্সর্স, অমসুং লৈঙাক্কী স্তেকহোল্দরশিংগা পুন্না থবক তৌমিন্নদুনা, অনৌবা খোঙবু ওইবগী মরী অসিনা ক্লিনিকেল ত্রাইএল দিজাইন তৌবা, পাঙথোকপা অমসুং শিন লাঙবগী এজুকেসন, মালেমগী স্তেন্দর্দ য়োকখৎপা, এপ্রুভেল এক্সেস মওং মরিল নাইহন্বদা মতেঙ পাংবা, রিগুলেতরী এক্সপরতিজ তাথোক তাশিন তৌনবা, অমসুং কেন্সর ক্লিনিকেল ত্রাইএল এক্সেস হেনগৎহন্বা য়াওনা কেপাসিতী-বিল্দিং থৌরাংশিংদা পুক্নিং চঙগনি‍।

U.S. নেস্নেল কেন্সর ইন্সতিত্যুৎ (NCI) না ইন্দো-পেসিফিক রীজন্দা গ্লোবেল কেন্সর রিছর্চ অমসুং গ্লোবেল কেন্সর রিছর্চ ত্রেনিংগী মকোক থোবা ফন্দর অমা ওইনা মাগী ঙাক্লৌ পীবগী থৌওং পাকথোক চাউথোকহন্বা পাম্লি‍। পোর্তফোলিও অসিদা হৌজিক হৌজিক সর্ভিকেল কেন্সর ভেক্সিনেসন চাংয়েং তৌবা, স্ক্রীনিং, অমসুং মালেম পুম্বগী নুপী অমসুং নুপীমচাশিংগী মথৌ তাবা ফংহন্বা ঙমগদবা লায়েংবগী ইন্তরভেন্সন অমসুং লাল্লোংদা অচৌবা ইনভেস্তমেন্ত তৌবা য়াওনা খা এসিয়া, নোংপোক এসিয়া, অমসুং পেসিফিক্তা লৈরিবা ইনভেস্তিগেতর অমসুং ইন্সতিত্যুসনশিং শরুক য়াবা হৌজিক পায়খৎলিবা প্রোজেক্ত ৪০০গী ময়াদা য়াওরি‍। ইন্তরনেস্নেল কেন্সর কন্ত্রোল পার্ত্নরসিপ, ইন্তরনেস্নেল এজেন্সী ফোর রিছর্চ ওন কেন্সর, অমসুং ৱর্ল্দ হেল্থ ওর্গনাইজেসন WHO) কোলাবোরেতিং সেন্তরশিংগী খুত্থাঙদা লৈবাকশিংদা ফংহল্লিবা সাইন্তিফিক সপ্পোর্তকী খুত্থাঙদা NCIনা মালেমগী কেন্সর কন্ত্রোলদা পীরিবা মাগী ঙাক্লৌসু পাকথোক চাউথোকহনগনি‍।

NCIনা মালেমগী ওদিএন্স অসিদা হকশেলগী প্রোফেসস্নেলশিং অমসুং কেন্সরনা শোকহল্লবা মীওইশিংগী খুদম চাংদমদা য়ুম্ফম ওইবা কেন্সর ইনফোর্মেসন পীননবা ইইন্দো-পেসিফিক রীজনগী লৈবাকশিংগা লৈনরিবা খুৎশম্ননা চৎমিন্নবগী মরী অসি পাকথোক চাউথোকহনগনি‍। NCIনা ইন্দো-পেসিফিক্কী হকশেলগী প্রোফেস্নেলশিং অমসুং অনাবা মীওইশিংদা অখঙ-অহৈশিংনা নীংথিনা খনগৎলবা, মপুং ফাবা, অমসুং ওথোরিতেতিব ওইবা কেন্সর ইনফোর্মেসন ফংহন্দুনা ক্বাদ কেন্সর মুনসোতকী মীয়ামদা খঙহন্বগী মথৌ তাবশিংদা ঙাক্লৌ পীননবা পান্দম থম্লি‍। মসিদা সর্ভিকেল কেন্সরগী স্ক্রীনিং, ঙাকথোকপা, লাইওং খঙদোকপা, অমসুং লায়েংবগা মরী লৈনবা পাক-চাউবা ইনফোর্মেসন য়াওনা অহল অমসুং অঙাংগী কেন্সর লায়েংবা, স্ক্রীনিং তৌবা, ঙাকথোকহৌবা, জিনেতিক্স, সপ্পোর্তিব অমসুং পেলিএতিব কেয়র, অমসুং ইনতিগ্রেতিব, অল্তরনেতিব, অমসুং কম্প্লিমেন্তরী থেরাপীনচিংবা কেন্সরগী হীরমশিংগী মপুং ফানা খোমজিল্লবা ইনফোর্কমেসন য়াওরি‍।

সেন্তর ফোর দিজীজ কন্ত্রোল এন্দ প্রিভেন্সন (CDC)না ইন্দো-পেসিফিক রীজন্দা HPV ভেক্সিনেসন প্রোগ্রামশিং শৌগৎকনি, ভেক্সিন দিস্ত্রিব্যুসনগী ফীভম ফগৎহনগনি অমসুং কেন্সর সর্ভিলেন্স অমসুং প্রিভেন্সন সিস্তেম মপাঙ্গল কনখৎহনগনি‍। মসিদা মরম খঙনা তুংগী ভেক্সিন দিস্ত্রিব্যুসন তৌনবগী লীচৎ শাজৎ অমসুং খুন্নাইগী দ্রাইভরশিংদা মীৎয়েঙ থমদুনা HPV ভেক্সিনেসন প্রোগ্রাম ইভালুএসন অমগী মতাঙদা ফিলিপিন্স মিনিস্ত্রী ওফ হেল্থকা পুন্না থবক তৌমিন্নবা য়াওরি‍। CDCনসু রীজন অসিদা মপুং ওইবা কেন্সর কেয়র ইকোসিস্তেম মপাঙ্গল কনখৎহন্নবা কেন্সর কন্ত্রোল প্লান শেমগৎপদা ঙাক্লৌ পীদুনা পাক চাউবা কেন্সর কন্ত্রোলগী থৌরাংশিংদা থৌদাং য়াগনি‍।

CDCনা US পেসিফিক ঙমখৈশিং অমসুং ফ্রী ওইনা লোয়নরিবা স্তেতশিংদা পাইলোত সর্ভিকেল কেন্সর স্ক্রীনিং স্তদীশিং পাঙথোক্তুনা, লোয়ননা US পেসিফিক আইলেন্দ জুরিস্দিক্সন (PIJs) শিংদা CDC-ফন্দেদ নেস্নেল কেন্সর কন্ত্রোল প্রোগ্রামদা পীরিবা ঙাক্লৌ মখা তানা পীদুনা তেক্নিকেল ওইবা তেংবাং ফংহনবা অমসুং খ্বায়দগী ফবা থৌওংশিং খঙহন্বা পাম্লি‍। থৌরাংশিং অসিদা সর্ভিকেল কেন্সর ঙন্না খঙদোকপগী চাং হেনগৎহন্নবা খুদম চাংদমদা য়ুম্ফম ওইবা লাল্লোং তাথোক তাশিন তৌমিন্নবা য়াওরি‍। মসিগী মথক্তা CDCনা PIJ শিংদা মখোয়গী স্ক্রীনিং কেপাসিতী হেনগৎহনবদা মতেঙ ওইগদবা অমসুং সর্ভিকেল কেন্সর স্ক্রীনিং য়োকখৎনবা পার্ত্নরসিপ পুক্নিং থৌগৎনবা, প্রাইমারী HPV তেস্তিং তৌনবা অমসুং মখা তারকপা তেস্তশিং তৌনবা মেদিকেল অমসুং লেবোরেতরী কেপাসিতী হেনগৎহন্নবা, অমসুং কেন্সর প্রিভেন্সন অমসুং কেয়র ইনফ্রাস্ত্রকচরগী ফীভম ফগৎহন্নবা স্ক্রীনিং তৌবা য়েংশিন্নবা দেতা সিস্তেমগী ফীভম ফগৎহন্নবা লমজিং য়াওনা ইমপ্লিমেন্তেসনগী লমজিং অমা পীবা পাম্লি‍।

U.S. ইন্তরনেস্নেল দিভেলপমেন্ত ফাইনান্স কোওপরেসন (DFC)না সর্ভিকেল কেন্সর য়াওনা কেন্সর ঙাকথোক্নবা, খঙদোক্নবা অমসুং লায়েংনবা ইলিজিবল ওইপা প্রাইভেত সেক্তরনা থৌদুনা পুবা প্রোজেক্তশিংগা ঙাক্লৌ পীনবা মীৎয়েঙ থমগনি‍। মরু ওইনা, DFCনা নীংথিনা খুদোংচাবা ফংহন্বা ঙমদ্রিবা ফুরুপশিংদা ইনোভেতিব ওইবা এপ্রোচ অমসুং তেক্নোলোজীশিং শীজিন্নবগী খোঙজেল য়াঙ্খৎহন্নবা মীৎয়েঙ থমগনি‍।

U.S. এজেন্সী ফোর ইন্তরনেস্নেল দিভেলপমেন্ত (USAID)না HPV ভেক্সিনেসন এক্সেস পাকথোক চাউথোকহন্নবা মরুওইবা শেলথুমগী অমসুং তেক্নিকেল ওইবা ঙাক্লৌ ফংহন্নবা মীৎয়েঙ থমগনি‍। US লৈঙাক্না, USAIDগী খুত্থাঙদা গাভি হায়রিবা ভেক্সিন এলাইন্স অসিদা থাজরুদবা মওংদা য়ামদ্রবদা ক$ব.৫৮ বিলিয়নগী শেনফম কাইথোক্নবা ৱাফম থমদুনা, মসিনা লো অমসুং মিদ্দল-ইনকম লৈবাকশিংদা HPV ভেক্সিন য়াওনা ভেক্সি কভরেজ হেনগৎহন্নবা মালেমগী ওইবা থৌরাংদা ইনোৎ হাপ্তুনা ইন্দো-পেসিফিক অমসুং মসিগী ৱাংমদা নুপী অমসুং নুপীমচা মিলিয়ন কয়াবু সর্ভিকেল কেন্সরদগী ঙাকথোকপদা মতেঙ ওইরগনি‍।

স্তেত দিপার্তমেন্তনা, গ্লোবেল হেল্থ সিক্যুরিতী এন্দ দিপ্লোমেসী GHSD)-প্রেসিদেন্তস’ ইমর্জেন্সী প্লান ফোর রিলীফ PEPFAR)কী খুত্থাঙদা, লো অমসুং মিদ্দল-ইনকম লৈবাকশিংদা কোমোদিতী প্রোক্যুরমেন্ত অমসুং হেল্থ সিস্তেম মপাঙ্গল কনখৎহন্বা য়াওনা HIVগা শাগোন্নরগা হিংলিবা মীওইশিংগী মরক্তা সর্ভিকেল কেন্সর স্ক্রীনিং অমসুং লায়েংবগী থৌরাং খোঙলৈ থুনা হেনগৎহন্নবা খ্বায়দগী ফবা থৌওংশিং তাথোক তাশিন তৌগনি‍। খুশম্ননা চৎমিন্নরিবা অসিনা হৌজিক লৈরিবা HIV লায়েংবগী প্রোগ্রামদা সর্ভিকেল কেন্সর স্ক্রীনিংগী থৌওং পুনশিন্বগী ফীভম ফগৎহন্দুনা পুন্সি কনগদবা ইন্তরভেন্সন ফংবগী চাং হেনগৎহনগনি‍। মসিনা স্ক্রীনিং অমসুং লায়েংগী মথৌ তাবা মরুওইবা মেদিকে সপ্লাইশিংগী সপ্লাই চেনগী ফীভম ফগৎহন্বদা মীৎয়েঙ থমগনি‍।

ওস্ত্রেলিয়া

ওস্ত্রেলিয়ন লৈঙাক অমসুং ফিলান্থ্রোপিক কন্ত্রিব্যুসনগী খুত্থাঙদা ইলিমিনেসন পার্ত্নরসিপ ইন দি ইন্দো-পেসিফিক ফোর সর্ভিকেল কেন্সর (EPICC) কন্সোর্তিয়মদা শেল থাদনবা লেপ্লিবা অপুন্বা খোঙফম AUD $২৯.৬ মিলিয়ন্দা হেনগৎহল্লগনি‍। EPICC হায়বসি রীজন অসিদা লৈরিবা লৈবাক অমা হেক্তদা HPVগা মরী লৈনবা থৌশিল, থৌরাং, অমসুং শেম শাদুনা লৈবগী ফীভম ফগৎহন্দুনা ইন্দো-পেসিফিক পুম্বদা সর্ভিকেল কেন্সর মুত্থৎনবগী থৌরাং খুমাঙ চাওশিলহন্নবা দেকেদ কয়াগী রিছর্চ অমসুং ক্লিনিক্সিয়ন লীদরসিপ্তা শেমগৎলকপা অনৌবা প্রোগ্রাম অমনি‍। EPICCনা তিমোআ-লেস্তে অমসুং সোলোমোন ঈথত্তা তুংদা চাং হেনগৎহন্নবগীদমক HPV প্রোগ্রাম মমায় চুদুনা, মলেসিয়া, ফিজি, অমসুং পপুৱা নিউ গীনিয়াদা লৈবাক্কী শেম শাদুনা লৈবদা ঙাক্লৌ পীনবা সব-নেস্নেল ভেক্সিনেসন প্রোগ্রামশিং পাকথোক চাউথোকহল্লি, অমসুং তুবালু, ভনাউতু অমসুং নাউরুদা লৈবাক্কী ওইনা লেপ্পা লৈতনা পাঙথোক্কদবা HPV ইলিমিনেসন প্রোগ্রামশিং শেমগৎপদা ঙাক্লৌ পীরি‍। EPICCনা, HPV ভেক্সিনেসন সপ্পোর্তকী খুত্থাঙদা প্রাইমারী প্রিভেন্সন মপাঙ্গল কনখৎহন্বা, প্রি-কেন্সরগী HPV স্ক্রীনিং অমসুং ত্রীতমেন্তগী খুত্থাঙদা সর্ভিকেল কেন্সরগী সেকেন্দরী প্রেভেন্সি, সর্ভিকেল কেন্সর স্ক্রীনিং অমসুং দাইগ্নোসিসকীদমক লেবোরেতরী মপাঙ্গল কনখৎহন্বা, দিসিজন মেকিং অমসুং মপাঙ্গল কনখৎহল্লবা মোদেল ওফ কেয়রগীদমক দেতা জেনেরেত তৌনবা দিজিতেল হেল্থ ৱর্কো সর্ভিকেল কেন্সর মেনেজমেন্ততা ঙাক্লৌ পীবা (লায়েং অমসুং পেলিএতিব কেয়র অনিমক্তা), অমসুং সর্ভিকেল কেন্সর মুত্থৎনবগী লম্বীগী য়ুম্বী পুম্নমক্তা পোলিসী অমসুং মোদেল্লিংগী ঙাক্লৌ পীবা য়াওনা, মরুওইবা হীরম তরুক্তা সর্ভিকেল কেন্সর মুত্থৎনবা থবক পায়খৎলি‍।

ওস্ত্রেলিয়ন লৈঙাক্কী AUD $১৬.৫ মিলিয়ন ($১১ মিলিয়ন)গী অপুন্বা কম্মিৎমেন্তকা লোয়ননা, পাকথোক চাউথোকহল্লবা EPICC প্রোজেক্ত অসিনা ইন্দো-পেসিফিক্কী নুপীশিংবু হেন্না পাক শন্না কোনশিনগনি‍। মসিনা রীজন অসিদা লৈরিবা সর্ভিকেল কেন্সর মুত্থৎপগী মলদা থবক তৌরিবা খোঙবু ওইরিবা লূপশিংগীম ফমদা ইন্দো-পেসিফিক্তা কন্না মীৎয়েঙ চঙগদৌরিবা মথঙগী গ্লোবেল ফোরন ওন সর্ভিকেল কেন্সর ইলিমিনেসন্দা শরুক য়াবদসু ঙাক্লৌ পীগনি‍।

দোক্তর এন্দ্রিউ ফোরেস্ত AO অমসুং নিকোলা ফোরেস্ত AOনা, মখোয়গী চেরিতী মিন্দেরু ফাউন্দেসনগী খুত্থাঙদা, AUD ১৩.১ মিলিয়নগী ($৮.৮১ মিলিয়ন) অহেন্বা শেনফমগা লোয়ননা EPICC দা পীরিবা লাইফসেভিং কন্ত্রিব্যুসন হেনগৎহল্লি‍। হায়রিবা অহেন্বা ফন্দিং অসিনা EPICC বু রীজন অসিদা লৈবাক ১১ ফাওবদা পাকথোক চাউথোক্না কোনশিনহল্লগনি অমসুং মিন্দেরুগী অপুন্বা কম্মিৎমেন্ত AUD ২১.৭ মিলিয়ন য়ৌহল্লগনি‍। পাকথোক চাউথোকহল্লবা প্রোগ্রাম অসিনা পেসিফিক রীজন্দা মথঙগী চহি ৪ সিদা নুপী ১৪০,০০০ কোনশিনগনি, লোয়ননা নেস্নেল ইলিমিনেসন প্রোগ্রামশিং শেমগৎকনি অমদি নুপী অমসুং নুপীমচাশিংগী তুংগী মীরোলগীদমক প্রোগ্রাম অসি মখা চত্থবদা লৈঙাকশিংদা মপাঙ্গল হাপ্লগনি‍।

ইন্দিয়া

ভারতনা মাগী নেস্নেল নন-কম্ম্যুনিকেবল দিজিজ (NCD) পোর্তেলগী খুত্থাঙদা দিজিতেল হেল্থকী তেক্নিকেল এক্সপরতিজ তাথোক তাশিন তৌগনি‍। ৱর্ল্দ হেল্থ ওর্গনাইজেসন (WHO)না লুচিংবা গ্লোবেল ইনিসিএতিব ওন দিজিতেল হেল্থ শৌগৎনবা $১০ মিলিয়ন কম্মিৎমেন্তকী শরুক অমা ওইনা, ভারতনা ইন্দো-পেসিফিক রীজন্দা তেক্নিকেল এসিস্তেন্স পীগনি‍। মসিদা কেন্সর স্ক্রীনিং অমসুং কেয়রগী লোং-তর্ম দেতা ত্রেক তৌরিবা নেস্নেল নন-কম্ম্যুনিকেবল দিজিজ পোর্তেল শীজিন্নবগী তেক্নিকেল সপ্পোর্ত পীবা য়াওরি‍।

ভারতনা ইন্দো-পেসিফিক রীজন্দা $৭.৫ মিলিয়নগী ওইগদবা HPV সেম্প্লিং কিত, দিতেক্সন তুল্স অমসুং সর্ভিকেল কেন্সর ভেক্সিন ফংহন্নবা ফিরেপ লৌরি‍। শিংথানিংঙাই ওইবা কন্ত্রিব্যুসন অসিনা সর্ভিকেল কেন্সর ঙাকথোক্নবা অমসুং খঙদোক্নবা পায়খৎলিবা থৌরাংশিং মপাঙ্গল কনখৎহন্নবা অমসুং মীয়ামবু মমল য়ামদবা ঙন্না খঙদোক্নবা অমসুং ঙাকথোক্নবা খুৎলায়শিং ফংহন্দুনাম পাঙ্গল হাপ্নবা, লোয়ননা রীজন অসিদা লায়না অসিগী পোৎলুম হন্থহন্নবা ভেক্সিনেসন প্রোগ্রামশিংদা ঙাক্লৌ পীনবা পান্দম থম্লি‍।

ভারতনা মাগী নেস্নেল প্রোগ্রাম ফোর প্রিভেন্সন এন্দ কন্ত্রোল ওফ নন-কম্ম্যুনিকেবল দিজিজেজকী খুত্থাঙদা ওরেল, ব্রেস্ত, অমসুং সর্ভিকেল কেন্সরগী পোপুলেসসন-বেজ স্ক্রীনিংগী থবক থৌওং পাকথোক চাউথোকহল্লি‍। মরুওইনা, ভারতনা সর্ভিকেল কেন্সর স্ক্রীনিংগীদমক ইচম চম্বা, শেল য়াম্না চঙদবা অমসুং মতি লৈবা ভিজুএল ইন্সপেক্সন ৱিথ এসেতিক এসিদ (VIA) মেথদ শীজিন্নরি অমসুং মসিনা হেল্থকেয়র ৱর্করশিংদা এদভান্স লেবোরেতরী ইনফ্রাস্ত্রকচরগী মথৌ তাহন্দনা সর্ভিকেল কেন্সরগী ঙল্লিঙৈগী খুদম চাংদমশিং খঙদোকপা য়ান্দুনা মসিবু ইন্দো-পেসিফিক্কী অতৈ মফমশিংদা শীজিন্নবা য়াবা খুৎলায় অমা ওইহল্লি‍।

ভারতনা মাগী “স্ত্রেংদনিং ওফ তর্সরী কেয়র কেন্সর সেন্তর” প্রোগ্রামগী মখাদা স্পিসিএলাইজ কেন্সর ত্রীমেন্ত সেন্তরশিং ফংহন্বগী চাং হেনগৎহল্লি‍। ভারত লৈঙাক্না লৈবাক শিন্বা থুংনা স্তেত অমসুং য়ুনিয়ন তেরিতরী অনিমক্না লায়েংবগী কেপাসিতী হেনগৎহন্নবা ঙাক্লৌ পীদুনা, নীংথিনা য়ৌশিন্বা ঙমদ্রবা মফমশিং য়াওনা লৈবাক্কী মফম পুম্নমক্তগী মীওইশিংদা হায় ক্বালিতী কেয়র ফংহল্লি‍।

ভারতনা প্রধান মন্ত্রী জন আরোগ্য য়োজনা (PMJAY)গী খুত্থাঙদা শেল য়াম্না তিংদনা কেন্সর লায়েংবগী খুদোংচাবা পীনবা খোঙফম লেপ্লি‍। মসিগী হেন্না পাক চাউবা হেল্থ কভরেজ থৌরাং ওইরিবা PMJAYগী শরুক অমা ওইনা, ভারতনা মাগী মীয়ামদা শেল য়াম্না চঙদনা কেন্সর লায়েংনবা খুদোংচাবা ফংহন্নবগীমক লেপ্তুনা খ্বায়দগী শেলগী মথৌ তারিবা মীওইশিংদা শেলথুমগী ঙাক্লৌ পীরি‍।

ভারতনা সর্ভিকেল কেন্সর মুত্থৎনবা লেপ্লিবা খোঙফম অসি ইন্দিয়ন কাউন্সিল ওফ মেদিকেল রিছর্চ (ICMR)না লুচিংদুনা পায়খৎলিবা রিছর্চ অসিনা মখা তানা শৌগৎলি‍। রিছর্চ অসিনা সর্ভিকেল কেন্সর স্ক্রীনিং, ঙন্না দাইগ্নোসিস তৌবা অমসুং লায়েংবা হৌবগী ফীভম ফগৎহনবদা মীৎয়েঙ থম্লি‍। রিছর্চ অসিগী রিজল্ত অমসুং ফাইন্দিংশিং অসি রিজনেল কোলাবোরেসন মপাঙ্গল কনখৎহন্নবগীদমক লাক্কদৌরিবা চহিশিংদা ইন্দো-পেসিফিক লৈবাকশিংদা ফংহনগনি‍।

জাপান

জাপান্না ইন্দো-পেসিফিক রিজন্দা লৈরিবা লৈবাকশিংদা চাউরাক্না $২৭ মিলিয়নগী ওইগদবা কম্প্যুতেদ তোমোগ্রাফী (CT) অমসুং মেগ্নেতিক রিসোনেন্স ইমেজিং (MRI) স্কেন্নরশিং য়াওনা মেদিকেল খুৎশু খুৎলায়শিং, অমসুং অতৈ তেংবাংশিং পীরি‍। হায়রিবা লৈবাকশিং অসিগী মনুংদা কম্বোদিয়া, ভিএতনাম, অমসুং তিমোর-লেস্ত য়াওরি, লোয়ননা মালেমগী লূপশিংসু য়াওরি‍।

জাপান ইন্তরনেস্নেল কোওপরেসন এজেন্সী অমসুং অতহ লূপশিংগী খুত্থাঙদা, জাপান্না সর্ভিকেল কেন্সর য়াওনা কেন্সর লায়না থেংননবগীদমক ইন্দো-পেসিফিক্তা FY2019 দগী FY2023 ফাওবদা $৭৫ মিলিয়ন লোম পুথোকখ্রে‍। মসিদা মরী লৈনবা মেদিকেল ইকুইপমেন্ত অমসুং ফেসিলিতীশিং, মেদিকেল দাইগ্নোসিস, হেল্থ সিস্তম মপাঙ্গল কনখৎহন্বা অমসুং তেক্নিকেল ওইবা মতেঙ য়াওরি‍।

জাপান্না গাভি, UNFPA, IPPFনচিংবা গ্লোবেল হেল্থ ইনিসিএতিব্স নৎত্রগা মালেমগী লূপশিংগী খুত্থাঙদা সর্ভিকেল কেন্সর ঙাকথোকপা অমসুং লাকশিন্বা য়াওনা ভেক্সিন ফংবগী চাং হেনগৎহন্নবা অমসুং নুপীশিংগী হকশেল য়োকখৎনবা লেপ্লি‍। জাপান্না থৌরাং অসিদা মখোয়না পীরিবা ঙাক্লৌ মখা তানা পীবা পাম্লি‍।

য়ুনিভর্সেল হেল্থ কভরেজ ফংনবগী মায়কৈদা, জাপান্না হেল্থ সিস্তেম মপাঙ্গল কনখৎহন্দুনা ইন্দো-পেসিফিক রিজন্দা সর্ভিকেল কেন্সর য়াওনা কেন্সর লাকশিন্নবা কেপাসিতী মপাঙ্গল কনখৎহন্বা পাম্লি‍। জাপান্না ক্বাদ কন্ত্রী খুদিংমক্কী কেন্সরগা মরী লৈনবা ইন্সতিত্যুসনশিংগা লোয়ননা নেস্নেল কেন্সর সেন্তর জাপানগী পার্ত্নরসিপকী খুত্থাঙদা রিজন অসিদা সর্ভিকেল কেন্সর য়াওনা কেন্সর থেংনবদা পীরিবা ঙাক্লৌ মখা তানা পীখিগনি‍।

নন-গভর্লনমেন্তেল ওর্গনাইজেসনশিং

থৌরাং অসি মায় পাকহনবদা ক্বাদ কন্ত্রী পুম্নমক্কী প্রাইভেত অমসুং নন-প্রোফিত সেক্তরগা খুৎশম্ননা চৎমিন্নবা তঙায় ফদে মরমদি মখোয়গী অপুন্বা ইনোভেসন, রিসোর্স, অমসুং কম্মিৎমেন্তনা ইন্দো-পেসিফিক রিজন্দা কেন্সর থেংনবদা খুমাঙ চাওশিলহন্বদা য়াম্না মরুওই‍। ক্বাদ কন্ত্রীশিংনা নন-গভর্নমেন্তেল কন্ত্রিব্যুতরশিংদগী মখাগী থবক থৌরমশিং অসি তৌরক্নবা লাউথোকখি:

কেন্সর স্ক্রীনিং অমসুং প্রিভেন্সনগী এক্সেস হেনগৎহন্বা

ৱর্ল্দ বেঙ্কনা, মথঙগী চহি অহুমসিদা মালেমগী ওইনা HPVগা মরী লৈননা $৪০০ মিলিয়ন ইনভেস্তমেন্ত তৌবা য়াওনা মপুং ফাবা হেল্থ সিস্তেম এপ্রোচ অমগী খুত্থাঙদা ইন্দো-পেসিফিক রিজন্দা সর্ভিকেল কেন্সর ঙাকথোকপা অমসুং লায়েংবগী ফিরেপ মশক থোক্না হেনগৎহল্লে‍। ২০৩৯ ফাওবদা মীওই বিলিয়ন ১.৫দা ক্বালিত লৈবা, শেল য়াম্না চঙদবা হেল্থ সর্ভিসেস ফংহন্নবা মাগী পাক চাউবা পান্দমগী পরিংদা, ৱর্ল্দ বেঙ্কনা গ্লোবেল ফাইনান্সিং ফেসিলিতী (GFF) ফোর ৱুমেন, চিলদ্রেন, এন্দ সর্ভিকেল কেন্সরগা লোয়ননা থবক তৌমিন্নরি‍। ভিএতনাম, লাওস, কম্বোদিয়া, বঙ্গলাদেশ, ইন্দোনেসিয়া, অমসুং ফিলিপিন্সনচিংবা লৈবাকশিংদা প্রোজেক্ত পায়খত্তুনা, ৱর্ল্দ বেঙ্কনা সর্ভিকেল কেন্সর স্ক্রীনিং, HPV ভেক্সিনেসন, অমসুং লায়েংগী সর্ভিসশিং প্রাইমারী হেল্থকেয়র সিস্তেমদা পুনশিন্দুনা ঙাক্লৌ পীরি‍। মসিদা নীংথিনা য়ৌশিন্বা ঙমদ্রবা মীওইশিংদা স্ক্রীনিংগী এক্সেস ফংহন্বা, সর্ভিস দেলিভরী মপাঙ্গল কনখৎহন্বা, অমসুং দাইগ্নোস্তিক অমসুং লায়েং ফগৎহন্নবা পার্ত্নরসিপ শীজিন্নবা য়াওরি‍। মসিগী মথক্তা, ৱর্ল্দ বেঙ্কনা রিজন পুম্বসিদা এক্সেস হেনগৎহন্বদা মীৎয়েঙ থম্বগা লোয়ননা সপ্লাই চেনগী শিংনবশিং থেংননবা অমসুং HPV ভেক্সিন সস্তেনেবল ওইবা মওংদা পুথোক্নবা অমসুং চাইথোক্নবা থবক পায়খৎলি‍। থৌরাং অসিগী খুত্থাঙদা, ৱর্ল্দ বেঙ্কনা সর্ভিকেল কেন্সরগী হেনগৎলক্লিবা পোৎলুমগী পাম্বৈ ওইগদবা তুং কোইগদবা অমসুং মীপুম খুদিংদা মান্ননা ফংহনগদবা হেল্থ সিস্তেম শেমগৎনবা অমসুং ইন্দো-পেসিফিক পুম্বদা নুপী অমসুং নুপীমচাশিংগী লোং-তর্ম হেল্থ আউতকমশিংদা ঙাক্লৌ পীনবা পান্দম থম্লি‍‍।

ৱুমেন হেল্থ এন্দ ইকনমিক এমপৱারমেন্ত নেতৱর্ক (WHEN)গী নুপী ইনভেস্তরশিং অমসুং ফিলান্থ্রোপিস্তশিংনা খা-নোংপোক এসিয়াদা সর্ভিকেল কেন্সরদা পান্দম থম্বা ফন্দিংগা লোয়ননা মথঙগী চহি অহুমসিদা $১০০ মিলিয়ন হেন্বগী অপুন্বা ইনভেস্তমেন্ত তৌগদৌরি‍। হায়রিবা ফন্দশিং অসিনা সর্ভিকেল কেন্সর ঙাকথোকপা, স্ক্রীনিং তৌবা, দাইগ্নোসিস, অমসুং লায়েংবদা লৈরিবা মরুওইবা অহোবশিং মেনশিন্নবা থবক পায়খৎকনি‍। WHENগী নুপী ইনভেস্তরশিং অমসুং ফিলান্থ্রোপিস্তশিংংনk াHPV স্ক্রীনিং, মেদিকেল ইমেজিং, পেথোলোজী, রেদিওথেরাপী, হেল্থকেয়র ৱর্করশিংগী ত্রেনিং, অমসুং হেল্থ ফেসিলিতীশিং সোলারাইজেসন তৌবদা গ্রান্ত, কন্সেস্নেল অমসুং ইনভেস্তমেন্ত কেপিতেল শীজিন্নগনি‍।

সিরুম ইন্সতিত্যুৎ ওফ ইন্দিয়ানা, গাভিগা খোঙবু ওইদুনা, ইন্দো-পেসিফিক রিজন পুম্বদা য়েন্থোক্নবগীদমক HPV ভেক্সিন দোজ মিলিয়ন ৪০ লৌবদা ঙাক্লৌ পীগনি‍। কম্মিৎমেন্ত অসি দিমান্দগী মতুং ইন্না পাকথোক চাউথোকহন্দুনা, মপুং ফানা য়ৌশিন্বা ঙমদ্রিবা মফমশিংদা সর্ভিকেল কেন্সর থেংনবা ভেক্সিন সপ্লাই ৱাৎহল্লোই‍। পুন্সি কনগদবা ভেক্সিনশিং ফংবা হেনগৎহন্দুনা, কম্মিৎমেন্ত অসিনা সর্ভিকেল কেন্সর ঙাকথোকপদা মতেঙ পাংগনি অমসুং রিজন অসিদা থোং মান্নবা হেল্থকেয়র য়োকখৎকনি‍।

বিল এন্দ মেলিন্দা গেতস ফাউন্দেসন্না, অতৈ দোনর অমসুং লৈবাকশিংগা লোয়ননা চহি অসিগী অঙন্বা শরুক্তা, সর্ভিকেল কেন্সর ইলিমিনেসন্দা ঙাক্লৌ পীনবা খোঙফম লৌখি‍। ফাউন্দেসন অসিনা মালেমগী ওইনা HPV ভেক্সিন শীজিন্নবগী চাং খোঙজেল য়াঙখৎহন্নবা, অনৌবা প্রোফাইলেক্তিক HPV অমসুং থেরিপ্যুতিক ভেক্সিন অমসুং দাইগ্নোস্তিক তুলশিং শেমগৎনবা অমসুং ক্লিনিকেল স্তদীশিংদা শেল থাদনবা চহি মরি চুপ্না US $১৮০ মিলিয়ন ফাওবগী শেল থাদনবা অপাম্বা ফোঙদোকখি‍।

সবিন ভেক্সিন ইন্সতিত্যুৎনা, গ্লোবেল HPV কন্সোরসিয়ম (GHC)গী খুত্থাঙদা, সর্ভিকেল কেন্সর মুত্থৎনবা লৈবাক লৈবাক্তা য়ুম্ফম ওইবা অনৌবা কোএলিসন অমা শৌগৎকনি‍। সর্ভিকেল কেন্সর ইলিমিনেসন কন্সোরসিঅম-ইন্দিয়া (CCEC-I)না মখোয়গী ইন্তিগ্রেতেদ SAVE স্ত্রেতেজী: স্ক্রীনিং, এক্সেস তু ত্রীতমেন্ত, ভেক্সিনেসন, এজুকেসনগী খুত্থাঙদা চুনবা মফমশিংদা, “সর্ভিকেল কেন্সর মুক্ত (কেন্সর ফ্রী) দিস্ত্রিক্ত ১০০” পাইলোত ওইনা পায়খৎনবা ভারত লৈঙাক্কী খুৎশম্ননা চৎমিন্নগনি‍। মমাঙদা ইন্দোনেসিয়াগী মিনিস্ত্রী ওফ হেল্থকা মখোয়গী নেস্নেল সর্ভিকেল কেন্সর ইলিমিনেসন প্লান শেমগৎপদা ঙাক্লৌ পীননবা খুৎশম্ননা চৎমিন্নখ্রবা মতুংদা, মসিনা ইন্দো-পেসিফিক রিজন্দা GHC না লৌরিবা কম্মিৎমেন্তকী মখা চত্থরকপা থৌরাংনি‍।

জপাইগোনা, ফিলিপিন্স দিপার্তমেন্ত ওফ হেল্থগা খোঙবু ওইদুনা অমদি রোচেগী ঙাক্লৌগা লোয়ননা, HPV তেস্তিংগী মরুওইবা অমসুং সর্ভিকেল কেন্সরগী খুদোংথিবগী মতাঙদা নুপীশিংদা তাকপি তম্বিদুনা সর্ভিকেল কেন্সর স্ক্রীনিংগী এৱ্যারনেস, দিমান্দ অমসুং এক্সেস হেনগৎহল্লি‍। সেন্ত্রেলাইজ লেবোরেতরী মোদেল ওফ স্ক্রীনিং প্রোজেক্তনা লায়েংবগী লম্বী লৈহন্নবা রিফরেল পাথৱে মপাঙ্গল কনখৎহন্বগা লোয়ননা, ফিলিপিন্সকী হায়লী অর্বানাইজ লোগেল গভর্নমেন্ত য়ুনিৎ মঙাদা WHO ইলিমিনেসন স্ত্রেতেজী-রিকম্মেন্দেদ হায় পর্ফোর্মেন্স HPV তেস্তিং, অমসুং থর্মেল এব্লেসন ত্রীতমেন্ত ফোর প্রিকেন্সর হৌদোকপগা লোয়ননা সর্ভিকেল কেন্সর স্ক্রীনিংগী কভরেজ পাকথোক চাউথোকহল্লি‍।

ইলুমিনানা ইন্দো-পেসিফিক রিজন্দা প্রিসিজন মেদিসিনগী ৱাশক ঙাক্নবা জিনোমিক দাইগ্নোস্তিক তেস্ত শেমগৎপা অমসু শীজিন্নবদা ঙাক্লৌ পীনবা লেপ্লি‍। থৌরাং অসিগী পান্দমদি এদভান্স-স্তেজ (>50%) অমসুং নন-HPV দ্রিভন (~5%) সর্ভিকেল কেন্সর অনাবশিংদা অচম্বা দাইগ্নোসিস অমসুং পোলী (ADP-রাইবোজ) পোলিমরেজ (PARP) ইনহিবিতর্স অমসুং ইম্ম্যুন চেকপোইন্ত ইনহিবিতর্স (ICI)নচিংবা ওইথোকপা য়াবা চুনবা থেরাপীশি ফংহনবনি‍। মসিগা মান্নবা থৌরাংশিং ওস্ত্রেলিয়া অমসুং জাপান্দা জিনেকোলোজিকেল ওনকোলোজী ওর্গনাইজেসনশিংগা লোয়ননা থিজিনমিন্নরি‍।

রোচে দাইগ্নোস্তিক্সনা ইন্দো-পেসিফিক রিজন্দা মাগী সর্ভিকেল কেন্সর স্ক্রীনিং অমসুং দাইগ্নোস্তিক থৌরাংশিং পাকথোক চাউথোকহল্লি‍। রোচে দাইগ্নোস্তিক্সনা স্ক্রীনিং হেনগৎহন্নবা অমসুং, নুপীশিংদা এজুকেসন পীবা, হেল্থকেয়র ৱর্করশিং ত্রেনিং পীবা, অমসুং মতিং লৈবা ফোলো-অপ কেয়রগী দিজিতেল সোলুসনশিং শেমগৎপা য়াওনা জাপানগা খোঙবু ওইবদা ফংলকপা এক্সপিরিএন্সশিং; অমসুং এবওরিজিনেল, তোরেস স্ত্রেত আইলেন্দর, অমসুং কল্চরেল্লী খেন্নবা ফুরুপশিং য়াওনা নীংথিনা স্ক্রীন তৌদ্রিবা অমসুং অমক্তা স্ক্রীন তৌখিদ্রিবা কাঙলুপশিংগী মরক্তা সর্ভিকেল কেন্সর স্ক্রীনিং য়োখৎপগী লমদা ওস্ত্রেলিয়াগা খোঙবু ওইবদা ফংলকপা এক্সপিরিএন্সদা শেমগৎপা এৱ্যারনেস হেনগৎহন্নবা ইন্দো-পেসিফিক্তা মাগী থৌরাং পাকথোক চাউথোকহনগনি‍।

বেক্তন দিক্কিন্সন এন্দ কো. (BD)না ইন্দো-পেসিফিক্তা সর্ভিকেল কেন্সর স্ক্রীনিংদা মপুং ফাবা ইনভেস্তমেন্ত তৌরি‍। BDনা ২০২৫ ফাওবদা ক্লিনিক্সিয়ন অমসুং সপ্পোর্ত স্তাফ ১,২০০ হেন্বদা য়ৌশিন্নবা পান্দম অমগা লোয়ননা সর্ভিকেল কেন্সর স্ক্রীনিংগী খ্বায়দগী ফবা থৌওংশিংগী মতাঙদা ক্লিনিক্সিয়নশিংদা এজুকেসন পীননবা ওব্সত্রেতিক এন্দ গাইনেকোলোজিকেল সোসাইতীশিংগা থবক তৌমিন্নরি‍। BDনা লার্জ-স্কেল HPV স্ক্রীনিং রোলআউত তৌনবা দিজাইন অমসুং অন্দর-সর্ব কম্ম্যুনিতীশিংদা য়ৌশিন্নবা প্রোগ্রামশিংগী মতাঙদা পাউ খঙহন্নবা পাইলোতশিংদসু শেল থাদরি‍। দাইরেক্ত রিলীফকা মতম শাংনা লৈরকপা মখোয়গী পার্ত্নরসিপকী খুত্থাঙদা, BDনা নুপী ২০,০০০ হেন্বগী স্ক্রীনিং তৌনবগীদমক সেল্ফ-এমপ্লোইদ ৱুমেন্স এসোসিএসন (SEWA)গা লোয়ননা থবক তৌমিন্নরি‍। প্রোগ্রাম অসিগী মখাদা, স্ক্রীনিং কেম্প ৪০০না স্ক্রীনিং, দাইগ্নোসিস, অমসুং মেন্তেল হেল্থ সপ্পোর্ত পীগদৌরি‍।

কেন্সর কেয়র দেলিভরী ফগৎহন্বা

প্রোজেক্ত ECHOনা মতিং লৈবা অমসুং এসেসিবল ওইবা প্রিভেন্সন অমসুং কেয়র ফংহল্লিবা অনৌবা লর্নিং নেতৱর্ক ১০গী খুত্থাঙদা ইন্দো-পেসিফিক রিজন্দা সর্ভিকেল কেন্সর মুত্থৎনবা থৌরাং খোঙজেল য়াঙখৎহনগনি‍। লৈবাক ৩৩দা লৈরিবা পব্লিক হেল্থ ওর্গনাইজেসন ১৮০ হেন্বনা, কম্ম্যুনিতী-বেজ হেল্থ কেয়র প্রোফেস্নেলশিংগী খুদম চাংদমদা য়ুম্ফম ওইবা ত্রেনিং অমসুং মেন্তরসিপ ফ্রেমৱর্ক অমা ওইরিবা ECHO মোদ অসি কেন্সর কেয়র দেলিভরী ফগৎহন্নবা শীজিন্নরি‍।  ২০২৮ ফাওবদা, প্রোজেক্ত ECHOনা, HPV ভেক্সিন ইম্প্লিমেন্তেসন, প্রিকেন্সরর লেজন লায়েংবা, অমসুং মরুওইবা ক্যুরেতিব থেরাপীশিং শীজিন্নগী প্রোগ্রামশিং য়াওনা সর্ভিকেল কেন্সর মুত্থৎপগী খোঙজেল য়াঙখৎহন্নবা ইন্দোনেসিয়া, মলেসিয়া, অমসুং অতৈ ইন্দো-পেসিফিক লৈবাকশিংগী লোকেল পার্ত্নরশিং অমসুং হকশেলগী মিনিস্ত্রীশিংগা লোয়ননা য়ামদ্রবদা অনৌবা কম্মুনিতী ওফ প্রাক্তিস ১০ হৌদোক্কনি‍।

অমেরিকান কেন্সর সোসাইতীনা ইন্দো-পেসিফিক রিজন য়াওনা মালেমগী ওইনা সিভিল সোসাইতী ওর্গনাইজেসনগী ঙাক্লৌ হেনগৎহন্দুনা HPVগা মরী লৈনবা কেন্সরগী মালেমগী ওইবা পোৎলুম হন্থহন্নবা লেপ্লি‍। হায়রিবা লূপশিং অসিদা ঙাক্লৌ পীগদৌরিবা অসিদা, হৌরকপদা কেন্সর সিভিল সোসাইতী ওর্গনাইজেসন অমসুং মেদিকেল সোসাইতীশিংদা মীৎয়েঙ থমদুনা, পাক শন্না হেল্থকেয়র প্রোভাইদর ত্রেনিং পীদুনা লাইফ-সেভিং প্রিভেন্সন সর্ভিসশিংগী দিমান্দ অমসুং অপতেক হেনগৎহন্বদা পান্দম থম্বা ইভিদেন্স-বেজ, লো-কোস্ত বিহেবিয়রেল ইন্তরভেন্সন পায়খৎনবা কেতলিতিক গ্রান্ত অমসুং তেক্নিকেল এসিস্তেন্স পীবা য়াওরি‍।

অমেরিকান সোসাইতী ওফ ক্লিনিকেল ওনকোলোজী (ASCO)না সর্ভিকেল কেন্সর লায়েংবদা খ্বায়দগী ফবা এপ্রোচগী লমদা সাইন্তিফিক ইভিদেন্স হোংদোক্তুনা অনৌবা রিকম্মেন্দেসনশিং হাপচিন্নবা মেনেজমেন্ত এন্দ কেয়র ওফ ৱুমেন ৱিথ ইনভেজিব সর্ভিকেল কেন্সরগী মাগী মালেমগী চৎন-পথাপ অপদেত তৌগদৌরি‍। মসি লোইরবা মতুংদা, ASCO না মখোয়গী এসিয়া পেসিফিক রিজনেল কাউন্সিল য়াওনা মাগী মেম্বরশিংগা লোয়ননা থবক পায়খৎমিন্নগনি অমসুং রিজন অসিদা পেসেন্ত আউতকমগী ফীভম ফগৎহন্নবা কেন্সর ক্লিনিক্সিয়নশিংগী প্রাইমারী অমসুং সেকেন্দ্রী প্রিভেন্সন ওফ সর্ভিকেল কেন্সরগী কম্পেনিয়ন চৎন-পথাপশিংগা লোয়ননা হায়রিবা চৎন-পথাপশিং অসি শীজিন্ননবদা ঙাক্লৌ পীননবা ইন্দো-পেসিফিক্তা লৈরিবা ওনকোলোজী সোসাইতীশিংগা খোঙবু ওইইগনি‍।

ইন্তরনেস্নেল এতোমিক ইনর্জী এজেন্সী (IAEA)না ইন্দো-পেসিফিক রিজন্দা রেদিওথেরাপী অমসুং মেদিকেল ইমেজিং কেপাসিতীশিংগী মপাঙ্গল কনখৎহন্নবগীদমক মাগী রেস ওফ হোপ থৌরাং পাকথোক চাউথোকহল্লি‍। থৌরাং অসিগী খুত্থাঙদা, লৈবাক অমসুং তেরিতরী ১৩না ঙাক্লৌ পীনবা ৱাফম থম্লকখ্রে, অমসুং এৱ্যারনেস অমসুং সর্ভিকেল কেন্সর স্ক্রীনিং রেত হেনগৎহন্নবা থবক থৌরাং পায়খৎপা হৌখ্রে‍। IAEAনা জাপান অমসুং ভারত্তা কেন্সর ইন্সতিত্যুৎশিংবু রেস ওফ হোপ এঙ্কর সেন্তরশিং ওইনা লাউথোক্তুনা, এজুকেসন, ত্রেনিং, রিছর্চ, ইনোভেসন, অমসুং ক্বালিতী এস্যুরেন্সকী লমদা কেপাসিতী বিল্দিং তৌনবগী মফমশিং ওইহল্লি‍।

য়ুনিয়ন ফোর ইন্তরনেস্নেল কেন্সর কন্ত্রোলনা থোং মান্নদবা লৈহন্দনবা অমসুং ‘ইলিমিনেসন পার্ত্নরসিপ ইন দি ইন্দো-পেসিফিক ফোর সর্ভিকেল কেন্সর’গী শরুক অমা ওইনা মথঙগী চহি অহুমসিদা ইন্দো-পেসিফিক রিজন য়াওনা সর্ভিকেল কেন্সর মুত্থৎপগী লমদা মালেমগী ওইবা থবক থৌরমশিং থৌদুনা পুননবা লৈবাক ১৭২দা লৈরিবা মেম্বর ১১৫৯গা লোয়ননা থবক তৌমিন্ননবা খোঙফম লৌরি‍। ফ্লেগসিপ কন্ভেনিং প্লেতফোর্মশিং, লিংদুনা লৈরবা লর্নিং ওপোর্চুনিতীশিং শীজিন্নবগা লোয়ননা মাগী পাক চাউরবা নেতৱর্ক অমসুং সেক্তর কয়াদা কোলাবোরেত তৌবা ঙম্বগী মতিংগা লোয়ননা, UICC না কেয়র ফংবা হেনগৎহন্নবা, খোঙজেল কায়হন্দনা থম্নবা অমসুং মমৈথংদা মালেম পুম্বগী মীয়ামদা কেন্সরগী পোৎলুম হন্থহন্নবগীদমক নেস্নেল পার্ত্নরশিংদা ঙাক্লৌ পীগনি‍।

কেন্সর রিছর্চ, ইনফ্রাস্ত্রকচর, অমসুং ত্রেনিংগী কেপাসিতী হেনগৎহনবা

মেকোরিএল স্লোন কেত্তরিং কেন্সর সেন্তর অমসুং সিদ্নীদা লৈবা ওস্ত্রেলিয়া রোয়েল নোর্ত সোর হোস্পিতালনা সর্ভিকেল কেন্সর দিতেক্সন অমসুং মুত্থৎপগী য়াওনা প্রিসিজন ওনকোলোজী অমসুং লিকুইদ বাইওপসী তেক্নোলোজীশিংগী মালেমগী ক্লিনিকেল ত্রাইএল খুমাঙ চাওশিলহনগদবা $৪০ মিলিয়নগী পব্লিক-প্রাইভেত পার্ত্নরসিপ অমা হৌদোকখ্রে‍। ওস্ত্রেলিয়ন ফিলান্থ্রোপিস্ত মিস্তর গ্রেগোরী জোন পোচ অমসুং লৈখিদ্রবা মিসত্রেস কে ভেন নোর্তন পোচনা ইন্সতিত্যুসন অমমমদা $২০ মিলিয়নগী পুকচেল চাউরবা দোনেসন তৌদুনা হায়রিবা পব্লিক-প্রাইভেত পার্ত্নরসিপ অসিদ ঙাক্লৌ পীদুনা ইন্দো-পেসিফিক রিজন অমসুং মসিগী ৱাংমদা কত্তিং-এদ্জ দাইগ্নোস্তিক অমসুং ত্রীতমেন্ত তুলশিং শেমগৎপগী খোঙজেল য়াঙখৎহনগনি‍।

এমেজোন ৱেব সর্ভিসেস ইঙ্ক. (AWS)না ইন্দো-পেসিফিক রিজন্দা লৈরিবা লূপশিংদা সর্ভিকেল কেন্সর ঙাকথোকপা, খঙদোকপা, অমসুং লায়েংবগী লৈরিবা মতিং হেনগৎহন্নবা ঙাক্লৌ পীগনি, ক্লাউদ কম্প্যুতিং ক্রেদিৎ ফংহনগনি অমসুং AWS তা রেজিস্ত্রী ওফ ওপন তেদাগী খুত্থাঙদা AWS অমসুং দেতাসেতকী এক্সেস ফংহনগনি‍। রিছর্চরশিংনা AWS কী খুত্থাঙদা কেন্সর জিনোম এত্লাস অমসুং অতৈদগী ফংলকপা দেতাসেতশিংদগী পেতর্ন অমসুং ভেরিএন্সশিং খঙদোক্নবা AWS শীজিন্নরি‍।

ফাইজরনা ইন্দো-পেসিফিক্তা প্রাইমারী কেয়রগী থাক্তা ওনকোলোজী কেপাসিতী শেমগৎনবা ইন্দোভেসন থৌরাং পাকথোক চাউথোকহনগনি‍। ইন্দোভেসন অসি ফাইজরনা চহি অনিগী মমাঙদা লোকেল স্তার্তঅপশিংদা ঙাক্লৌ পীনবা হৌদোকখিবনি‍। প্রোগ্রাম অসিগী মখাদা, ফাইজরনা সর্ভিকেল কেন্সরগী মরী লৈনবা য়াওনা স্তার্তঅপশিংদা $১ মিলিয়ন লোমগী গ্রান্ত ফংহনখ্রে, অমসুং লৈঙাক অমসুং য়ুনিভর্সিতীশিংগা খোঙবু ওইদুনা থবক তৌখি‍। ফাইজরনা হৌজিক প্রোগ্রাম অসি প্রাইমারী হেল্থ সেন্তরশিং মপাঙ্গল কনখৎহন্নবগী পান্দমগা লোয়ননা ওনকোলোজীদা মীৎয়েঙ থম্নবা পাকথোক চাউথোকহল্লি‍। ফেজ অসিগী মখাদা, ফাইজরনা রিজন শিন্বা থুংনা প্রাইমারী হেল্থ সেন্তরশিংদা শীজিন্নবা য়াগদবা মওংদা প্রাইমারী কেয়র সেত্তিংদা ঙন্না দাইগ্নোসিস তৌবা অমসুং পেসেন্ত সর্ভিস ফগৎহনবদা মতেঙ ওইগদবা পাম্বৈশিং শীজিন্নবা ঙমগদবা স্তার্তঅপ ১০ ফাওবদা গ্রান্ত পীগদৌরি‍।

ইলেক্তানা ইন্দো-পেসিফিক্তা রেদিওথেরাপীগী কেপাসিতী পাকথোক চাউথোকহন্দুনা, সর্ভিকেল কেন্সর মুত্থৎপদা থৌদাং য়াননবা রিজন অসিদা লৈরিবা মরুওইবা লায়েংবগী অহোবা মেনশিনগদৌরি‍। থৌরাং অসিদা, এসিয়া-পেসিফিক রেদিএসন ওনকোলোজী নেতৱর্ক্কী মেম্বর সেন্তরশিংগী মরক্তা নোলেজ শেয়রিং অমসুং পীয়র রিভিউ সেসনশিং তৌদুনা রেদিওথেরাপীগী লমদা ক্বালিতি ওফ কেয়র ফগৎহন্নবা খা-নোংপোক এসিয়াদা রেদিওথেরাপী ত্রেনিং সেন্তরশিং লিংখৎপা, রিজনেল মেদিকেল সেন্তরশিংগা লোয়ননা ত্রীতমেন্ত কোর্সশিং পাঙথোকপা, অমসুং ক্লাউদ-বেজ প্লেৎফোর্মশিং শীজিন্নবা য়াওরি‍।

এম.দি. এন্দরসন্না মখোয়গী সর্ভিকেল কেন্সর রিছর্চ, ত্রেনিং, অমসুং এজুকেসন প্রোগ্রামশিং ইন্দো-পেসিফিক রিজন্দা পাকথোক চাউথোকহন্নবা খোঙফম লৌরি‍। এম.দি. এন্দরসন্না হৌজিক হৌজিক সর্ভিকেল কেন্সর স্ক্রীনিং, দাইগ্নোসিস, মসুং ত্রীতমেন্ত প্রোগ্রাম পায়খৎপা অমসুং ইভালুএসন তৌবগী লমদা ইন্দোনেসিয়াগী হকশেল মিনিস্ত্রীগা খুশম্ননা চৎমিন্নরি, অমসুং লৈবাক্তুগী মেদিকেল প্রোভাইদরশিংবু কোলোস্কোপী, এব্লেসন, লুপ ইলেক্ত্রোসর্জিকেল এক্সিজন প্রোসিজর (LEEP), অমসুং সর্জরী তৌবা তম্বিবদা মতেঙ পাংলি‍। এম.দি. এন্দরসন্না সর্ভিকেল কেন্সর মুত্থৎনবা খোঙবু ওইবা পাম্বা ইন্দো-পেসিফিক্তা লৈরিবা হেল্থ মিনিস্ত্রীশিংদা প্রোগ্রাম অসি পাকথোক চাউথোকহন্নবা ফিরেপ লৌরি‍।

কেন্সর এৱ্যারনেস অমসুং মীয়ামবু মপাঙ্গল হাপ্নবা এজুকেসন হেনগৎহন্বা

সর্ভিকেল অমসুং ব্রেস্ত কেন্সরগী দাইগ্নোস্তিক অমসুং মেদিকেল ইমেজিং সোলুসনগী মালেমগী লুচিংবা অমা ওইরিবা হোলোজিক্না সর্ভিকেল কেন্সরগী লমদা তাকপি তম্বিনবা অমসুং এৱ্যারনেস হেনগৎহন্নবা ইন্দো-পেসিফিক রিজন্দা লৈরিবা লৈঙাক্কী এজেন্সীশিং অমসুং হেল্থ কেয়র প্রোভাইদরশিংগা পুন্না থবক তৌমিন্নরি‍। হোলোজিক্না হৌজিক হৌজিক ইন্দো-পেসিফিক রিজন্দা প্রোভাইদর ৱাৎলিবা অসি লাকশিন্নবা পোপুলেসন-বেজ প্রোগ্রামশিং পায়খৎনবা সর্ভিকেল কেন্সর স্ক্রীনিং তৌবদা আর্তিফিসিএল ইন্তলিজেন্সনচিংবা ইনোভেতিব ওইবা তেক্নোলোজীশিংগী এক্সেস পাকথোক চাউথোকহন্বগী থবক পায়খৎলি‍। মসিগী মথক্তা, হোলোজিক্না মালেমগী নুপী অমসুং নুপীমচাশিংগী হকশেল অমসুং মশা মউ ফনা লৈবগী মরমদা মালেমসিনা খঙলিবশিংদা লৈরিবা মরুওইবা অহোবশিং মেনশিল্লিবা নুপীগী হকশেলগী মপুং ফাবা গ্লোবেল সর্ভে অমা ওইরিবা গ্লোবেল ৱুমেন্স হেল্থ ইন্দেক্স মখা তানা ফোঙনবা ফিরেপ লৌরি‍।

গ্লোবেল ইনিসিএতিব এগেন্স্ত HPV এন্দ সর্ভিকেল কেন্সরনা ইন্দো-পেসিফিক রিজন্দা লৈরিবা খোঙবু অমসুং কোলাবোরেতরশিংগা লোয়ননা HPV ভেক্সিনেসন, সর্ভিকেল স্ক্রীনিং অমসুং ঙন্না লায়েংবগী প্রোজেক্তশিং য়োকখৎকনি‍। থৌরাংশিং অসিদা রিজন অসিদা ৱাখল লৌশিং অমসুং বেস্ত প্রাক্তিসশিং তাথোক তাশিন তৌননবা অমসুং ইন্দো –পেসিফিক পুম্বদা এৱ্যারনেস থৌরাংগী ফীভম মখা তানা ফগৎহন্নবা এৱ্যারনেসকী থৌরাংশিং পাকথোক চাউথোকহন্নবা বেঙ্কোক্তা এসিয়া-পেসিফিক ৱর্কসোপ পাঙথোকপা য়াওগনি‍।

***